第四天拉麵

呢間鋪頭細細 露天形式 一黎到店員主動介紹餐牌 都係豬骨湯為主 係下想食咩餸咁 佢既選擇就唔多我最後簡返叉燒拉麵 佢個湯本身好好味 好香豬骨味 好夠濃 好結身個種 個蛋都好好食 好滑 好流心 麵方面較幼 我食個陣覺得好似食緊出前一丁😂 太軟身 唔夠彈牙冇口感 佢係搭左d牙菜令到口感豐富d 不過都太林唔好食 同埋本身個湯唔熱 再影響左味道 同埋坐既位置對住廚房 好熱 食到唔想食 好一般 …查看更多

佢呢間係露天咁坐 整到好有日本風味既感覺 佢係圍住個廚房出面都係椅子 不過一坐低已經好熱 佢係對正個廚房 d煙係咁噴出黎 好鬼熱 我叫左個豬骨叉燒拉麵 有三塊叉燒 都幾林下 係好香豬肉味 佢面頭有好多牙菜 同蔥花 增加左麵既口感 咁蔥花本身都好香 同牙菜都係好生係脆卜卜個種 個麵質本身較幼 唔夠彈牙 不過佢已經唔係煮到好林 令到麵質硬身 不過食到未夠一半d湯低既熱都已經令到佢變軟 係牙菜增加返佢既口感 所以好一般 個湯低都幾好 唔會好咸 好有豬骨味 唔會好油 不過都夠結身 不過天氣熱小小都唔會再黎食 食完出晒汗…查看更多

人在荃灣，好想食拉麵，台風亦試過，不如試試其他店吧！//這店聽說是一米芝蓮點心師傅創業，但試開日式拉麵店，這店特別在她沒有室內的坐位，要坐在後巷中吃拉麵，而愛酒之人可能可以坐對面酒吧買酒，一面飲酒一邊吃拉麵，不錯的享受。//我點了叉燒拉麵和餃子。//叉燒拉麵比其他附近的拉麵店便宜，但真的是一分錢一分貨，叉燒比較小塊，而麵條屬於一般質素，味道普通，但配上的芽菜是生的冷的有一點失望，還好是湯夠熱，不然在街邊吃麵會比較淒涼。餃子方面，都應該是街上買回來的質素，但可能得很久沒有吃煎餃子吧，所以尚可接受。//所以縱使價錢比較相宜，仍是比較港式的風味，沒有日式的風味，但如果想試一些特別的感覺，都可以一試喔。…查看更多

成日係外面區食拉麵, 今晚同BB去食地道D既荃灣區拉麵, 貪佢夠平又夠快!個感覺好地道, 因為坐係街邊, 好似日本街頭拉麵店咁味道就唔係話太好, 湯底好濃但冇豬骨味, 荀有D根, 叉燒太細, 麵質太淋, 蛋算叫做合格, 不過麻雀雖少, 五臟俱全, $58算幾好了…查看更多

得戶口位，食住熱湯拉麵真係出曬汗個湯一d 都唔似日式豬骨湯，雖是有乳啡色，飲入又有d張力同，但一d都唔濃又無豬骨味，而且仲有層油封起面，飲一口已受不了。最慘個湯已經湯又油，加芽菜令到更加淡口，仲有粟米粒，令到飲糊仔糖水咁。麵條就是味千拉麵個種，唔係好掛湯。流心蛋叫比較出色，甘香好味。叉燒一圈肥一圈瘦，但整體來說仍是嚴重偏肥，脂肪又做唔到入口即融，咬好耐如膠，味帶點甜醬油味。筍量多，但唔夠爽口同偏甜，與日本正宗豬骨湯，完全一喝就會打破我神經線，找不到共通點，抄襲共外表而沒有靈魂，68元一碗雖然沒加一服務費，但同五十嵐出產如出一轍。…查看更多

突然想食拉麵 諗住食台風但10幾人等緊位 所以轉食呢間 老闆好好服侍 細心講解 已經有好感啦 叫左招牌拉麵 可以加10蚊將叉燒轉豬扒 係豬骨湯底 唔算好濃味 清清地但都ok既 豬扒都幾大塊 炸得香脆但唔多肉汁 有d位都唔易咬開 另外朋友叫左地獄拉麵 中辣 反而呢個有驚喜 湯底野味 會想飲哂佢 個麵唔算大 女仔食岩岩好 整體黎講都ok 但美中不足係街邊食無冷氣 室外30幾度食拉麵 食完成身汗 就算有些把大風扇吹住都係熱 加上隔離有人食煙 d風吹埋黎都成陣味 建議冬天食會好d …查看更多

前排同S先生經過荃灣鱟地坊，呢頭愈開愈多食店，咁岩見到呢個室外拉麵檔，感覺頗有風味，八卦地望一望餐牌，見佢都好似係賣港式拉麵，好似唔多吸引就無試到。剛好過幾日，見到網上話佢地既拉麵係由一位米芝蓮既廚師主理，仲話湯頭係用八十斤鮮豬骨同十多隻老雞熬製而成，仲加入大量昆布同大洋蔥，完全不含味精咁話。心諗: 原來咁西利? 所以某日放工後就決定去試。(後來先知，原來廚師個米芝蓮係精於製作點心，並非拉麵..噢..想多了).呢日天氣未算好悶熱，所以坐室外都還可以吧。不得不說店員既服務態度係值得一讚，而且很積極。室外包括幾個吧檯位、二人及四人坐位。仲貼上唔少報章雜誌報導同廚師獎狀。.餐牌有約8款拉麵和數款小食。.第四天招牌叉燒拉麵 $58見到寫住招牌，所以小妹就揀左佢。其實講真個賣相真係幾似港式拉麵，材料有叉燒數片、半隻溏心蛋、芽菜、紫菜和筍等。先呷一口湯底，味道較薄弱，只嚐到淡淡的豬骨味；半隻溏心蛋既味道都唔錯；仲有幾塊半肥瘦既日式叉燒，味道帶有陣陣酒香，呢個算係幾好味。.和風擔擔麵 $48S先生既和風擔擔麵，帶點辛辣，味道就比較濃郁惹味。.九州棒棒雞 $38其實係去左骨既雞肉，食落好似手撕雞，配上蔥花和日式麻醬，味道唔差，不過唔好睇佢好大碟咁，其實底下墊左唔少菜，所以份量唔算多。.日式黑椒牛舌心 $48用黑椒炒香既牛舌，咬落惹味爽口，就係油感較重。好彩價錢唔算貴，唔計拉麵，兩款小食既味道其實都唔差，所以都未至於要比喊面，但如果以成舊水一碗既拉麵期望去同佢比較，一定會失望! …查看更多

真心好可怕 可以差成咁都有既 沒有最差只有更差我地一行4人 在TW傾PROJECT傾到好夜 而荃灣都出名晚上多野食所以就去左搵鋪頭食野醫肚啦  經過呢間店時有個不知是員工還是老闆的人 超過熱情和半CHUR地拉左我2位朋友埋去坐結果我地就順其自然地一行4人坐低食啦順便仲馬上上OPENRICE睇下啲網上食評啦 見食評都好似還好咁所以就放心放手一摶試下好唔好食啦落左單但未試枱時 見到個開揚既整拉麵過程果下已經想走人啦！因為整面過程明顯話我地知－－－HEA整但叫都叫左 唯有死死氣食啦 食左2啖 大家已心照 真的大中伏！又或者我地幾個食既野同人地食既唔同啦可能總之真心要齊齊大叫聲 「回水」吧！真心覺得無誠意 無質素 就好似我食晚果碗所謂海鮮拉麵咁 用超市冰鮮既貨色 白烚完就係？ 仲要激少份量 總之超級食水深！！我地幾個食到好火滾 平均每人$70幾蚊食垃圾 真係心好痛食野貴唔係一定問題 最緊要基本質素都要有！呢碗野$20啦頂多 唔好拎住「日式拉麵」稱號做臭左拉麵界先得架 雖然都無咩影響力唉總之 講到底 呃錢既一餐！Ps: 唯一好既係 整拉麵果位仁兄態度幾好 服務都ok 而樓面果位唔知係咪老闆啦 好積極拉客 所以我地就係咁拉左去食 但呢間野真心講句 質素太差好難做得長久 如果肯改善下食材質素既話 會好好多囉 認真…查看更多

昨晚睇完戲同男朋友到處搵野食，下大雨，10點到已經很多地方都關門了，行行下見到呢間很有日式風味的拉麵店。好奇下便去試下...點知....一坐在椅子上發現很多水，而且還滴水，衣服都濕了。然後望着餐牌落單，點了一個招牌叉燒拉麵，同吉列豬扒拉麵。男朋友點的招牌叉燒拉麵個湯苦苦的，叉燒很淋，當水正滴在麵入面的時候，幸好他已經吃完了。 而吉列豬扒拉麵，我看見的時候已經有點不想吃的感覺。豬扒很燶，黑黑地，但吃下去好脆，到吃完整碗麵個豬扒都是脆的。 拉麵同一般拉麵沒有分別，很重蛋味，而個湯好鹹，很想加點水沖淡它，所以只係食麵同豬扒，但求食飽就算了。雖然店只有2個人，但店員收食物都很快，而且還貼心地指示抬下面可以掛袋，雖然桌是斜着放的，好在麵放上去斜放的時候沒有把麵倒在客人身上，但邊食邊擔心麵會倒下。桌子上很多油，把紙放在桌上睇下野，唔駛好耐，紙都滿着油，或者下次店員應該抹多點枱，麵湯淡小小就好了。…查看更多

第一次幫襯係因為俾米芝連廚師吸引，已經幫襯左好幾次，每次都好滿意，特別鐘意個湯底，一d味精都無，飲得出係真正豬骨湯，每次都會清晒d湯特別推介農家雞翼拉麵同炸魚柳拉麵農家雞翼好野味，煎得好好，肉汁鮮味炸魚柳真係超正，外趣內滑，裏面既魚肉真係好似雞蛋咁滑，真係好食到想喊……最值得一讚就係老闆既熱誠，雖然佢好忙，因為得兩個人，又要煮食，又要招呼客人，又要執枱，但佢態度都非常親切，有禮，笑容可掬，走既時候大聲講多謝，唔似一般日本餐廳，職員既無禮貌同不理不采既態度！…查看更多

坦白講，第四天拉麵幾討我歡心，由於陳設屬於小店，吧枱式座位約有八張，加上開放式府房，客人和師傅有很近的接觸距離，再加上有風的冷天氣，吃著熱氣滿騰的拉麵，心裡滿足。拉麵師傅是陳文輝師傅，看他貼出來的二星級美芝蓮獎狀確實加了點印象分，無疑陳師傅是有實力的，但有一點要留意，那是港島香格里拉夏宮中菜廳時代的陳師傅取得，並非由拉麵中取得此殊榮。本人細看陳師傅已滿頭白髮，加上另外那位廚工形貌與陳師傅相似，本人估計第四天拉麵是陳師傅退休後的細作。本人點選了油雞樅豬扒拉麵加上農家雞翼，油雞樅是菌類的一種，來自雲南，香氣惹味，當然不及松露級數，亦非正宗日式拉麵所採用的拉麵配料，不過陳師傅將雞油樅放入拉麵之中，配撘新鮮，亦提昇了美味，至於豬扒是來自長浜島根，但本人覺得一般，沒有什麼特別，至於麵條不是自家製，不過不失。雞翼不俗，脆皮入味，值得一吃。食品比一般稍好，整體不俗，陳師傅親力親為，不過，第四天拉麵在新界區風評最好的拉麵台風隔鄰，會否被人冷待至結業呢，本人有點擔心，本人在那邊晚上待了一星期，第四天拉麵最多都是四五個人，但台風已經滿座兼有人龍六七人。…查看更多

荃灣區的拉麵店也不少，有台風、睦美屋、康滝、山頭火、日揚拉麵、黑福多、miso cool、元札幌、札幌miso no.1、domon 札幌、別府。這些拉麵店也都吃過，有些是吃過別區的分店，亦有些已經結業了。好吃的選擇也不多，而荃灣區最常光顧的，就是「台風」。抱著試新店的精神，就來到第四天拉麵。第四天招牌叉燒拉麵湯--先嚐一口，就是港式粉麵的湯底一樣，如果用日本拉麵的角度去品嚐，這個湯頭是淡薄了一點，還好的就是這個並非業務用的高湯。叉燒--肥瘦均衡，但是肉香不多，沒有特別。麵--已經是非一般有日本人主理拉麵店吃到的麵條，雖然大部份拉麵店也是委託香港的麵所製麵，但口感方面，吃上去有日本感覺的拉麵店也不少，只是一般來說小麥味及蛋香味也不明顯，而這間的感覺就是港式粉麵。蛋--蛋白有鹵過，蛋黃流心較少，味道沒有特別。感覺就是一碗港式粉麵，這碗拉麵要$58元，性價比低，像是$30多元的港式粉麵，要說這個價位而做得好吃的拉麵店還是有的，就像是元朗的焰、西環的火之鳥，上水的山下、深水埗的博多拉麵Valikote(現在水準差了，店名的Valikote字眼已除下)，雖說舖租會影響成本，但只要性價比不是太大落差還是可以接受的。近在咫尺的台風所賣的魚介豚骨湯拉麵大約是$78左右，就是相差20元，這就要視乎大家會如何選擇了。…查看更多

雖然，荃灣的食店不及油尖旺、銅鑼灣及元朗般出名，不過，偶然也會發現一些令人驚喜的隱世食店… 元旦當日，BeautySearch 同蝦子餅就路經「士林食街」，發現一間日式拉麵小店。店子地方不錯大，大概10張椅子擺放在店子旁邊成一直線，再加上店子掛了一排布廉，感覺很有日式路邊風味！『米芝蓮』這個名字，就足令BeautySearch 驚訝，原來店子的廚師曾榮獲米芝蓮二星級除左覺得湯底唔油膩又有鮮味外，我同蝦子餅都好鍾意佢嘅糖心蛋，美味！…查看更多

係香港食個日式拉麵，無100都要80蚊拉 。今晚經過荃灣，又要凍凍地，食返個麵都好應該丫，咁我係開飯網度search依間60蚊仲要見到個廚.....(自已睇相)，梗係要去試下拉。就叫個招牌叉燒拉麵試下拉....，格局廚師又同的客可以傾下計咁，都唔錯丫。個師父見到我坐低點下頭煑麵，我食親咁多間都會講日文，講真我以為佢係日本人黎，唔敢開口點野食，就咁拎個餐牌手指指黎點，佢又明wor。之後個人用廣東話講野，才知自作多情師父係香港人黎。好快麵黎拉。食麵先要試個湯底。佢係淡口，不過唔係無味，係有種鮮味的。日本的拉麵銅鑼灣或者灣仔間間食完都飲幾杯水，但係食依個又唔使點飲水。應該係師父特登就個鋪面唔想的人食食下問佢要水可以專心煑野。我連湯都飲清埋一個鐘後都唔使飲杯水就知的湯底係無特登用調味品的。叉燒方面，肥肉比例一半而瘦肉有咬口，比例剛好。而且有半隻蛋跟，食得幾次日本拉麵都知，蛋係要加錢的，有蛋跟真係覺得好抵食。我最覺得師父有heart的地方係佢點解係荃灣開鋪賣日式拉麵。師父自已鋪介紹係高級中菜出身，選的咁平民的地方似乎格格不入。佢將配菜例如荀同芽菜加入去，日本人開的就會用返日本黎配菜，佢中菜咪用返中菜攞，覺得幾好丫又有自已特色，balance到麵的味道，又有自已的風格。而且老闆佢識得就返的客唔會賣得好貴。平得黎又無交行貨出黎。咁係得荃灣開，自然有一班自由行周圍走。有一班自由行黎，之後仲有2個香港人想坐低食。班自由行唔識叫乜黎食，亦都唔知老闆甚麼來頭。一行人就叫10個肥牛拉麵，搞到佢都笑佐出黎睇下有無咁多配料先，而佢又同個執碼講做佐個兩個香港人先。可知佢煑麵唔係pat係水度由佢煑，係一個個麵用快子搞住黎煑都會好辛苦，可能係佢想出黎磨練一下自已掛。我食完拉，因為我俾班自由行左右夾住，臨俾錢老闆都有講聲唔好意思，而我都講返真話出黎佢係平得黎又無馬虎,佢連忙說聲多謝。今餐令我感覺到我去食野，除佐食味道同埋特色之外，亦都食到廚師傳達對食客個份心意。…查看更多

寒風凛凛，在街頭吃一碗熱辣辣的拉麵實在別有風味，老闆很有禮貌，食物價錢適中，更令人倍感温暖。叫了一碗招牌叉燒拉麵，湯底味道平衡，頗有水準，筍很香而且爽口，一點不老，溏心蛋最正，好想散叫多隻， 叉燒也很入味，肥瘦適中，配菜的確是一流。要彈的也有，麵條是獨立膠袋包裝即開即燙，比較大路，並非我喜歡的那種。較欠缺特色和噱頭的外表，還有使用廉價一次性木筷都是比較失色的地方。有心經營的特色小食肆是值得支持的，我還會去試試其他款式如地獄拉麵和雞翼等。…查看更多