稻香.茶居 (荃灣千色匯I)

营业中

休息中

今次來到荃灣千色滙嘅稻香茶居！今次嚟試咗佢哋嘅點心，首先講吓蝦餃，皮薄Q彈，蝦肉新鮮到爆，每啖都係滿滿嘅蝦味，超滿足！燒賣一樣唔失禮，肉質juicy，調味剛好，食落口感豐富，令人一粒接一粒！粉果就更加惹味，內餡夠豐富，帶點微辣同香料嘅層次感，真係驚喜！炸物方面，爽脆得黎唔油膩，咬落仲有陣陣香口感，完美平衡咗整餐嘅口感。點心熱辣辣，點心保持住新鮮同溫度，超有誠意！稻香茶居嘅點心款款都好有水準，性價比仲要高，絕對係同朋友或家人輕鬆聚餐嘅好選擇！下次一定再來，坐低慢慢歎下。

星期日午市去飲茶，1點幾坐左7成人左右。衛生一般，枱同茶壺都有污跡，二人枱亦略迫。當日明顯唔夠人手，有個職員做到無嘜耐性，應付唔到客既同時，回答個陣大聲到嗌出黎咁，洗手間都好污糟😂兩個人叫左一隻紅燒乳鴿，兩個孖寶，炸菜牛肉腸，鮮蝦腐皮卷，排骨。腸粉皮厚唔推介食，蒜香紅鮮魷蒸到好乾，底既粉絲好硬。干貝滑雞粥無味，韮菜鮮蝦餃個皮又係好厚。燒賣同紅燒乳鴿就正常啲。茶位每人13蚊，埋單連加一，$239蚊。

超級差的服務，我們三個人點了一個小炒王和一個松草花蒸魚+燒鵝孖寶 (落單時間19：39)，我們吃了三十多分鐘才告訴我們燒鵝要等45分鐘 (約8：00至8：10)，說如果不同意只可換乳鴨或油雞，我們覺得跟本不是我們故意想來吃的東西、對我們來說價值也很不同，所以無奈等，一定冇下次！！(結果燒鵝上的時間為9:05， 燒鵝還要是柴皮的，如圖，經理話因本來要涼一下才上先好食)圖片為時間參考，你就知有幾離譜！！#食過晚飯的最差服務

天氣凍凍地，見到酒樓今期做火鍋節，又去吃個晚餐。想早點吃，五時半已到，酒樓人少，待應不忙碌，招呼我們坐下，開茶開位，算有服務了。菌皇地雞鍋有半隻雞和一盤十一種菇菌的食材。火鍋是清水底，自行放入雞和菇菌便可食用。當水開後，把整盤菇菌倒入鍋內，有些菌種較硬身，煮較要長些時間，慢慢聞到菇菌滲出來的獨特清香味，放下雞件煮一煮，一鍋雞鍋就完成了。雞肉嫩滑不韌，半隻雞煮出味道後成為一鍋好味的雞湯。喝上一碗熱騰騰的湯一身暖和，原來這樣煮出來的湯很好味。我們沒有再加其他食材打邊爐，覺得價格不抵。反而要一個胡椒生蠔豬手大蜆煲，性價比高。128一煲，內裏有生蠔豬手大蜆還有蝦，材料充足，生蠔有七隻，蝦六隻，豬手也有七件，大蜆十多隻。蠔肉嫩滑有汁，蜆肉鮮甜，豬手膠質豐富，蝦爽口，湯底的胡椒味適中，有西芹菜和西蘭花伴底。有蔬有葷。兩個人吃了完兩個菜式已飽飽。

原先想食燒鵝瀨粉所以就去飲茶一坐低熱到爆炸好似個冷氣壞咗咁樣跟住叫嘢食啦等咗30分鐘都未到明明係叫燒鵝瀨粉嚟到變咗燒鵝米線正常點解唔可以同客人講聲冇瀨粉轉米線真係誇張如果我真係想食米線我唔使特登過嚟啦個米線仲要係冇味呀應該係用滾水就咁碌一碌員工服務超級差上次旺角燒鵝瀨粉已經係咁樣情況今次又係咁樣永遠不會再去光臨稻香

一家人去食晚飯，叫了一個套餐。第一碟叉燒上碟痴刀一舊舊，但仍好靭，要服務員拿交剪剪才食到。第二碟青斑魚正正常常。第三碟椰汁蟹個汁怪怪的，蟹肉較鞋。個水壺機壞壞地，注水煲水有問題，人不多但服務員唔多回應，真係冇下次。

這間稻香的職員實在太熱情了（不需要她們的時候）在看menu討論著吃什麼時 幾個職員圍著您 超大壓力 一直煩著你食那個食那個 都說了起碼3次以上有傷口不吃蝦蟹那些了 職員輪流都說吃蝦蟹吧 便宜啊 根本都唔係錢的問題 比我媽還煩！·1蚊1隻雞要閒日才有的1蚊1只雞 如果要剪開才上桌 就要收$38 2位成人可以叫一隻雞 4位才可以要2隻 都幾大隻 肉質都幾好味😋·精選汽鍋湯這個湯真的很好喝 材料都很足 必飲！·胡麻雞絲粉皮 醬汁太多了 鹹了點·手拍青瓜🥒 這個酸酸的醬汁跟青瓜不太夾 好似兩樣野無咩關係·鮮菌紅燒豆腐 蟹肉扒雙寶蔬 大大碟 都幾好食

原價48元的紅燒乳鴿，酒樓近期做優惠，9.9一隻，見咁平就去試一試。按規定可每人一隻，全隻上。我們兩人各要了一隻，再加一份龍蝦伊麵。自已劃單交給侍應，等了不久乳鴿來了。乳鴿放在蒸籠內上檯，旁邊伴有兩片炸蝦片。酒樓提供付費手套，每對五角，要了兩對。穿好手套把乳鴿拿起，乳鴿剛炸起仍十分熱，慢慢用手撕開，滿滿的肉汁從鴿身滲出，鴿肉質感嫩滑，味道比較鹹，所以不用沾任何醬汁已夠味。鴿身雖小但仍是有足夠肉可慢慢細嚼。蝦片也炸得脆。以這個價格來說真是超值。龍蝦伊麵我覺得也是抵食的，懶得自己去街市買回家煮，到這酒樓吃一份也不貴。這個菜色用大湯碗上，上湯伊麵在底，龍蝦開邊放面。蝦殼的顏色鮮艷，為了方便進食，用剪刀把蝦肉剪開一段一段，蝦肉結實，口感爽，味道鮮，質素不錯。不過伊麵就差少少，麵身較淋及湯是很淡口的，要沾點辣椒醬同吃才有味道。酒樓還有很多菜色供選擇，價格也可以，可惜我們兩人胃口細吃不了多少，吃完兩款也夠了。下次找多幾個朋友才再嚐別的菜色。

朝早10點半黎到打算飲茶，結果去到12點走都未食飽。點左8樣嘢，20分鐘上一樣，去到最後魷魚鬚沽清酒樓自動取消單都唔講聲，燒賣又上錯去其他枱，上錯都算居然直接攞走唔check多次單，最後仲有三樣野食未上。咁嘅服務態度都好意思收服務費，建議食樓上間名苑鮑汁鳳爪，入面花生係苦嘅。xo醬蘿蔔糕，完全冇口感，食落去軟到一pat嘢咁舉手叫埋出聲服務員都好似當冇到咁直接走開，全場上得最快嘅係外賣盒，真唔建議食，咁樣嘅質素平過佢嘅周街都係

開飯啦！開飯啦！稻香集團推廣$1價活動，我約同好友去位於荃灣眾安街68號荃灣千色匯14樓A號舖的稻香食雞煱。我點左個金錢肚炆雞鍋$1，個雞煱賣相不錯，材料豐富，金錢肚和雞肉都軟腍入味！

成日聽朋友話稻香晚飯時段好抵食，今次我哋就揀宵夜時段8點半入去睇下有幾抵食先。🌟#火鍋雞(1蚊）非常超值！特價時段，雞半隻，份量唔少，加埋係藥膳湯底，濃郁松茸菇和藥材味，十分清香。🌟#脆肉鯇魚片爽脆口感，涮一涮就食得，清甜魚味，份量唔算多，但都有少少骨，食時要小心點。🌟#鮮蝦肉質實厚，鮮味十足，不錯。🌟#四色丸蝦丸爽口彈牙，墨丸就一般唔算好新鮮。🌟#帶子炒西蘭花帶子非常嫩滑，鮮甜入味，西蘭花翠綠爽口，十分新鮮，好食。🌟#蔬菜拼盤分量非常誇張，蔬菜款式多，新鮮好味。以宵夜時段來講，質素唔差，食咁多野都唔使4百，好滿足😌

📍#荃灣 #稻香#羊羊在荃灣#羊羊在新界吃蟹的季節到了，想好去哪裡吃了嗎😁身邊附近有不少人吃了，剛好也是在香港平價酒樓吃，勝在四處有分店夠方便、價錢划算，每道菜份量十足🤑這家平價酒樓有不少本地人吃，食物不太講究擺盤，但味道和香味絕不遜色🤫坐位也闊，還好的☺️🦆京城片皮鴨 $88超級便宜，賣相是不吸引，可是比想像中好吃😯皮有點脆，油分充足，還連一點肉(是不正宗🌞有點搞笑，為什麼有菠蘿夾在餅皮🍍🥬金銀蛋浸莧菜 $98看見鄰桌點的，好像挺好吃就點了😝盤子已經很大，裡面盛了滿滿的上湯浸著菜，蛋的份量也很多，很鮮甜的菜😄🐖燒腩仔拼墨魚餅 $58本想著特價菜式沒甚麼特別，但是燒腩仔的外皮竟然是脆、肉是很多汁，墨魚餅是熱的也很足料🦑🍚瑤柱蛋白炒飯 $128個人去酒樓必點，最能測試廚師功架👩‍🍳炒飯粒粒分明，明知下了很多油，可是食不出油膩感，外加鑊氣(只能意會不能言傳🤪特意點來配蟹膏，不過單吃好像更好吃🤣🦀阿拉斯加長腳蟹 $188/斤自己挑選的蟹，十分生猛💪🏻小建議，真的要看著職員替蟹磅重，小心呃稱😒超大一隻蟹，聲稱是5.5斤，但好像不是吧🙂蟹肉很結實、很鮮，蟹膏偏鹹，兩者海水味較重🌊總價錢－ $160

食物難食，又鹹又唔入味，上菜速度慢，啲呀姐又無禮貌服務又差，十問九唔應，唔想做咁款，比錢買難受，不可一不可再，以後都唔會幫襯。又貴又唔好食，兩千蚊出面有更多更好嘅選擇

星期六早上9点15分到酒樓，沒有人等位，職員即場帶領入座，目測人客衹有一半。稻香一般都採自助形式，不但自己用QR code落單同自助沖茶，開茶時職員会比茶葉一包，有一座自動沖水器放在每一張枱側边，自己沖茶，老實講這個安排都几好，不用吓吓叫酒樓姐姐沖水，超放便。一籠三粒分別有鮑魚/蝦/魚肉燒賣，朋友試咗鮑魚燒賣話幾好味，小編就試咗個蝦燒賣都唔錯，蝦好新鮮，推介👍魚肚雞個碗加咗豆腐卜，魚肚都幾好味，鸡平平無奇，一般。窩蛋牛肉飯，份量都頗大，牛肉都ok，不過蛋就唔係窩蛋😑櫻花腸，味道好一般。總括嚟講，飲早茶星期六到11半，如果十一點半找數都有六折真係幾抵食，唔怪之得咁多長老喺度食👍🤪

好多地方都一早book唔到位，好彩呢一間book到位去到食嘢嘅時候，其實間嘢都好多人今次我哋叫咗九百幾蚊嘅一些套餐係話四人餐，但係其實六個人都夠飽之後我哋仲散嗌咗個叉燒，同埋菜係好滿足的😂，仲要打包