究極堂 (永光中心)

究极堂午市套餐，定食有好多，呢间出名刺身新鲜，我当然系拣返刺身类，午餐仲可以追加好多款小食，有薯饼，芝麻，鸡翼雪糕同埋炸饺子究极丼$208大大粒嘅鱼子，连埋啲葱花一齐捞饭最好食，旁边有两块紫菜天妇罗炸到卜卜脆，入口唔会太油，刺身虾非常大只啖啖肉，而且虾头嘅虾膏仲相当多，三文鱼非常厚身，一片等于平时嘅三片，鲜甜新鲜，呈靓靓嘅橙色刺身定食配白饭$178白子刺身味道清香，入口即化，带有少少咸香赤虾刺身，入口软糯鲜甜，虾头的虾膏甘香，十分新鲜海胆鲜甜而浓郁，口感滑嫩，口中瞬间融化，甘香回味油甘鱼肉质紧实，带有丰富的脂肪，入口滑顺带有淡淡的甘甜鲜美三文鱼柔软且油脂丰富，鲜味十足，口感顺滑烟靭三文鱼子在口中爆开，释出浓郁的鱼卵香气有细致的咸味元贝肉质鲜嫩，入口鲜甜软糯吞拿鱼蓉口感滑腻且细腻，有浓厚的鲜味带油香鳗鱼芝士玉子烧$78鸡蛋滑溜，中间有溜心嘅效果，入面加咗一粒粒嘅鳗鱼碎，香滑又饱肚炸串，带子他他$38带子非常厚身，又鲜甜，炸完之后都依然保留到海鲜嘅鲜味，上面仲铺满一粒粒嘅鱼子，非常有口感，非常喜欢嘅炸物…查看更多

早排出咗铜锣湾食厨师发板，今日又再过嚟铜锣湾食日本嘢，不过，简简单单同朋友上居酒屋「究极堂」食个丼饭午餐而已。朋友话炮台山都有分店，至于呢家铜锣湾分店小弟都喺第一次到访。整个地方唔算大，但环境装修都好居酒屋格局，环境昏昏暗暗，天花挂上好多和式灯笼，好有深夜食堂嘅感觉，近门口嘅另一边更可以间为厢房，适合一班人搞饭局，同店员倾开，原来炮台山分店亦有厢房。基本上是日所见都坐满人，刚好最入嘅吧枱仍有位，唔使等！午市主要喺卖套餐，悭悭哋嘅有蛋包饭、牛肉丼、乌冬……之类，豪啲嘅有刺身丼、刺身定食、寿司定食……之类，正所谓丰俭由人。此外，散点餐牌嘅食物亦会全数供应。带子他他 $38先试试店家嘅炸物，餐牌图文并茂，见呢一款带子他他卖相靓仔，就拣咗佢。外层脆浆唔算厚，最紧要喺做到脆而不腻，啲带子好鲜甜，衬埋啲他他酱，加上三文鱼籽，真喺相得益彰。韩式泡菜章鱼玉子烧 $78玉子烧似乎喺店家受欢迎嘅菜式，见有唔少客都有点，玉子烧可拣明太子芝士或泡菜章鱼，选后者因为未试过咁嘅组合。首先蛋卷嫩滑而富浓郁蛋香，里面卷住好多泡菜，颇为惹味，加上极具咬口嘅章鱼，增加点点海鲜味道。究极丼 $208朋友话辛苦揾嚟志在食，所以，奢华少少嗌咗个「究极丼」，可惜喺海胆刚无货，但会用番时令刺身补上。睇见份丼真喺好吸引，有带子、三文鱼籽、炙烧左口鱼、油甘鱼、三文鱼、赤身、拖罗蓉、大赤虾，仲搭上一只蛋香十足嘅兰王蛋，外观非常吸晴。佢话啲刺身好新鲜，味道鲜甜，每款刺身都超好食，真喺无咩挑剔位，够晒足料，物超所值。究极炎之丼 $128而小弟嘅炎之丼跟朋友嘅差唔多，当然，用料无佢𠮶个咁高档，但一啲都唔失礼，有左口鱼、黑鯥、甜虾、吞拿鱼蓉、油甘同带子，全部都炙烧过，入口带点点焦香感，同样食得出食材新鲜，又能一次过试到多款刺身。此外，所有定食都包埋田园沙律同面豉汤，以一顿午餐而言，已喺丰富至极。成日都讲，只要做出水准，不愁无客，两个丼都食得出用料不赖，所以，午市基本上都可以讲全场满座！…查看更多

铜锣湾究极堂 — 刺身饭大满足（两人晚餐心得）今次同老婆临时想食啲好嘢，就上到铜锣湾永光大厦11楼嘅究极堂。店铺环境系偏居酒屋风，入面有吧枱亦有正常坐位，灯光唔会太暗，气氛舒服唔迫。职员态度有礼貌，落单同上菜都几快，座位间距合适，坐大枱或者吧枱都几自在。我哋今次叫咗两款刺身饭同一个热食小食，仲配咗支札幌啤酒，整体好满足，讲下细节：究极丼（海鲜满满） — 必试第一碗就系究极丼，刀工同配料都令人惊喜。刺身切得够厚，肥美嘅三文鱼油花靓、带子爽甜，油甘鱼同其他生鱼片都新鲜无腥。最吸睛系只生虾，上面仲有一坨超鲜味嘅虾膏，一咬开即时爆鲜味，口感弹牙。海胆质感细滑唔苦，配埋一堆晶莹嘅三文鱼子同滑蛋（好似系日式蛋）拌饭简直一流。饭量同配搭比例好，唔会净系食到饭又唔够料。整体我会畀个十分——出色嘅海味同视觉。究极炎之丼（火炙风味） — 香口有层次第二碗系火炙系列，师傅用火枪轻轻烧过刺身表面，带出香气同油脂味，配上店家特制酱汁，味道层次丰富。海鲜口感仍然保持鲜嫩，特别系虾同三文鱼，火香令整碗更有「食落去好有层次感」嘅感觉。细细缺点系如果钟意食冷刺身嘅人可能会觉得火炙味重啲，但我哋就超钟意。广岛蚝薯蓉（热辣即上） — 惊喜小食另外嗌咗个广岛蚝薯蓉，上台系热辣辣嘅铁板／小镬，薯蓉香滑带芝士，蚝够鲜味同份量足，啱晒两个人share。热食同刺身成为好好嘅冷热对比，配埋啤酒真系几过瘾。饮品同服务我哋叫咗支Sapporo啤酒，冰冻杯配生食／火炙饭真系match到爆。服务方面几贴心，落单后菜上得快，店内环境企理。价钱究极丼 HK$218、究极炎之丼 HK$138、广岛蚝薯蓉 HK$108、Sapporo 334ml HK$48，连加一后两个人食完大概 HK$563。以质素来讲我觉得系值得。总结（值得再去）- 优点：刺身新鲜、切片够厚、海胆／虾膏／三文鱼子表现好；火炙款有诚意；热小食即场上味道好；环境舒服服务体贴。 - 建议：如果想食更平静嘅气氛可以避开繁忙时间、部分人可能会觉得火炙味偏重。 我同老婆都好满意，决定下次再返嚟encore其他熟食同炸物。总体推荐比钟意高质刺身饭、想试多款海鲜配搭嘅朋友。…查看更多

永光中心11楼全层，环境清静舒适🥢究极丼 – 海胆、带子、三文鱼、三文鱼籽、吞拿鱼、虾、生蛋海胆金黄细腻，入口即溶，三文鱼油花分布匀称，橙色肉身油润滑溜，食落有阵阵鱼油香。吞拿鱼切成厚厚赤身，肉质细腻，鱼味浓郁，加份生飞蛋，拌匀饭同刺身一齐食，将全部鲜味同蛋香完美融合🥢4重芝士炸虾卷外层酥脆，再嚟系弹牙炸虾，虾肉鲜甜，寿司饭粒粒分明又唔会太软。芝士味道层次丰富，有咸香、有奶香，唔会抢走虾味，反而令成个卷口感更creamy更浓郁🥢秘制蕃茄汁 - 蒜香虎虾配蒜蓉法包虾身煎到微焦，肉质厚身弹牙。秘制蕃茄汁酸甜开胃，带微微蒜香同香草气息，完全冇抢去虾嘅鲜味，反而更加突出虾肉鲜甜。法包切片烘到脆卜卜，香味浓郁。拎块法包蘸啲蕃茄汁同埋虾肉一齐食，层次丰富🥢鳗鱼芝士玉子烧鳗鱼入口即化，鱼味香浓，带少少烟熏香。芝士溶晒喺蛋同鳗鱼之间，咸香同奶香交织，食落去有拉丝效果又唔腻口。三种味道融合得恰到好处，咸甜适中🥢抹茶牛奶(红豆)抹茶味道浓郁，带微微甘苦，牛奶令成杯饮品变得顺滑香浓，唔会太甜。红豆煮得腍身又保留口感，粒粒分明🥢红柚柠檬酸酒 – 无酒精饮落去清新酸甜，红柚味清香、带微微果肉纤维，柠檬酸味醒神，令成杯饮品好refresh…查看更多

今日试左一间喺铜锣湾区性价比好高嘅日本餐厅，叫究极堂。芝麻鸡翼2只 （$38）上枱鸡翼热辣辣，外皮炸得好香脆但唔算好油，咬落去鸡肉仲好嫰滑，充满肉汁，送啤酒一流。烧油甘鱼鲛 （$98）因为钟意食烧鱼但惊左食落有好多细条鱼骨，所以见到有烧鱼鲛就即刻叫左嚟试下。呢份烧油甘鱼鲛鱼皮烧得好脆，鱼肉就一啲都唔干，好有鱼油香，最紧要系冇咩骨。浓汤蕃茄咖哩牛肉乌冬 （$78）蕃茄汤底足料鲜甜，食到有好多茄肉喺汤入面，同埋个汤底都几杰身，令到每条乌冬夹上嚟食𠮶阵都好挂汤，牛肉系类似肥牛，用左日式咖哩都煮，所以整体食落系唔辣而偏向有少少甜味，同埋碗乌冬同肉嘅份量都好多，同朋友share嚟食会啱啲。究极炎之丼 （$138）因为我地坐bar枱，个丼饭未上枱𠮶阵已经闻到炙烧嘅香味，到食落口就觉得炙烧左带子同虾嘅生熟程度控制得刚刚好，唔会烧到过哂龙，配埋醋饭食系非常夹。油甘鱼4切 （$68）4件鱼肉都系厚切，非常新鲜肥美，果然7月食油甘鱼系perfect timing。4重芝士炸虾卷 （$48）有三件，外面嘅饭好软熟，包住新鲜炸起嘅虾，配埋经炙烧过的四重芝士，口感层次显得更加分明。Orion生啤 ($78) 买一送一睇Menu𠮶阵见到啤酒全日有买一送一优惠，所以即刻叫左嚟饮，食住日本野饮冰冻嘅日本啤酒，真系最夹。…查看更多