笑口祖

之前睇過millmilk報導呢間西九龍中心由兩位到左退休年齡先過黎開舖既店主既故事，仲有佢地既平價野食都相當值得黎朝聖，趁放假就過左黎深水埗試下啦😄呢間小店真係超人氣，佢地既招牌乳鴿係限量供應，所以我岩岩12點黎等佢開舖，黎到已經見到好多人都同我一樣黎等開門🤯招牌笑口乳鴿（$36）乳鴿佢地有分滷水同炸既，我就揀左滷水乳鴿，整得好入味之餘，鴿肉好嫩，size適中，好味過茶樓，又平過茶樓，真係超班之作😍椒鹽豆腐（$26）豆腐表層比較薄，脆口程度相對就冇咁多，裡面既豆腐就好滑，少少咸香幾好食😋友愛泰式鳳爪（$26）呢個泰式鳳爪係無骨既，我自己就鐘意無骨，個泰式酸辣汁調得幾好，同一般泰菜餐廳整既差唔多水準🐥快樂海鮮蟹籽炒飯（$26）呢個真係超級抵食，$26炒飯夠足料，有蝦仁蟹柳同蟹籽等，仲有件炸鮮奶跟埋，份量同正常一個炒飯一樣，蟹籽都落得好多，成碟飯都有沾上蟹籽🍚開朗手撕雞飯（$36）呢個手撕雞飯同樣跟一粒大良炸奶，手撕雞有川味既汁，用黎撈飯一流，雖然唔及$26炒飯咁平，不過$36都已經好抵食😆心軟班蘭糕（$16）個班蘭糕質地好彈，班蘭味都夠香☺️迷人芝麻卷（$16）芝麻糕口感都一樣好彈，芝麻味香濃，平時應該有埋芝麻粒，可能我呢份咁岩漏左，不過影響唔大，落埋應該好食d😛呢間小店真係抵食又好食，兩位店主辛苦做都係想客人食得開心，價錢set到咁低真係良心企業，係一間好值得支持既小店，去幫襯開不妨鼓勵下兩位，對佢地黎講開心過賺到錢🥰…查看更多

西九龍中心八樓Food Court，一直都係食平嘢之選。發現一間好平嘅新店，但完全估唔到平得咁過份，即刻試下呢間由退休夫婦開嘅食店，原來係非常高質嘅用心製作。都係睇餐牌紅菜頭趣味椒鹽豆腐 $26我地搵位搵左超耐，個提示器響左幾下都未攞到。婆婆話要特登重新炸過份俾我地，仲叫我地拎到位一定要第一樣食。熱辣辣外脆內軟，仲有少少爆漿，紅菜頭味道唔算濃，好易入口，不過食粉紅色嘅豆腐好開心，非常有趣。笑咪咪蘑菇飯（海鮮炒飯底）$36第二次見蘑菇飯嘅蘑菇咁大片，仲要係新鮮啡蘑菇🍄。而Creamy 嘅醬汁，下面係炒得乾身，粒粒分明嘅海鮮炒飯。裡面有蝦粒、蟹柳同埋菜心，即係無蟹子，雖然無咩名貴材料，不過出面$36應該淨係買到一盒蘑菇，簡直非常收貨，有下次。友愛泰式鳳爪 $26無骨鳳爪本身夠爽脆，酸酸甜甜加少少辣，加埋青瓜夠開胃，不過同行友人覺得唔夠濃，建議加少少魚露，順便增加泰式風味。招牌笑口乳鴿 $36呢度嘅乳鴿係豉油皇嘅做法，比一般滷水汁甜，但未到瑞士汁咁甜。Keep 到完整嘅外皮，裡面嘅肉好嫩滑，滑到以為部份肉係皮，差啲就浪費左。甜蜜白糖糕 $16白糖糕發酵得好好，氣泡好多夠煙韌，但完全無酸味。另外加左少少桂花糖，增加少少花香，甜味更有層次。迷人芝麻卷 $16呢度嘅芝麻卷，芝麻味特別濃，特別迷人，夾起身係爽滑嘅，相信馬蹄粉落得好足夠，別有一番風味。心軟斑蘭糕 $16雖然叫心軟，但佢唔完全係軟嘅，都係有啲煙韌，但比出面印尼舖嘅千層糕 軟熟好多。斑蘭同椰子香味配合得好好，唔會搶味，都唔會太過甜膩，所以最後我地完全食得曬。熱菊蜜櫃位旁邊個大熱水桶就係菊蜜，呢個竟然最有驚喜。我地今日有兩個人，婆婆裝左兩杯俾我地飲。佢係充滿菊花香味，係微甜，但完全唔會苦，味道好平衡，都可以清口腔，飲完好舒服。總數：$172…查看更多

今次又黎到深水埗西九龍中心8樓美食廣場黎覓食， 今次終於可以試到美食廣場都幾出名既笑口祖。 之前睇食評D人都大讚佢乳鴿同埋蘑菇飯。所以今次就決定試下佢， 因為上次黎時撞岩佢星期三休息，SO SAD今次我叫左佢笑咪咪蘑菇飯 (海鮮炒飯底) $36淨乳鴿 $36。 其實佢有乳鴿飯 $46，不過我本身已經飯，冇理由又要多個飯。等左一陣就有野食，一拎既時候個姨姨都幾好， 估唔到會比埋手套。成個SET咁，有杯菊花茶， 有兩粒笑口棗本身想支解左隻乳鴿先… 點知……….好鬼熱 哈哈，放棄。證明佢真係新鮮炸起，唯有食左飯先個笑咪咪蘑菇飯真係幾唔錯， 多汁， 蘑菇又大大粒。 幾正。好抵食隻乳鴿真係幾正， 同酒樓食果D差唔多，所以都好抵，如果有埋喼汁就仲正佢哩間店仲有D甜品，下次有機會再試下…查看更多

買左班蘭糕$16和笑口祖$16, 合共$34(連2個盒)班蘭糕係特別的，有班蘭味道和不太甜，OK的，口感非常黏和柔軟，但企身一點會較好笑口祖也正常鬆軟如圖，價錢牌是寫$16，付款時老闆娘說個盒要加$1蚊，即$17，當時我都冇所謂，但其實食品一早已入定個外賣膠盒，咁其實件產品應該寫$17才正確？我是知道老闆娘抗癌的故事才特意幫襯支持，但個盒又唔係好多錢，這樣取巧讓人覺得不太合情理…查看更多

在香港難得的溫情小店，店主是一對非常和善的老夫婦，據說是爺爺為了讓生病的奶奶有個奔頭好好活著，兩個人一起找點事做，所以才開的這家店。這次一共嘗試了海南雞飯、笑口棗、斑斕糕、椒鹽豆腐和炸乳鴿。味道不可能驚艷，但是能以如此低廉的價格做到原料新鮮乾淨、味道普普通通好吃，已經是非常高的性價比了。…查看更多

✅ 份量爆炸多！ 食量大的朋友絕對滿足！  ✅ 價格超抵食！ 幾十蚊有交易仲要包飲品同小食！  ✅ 老闆娘超Nice！ 親切友善，食得開心！  ✅ 即叫即整！ 熱辣辣上枱，鑊氣/風味十足！---🍽️ 人氣爆燈套餐 (抵食到震！)：  1. 「快樂海鮮蟹籽炒飯」套餐 | $26     ➕ 花茶 + 笑口棗     🌟 賣點： 大大碟炒飯 塞滿蝦仁🍤！蟹籽卜卜脆，$26仲有飲品+小食？抵到喊！ #學生恩物  2. 「開朗手撕雞」套餐 | $36     ➕ 花茶 + 笑口棗     🌟 賣點： 真係 超‧多‧手‧撕‧雞！ 啖啖肉，味道夠，食肉獸大滿足！性價比爆燈！  3. 「招牌笑口乳鴿飯」套餐 | $46     ➕ 花茶 + 笑口棗     🌟 賣點： 乳鴿控必試！ 鴿肉 超滑嫩🐦，筷子一夾就開，入味又多汁！配飯一流！  ---🍡 必試人氣小食：     椒鹽豆腐 | $26      🌟 賣點： 熱！辣！辣！ 外脆內軟，椒鹽香口，送飯/單食都正！     心軟斑斕糕 | $16      🌟 賣點： $16有足足6大件！ 斑斕味香，口感煙韌軟糯，CP值高嘅甜品之選！  ---💬 總結：  想喺Food Court食到 「抵、大份、好味、人情味」？笑口祖絕對係首選！  $26一個海鮮炒飯套餐？$36鋪到滿嘅手撕雞？仲要老闆娘笑住招呼你？  #深水埗隱世良心小店 認住8樓8F27號舖！記得空住個肚去挑戰佢嘅份量！🍚💥---📌 小貼士：     份量真係大！女仔/胃口細嘅朋友可以考慮Share。     套餐包花茶同笑口棗，已經好完整，唔使再加野都夠飽。     美食廣場環境，但食物質素同份量絕對超出預期！  ---…查看更多

平時睇Millmilk啲片當睇故事，但睇完呢間勁有衝勁即刻想去食，70歲創業嘅Jo叔叔同Wendy姨姨係用真心誠意去換取大家嘅快樂開12點至8點，12點去到已經有人龍😂 星期三休息，記得唔好摸門釘兩位各自做咗幾十年中菜同海味，有相熟供應商入貨平靚正，可以用超抵價錢為西九龍市民提供多款主食、小食、甜品開朗手撕雞飯 $36 份量超級多，無骨雞肉啖啖肉，麻油調味剛好唔會太重夠晒送飯，貫徹祖叔叔健康飲食風格。飯餐仲跟埋甜甜地嘅花茶同埋是日甜品炸鮮奶。🤩快樂海鮮蟹籽炒飯 $26 有蝦肉、蟹柳、蟹籽，炒飯粒粒分明，仲送埋菜，$26完全無可挑剔！🥳滷水/炸乳鴿 $36/隻 乳鴿飽滿多肉，炸乳鴿一搣開爆汁不得了，滷水鹹香更有風味，兩款味道各有千秋 🫶🏻各款甜品 $16/份哈哈笑口棗唔係日日都有，一份12粒勁抵食，微甜酥脆好香芝麻味！甜蜜脆麻花甜到剛好，顏色較淺，唔會炸得太勁，但都有酥脆口感心軟班蘭糕超煙韌，勁大份，但強烈建議唔好買咁多，每日限量留返啲俾其他人🙏🏻Wendy姨姨喺個訪問話如果有其他商場有舖位，佢都會考慮去開店，店舖更大可以整更多元化嘢食，舉腳贊成🤤🤤 加油💕…查看更多

最近見到好多朋友介紹呢間係西九龍嘅平價飯店，本來都諗緊去唔去試，但係因為好鍾意食乳鴿，所以就去咗排隊啦。本身淨係想食乳鴿，但係之後發現加埋都好抵，仲有菜同飲品送，咁就一於試吓啦。朋友叫咗呢個滷水雞翼尖同酸辣開胃鳳爪都好似好吸引，份量好足，而且聞落味道好夾，好適合做開胃嘅前菜。最後因為啲嘢食太好食，朋友忍唔住叫多咗個海鮮炒飯。因為價錢真係太平， $26就叫多個炒飯仲要有菜又甜品同有飲品送。但係佢嘅炒飯一啲都唔遜色，炒得好乾身，而且非常足料，調味亦都啱啱好，偷食咗朋友兩啖佢就忍唔住自己食晒啦。…查看更多

最近俾MM推薦吸引到，搞到我都專登過嚟幫襯笑口祖，佢哋啲嘢真係好又平又好食，而且外賣都一樣咁高質！🍽️一隻乳鴿：皮脆肉嫩又juicy，一啲都唔會乾，熱辣辣食真係超滿足！ 🍽️手撕雞飯：手撕雞好入味，唔會鞋烚烚，撈埋個飯食，簡簡單單又一餐，份量都好足料㗎！ 🍽️麻辣雞翼尖：麻辣味好夠，但又唔會太辣，雞翼尖炆得好腍，好快就食晒成盒！ 而且亦有得簡唔辣🍽️泰式鳳爪：酸酸辣辣好開胃，鳳爪爽口彈牙，夏天食一流，忍唔住食完一隻又一隻！ 
🍽️紅菜頭椒鹽豆腐：估唔到紅菜頭同椒鹽豆腐可以咁夾！豆腐炸到外脆內軟，加埋紅菜頭嘅清甜，層次好豐富。🍽️芝麻糕：飯後甜品當然唔少得！芝麻糕好香濃，甜度啱啱好，口感Q彈，為呢餐畫上完美句號。 雖然係小店，但食物質素真係有驚喜，性價比都好高！下次一定要再試埋佢哋其他小食先得！💯…查看更多

最近發掘到呢間 笑口祖 真係好驚喜！🤩 價錢親民到一個點，CP值爆晒燈呀！🍽️手撕雞飯：呢個手撕雞飯$36蚊真係冇得輸！🍚 有飯有菜有肉仲有小食，連花茶都包埋，真心抵到爛！手撕雞入味又嫩滑，撈埋啲醬汁真係好開胃。份量夠晒食，唔會話食唔飽。🍽️友愛泰式鳳爪：鳳爪夠晒入味，酸酸辣辣好過癮，作為小食真係一流！🌶️ 凍冰冰咁食，好refreshing！🍽️雞翼尖（麻辣）：雞翼尖入味，麻辣味夠晒刺激，食到停唔到口！😍 鍾意食辣嘅朋友一定會愛上！🍽️椒鹽豆腐：炸到外脆內軟嘅豆腐，加上椒鹽嘅鹹香，簡直係完美嘅組合！一份都幾多粒，當小食或者配飯都一流。🍽️心軟班蘭糕：飯後甜品點少得班蘭糕！💚 軟糯Q彈，班蘭味好香，甜度適中，為呢餐畫上完美句號。呢度啲嘢食樣樣都咁有水準，而且價錢真係好貼地，絕對係午餐或輕食嘅首選！下次lunch時間唔知食乜好，記得嚟試下笑口祖啦！包你食過返尋味！💯…查看更多

笑口祖今次要介紹一間喺深水埗西九龍中心8樓有一間超抵食嘅小店叫「笑口祖」，呢間小店早排好多人介紹，我順路經開就去咗8樓搵佢哋，套餐最平都只係$26起，就已經有一碟海鮮蟹籽炒飯，如果你套餐係跟一碗白飯可以加$10轉海鮮蟹籽炒飯，仲送一份甜品+花茶或養生茶，簡直係糧尾恩物！1.快樂海鮮蟹籽炒飯+心軟班蘭糕$26+凍檸茶$8（9.5/10）呢碟海鮮蟹籽炒飯份量多到可以兩個人食，炒飯好足料，入面有主角蟹籽、切咗粒嘅蟹柳同蝦仁等，炒飯粒粒分明，咬落有「卜卜聲」嘅蟹籽，旁邊仲有菜心，甜品就有2舊唔會好甜嘅班蘭糕，仲加咗$8要一罐凍檸茶！2.招牌笑口乳鴿飯+心軟班蘭糕$46+凍可樂$8（9.5/10）呢個乳鴿飯老闆問我要炸定滷水，揀咗滷水乳鴿，呢隻乳鴿都算大，食落唔乾有肉汁，肉質唔鞋，旁邊仲有菜心，甜品就有2舊唔會好甜嘅班蘭糕，仲加咗$8要一罐凍可樂！2人總共價錢$88個人口味總評分：9.5/10  地址：深水埗欽州街37K號西九龍中心8樓美食廣場8F27號舖…查看更多

深水埗好多隱世小店，竟然係西九龍中心美食廣場發掘到間好食嘅小店，仲要出名乳鴿，梗係要食下啦。有滷水乳鴿同埋紅燒乳鴿，兩款都點了，紅燒乳鴿要即食先夠香脆，滷水乳鴿肉香味好濃。46蚊一個乳鴿餐仲配養生茶，真係好抵。炒飯餐$26，椒鹽豆腐$26，芝麻卷$16 ，大良炸奶$16！呢個價錢真係非常良心貼地。除咗乳鴿餐，手撕雞飯都好推薦，好好食，雞肉非常嫩滑。雞亦尖超惹味，辣辣地，份量超多。叫晒咁多食物(3人份量)都係$200左右。似是兩夫妻經營的小店，要大大力支持良心小店。總結，良心，好食，支持！下次再來！…查看更多

🫶🏼深水埗西九龍中心food court 新開嘅舖頭！🏠唔使去酒樓，都有得食乳鴿，呢個最驚喜嘅～🦆笑口乳鴿飯就係一隻乳鴿加啲菜，乳鴿體型飽滿，我叫咗炸嘅，所以外皮呈琥珀色，油光鋥亮💛脆皮，皮下脂肪烤得極薄，毫無油膩感🫶🏼 啲肉質嫩滑多汁，尤其鴿腿部位輕輕一撕就食到⭐️🐣開朗手撕雞飯 都幾好，皮同埋肉部份清晰，味道啱啱好 唔會太鹹💛💛🧀芝士椒鹽豆腐⚪️豆腐切成一口大小的方塊，裹上薄粉炸至金黃，外皮酥脆到輕輕一咬就「咔嚓」裂開😂重點就係除椒鹽芝士，鹹香微辣中帶著芝士既濃鬱奶香🥯🧀另外我仲買咗炸鮮奶、白糖糕，充滿香港既味道😌老闆娘仲好好送咗杯桂圓茶🍷…查看更多

今日就去左西九龍既美食廣場揾食見到呢間笑口祖，超多人排隊，而且價錢親民，20幾蚊就有超多選擇招牌乳鴿肉質鮮嫩，滷得好入味開朗手撕雞飯手撕雞皮爽嫩滑，配搭麻醬調味恰到好處快樂海鮮蟹籽炒飯有齊海鮮同粒粒蟹籽，飯粒炒到好乾身，夠唒大盒友愛泰式鳳爪鳳爪爽口，味道酸酸味味，好開胃趣味椒鹽豆腐面頭撒滿紅菜頭粉，外脆內軟，惹味香口可愛大良炸奶啱啱炸起夠晒熱辣辣，外皮金黃香脆，奶香味濃郁心軟班蘭糕咬落軟糯，椰味馥郁甜蜜脆麻花炸到好鬆化，再淋上糖漿，甜蜜滋味…查看更多

上星期來到深水埗西九龍中心有間「笑口祖 HappyJo」，朋友說新開業已有人氣，因為食物有驚喜小店由一對六旬夫妻主理，老闆娘超nice , 更堅持親民價，多款飯餐都只係$26起，工作再忙都要好好食飯，呢間實在係平靚正呀招牌脆皮乳鴿咬落肉嫩多汁， 只是$36 加$10就可轉成套餐，全隻乳鴿飯，仲配花茶/養生茶+甜品！快樂海鮮蟹子炒飯鑊氣十足，炒到金黃色香味俱全，套餐均附送甜品及花茶/養生茶另外，特色小吃有班蘭糕、炸鮮奶、芝麻卷、脆麻花及笑口棗，全部經典之作！細個食到大！…查看更多