立鮨 (富達大廈)

营业中

休息中

Bookmark左好耐既一間立食壽司店 但一諗到要企住食就冇乜動力去🤣點知‼️去左一次就發現要企絕對係值得derrr🥰淨係睇相都已經feel到佢有幾抵食啦🤪-多到滿瀉既三文魚籽軍艦只係$20😱😱😱廿蚊 廿蚊 係廿蚊😭😭簡直係良心企業😢價錢平都算啦 仲要味道都好高質🤤魚籽好新鮮 一咬啲汁會爆出黎 唔會lum啤啤💥帶有小小小小柚子味 令件壽司食落清新啲 唔會太咸👍🏻一啖擺落口 完全係大滿足😋-另外要推介既係鰻魚壽司($15)同海膽軍艦($25)鰻魚肉燒到熱辣辣 十分軟稔 近乎入口即融 醬汁恰到好處唔會cover左鰻魚本身既味😚海膽亦好鮮甜 份量慷慨✨佢既醋飯係用赤醋 比起普通壽司醋更能帶出魚生既鮮味-元氣板長既價錢 但質素同性價比都完勝元氣板長😏如果佢開分店係屯門我一定日日衝去食🤣🤣唯一既缺點就係要企住食 如果想慢慢食慢慢傾計就未必啱你了🙈ps佢既lunch set都好抵食喔 遲啲再出post講😘

已經嚟過好多次，可以用相宜嘅價錢食到比較有質素嘅材料，冇位坐又有咩所謂喎，所以一有時間我都會嚟一嚟。依家銅鑼灣仲開咗分店，以後都唔使過海都可以食到啦。每次黎我都例牌會叫海膽，大拖羅，鰻魚，三文魚子等等。鰻魚真係好肥美，整得好好味次次我要食兩件。其實我prefer壽司唔好太多額外嘅蔥或者調味料，但係每次拖羅都落蔥，下次我要叫走蔥。除咗例牌會叫嘅嘢，每次我都會睇下佢哋塊黑板有啲乜嘢special，當日呢個櫻花蝦玉子燒好好味希望下次去都會有。

第一次試立食，估唔到質素高！除左壽司紙上食物，黑板上仲有廚師發辦！是日有秋刀魚同平政魚！梗係要試哂啦😆企係師傅吧枱前面點食物可以肉眼觀察下食物既當日質素，其實都唔錯！壽司叫左好多款，如圖。全部都好新鮮！秋刀魚就唔夠肥同無跟酸汁，可以問師傅另外攞，配左酸汁個味出d！平政魚係超爽口魚，有少計筋，點酸汁正！ 呢度既魚刺身明顯抵食d! 另外發現佢d sake好抵飲！不過企係度食呢...小酌兩杯就夠啦～壽司：秋刀魚刺身（半條）：平政魚薄切：

揸車經過門口見到咁多人排隊，好奇心驅使下就排埋一份，試下新野，等緊個陣喺門口問咗個侍應有咩好介紹，介紹左幾款我都有叫，入到去再問師傅乜嘢食新鮮，我都有叫，感覺就好似係立食版嘅廚師發板，点知… 唔知咩鱈魚卵子超鹹，份量不過不失既海膽軍艦係苦嘅，個蝦未溶曬雪，其他不過不失，仲有三樣佢話未有貨，全餐三百幾蚊，食左20分鐘左右，咁既價錢咁既質素既午餐，我唔會再黎！順帶一提，出面d差不多價錢但有質素既地方， 師父係會根據客人點嘅壽司，由淡到濃去上菜，每上一件壽司師傅都會介紹下件壽司係乜黎，甚至係來源地，但師傅只係掛住自己唱歌同傾計，完全無理過客人！失望…

一路都好想試立食壽司 呢間一直都係我嘅心水朋友趁臨生之前 決定食一次壽司 我即刻提議左黎呢度食 下午時間 人唔多 唔洗排隊Menu選擇都唔少 有套餐 有散叫嘅 我地一人叫左一個set5件當然唔夠喉我地另外再叫左啲壽司同剌身最鐘意食牡丹蝦 大大隻 非常新鮮另外再叫左另一最愛 三文魚子軍艦三文魚子多到滿瀉仲有嗌左拖羅 啲油香真係不得了!另外要讚一讚服務 當日落緊微微雨朋友要出去洗手間 店員主動借埋把遮比朋友拎埋去用 好細心!下次經過一定會再幫襯!

每件壽司體積稍為偏細一點基本上，只有海膽軍艦和三文魚籽軍艦，吃得出有鮮味，其餘的都是淡而無味中呑拿魚腩壽司和油甘魚腩壽司，竟然吃不出任何魚腩部位應有嘅甘香魚油味，非常失望是否我的運氣不足三文魚籽軍艦，正常發揮，不過不失立食來講性價比低，吃唔飽，這個價錢會有更好選擇環境氣氛不太像一間日本餐廳，可能本地師傅始終做不到像日本人那樣認真嚴謹師傅好多時做完手頭上嘅order之後係到hea還有一個問題，師傅用手接order紙之後，好似冇再洗手就開始做手握壽司之後，行過肥姐叫個皇牌套餐補飛

立食壽司體驗。在日本立食壽司就試過，香港你又試過未？立食壽司係日本非常普遍，就貪佢方便快捷，又抵食。旺角都有一間立食壽司店「立鮨」「立鮨」主打高級壽司的立食壽司店，標榜魚生由豐洲市場直送。採用開放式設計，全店約十個站立位，客人可向壽司吧枱的師傅直接點餐，看著師傅即場手握壽司，是香港難得獲好評的立食壽司店。魚生皆十分新鮮，飽滿富彈性，魚油均勻。壽司飯的份量剛好，能讓整件魚生覆蓋著。壽司飯鬆軟而不散，用上赤醋，味道有層次，酸度適中。

已經食過好幾次開頭覺得佢好貴但食左之後其實都有啲質素仲有set可以叫 平既68已經有其實都cp值幾高店内企位唔多大概10多個第一個到係依個櫻花蝦玉子燒係熱辣辣既好香蛋味魚子新鮮第一行係一個生野既set三文魚上面有小小蒜 食落好香 配搭得幾好其他都新鮮既 係香港食到算係咁啦第二行係炙燒既set淨反果三件係散叫炙燒左口魚邊 超好食燒到啲蔥都好香 舊飯唔會過份大舊一口岩岩好wasabi唔係最差果款 係裏面有粒粒既最後叫左個蝦味麵豉湯裏面係無乜料既，不過10蚊就算啦個湯係好香蝦味既，但飲落唔係濃厚果種食飽飲反碗 岩岩好

之前喺福岡試過立食，價錢平之餘質素唔錯，真係快靚正。而家香港都有幾間立食壽司，標榜價廉物美，至於價錢係咪真係平價，其實視乎食咩、食幾多、同埋用咩黎比較囉之前試過另一間，質素都可以，一直想試埋立鮨，仲咁好彩俾我搵到網上訂座平台嘅優惠，週六入座都有頗大折扣，性價比即時提高，整體印象良好，今次評價係base on優惠價嘅感受。餐廳可容納十零人，5點鐘已經全店滿座。餐牌分刺身、丼飯、盛合、壽司類超過50款，依價格排列，每件定價$9-48。我地第一次黎，唔知道原來師傅會一次過做哂成張單，而唔係幾件咁上，結果開頭廿分鐘都係齋企，下次會醒目啲，慢慢加單lol芝士飛魚籽軍艦 $9/件三文魚腩壽司 $20珍寶甜蝦壽司 $20壽司整體質素不俗，即點即製，壽司飯即握，山葵由客人自行添加，醋飯講究，酸度適中。日本真鯛壽司 $20火炙海膽蟹棒壽司 $20火炙左口魚邊壽司 $20真鯛味道較淡，入口爽身。左口魚經火炙後逼出魚油碎蔥吞拿魚腩軍艦 $25原隻活赤貝壽司 $30吞拿魚腩軍艦入口柔軟、活赤貝壽司十分爽脆北海道特大珍寶帶子壽司 $38火炙大吞拿魚腩海苔壽司 $48特上海膽軍艦 $48珍寶帶子厚身鮮甜，值回票價

平時係旺角行街經過依間鋪頭望一望佢。依間舖頭吸引我嘅點在於如果係入面用餐係要企住食，因為我從來未試過要企係度食飯，覺得幾特別。依間鋪頭夜晚都算多人，所以今次我揀咗中午嘅時間食。我地嗌左兩個飯，分別係三文魚魚生飯同北海道魚生飯。首先上嘅係前菜嘅沙律，然後就有麵豉湯。由於企位嘅前面就係師傅，所以完全見到師傅製作壽司同魚生飯嘅製作過程。有興趣嘅人同喺等待食物嘅時候都可以望下製作過程。魚生飯啲三文魚都算新鮮，而且都算厚。下面嘅飯係啡色嘅。師傅應該係用咗赤醋而唔係普通白色嘅壽司醋，入口比較甘香。北海道魚生飯當中有三文魚、海膽、蝦同帆立貝。啲蝦同帆立貝都好甜，幾新鮮。而海膽唔算好甜，有少少苦，但唔算難接受。總體來講都算OK，普普通通。而要企喺度食的確幾特別。

第一次試立食 等左30分鐘終於有得內進各式壽司每款質素都好好 價錢又吾貴 抵食好食吾錯海膽特盛海膽狂見到呢個馬上忍吾住要嗌果然冇令到我地失望鮮甜仲嗌左燒三文魚頭燒到好香 啖啖肉吾洗半小時已食完一餐飯 立食除左慳地方 不知不覺間其實連時間都慳左吾少平時收工經過餐廳仲未有太多客人 為左吾洗等位等咁耐 下次可以早小小過黎食

今次呢間勁推介❤️❤️餐廳比較細所以呢間係立食😂😂係就辛苦啲不過食物質素係比得上米芝蓮餐廳絕對值叫左火炙set 套餐有牛肉麵豉湯，味道濃郁有細蟹子沙律火炙吞拿魚、火炙三文魚、火炙左口魚👍🏻火炙帶子、火炙蟹棒另外我就散叫中吞拿魚腩👍🏻、三文魚籽軍艦👍🏻依個爆瀉三文魚籽完全唔洗醬油勁鮮美❤️粒粒飽滿特大牡丹蝦壽司👍🏻👍🏻蝦肉新鮮爽口肉質彈牙鮮甜😍大滿足海膽特盛❤️海膽飽滿，味道鮮甜🤤最後重點🤩🤩火炙大吞拿海苔壽司，首先海苔脆度係即包即食係有聲👍🏻之後個大吞拿油香滲出黎🤤入口即化，連埋個有醬油既壽司飯，即刻再order 🤤🤤整體依間食物真係好高質，所有飯都係有醬油，另外飯團都比較細，好正統👍🏻每人食左三百幾蚊可以有米芝蓮級數，超級抵食👍🏻👍🏻如果想平價啲可以叫套餐都不錯選擇。

立鮨可以話係小編其中一間最鍾意既魚生壽司店之一😍呢度既賣點在於立食 即係餐廳入面係冇提供座位的 食客需要企係度食嘢🕴🏻 咁樣既好處係turnover rate夠快 所以食客可以以更實惠既價錢 食到優質既魚生壽司啦😻_{三文魚籽軍艦 $20 🐟}黎到立鮨 三文魚籽軍艦基本上係必叫～ 三文魚籽粒粒飽滿 晶瑩剔透 味道微甜 重點係份量超澎湃 多到滿瀉！淨係個賣相都夠殺食😆_{壽司 $9-58 🍣}個人另外推薦👉🏼築地白烏賊壽司：口感非常滑溜爽口 一啲都唔韌 且味道充滿鹹香 $15一件真係超級抵食‼️👉🏼深海池魚壽司：肉質緊致細嫩 味道鮮甜 食完口腔帶甘 有淡淡油脂香～👧🏻小編摯愛💓👉🏼大吞拿魚腩壽司：拖羅夠厚身😍 入口即溶 唔會有筋👍🏼 魚油味雖然不至最香最重 但四十幾蚊有大大件拖羅係開心既😚👉🏼仲有芥辣八爪魚軍艦 特上金目鯛壽司 火炙左口魚邊壽司 都非常之唔錯☺️_{大滿足海膽特盛 $98 🍚}反而個海膽特盛就比較遜色🙈 海膽雖然新鮮唔腥 口感幾creamy 但就欠缺鮮甜味😛 不過咁既價錢 有份量咁多既海膽 叫黎過下海膽癮都ok的～

第一次體驗喺餐廳企住食，唔錯，手卷好食我同朋友都有再encore。紫菜仲好脆，鰻魚熱辣辣，即叫即整即食，果然唔同啲壽司都ok，啲魚生幾新鮮。海膽飯比我地想像中細碗，但啲海膽都幾新鮮。蛋卷就一般左少少，無驚喜整體都唔錯。

呢間立食壽司鋪開左之後人氣都幾高，間唔中都會聽到有人讚佢好食我就想試好內，無奈男朋友唔肯食立食😑（佢要有得坐先得😂）今日自己一個行旺角，二話不說就諗住揀呢間餐廳食lunch餐廳面積都幾細，大約得十個企位左右。首先，你會發覺佢嘅壽司飯顏色係啡啡地色，有別於平時食開嘅壽司飯顏色。原因係呢間餐廳利用赤醋製作壽司，令味道更香醇濃郁、更具層次感，亦更能襯托魚嘅鮮味❗️😋海膽軍艦 $30海膽份量頗多，入口鮮甜、creamy 、一啲都唔腥鰻魚壽司 $15呢個好抵食❗️鰻魚入口好有質感，夠厚身。火炙大呑拿魚腩壽司 $48油脂十分甘香。火炙左口魚邊壽司 $20油脂不夠，亦不夠熱，魚有少少韌。我喺日本試過食一次超好食嘅火炙左口魚邊壽司，之後一直念念不忘，但一直都食唔番果隻味道😞其他壽司就不過不失喇，以咁嘅價錢都食到咁嘅質數黎講，呢間餐廳嘅CP值都幾高。不過就唔適合約會，因為係立食的關係而且鋪頭企位不算多，食完之後唔可以慢慢同對方傾計。總括來講，都係一間值得回頭光顧嘅餐廳。