等一隻貓咖啡

相約朋友去貓Café飲下野傾下計最緊要係可以同貓仔近距離接觸🐱朋友預先做好research依間café專門收留無家可歸既流浪貓同埋想更多人關注流浪貓見到佢地既poster有句“你的每次來臨 流浪貓便會有一餐溫飽”原來店舖每月開支扣除營運成本之後會將部份收益捐助比”深水埗喵喵喵”等佢地幫助更多流浪貓店入面仲有領養板會張貼一d等人領養既貓既一d資訊 幫佢地尋找溫暖既家🏠依度收費係每一個小時計入場費第1小時$68包1杯飲品🥤第2小時起$38包1杯飲品 (特飲系列 花茶 輕食另計)衛生原因 入黎之前要除鞋同埋一定要著襪如果冇襪可以即時買一對🧦店入面地上鋪晒塌塌米同埋坐墊 真係好日系風同朋友第一個鐘都係各自叫左件cake加杯野飲我地去當日冇提供小食 只有少量cake可以選擇所以之後就只係叫多杯野飲 飲到肚都漲😆-🔸牛奶千層蛋糕🍰🔸提拉米蘇千層蛋糕🍰🔸清新檸檬藍莓芝士蛋糕🍰🔸碳焙烏龍奶茶🥤🔸Oreo脆脆朱古力🥤估唔到佢個千層蛋糕好有水準 唔會一切就跌晒食到佢既一層層 味道方面 牛奶味好都濃郁🥛提拉米蘇亦唔會過甜 岩岩好👍🏼朋友個杯Oreo脆脆朱古力超大杯 飲極都未飲晒😆味道方面唔係死甜 可以接受d脆脆好有咬口 飲到最尾都唔會淡晒個度既staff好nice 會提點客人盡快食用 以免貓仔會過黎偷食-依度總共有幾多隻貓仔真係數唔晒🐱有d係度訓覺 有d就周圍撩人玩 有d就周圍行但當主人返黎餵零食 就成堆都跑晒出黎睇住佢地勁為食既樣 勁可愛😍😍重點一提: 千其千其唔好格硬抱貓仔同埋拖佢地因為當日見到有位男士勁粗魯咁拖貓仔去佢身邊又格硬要抱貓仔 最後staff見到都出聲提醒希望每個人都可以尊重返d貓貓🙌🏼-🧸🌞C.ookingbear推介指數 👉🏼👉🏼 9️⃣🌟…查看更多

Search 寵物友善 見到呢間, 打電話去訂臺就ok 了。佢現在開1200-1800, 話如果政府政策改的話 會收夜D。我本身訂4點, 佢話留臺10分鐘, 我改後到4半, 店員態度都幾nice~Lift 按3樓就得, 要在門口除鞋放鞋櫃, 因為入面地面係坐cushion, 可以坐在凳仔除鞋。整間店大約350呎左右。店員建議掛背包或者袋在牆上的鈎, 因為驚貓在你的衣物小便呀。1小時的收費係每人$68 無+10% 包1杯飲品。唔記得影菜單, 同其他人寫食評的菜單一樣。我同朋友各叫左1杯飲品, 我係凍蜂蜜柚子紅茶, 朋友係凍的水蜜桃紅茶。甜甜地唔太淡, 我自己覺得岩岩好, 下次有機會試下佢D蛋糕。佢都有5隻貓以上, 無特別數。初頭都訓唒, 就無話怕陌生人。大家食客都知道唔會大聲講野, 岩唒同朋友傾計呀。過左陣D貓都會行來行去巡視地盤, 輕輕力摸下都ok 的, 總之溫柔D。我朋友都會摸下貓貓。洗手間都幾乾淨, 無異味, 好似只有1格。大家亙相注重公德吧。…查看更多

最近喺旺角做完野都咁啱有少少時間，就去左依間之前一路save低想去而同朗豪坊不過係兩街之隔既貓cafe😺😺😺入到去第一時間量體溫潔手加除鞋，因為入面係榻榻米形式，所以需要著襪入去的。另外店員會主動問你之前有冇黎過，如果未黎過既話店員會輕輕同你講解收費/注意事項等等😊 留意到店員其實都會留意住客人同貓既互動，不過亦留意到就欠缺些少主動去話比客人聽某啲貓既脾性🤢 始終呢度介紹牌上面冇特別提及每隻貓既習性/喜好⬜ 講得直白啲就係如果提一提邊啲貓要特別小心去approach就會好啲，尤其喺唔知邊啲客人可能平時少接觸開貓唔熟貓脾性既依到收費頭一個鐘$68包一杯野飲，之後就每個鐘額外再收$38。另外再加多$10就有一件cake😜  可能你會話有啲貴喎，但其實一諗到佢真係會將部分收益撥去做捐款/買罐，消費既同時又支持到幫助流浪貓工作就覺得都ok呀呢個價錢😇 喺野食方面除左本身有個溫馨提示牌之外，店員喺上芝士蛋糕時都不忘補充一句：請盡快食用，以免離開位後貓咪會走過黎會偷食😹依方面做得唔錯入面除左有兩隻英短之外，其餘都係唐貓，係愛唐貓之人既天堂😺 暫時去過兩次，兩次去到雖然咁啱有一半既貓都訓緊休息緊，不過冇訓著既貓咁啱都係好歡迎人類幫手拍屁屁同抓癢😻 而訓緊教既有得望住佢地個訓教樣都覺得好治癒😇雖然只係去過兩次，但感覺依到既貓以曾經係流浪貓黎講都算比較快就變得痴人，只要你服侍得啲主子好，就會吸左第二隻貓過黎搵你幫手拍屁屁😹 不過被黏住既感覺真係好幸福😆------------------------------等一隻貓咖啡 Waiting Cat Cafe 🐈🐈依間店鋪每個月都會將部分收益/捐款 捐比流浪貓機構又或者捐罐罐比獨立義工當中包括埋老闆另外經營既三間食肆，額外每個月都會捐出共$9000黎幫助流浪貓對流浪貓出錢又出力真係唔話得😽幫襯時段：下午人均消費：$68再幫襯指數：😻😻😻😻地址：旺角彌敦道642號陶德大廈3樓642室…查看更多

提早兩日book左呢間貓貓店。環境好乾淨, 。一入坐收人頭消費$68一小時，包一杯飲品。我叫左香蕉朱古力/草莓牛奶。飲品比較偏甜。但係貓貓很乾淨，店主話貓貓不能抱。但係可以摸。員工服務態度都好好。我叫咗一個甜品套餐, 有一件迷你芝士蛋糕加飲品, 芝士味很重但比較細件。時間很快我玩咗一小時。整體嚟講呢間貓貓咖啡店, 祇有飲品和甜品選擇, 並沒有主餐。…查看更多

心血來潮想去貓Cafe, 於是上網左做少少research。跟住就搵到呢間貓cafe, 佢地會定期捐錢去幫助流浪貓，IG上面時常有貼義工圖，每個月底都會打番所有基金餘額同d錢用左去邊，透明度都幾高。貓cafe的menu以蛋糕輕食等等為主，建議食完野再去傾下計，玩玩貓。價錢同市價比起尚算合理，第一個鐘連入場費包一杯野飲$68，之後每個鐘$38包一杯野飲。入面的貓貓睇得出同店員感情幾好，每隻貓都大概有自己地盤，上次黎佢係邊到訓教，今次黎有d都可以係差唔多位搵番。因為貓貓天性唔太親人，太多人果時佢地多數都搵個位訓覺。但人少嘅時候去，貓貓就變得主動好多，會主動討摸爬大腿❤️所以要去嘅話，強烈推薦少人嘅時候去。…查看更多

#貓cafe #catscafe #貓咪 #🐱 全部都好瘦*記得要提前預約入店要除鞋放鞋櫃裡，消毒雙手並且探熱🙈入場首小時$68 包一杯飲料，其後每小時$38 包一杯飲料環境舒適，寧靜，有獨立廁所。坐榻榻米，有書籍借閱（圖畫書、蠟筆小新、貓咪書籍）很適合Hea時間#紫薯鮮奶 熱飲，有少少像燕麥味道，紫薯味道很淡😗飲杯熱奶#桂花雪梨茶 +$20 （熱）清甜的茶味，幾好飲今天只有飲品和甜品提供，沒有熟食ᶘ ᵒᴥᵒᶅ個人口味評分：7/10…查看更多

🌺等一隻貓咖啡🌺👅宇治抹茶芝士蛋糕套餐（$78）👍🏻蛋糕日本直送，抹茶同芝士味均衡🍵，套餐包一杯飲品同首一小時入場👅小食拼盤套餐（$148）👍🏻麥樂雞最好食😋，2-3個人share都夠食👎🏻可惜選擇唔多，五款有三款都係炸薯仔類👅飲品類👍🏻最欣賞飲品大大杯夠濃味，唔會淡某某，推薦特濃朱古力同抹茶鮮奶，轉特飲要+$8🚩總結🚩：坐得舒服又有得同超可愛貓貓玩😌店員友善，收費以時間計算，價錢合理（首小時$68，之前$38包一杯飲品），部分收益同義賣會捐助流浪貓，可以再去支持下🐈🐈🌟注意🌟：預先book位，記得著襪保持衛生…查看更多

我今日提早去鋪頭等開門，排第二張枱鋪頭寫住話十二點半開，但過咗十二點半鋪頭都未開其間有職員行出行入職員都無視我地結果十二點九先有人開門出黎，話入面得一張枱俾咗前面果枱入入咗然後話無訂位就無枱。職員立即關門，好似我阻住佢做生意咁。到我再問幾時有位，佢勁悔氣話無，話無訂枱就無位架啦，話五點叫我自己再過黎話可能到時有位。佢啲職員都唔知咩態度，鋪頭從來無講過一定要預約，佢啲咁嘅態度真係趕客，毫無禮貌。當正自己係老闆，遲開門連唔好意思都無句…查看更多

本身好鍾意同小動物玩，特別鍾意貓。另外一個閨蜜都係一個貓奴，星期六下午約咗一齊去等一隻貓咖啡。兩點去到冇預約，要即時預約四點幾先到我哋，留低咗電話俾服務員之後我哋去第二度食午餐先。服務員都好好禮貌。$68坐一個鐘包一杯飲品，我哋叫咗熱紫薯鮮奶同熱情果綠茶。紫薯鮮奶冇乜紫薯味，不過奶味都好重，隻杯幾靚。我朋友話熱情果綠茶都幾好飲。嚟得貓cafe都唔係真係單純坐低飲嘢㗎喇，大部份貓都瞓緊覺，我哋都係摸下佢就滿足。坐多陣，啲貓仔要開飯，食完貓糧，服務員主動問我想唔想抱下佢哋，就將佢抱住嘅貓仔放左落我度，又主動幫我地影相！呢間貓cafe留比我既印象幾好，下次可能會再嚟探望貓仔！…查看更多

店內環境都好乾淨同寧靜，除左貓之外仲有書可以睇，又有小遊戲，係同中意貓既朋友聚會好地方🤣貓貓都算多，但環境唔會好迫，都無異味，店員會事先講定要注意既事項，態度都好好！個到既貓貓都好乖，肯俾人摸，有幾隻仲好貪玩，當然有一隻特別怕醜🤭野食整體都唔錯，叫左漢堡包同蛋糕🍰每一個鐘包飲品一杯，抹茶鮮奶同朱古力都唔錯，唔會太甜😋呢間cafe係會將某d收益捐出幫助流浪貓，亦都係其中一個吸引我去既原因🤩店內仲有一個收養佈告欄，等有意想收養既人都可留意到，亦有小小義賣既貓貓精品。成個晚上同貓貓玩完好治癒🥰期待下次…查看更多

終於可以試到呢一間貓咪cafe, 之前已經一直想嚟, 不過遇著示威, 所以改期了. 呢度入面有好多貓貓, 大部分都係流浪收養的, 但係地方就算大, 貓星人可以喺度自由自在行行企企. 但除咗有貓貓玩之外, 呢度都有啲套餐係可以包括入場費. 又或者純比入場費就送一杯嘢飲. 因為本身夜晚時間嚟所以當晚餐叫了個套餐. 我朋友食牛肉漢堡包薯條, 我就食個小食拼盤, 不過我唔鍾意食薯角關係, 你可以幫我改成薯格, 真係幾好人. 我其實覺得呢度啲炸嘢係用空氣炸鍋, 因為真係一啲肥油感都沒有, 啲炸雞肉好食好, 朋友個牛肉漢堡又唔差, 百零蚊當玩貓貓都值得. 加上啲飲品有多樣化. 坐得又舒服, 最緊要都係有貓貓玩. 開心.…查看更多

身為貓奴，日日對住屋企果隻高高在上嘅主子，總會心絲絲想摸下其他貓貓，肉球不滿嘅小妹呢日收工就丟低主子獨守空房，特登黎到呢間貓貓Cafe，諗住試下偷食貓貓嘅感覺啦～之所以會揀呢間Cafe係因為見到佢有參與好多關於資助流浪貓貓嘅活動，而幫襯呢間鋪頭亦間接地幫助左流浪貓貓，何樂而不為呢？入到門口會有新加入貓貓嘅簡介，每隻都好得意呀～入到門口要先除鞋，放入指定嘅鞋櫃入邊，鞋櫃周圍都有好多貓貓嘅擺設。提提大家，如果當日冇著襪嘅話，可以喺鋪頭買一對，都係$5姐，仲係捐助給流浪貓嘅！Cafe地下係榻榻米黎，一入去就見到好多可愛嘅貓貓開緊餐啦！你睇下佢，用生命食緊野咁呀！～安排坐低左之後，工作人員會詳盡咁介紹同解釋Cafe入邊嘅設施、點餐同計時。呢度頭一個鐘係計$68，包一杯野飲，如果叫野食嘅話就會包埋頭一個鐘嘅錢，之後每加一個鐘$38包一杯野飲。大家要留意一下食嘢嘅注意事項～草莓香蕉班戟配蜂蜜（$118）：呢個pancake整得好精緻，入面每層都有香蕉添㗎，用蜂蜜代替一般嘅朱古力醬嗰啲，唔會太甜，配埋隔離伴碟嘅士多啤梨，香甜又唔會滯，好味！煙肉芝士牛肉漢堡配薯條（$138）：朋友原本嗌呢個餐係貪佢夠飽肚，點知最後朋友好滿意呢個包。佢話雖然個樣一般，但咬落去係超級無敵juicy又濃牛味，仲話比起出邊餐廳食$200嘅漢堡包仲好食！我咬咗一啖的確係好唔錯，強烈建議嚟呢度嘅朋友就要嗌呢個餐！薯條非油炸得黎，份量仲要好多添！飲品: 左邊係水蜜桃紅茶，右邊係金桔檸檬紅茶，唔會太甜，唔錯。杯墊超得意！食完就係時候去玩貓啦～呢間Cafe大部份都係唐貓，因為好多都係流浪貓嚟。但唐貓先又嗲又活潑近人呀~另外有兩隻藍貓，大家要留意呢兩隻藍貓係唔俾人抱㗎，千祈唔好手多多啦～其他唐貓全部都好得意，有隻仲特登走咗去我哋隔離個櫃度瞓覺添，心要融化啦～～玩到咁上下貓貓都瞓晒覺啦～呢度仲有個書櫃入面有好多唔同嘅書俾貓奴取經～我地最後逗留左兩個鐘，時間差不多，就要返去服侍主子啦～總括嚟講呢間Cafe食物質素好高，同埋環境都好乾淨企理，完全冇異味。貓貓活潑得意又近人，完全唔會搶食物，環境佈置充滿貓貓，好治癒。推薦各位愛貓但未養到貓，養緊貓但「肉球不滿」嘅朋友仔黎呢度享受可愛貓貓嘅包圍～…查看更多

最近同我家姐去左旺角一間貓貓 Café，呢間 Café 叫做 等一隻貓咖啡 @waitingcatcafe 🐱☕呢度其實係一個浪浪之家🏠因爲啲貓係流浪貓🥺唔少愛貓之人都會喺度同貓咪玩下🎾打下卡🤳🏻仲可以享受一下 Café 嘅嘢食同嘢飲🥰所以我都點左凍百香果烏龍🍹凍抹茶鮮奶🍵提拉米蘇千層蛋糕🍰朱古力心太軟🍫自家製雜果班戟，全部都幾好味👍🏻👍🏻👍🏻好多流浪貓❤️❤️❤️❤️環境都好安靜…查看更多

之前係朋友ig story見到佢嚟過呢間店同貓貓玩，作為貓奴嘅我即刻問係邊。呢間入場頭一個鐘係＄68，加鐘的話每小時＄38，每一個鐘都會包一杯飲品。本身淨係諗住坐一個鐘，點知坐坐下又坐多咗一個鐘haha。cafe貓貓嘅數量唔算好多，但都幾可愛。貓貓應該比人摸慣，所以唔會有太多反應。不過如果摸條尾，有隻貓貓有機會會嬲，會出下爪。勸大家唔好亂摸貓貓肚仔或者尾巴，有啲貓貓係會唔鍾意haha。-蜜糖雞翼一碟有5隻，但價錢少貴，接近80蚊一碟。雞翼都幾油膩，食落係有蜜味，但油太多會影響口感。-清新檸檬藍莓芝士蛋糕芝士蛋糕味道不錯，芝士夠濃郁，質感都偏厚身。檸檬味唔太突出，但藍莓味道就好強烈，酸甜清爽，有中和芝士蛋糕嘅作用。-香蕉朱古力朱古力有好濃嘅香蕉味，飲落都幾香。朱古力味都突出，但飲落個質感唔夠醇厚。-抹茶鮮奶飲品嘅抹茶味唔算好濃郁，可能係飲品上嘅奶泡同鮮奶令抹茶味淡咗。不過食完野再飲係有少少解膩嘅作用。-棉花糖朱古力我本身都好想點呢杯飲，但佢只有凍飲，可惜我個陣身體唔舒服，只可以飲少少。感覺棉花糖都係配熱朱古力好啲，同埋飲管太幼，唔可以同時飲到朱古力同棉花糖，有點可惜。-海鹽焦糖鮮奶咖啡呢一杯都係試咗少少，因為我對海鹽無興趣，只係試下味。飲落鹹鹹地，海鹽味突出，焦糖味道反而唔太感覺到。…查看更多

貓咪可愛！食物5分有3.5分。餐廳環境很舒適，佈置精心，貓咪充滿房間，餐廳環境適合兩個人傾計。不過餐廳唔收1000蚊同其他支付方式（信用卡），同埋開唔到正式收據，會影響公司claim錢，導致無法接待1000+大客戶，不推薦多人聚餐，或者帶太多朋友過來。配套服務問題比較大，可能唔係好正規同餐廳工作人員溝通後無法解決問題，導致用餐心情較差，非常可惜，萬事具備只欠東風，1000蚊嘅問題可能會反映俾政府或銀行希望其他食客注意人多嘅時候，上菜速度較慢。…查看更多