稻香 (天瑞商場) (已結業)

今次係稻香早茶時段飲茶，洗茶杯時我發現茶杯滑潺潺，應該係洗潔精未過乾淨☠️，仲慘過油淋淋⋯叫左蝦餃啲皮蒸得太耐溶晒一patpat 咁🤮，藥膳鳳爪炆得唔夠淋同唔入味，好似白灼咁，重點係服務態度同做生意手法真係不敢恭維😓，我10:38落第一轉單，等20分鐘好不容易叫到侍應check下（啲侍應會扮睇唔到你），佢就check都唔check立即回我就話⋯哦，黎緊⋯我心諗好敷衍下囉⋯咁就不了了之⋯最後佢地拖延到11:05分，等左近半粒鐘先有第一籠食物既出現😰，之後11:15再加單食物，之後冇耐就出去埋單，點知女經理大大聲咁講話要11:30前埋單及離檯先可以計早茶點心優惠，如果係咁又未過11:30，咁我先生話啱啱第二轉加既食物就取消，因為食物未到又啱啱落單，但女經理唔俾，咁算啦⋯咁我地話唔取消啦，未黎既食物我地照打包並立即離檯埋單啦，但女經理又唔俾，最後女經理堅持話我地冇左早茶點心優惠，結果就硬食全單正價⋯個女經理係度拖延時間⋯根本係不良營商手法一樣⋯我地係想11:30前離枱埋單，女經理諸多為難我地，今次心知中伏，經過今次很不愉快既飲茶經歷，我俾佢地呃一次錢就夠，我永遠都唔敢再去稻香喇，加上女經理服務態度極差，食到一肚火，稻香真係越做越差⋯😮‍💨…查看更多

夜晚落樓下稻香食飯，拎咗枱号行入去，啲侍應個個企晒係到都唔識過黎帶枱，要個客自己係到搵。一行七人坐底先叫咗五個餸（最後叫咗七個餸+一蚊雞），然後叫咗個一蚊雞，個部長語氣好差咁話，今一無一蚊雞賣38蚊，我地都知你六日賣38蚊，咁佢個餐牌寫個餸名係一蚊雞丫嘛，我唔係講一蚊雞咁點講？一係你轉餐牌寫38蚊雞，咁我未叫38蚊雞囉，而家都只係叫得佢一隻雞，又唔係叫晒一蚊雞無叫送係到坐。後尾黎咗隻雞，原隻上，放底咗把普通交剪，唔緊要38蚊都預佢無服務，但係把交剪係剪唔到骨，我好聲好氣問呀姐有無剪骨交剪，佢好不屑咁話無，係得呢啲，我話都剪唔到咁叫啲客點剪，佢話我點知你點剪，之後就走咗，啲態度差到咁。叫咗乳鴿又係成隻上，唔通內地茶樓啲客興好似野人咁成隻食嘅？唔怪得星期六晚市都無乜人，呢間大陸茶樓真係快啲摺埋比下手啦。…查看更多

二人可以食一隻一蚊雞，我地一行四人就食左兩隻雞！基本食完兩隻雞已經好飽！ 雞皮燒到好脆！肉質鮮嫩！整體係好食既！ 28蚊一碗湯都好足料！但98蚊既蒜蓉開邊蝦得9隻就不用叫了！…查看更多

餸菜上得慢 員工態度惡劣 羊腩煲 非常之硬食唔到 龍躉未蒸好已經畀人食 菠蘿咕嚕肉 冇味 豬手硬到連後生仔都拗唔到 雲耳可以酸到嚇死人 如果大家有得揀千祈唔好去 以前嘅服務態度都唔係咁其實都係針對緊服務 佢哋不停咁迫你嗌套餐 舉曬手都冇人過嚟幫你 諗住做節同屋企人輕輕鬆鬆唔使煮出嚟食個飯點知食到一肚火 竟然可以將一條龍躉係完全夾唔到出嚟畀人食 咕嚕肉竟然係完全冇味 可以覺得係出去嗌一盒兩餸飯畀佢仲更加好食 燒味部完全冇理會堂食嘅客人一路有得佢哋等…查看更多

稻香做到今時今日，做冬前得一半客都無，係唔係應該檢討下？就講呢個沙嗲肥牛煲，收108元。我以為我食緊牙菜牛肉湯粉絲，吾要求有牛味，都應該有沙嗲味，煲仔菜無香味無熱度。價格吾係貴，但出品對得住自己個招牌，對得住個客人。老闆鐘生應該落舖試下菜比個comment，講得出呢啲出品係拎得上枱。稻香都叫香港品牌，愈做愈差，20年前晩晚旺場，到今日晚晚有位。吾係得我一個係咁講，身邊朋友個個同一評價。真係非常可惜。…查看更多

稻香又有1元羊腩煲啦，呢個套餐係要叫個配料，再加$1有個羊腩煲，而配料牛肉就$138。首先個羊腩煲係好足料呀，羊腩既份量都非常之多，起碼有10舊夾呀，除左羊腩之外，個煲入面仲有其他配料，有枝竹，索哂d羊腩汁勁入味，仲有馬蹄，好爽口好味，最後仲有魚片，呢個索哂d汁，食落去勁飽肚。額外點餐既配料就叫左牛肉&生菜，生菜都係當打邊爐咁淥黎食，牛肉就一般凍肉舖質素，都還可以啦。仲有叫左個湯，一人一碗，入面勁足料，鮑魚雞腳湯。…查看更多

茶樓的茶客都是街坊，大家都知道閒日上午11點半前埋單享有特價，平足20-30%！所以，閒日人好多，要等位，週末就人少啲。茶樓點心中規中矩，唔算精緻，但有幾款點心質量不錯，每次都點。鮮蝦腐皮卷我的No.1必點，去到邊飲茶都點。腐皮卷又薄又脆，蝦肉鮮嫩多汁，加入筍粒有層次感，點埋醋就一絕！排骨鳳爪飯我的No.2必點，鳳爪、排骨和豆豉的味道滲進白飯裡，好味！食完呢兩個點心已經飽~~金勾炸兩腸腸粉包住油炸鬼，今次油炸鬼唔夠脆，冇口感又冇層次感，差咗啲。鴛鴦雙潮不過不失。農家肉餅飯肉質滑嫩，撈飯真係幾好味。醬皇蒸鴛鴦掌我唔食鵝掌，但屋企人幾欣賞，覺得咬下咬下幾爽。…查看更多

試試💲1鮑魚雞煲🍗星期一至五8:30pm後開始就係稻香嘅宵夜時段😍可以用一蚊嘆到鮮鮑魚雞煲🥘食完仲可以順便打埋邊爐🫕飲品同火鍋配料半價！一煲入面有4粒鮑魚，口感煙韌。雞份量就唔算多應該半隻左右，個雞煲味道唔算好濃。火鍋配料就叫咗鴨血、炸腐竹同肥牛打邊爐🥢見部长推介$58豉椒炒蜆，又叫左份😋不過上到嚟係豉椒炒沙白，好彩都新鮮又冇沙，而且份量都幾多！抵食之選💯另外今晚啲職員嘅服務態度好好，平時晏就果批大部分服務態度差另收茶芥每位$13及+10%服務費#nseat_天水圍 #hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #稻香 …查看更多

稻香又出新野🆕漁港好滋味$68份量都幾足 $68黎講幾抵食👍🏻入面有蝦、魷魚🦑、扇貝、蟹柳、娃娃菜、粉絲等材料製作而成。咸度適中。入面有好多蒜蓉同蔥，食落特別開胃，都突出海鮮的鮮味然後再點返平時食開嘅點心五碟野兩個人食就飽晒。…查看更多

試試第二輪新出點心🆕蟹子春蛋燒賣$15.8餡料滿滿冬菇、蝦仁同瘦肉，入口好香冬菇味，就係比普通燒賣多左上面的蛋同魚籽。蝦餃$31轉左餡，之前純蝦膠，依家多左竹荀粒。潮州蒸粉果$23粉果焰料比之前好食，味道層次豐富左😋多左好脆的菜鋪同2粒脆花生🥜。食落更香口🤩🆕風味紫菜雲吞$15.8紫菜都幾脆雲吞全部係肉餡同埋太鹹🥲📝今次新出嘅點心麻麻地，比較鍾意上次新出嘅黑松露燒賣同水晶粿。…查看更多

見到大大隻字非常時期非常優惠點心一律$12.8，星期六日及公眾假期$15.8點咗兩款試吓👉黑松露燒賣$15.8上枱見到賣相已經好吸睛 🤩入口口感絕佳 咬落去發覺冬菇味同黑松露味好突出，其實除咗點心上面既黑松露 咬開都見到肉餡內好多黑松露粒粒😍吃貨表示好滿足👉欖菜肉沫水晶粿餡料有：欖菜、肉碎、沙葛、紅蘿蔔同杏鮑菇配料豐富，咬落去好香，諗咗好耐都唔知係咩味。最後終於發現係欖菜嘅香味。整個口感好味，值得一試！另外，想講下返平時會叫開嘅鮮竹卷。👉鮮竹卷最近每次都係唔同味道，質素參差，連餡料都會唔同。一直食開係雞肉餡好好味，每次都會叫兩碟。而最近幾次都會食到係魚肉餡。今日仲奇怪，同一碟嘅鮮竹卷竟然有一舊係魚肉餡，兩舊雞肉餡。呢啲算唔算魚目混珠？老實講配雞肉餡先至好食！配魚肉餡又會多咗啲芫荽做配料！食落根本冇鮮竹卷嘅味道！希望唔好做壞呢個點心！鳳爪依然keep住水準好味…查看更多

一大班人慶祝長輩生日。希望可以一班人坐得舒服，而且長輩都係鐘意食傳統中菜。所以揀咗屋企附近號稻香。兩枱人都係叫咗套餐。有龍蝦有鮑魚。分量大碟。不過味道就一般。龍蝦伊面太淋。炆鮑魚味道太咸。服務方面就正常。俾咗間房我地坐。環境都算唔錯。…查看更多

20:30 前可先領飛，再等候號碼進入，因為有 1 蚊羊腩煲， 十分多人惠顧。comment : 1蚊的羊腩煲，價錢優惠，簡直是益街坊，這個價錢應該沒要求吧！食完可以再火鍋，配料和飲品全半價，抵！另加10%服務費和每位13蚊茶錢。…查看更多

岩岩起度等入座，等咗一陣終於到我，咁就行入去啦，個職員無啦啦對住我講，果張枱原來有人，問我地介唔介意搭枱，然後我同佢哋講而家疫情好似唔係咁好，佢居然同我講呢度不嬲都要搭枱，咁佢講到咁我地唯有接受，然後我地坐低咗，然後等咗10分鐘有冇人執枱又冇人換枱布，好啦終於有人過嚟執枱，我同佢講幫幫手換張枱布，佢居然同我哋講人哋食緊野好難換張枱布俾我，但係我望到張枱布又有豉油漬又有人用過嘅牙籤食完野嗰啲垃圾全部喺張枱布，跟住神奇嘅嘢就發生啦，我同佢講好污糟，佢同返我講而家咁咪乾淨晒囉(佢清走晒啲牙籤同垃圾，但係啲豉油漬都仲喺度), 然後我真係嬲到走咗，點解啲人可以有咁既思想🤦🏼…查看更多

員人係我填個人資料既時候一直望住又收埋個投放個箱要我遞張紙比佢再係我面前打開我填張資料表完全侵犯私隱！食野既碗碟好似無洗咁油立立食物凍冰冰服務質素又差人手明顯不足水都無人加！屋邨人面惟一既酒樓都可以無哂人流大集團都做到咁既質素…查看更多