等等HEA

見到等等Hea新出$99雞煲烤魚放題，仲包串燒、台式小食，心諗：「咁平？會唔會伏㗎？」點知食完，真係要講句——抵到爛！ 🍗 雞煲+烤魚，雙重暴擊揀咗台式麻辣雞煲，雞肉嫩滑，醬汁濃郁帶甜辣，唔會死鹹，仲可以無限添雞！加$30升級酸菜烤魚，魚肉唔算多骨，酸菜湯底夠開胃，豆卜索晒汁，正！朋友話：「$99連烤魚都包？仲平過茶餐廳！」 🍢 串燒+小食，台味十足 串燒即叫即燒，五花腩串焦香脆口，牛油小串牛味濃，仲有鹽酥雞、甜不辣，炸得香脆唔油膩。最驚喜係*阿宗麵線*，配埋辣椒醬，真係有台灣夜市feel！甜品*手工芋圓*煙韌，椰汁底夠香，食完仲想encore。 🍲 打邊爐模式，超值追加 食完雞煲烤魚，轉戰火鍋！$199豪華套餐仲有*安格斯牛板腱*、*澳洲和牛牛胸爽*，肉質唔差，尤其牛胸爽牛油香爆棚。朋友笑：「$199仲有蟹黃小籠包任食？唔通老闆係台灣人，唔識計數？」 🍻 啤酒+珍奶，爽到震 加$18任飲*青島啤酒*同台式飲品，珍珠奶茶、檸檬冬瓜茶全部無限添，朋友話：「淨係飲啤酒都回本啦！」 📍 環境+服務 鋪頭細細，座位唔算闊落，但勝在乾淨。服務員手腳快，換碟加湯都唔使等。 後記$99食到咁多嘢，仲要質素唔差，真係「時光倒流價」！不過88分鐘有啲趕，建議揀$199豪華餐慢慢歎。如果4人以上訂位，仲送海鮮拼盤，抵到喊！ …查看更多

今次嚟到九龍城《等等HEA》食大閘蟹放題，人氣台式餐廳，以其豐富的大閘蟹料理而聞名。餐廳主打的食神瀑布陽澄湖蟹黃撈麵/飯套餐，每份含有180g蟹黃，份量十足且價格實惠，深受食客歡迎。除此之外，餐廳還提供多種蟹粉美食，如蟹粉小籠包和士林鹽酥雞等經典台式料理。蟹粉小籠包是不容錯過的精品，皮薄餡多，每一口都能品嚐到濃郁的蟹黃風味。士林鹽酥雞酥脆可口，是下酒的絕佳選擇。除了單點菜式，等等HEA還提供大閘蟹放題，讓饕客們可以盡情享用新鮮的大閘蟹。餐廳的環境雖然不算豪華，但充滿台灣小吃店的親切感。就嚟到大閘蟹啦，如果大家都想食大閘蟹，不妨過嚟等等Hea試一試😊建議提前預訂喔😁…查看更多

趁住中秋佳節當然要食得豐富啲啦😬 今次我同太太就黎到九龍城再訪「等等Hea」，因為性價比真係相當之高👍4兩 - 5兩大閘蟹放題🦀 $568 + 10% p.p食神爆汁蟹粉小籠包食神蟹粉糯米燒賣王生滾大閘蟹粥小碗瀑布蟹粉撈麵台式腸蟹粉糯米飯蟹粉澎湖花枝丸蟹粉爆汁貢丸蟹汁多春魚蟹汁牛肉串蟹汁豬肉串手工薑茶芋圓荔枝烏龍冬瓜檸檬食大閘蟹🦀放題首先當然緊係要講下啲大閘蟹先啦😬 大閘蟹有4款煮法任君選擇食邊款！有清蒸、玫瑰露花雕、鹽焗 同埋 麻辣口味😋 大閘蟹相當之多膏 而且都幾大隻👍 小編就最鍾意食玫瑰露花雕味嘅大閘蟹🦀 有花雕味帶出蟹嘅鮮味😂除咗大閘蟹仲有十分多嘅「蟹粉x台式」嘅小食 同 食品，仲有 台式飲品任叫任飲👍 真係非常之滿足呀😬P.S 店員溫馨提示：88分鐘任飲任食，大閘蟹上枱先會開始計時，所以時間係相當充裕😂…查看更多

久違的朋友聚餐，任點串燒，小食，雞煲香辣入味無限追加～烤魚同雞煲台式小食～蟹黃麵，蟹黃小籠包，小碗滷肉飯，台式手工芋圓 ，甜不辣，蒜香麻辣豬耳，鹽酥雞粒等等⋯火鍋配料無限追加安格斯牛板腱，西班牙黑豚腩片 ，美國特級肥牛，澎湖貢丸，花支丸 澳洲和牛牛胸爽，紐西蘭草飼羊肉卷，白蘿蔔等等…查看更多

係open rice book咗位，到揚發現座無虛席，無好似其他餐廳咁有留位比預約咗嘅人。雖然係咁，但職員都好快執咗位比我地。但個位係樓上，成個樓上都比一班人book咗。其實佢地都唔夠位坐。可以話強行塞咗我地去人地包場嘅位到。人地成班係到慶祝生日，我地兩個唔關事嘅坐係到勁尷尬。然後冷氣唔夠，邊食雞煲邊流晒汗。食物味道普通。其實寧願比多少少錢係出面其他雞煲餐廳食算。起馬食得舒服啲。雖然本身係奔住個蟹黃飯/同蟹粉小龍包嚟，但食完覺得麻麻。蟹粉小龍包無蟹粉味。…查看更多

諗住佢做優惠去試下點知勁後悔雞煲啲雞勁乾 叫啲餸又好平價好難食啲牛係咬都咬唔開落單又唔跟你寫既數量去比 又慢 又漏單唯一正常 係正常既野食得糖心蛋同娃娃菜最最最難食係個芋圓糖水 連粒芋圓都可以咁難食真係好勁除左野食差 連服務都唔掂表面好似好nice死都唔開樓上比人坐 要全部人一齊逼係下面食食下會係咁搭枱落黎又無限加凳條路行都行唔到張枱放完個爐同食野既碗筷 基本已經冇位放其他啲職員會無啦啦同自己人鬧交仲會係咁上錯野食比你隔離枱明明仲遲過我半個鐘先食但我last order既時侯居然話隔離枱都last order完全冇system可言食完都唔知自己食左乜食多舊都覺得浪費自己quota離開間餐廳即刻要去再搵過間正常餐廳去醫肚同安慰心靈就算$50都唔會幫襯…查看更多

❣️等等HEA (九龍城)九龍城福佬村道41號地舖☎️最近成日都心思思想食火鍋同埋烤魚，但係又唔想洗咁多錢😟結果竟然俾我搵到$199可以任食烤魚雞煲火鍋😍仲可以任食蟹粉小籠包、蟹黃面、涼拌小食同埋台灣小食！😛真係一個價錢滿足晒所有嘅願望🤤$199豪華套餐雞煲烤魚套餐呢個套餐有前菜嘅涼拌小食，食完啲開胃菜之後，就可以食雞煲烤魚，如果唔夠喉嘅話仲可以加埋火鍋配料添！😛雖然係任食雞煲，但係份量一啲都唔細㗎，兩個女仔食都食唔晒！🤤烤魚仲大大條，我就再貪心啲，仲叫咗豬牛羊肉嚟打邊爐🤣食落味道都好足🥰而我就一向都好鍾意食台灣小食，蟹粉小籠包一落去就爆汁，值得一試！❤️鹽酥雞啱啱炸起，所以好香脆😍蟹黃麵勁多蟹黃，食落真係啖啖蟹黃蟹膏，好邪惡😝如果想平平哋食一餐，咁呢間都會係一個唔錯嘅選擇🤤#九龍城 #九龍城美食篇 #九龍城美食 #打邊爐放題 #雞煲 #雞煲放題 #烤魚 #烤魚放題 #平餐廳…查看更多

嘢食好抵食！可以食雞煲同烤魚，仲有台式小食同埋串燒，全部都可以無限添加。員工服務態度好好，好細心會主動問你需唔需要叫定嘢食！好彩我地早左Book位，去到七點幾鐘好多人喺門口等位入嚟食！…查看更多

琴晚為左慶祝兩位閨蜜既生日，係社交平台見到有人推呢間叫等等hea既餐廳都有啲吸引，所以就即管黎試下。結果食完佢地幾個都話想帶屋企人黎食，於是大家一齊貢獻左第一個openrice食評🤣值得encore既點1）每人$199兩個鐘任食烤魚同雞煲、仲有串燒、打邊爐（我地事前有係openrice book位+買左套餐，因為想同朋友食耐啲所以簡左呢個食兩個鐘既套餐，無需要既話其實$99個餐都係任食，好抵食，但時間短啲）2）野飲都多款，除左果茶，仲有台式珍奶個啲。同埋啲果茶全部可以走甜，幾flexible可惜我地唔係相機先食既人😂影既相唔多，但有今餐既MVP - 烤魚既相（簡左酸菜魚）。條魚好大條又多肉，煮得岩岩好，同埋骨都易起。仲有個驚喜位係，老闆娘真係超超超nice🥹因為我地自己帶左蛋糕擺左係舖，然後老闆娘竟然準備左兩支好靚既心心蠟燭俾我地🥰仲要冇收切餅費。成餐飯service都好好，我地係book左7點半，最後都食到佢地收舖。係一次好好既用餐體驗，希望大家都黎支持下！…查看更多

等等hea將台灣夜市嘅熱鬧同滋味帶到香港，性價比超高令人難以抗拒！🌟 台式雞煲烤魚套餐 ($99，88分鐘，+$10醬料費) 係必試之選！雞煲雞肉嫩滑多汁，炒得香氣四溢，配上小辣湯底，微微香辣超開胃，仲有無限添雞，食到過癮！串燒即叫即燒，羊肉串肥瘦適中，炭燒香濃，雞腎爽脆juicy，完美還原夜市風味！最驚喜係有多款台式小食：阿等麵線、滷肉飯 、士林鹽酥雞粒等等，食到停唔下來！😋想更豪華？揀 $199豪華套餐 (150分鐘)，有安格斯牛板健油香滿滿，入口軟嫩，仲有蟹黃小籠包同蟹黃撈麵任食，蟹黃濃郁香滑，啖啖滿足！四人以上仲送海鮮拼盤（包括鮮蝦、青口同蜆）！飲品方面，加$18任飲台式飲品（如黑糖珍珠奶茶、仙草凍）同啤酒/汽水，淨係飲啤酒已經回本！等等hea嘅特別之處在於其將台灣夜市嘅多樣化小食同火鍋放題融合，即燒串燒同任食蟹黃菜式帶來層次豐富嘅體驗，彷彿一秒飛到士林夜市！▪️台式雞煲烤魚套餐▫️$99 88分鐘 +$10醬料費▫️$199 150分鐘▫️四個人以上送海鮮拼盤▫️+$18任飲啤酒汽水台式飲品…查看更多

💙 第一次睇到嘅時候都覺得好驚訝，竟然有咁抵嘅事🤯 $99就係88分鐘， $199就係150分鐘 (仲會多咗蟹黃麵，蟹粉小籠包等選擇)!!💙 咁我哋就揀咗$199嗰款任食。首先可以揀雞煲或者烤魚，食晒可以再食~ 個人就建議嗌咗烤魚先，因為雞煲之後直接加水就可以做火鍋！我哋淨係因為嗰日食晒雞煲打完邊爐已經好飽，所以冇食到烤魚了😝💙 雞煲可以揀唔同辣度或者唔辣，我哋揀咗小辣，食雞嘅時候又唔算好辣，但係反而火鍋嘅時候啲菜變到好辣😂😂💙 台式放題，除咗雞煲，梗係仲要嗌多啲唔同嘅嘢😍 首先有手帕青瓜同埋涼拌木耳做前菜。💙 之後嗌咗好幾款小食。鹽酥雞粒同滷水糖心蛋都好高質😍 蟹黃麵嘅蟹黃都非常滋味~💙 串燒最特別有個叫做牛油小串，真係穿住幾粒燒香咗機牛既油脂，非常邪惡得來又幾好食😂💙 想講雞煲份量真係都幾大，食到差唔多可以加水變火鍋。火鍋料都繼續係任食！有牛肉，豬肉，羊肉，丸同菜！💙 總括來說兩個字，就係”抵食”! 👍🏼⭐️ 貼心提醒: 當日平日都好爆滿！所以非常建議預先電話/Whatsapp留位！…查看更多

嚟到九龍城搵食，原來有間勁抵任食餐廳「等等HEA」，一口價食盡雞煲、烤魚、串燒、各款台式小食及台式飲品😳最平$99就可以食足88分鐘，加多$100仲可以任食蟹黃麵/飯同埋蟹粉小籠包，仲要再加時至150分鐘，唔怕你食最怕你食太飽食唔落，真心大癲😱😱😱坐低咩都唔理叫咗個酸菜烤魚先，估唔到嚟到咁大條而且魚肉豐富，鍾意嘅話仲可以order火鍋料打埋邊爐👍🏻個人食雞煲一定要加辣🔥加埋大量洋蔥、芫荽咁先夠惹味！推薦大定一定要試士林鹽酥雞粒、基隆市甜不辣，最勁嘅就係佢有台灣麵線配正宗嘅阿宗辣椒醬，估唔到嚟一轉九龍城好似行運成個台灣咁🤣再推介大家一定要飲凍珍珠華田，職員好好按我要求整到勁濃郁🫶🏻提提大家一定要book位，性價比太高所以幾乎晚晚都滿座❣️最好可以嗌多幾位朋友，咁就可以樣樣都試齊啦😌…查看更多

在香港竟然$100都不用可以吃到放題？！你沒看錯🫣在等等Hea $99就能吃到88分鐘放題！$199還可以吃到豪華版150分鐘放題😱價錢已經包括前菜、串燒、火鍋配料♨️而且4位以上訂座還會送海鮮拼盤😭📌台式雞煲可以選擇台式雞煲/烤魚～雞煲有辣有不辣的 這次選了台式麻辣雞煲🍲雞肉嫩滑🐤醬汁濃郁不會死鹹 更可以無限添雞～📌台式串燒串燒即叫即燒 熱辣辣♨️五花腩串焦香脆口 牛油小串牛味濃✨📌台式小食有鹽酥雞、甜不辣等等 選擇很多！最驚喜的是有阿等麵線 再配它的辣椒醬🌶️真的有台灣夜市的感覺！甜品手工芋圓💜也可以任吃芋圓煙韌 椰汁底夠香 吃完還想再吃～（$199放題限定🦀）🔆蟹黃麵月蟹黃醬半黃半肉 很惹味！🔆食神蟹粉爆汁小籠包小籠包皮薄餡靚 蟹粉伴上豬肉餡料更鮮味✨📌打邊爐雞煲與烤魚後 還可轉戰火鍋🍲不過我們已經飽得不能再吃就沒吃了🥹不過$199 放題除了一般的肥牛以外更提供安格斯牛板腱及澳洲和牛牛胸爽😭CP值滿分💯📌啤酒及台式飲品Follow 社交平台 +上傳食物照片📸更可以優惠價$8任飲啤酒汽水及台式飲品✨台式飲品有珍珠奶茶、檸檬冬瓜茶等🥤性價比超高！…查看更多

我個friend見到做緊99蚊任食雞煲咁就試下啦，個set其實好少嘢食選擇，不過入座之前都已經知道所以冇所謂啦。一開始我哋每一樣串燒都嗌咗一串黎試，發現個雞皮完全唔脆，油到僕街，之後嗌嘅時候都刻意避開。但係!!!喺第二第三次串燒嚟嘅時候都會夾雜幾串雞皮，其實係咩玩法???仲有我哋由頭到尾冇用過啲豉油醬料，埋單嘅時候竟然加咗我哋十蚊附加費，仲話係個set包埋一定要計。咁你不如話109蚊任食啦。最後加加埋埋，連加一人均150幾蚊左右，感覺九龍城會有好多更有性價比嘅餐廳，試完呢次之後真係永不錄用。btw我第一次食任食竟然係連基本汽水，要自己加，大開眼界。…查看更多

超抵食 麻辣雞煲 大片美國特級肥牛 台式魯肉飯 都好食 前菜 手拍青瓜 麻辣木耳 都很入味 啤酒珍珠奶茶 台式特飲 都係任飲 服務又超好 非常細心友善 環境卡位坐得舒服 食得開心的一餐 一定會再幫襯…查看更多