竹園海鮮飯店

从前认识的「竹园海鲜饭店」位于跑马地，是食海鲜的好去处，多年未去过，原来早已搬迁上环。有六十年历史的老字号，菜式依然是老味道。阔别多年，特别来吃推广菜式。门外易拉架力推佛跳墙、潮州及吉品鲍鱼等贵价菜，但价钱不算贵！秘制潮州翅 $358碗仔颇大，盛得满满，黏稠金汤，看来对办。鱼翅煮至软身半溶，骨胶原满泻，份量不算少亦不多，我唔觉得有三両。汤浓味厚，喝得滋味，整体水准满意，值得重温。带子酿关东辽参 特价$88/条 原价$198原来是酥炸辽参，外层被薄薄的炸浆包围，并非现时流行高级食肆吃到的脆皮辽参。明白一分钱一分货，欣赏这里的聪明的变化奏，爽口的辽参酿入鲜美带子，再配上酥脆外层，口感唔错，味道好，推广价吃得过。黄鳝饭 $88/位 两位起无需北上，可以吃到黄鳝饭，而且煲到有饭焦，水准唔错。番薯糖水、芒果布甸服务员非常殷勤推荐甜品，盛情难却，原来是赠送的，更加开心！传统番薯糖水，甜度适中，番薯软糯。芒果布甸幼滑，亮点是炼奶，合我口味。茶钱$20/位…查看更多

我一直都好钟意跑马地竹园海鲜饭店，以前一个月至少会帮衬一次。𠮶度服务好好，虽然价钱有时唔太清晰，但海鲜价一向都系咁，加上出品好，所以我都照常去。自从跑马地分店结业后，觉得有啲可惜，知道上环有分店，就特登去试下。海鲜价一如既往。举例说明, 唔见有价目表清晰列明海鲜价格。你问虾几千斤，佢会答你两三百啦。至于几钱，埋单先知。不过今次体验最大嘅落差系…之前喺网上见到一啲负评，提到收费问题，当时我冇太在意（大概只是个案)。但今次埋单时，发现张单多咗一只豉油鸡嘅钱（我哋完全冇叫过），于是同店员反映，佢哋之后都好快调整返，减返三百几蚊。虽然可能只系一时手误，但作为熟客，的确有少少失望。我平时好少刻意对单，尤其系对老字号，所以冇谂过会发生咁嘅情况。呢度好多大group人聚餐或公司聚餐，好容易走漏眼。所以，提醒呢度食饭，一定要对单, 对单, 对单!另外，感觉服务同以前有啲唔同。以前跑马地分店会主动问食唔食糖水，而家就要自己开口问。虽然系小事，但整体体验的确冇以前咁贴心。人均消费五百几蚊，到底应该有咩期望？可能而家真系要重新谂谂。…查看更多

🔥蒜蓉粉丝蒸带子 蒜蓉粉丝蒸带子就系鲜甜细腻。带子同样size惊人，厚肉肥美，铺满金银蒜蓉。蒸嘅时间一分不差，带子熟度完美，入口极之嫩滑，一咬落去，鲜甜嘅汁液即刻爆出，混合住蒜香，真系滋味无穷。底下嘅粉丝系精髓所在，完全吸收咗带子蒸煮时流出嘅鲜甜汁液，以及蒜蓉和豉油嘅咸香。每一条粉丝都饱满入味，软滑又带点烟韧，𠮶种鲜味浓缩嘅感觉，令人食到停唔到口。简单嘅烹调方法，最能够体现新鲜食材本身嘅质素，呢道菜绝对系水准之作。🔥白灼花竹虾 嚟到全晚最考验食材质素嘅一道——白灼花竹虾，每只都粗过手指，虾壳鲜红亮泽，上枱时已经闻到淡淡海水味。白灼呢种烹调方法，无任何多余调味，完全系对海鲜新鲜度嘅终极自信。只只虾肉饱满结实，虾头充满浓郁嘅虾膏。轻轻剥开虾壳，虾肉晶莹剔透，入口质感结实弹牙，鲜甜到不得了，系一种纯粹而极致嘅海洋味道。点上随附嘅特制海鲜豉油，微微嘅咸甜更能提升虾嘅鲜味。食完之后，指尖留低嘅虾膏同海水香气，成日都唔舍得洗掉。呢种品质嘅花竹虾，绝对系高质享受。呢一餐海鲜盛宴，由浓味到清鲜，充分体验到粤式海鲜烹调嘅多样性同精髓。餐厅嘅强项在于食材质素极高，全部生猛新鲜；师傅功架十足，无论系猛火快炒嘅镬气，定系清蒸白灼嘅火候，都掌握得恰到好处，绝无失手。…查看更多

自从朋友几个月前介绍左喱间餐厅，近年不止一次黎喱到庆祝生日或者节日，质素劲好，价钱都好合理，今日再同爸妈黎食饭，叫左虾干粉丝煲、炸子鸡和椒盐鱿鱼。炸子鸡炸子鸡外皮酥脆，肉质鲜嫩，搭配上特制的酱料，好味。椒盐鱿鱼椒盐鱿鱼真系要力推，金黄酥脆，撒上的椒盐和炸蒜系重点，我连啲蒜都食到一干二净。最欣赏竹园餐牌价钱一年四季都一样，冇节日价，性价比非常高。饭后仲会送高质甜品。高质素既餐厅值得支持，要食多啲先可以令佢得以保留。加油！…查看更多

我第一次写食评，唔写唔安乐！今晚叫咗五道菜，其中有鲜蟹肉赛螃蟹找不到蟹肉，可能少得看不见！另外有蚝皇鹅掌生面煲，餐牌标榜特大鹅掌，可是来的是4只缩水鹅掌而且煮得比较烂，颜色深味道咸似隔夜𩠌，生面又少又咸收费$198。其余三道𩠌只系普通。另外茶位$10。一碟花生但收5位芥酱钱共$50蚊，索性每位茶芥$20。本人不打算再光顾这酒家。可能这间酒楼主打海鲜，叫小菜不理想。如果香港多几间类似的酒楼一定影响香港美食之都的称号。我要花时间写食评，目的是唔想其他人再中伏，又贵又唔好食！…查看更多