竹園海鮮飯店

從前認識的「竹園海鮮飯店」位於跑馬地，是食海鮮的好去處，多年未去過，原來早已搬遷上環。有六十年歷史的老字號，菜式依然是老味道。闊別多年，特別來吃推廣菜式。門外易拉架力推佛跳牆、潮州及吉品鮑魚等貴價菜，但價錢不算貴！秘製潮州翅 $358碗仔頗大，盛得滿滿，黏稠金湯，看來對辦。魚翅煮至軟身半溶，骨膠原滿瀉，份量不算少亦不多，我唔覺得有三両。湯濃味厚，喝得滋味，整體水準滿意，值得重温。帶子釀關東遼參 特價$88/條 原價$198原來是酥炸遼參，外層被薄薄的炸漿包圍，並非現時流行高級食肆吃到的脆皮遼參。明白一分錢一分貨，欣賞這裏的聰明的變化奏，爽口的遼參釀入鮮美帶子，再配上酥脆外層，口感唔錯，味道好，推廣價吃得過。黃鱔飯 $88/位 兩位起無需北上，可以吃到黃鱔飯，而且煲到有飯焦，水準唔錯。番薯糖水、芒果布甸服務員非常殷勤推薦甜品，盛情難卻，原來是贈送的，更加開心！傳統番薯糖水，甜度適中，番薯軟糯。芒果布甸幼滑，亮點是煉奶，合我口味。茶錢$20/位…查看更多

我一直都好鍾意跑馬地竹園海鮮飯店，以前一個月至少會幫襯一次。嗰度服務好好，雖然價錢有時唔太清晰，但海鮮價一向都係咁，加上出品好，所以我都照常去。自從跑馬地分店結業後，覺得有啲可惜，知道上環有分店，就特登去試下。海鮮價一如既往。舉例説明, 唔見有價目表清晰列明海鮮價格。你問蝦幾千斤，佢會答你兩三百啦。至於幾錢，埋單先知。不過今次體驗最大嘅落差係…之前喺網上見到一啲負評，提到收費問題，當時我冇太在意（大概只是個案)。但今次埋單時，發現張單多咗一隻豉油雞嘅錢（我哋完全冇叫過），於是同店員反映，佢哋之後都好快調整返，減返三百幾蚊。雖然可能只係一時手誤，但作為熟客，的確有少少失望。我平時好少刻意對單，尤其係對老字號，所以冇諗過會發生咁嘅情況。呢度好多大group人聚餐或公司聚餐，好容易走漏眼。所以，提醒呢度食飯，一定要對單, 對單, 對單!另外，感覺服務同以前有啲唔同。以前跑馬地分店會主動問食唔食糖水，而家就要自己開口問。雖然係小事，但整體體驗的確冇以前咁貼心。人均消費五百幾蚊，到底應該有咩期望？可能而家真係要重新諗諗。…查看更多

🔥蒜蓉粉絲蒸帶子 蒜蓉粉絲蒸帶子就係鮮甜細膩。帶子同樣size驚人，厚肉肥美，鋪滿金銀蒜蓉。蒸嘅時間一分不差，帶子熟度完美，入口極之嫩滑，一咬落去，鮮甜嘅汁液即刻爆出，混合住蒜香，真係滋味無窮。底下嘅粉絲係精髓所在，完全吸收咗帶子蒸煮時流出嘅鮮甜汁液，以及蒜蓉和豉油嘅鹹香。每一条粉絲都飽滿入味，軟滑又帶點煙韌，嗰種鮮味濃縮嘅感覺，令人食到停唔到口。簡單嘅烹調方法，最能夠體現新鮮食材本身嘅質素，呢道菜絕對係水準之作。🔥白灼花竹蝦 嚟到全晚最考驗食材質素嘅一道——白灼花竹蝦，每隻都粗過手指，蝦殼鮮紅亮澤，上枱時已經聞到淡淡海水味。白灼呢種烹調方法，無任何多餘調味，完全係對海鮮新鮮度嘅終極自信。隻隻蝦肉飽滿結實，蝦頭充滿濃郁嘅蝦膏。輕輕剝開蝦殼，蝦肉晶瑩剔透，入口質感結實彈牙，鮮甜到不得了，係一種純粹而極致嘅海洋味道。點上隨附嘅特製海鮮豉油，微微嘅鹹甜更能提昇蝦嘅鮮味。食完之後，指尖留低嘅蝦膏同海水香氣，成日都唔捨得洗掉。呢種品質嘅花竹蝦，絕對係高質享受。呢一餐海鮮盛宴，由濃味到清鮮，充分體驗到粵式海鮮烹調嘅多樣性同精髓。餐廳嘅強項在於食材質素極高，全部生猛新鮮；師傅功架十足，無論係猛火快炒嘅鑊氣，定係清蒸白灼嘅火候，都掌握得恰到好處，絕無失手。…查看更多

自從朋友幾個月前介紹左喱間餐廳，近年不止一次黎喱到慶祝生日或者節日，質素勁好，價錢都好合理，今日再同爸媽黎食飯，叫左蝦乾粉絲煲、炸子雞和椒鹽魷魚。炸子雞炸子雞外皮酥脆，肉質鮮嫩，搭配上特製的醬料，好味。椒鹽魷魚椒鹽魷魚真係要力推，金黃酥脆，撒上的椒鹽和炸蒜係重點，我連啲蒜都食到一乾二淨。最欣賞竹園餐牌價錢一年四季都一樣，冇節日價，性價比非常高。飯後仲會送高質甜品。高質素既餐廳值得支持，要食多啲先可以令佢得以保留。加油！…查看更多

從前認識的「竹園海鮮飯店」位於跑馬地，是食海鮮的好去處，多年未去過，原來早已搬遷上環。有六十年歷史的老字號，菜式依然是老味道。闊別多年，特別來吃推廣菜式。門外易拉架力推佛跳牆、潮州及吉品鮑魚等貴價菜，但價錢不算貴！其他菜式價錢亦相宜。秘製潮州翅 $358碗仔頗大，盛得滿滿，黏稠金湯，看來對辦。魚翅煮至軟身半溶，骨膠原滿瀉，份量不算少亦不多，我唔覺得有三両。湯濃味厚，喝得滋味，整體水準滿意，值得重温。帶子釀關東遼參 特價$88/條 原價$198原來是酥炸遼參，外層被薄薄的炸漿包圍，並非現時流行高級食肆吃到的脆皮遼參。明白一分錢一分貨，欣賞這裏的聰明的變化奏，爽口的遼參釀入鮮美帶子，再配上酥脆外層，口感唔錯，味道好，推廣價吃得過。黃鱔飯 $88/位 兩位起無需北上，可以吃到黃鱔飯，而且煲到有飯焦，水準唔錯。番薯糖水、芒果布甸服務員非常殷勤推薦甜品，盛情難卻，原來是贈送的，更加開心！傳統番薯糖水，甜度適中，番薯軟糯。芒果布甸幼滑，亮點是煉奶，合我口味。茶錢$20/位，服務態度冇投訴，環境光猛企理，吃得滿意，短期內會重嚐其他菜式。…查看更多

我第一次寫食評，唔寫唔安樂！今晚叫咗五道菜，其中有鮮蟹肉賽螃蟹找不到蟹肉，可能少得看不見！另外有蠔皇鵝掌生麵煲，餐牌標榜特大鵝掌，可是來的是4隻縮水鵝掌而且煮得比較爛，顏色深味道鹹似隔夜餸，生麵又少又鹹收費$198。其餘三道餸只係普通。另外茶位$10。一碟花生但收5位芥醬錢共$50蚊，索性每位茶芥$20。本人不打算再光顧這酒家。可能這間酒樓主打海鮮，叫小菜不理想。如果香港多幾間類似的酒樓一定影響香港美食之都的稱號。我要花時間寫食評，目的是唔想其他人再中伏，又貴又唔好食！…查看更多

我同同事喺上環竹園海鮮飯店食晏，點咗唔同款式嘅點心，包括燒賣同蝦餃，仲有主菜芝士龍蝦伊麵同蒜蓉粉絲扇貝。燒賣同蝦餃新鮮彈牙，裡面嘅餡料味道不錯，燒賣皮薄唔會太厚，蝦餃嘅蝦仁彈牙鮮甜，整體表現係中規中矩。芝士龍蝦伊麵帶有濃厚嘅芝士香味，龍蝦鮮甜多汁，伊麵滑身入味，整體配搭不錯，適合芝士愛好者。至於蒜蓉粉絲扇貝，粉絲吸收咗鮮美嘅醬汁，扇貝肉質鮮嫩，蒜蓉香氣恰到好處，清爽開胃。整體而言，上環竹園海鮮飯店嘅點心同主菜質素穩定，價錢合理。氣氛唔錯，適合同朋友、同事聚餐。如果你想食正宗嘅粵菜，可以考慮嚟呢度試下佢哋嘅菜式。…查看更多

自從跑馬地及尖沙咀店舖關門之後，第一次嚟到上環分店，懷着興奮嘅心情去魚缸揀海鮮見到以前跑馬地嘅經理，我同老公兩個人食，經理不斷叫我哋叫唔同嘅海鮮，叫咗兩隻蒜蓉粉絲蒸貴妃蚌，芝士龍蝦伊麵底，兩隻乳鴿，－斤東風螺，諗住睇吓夠唔夠食先再點，貴妃蚌不過不失，鋒螺質感非常差，韌過擦子膠，芝士焗龍蝦，以前一直都長期食開，今次嘅龍蝦好乾又柴皮，見到乳鴿上枱個樣已經有啲驚嚇（應該係燒過頭）食落去非常乾，直程吞唔落。忍唔住同經理講佢，望住碟龍蝦無動於衷。過分的推銷，海鮮品質差，態度亦負責任。…查看更多

去呢間店食野最好付現金 如果用信用卡付款 會俾佢地多收一，二百蚊架。今次係同一間店已經係第二次 總之 我以後都不會再去呢間店 大家小心 千祈唔好俾啲無良商人呃 畢竟大家都係好辛苦賺返黎架…查看更多

I seriously don’t eat shark fin, but my friend insists me to try and is really good! I mean shark fin doesn’t have much taste itself, but the thick broth they made was delicious! Others dishes are quite nice, the fried noodles more outstanding.…查看更多

This Chinese restaurant holds great significance for me, dating back 20 to 30 years when it gained fame due to the influx of Japanese tourists visiting Hong Kong. It's renowned for its signature dish, the cheese baked lobster noodles. Having been a long-standing establishment in the neighborhood, it recently relocated to this new location. However, I must admit to feeling disappointed with the storefront and interior. Despite being a new restaurant, it appeared worn-out and lacked aesthetic appeal.During a business lunch with three friends, we ordered a selection of traditional Chinese dim sum, including shrimp dumplings, shiu mai, and spring rolls. Unfortunately, everything seemed rather ordinary and lacked the anticipated flavors. It was a simple meal that served its purpose, but regrettably, it didn't leave a remarkable impression.…查看更多

跑馬地竹園我由細食到大之前心血來潮突然好想食好想食所以搭叮叮去咗上環淨係叫咗一碗比以前鹹左好多！仲要貴左好多！唉本來係窮人恩物㗎嘛而家香港已經無好食嘅碗仔翅諗住食返碗好食嘅潮州翅都冇埋依啲舊式嘅酒樓，大家唔好期望有啲乜嘢好嘅服務。…查看更多

大中伏，同朋友去食生日飯，買左個雪糕蛋糕後10分鐘內已的士到餐廳，一到已同餐廳經理溝通必須放入冰格因為係雪糕蛋糕。食物水平一般，衛生環境一般，環境一般，都唔緊要，但佢拎個蛋糕出嚟個下真係喊出黎。個蛋糕已到滴晒汁溶晒，經理立即推卸責任，個下朋友們都好尷尬，主角都好失望。係多次投訴後先話賠返蛋糕2/3錢，但係錢已經唔係重點，重點係生日個蛋糕溶晒重尷尬過無蛋糕。好在同熟朋友食飯，但如果同家人、客戶or要得體，呢個餐廳真係唔好考慮！…查看更多

星期日晚，約咗相識多年師長敘舊，把酒談歡😄😄😄起初對餐廳期望不大，餐牌選擇唔多，而且圖片不屬實😂價錢為中等酒樓價。環境尚算寬敞，雖然面積唔大，但位置同空間感都足夠。侍應頗熱情，會一同開開玩笑。食物質素比意想中出色許多，食得津津有味係一間有機會會再返嚟食嘅中式酒樓。適合一大班朋友宴客，或者同屋企人食飯～比較推介嘅菜式👇🏻👇🏻👇🏻炸乳鴿皮脆肉嫩滑，唔會太油膩。瓦煲豉油雞豉油汁偏甜，非常入味，食到停唔到口。炒麵估唔到最普通嘅炒麵咁有驚喜，炒得乾身，有鑊氣，麵質水準甚高👍🏻整體都好食，充滿驚喜…查看更多

上環鋪的服務態遠不及跑馬地鋪的好！今晚點了芝士大蝦，蒜蓉法包，油鹽水花蛤，蟶子王，莧菜同乳鴿。在所有菜都差不多上枱後，仍未有法包，但芝士大蝦已經凍了，追了侍應而回應是在焗…. 過了一會仍未有，再次問但同樣回覆，在第三次問時，回覆說法包要焗20分鐘🤔吓？我落單到而家都40分鐘有多，全部食物都上咗枱，但法包都未焗好？而侍應一句唔好意思都冇講，再過3分鐘終於等到法國包，但係芝士大蝦已經凍咗！😡你呢個收費，就算食物幾好味都冇用，服務質素是負分，呢次之後一定唔會再嚟👎…查看更多