稻香 (德福廣場2期)

营业中

休息中

今晚同屋企人去咗稻香食飯，最近新裝修完環境寬敞又熱鬧，入口處有大魚缸可以睇到D海鮮游緊水好生猛🍽️海膽醬炆玉蔘煲海膽醬好香濃，同玉蔘嘅鮮甜混搭一絕，豆腐滑溜暖胃，炆得入味又有嚼頭，夜晚食補身一流！🍽️乾坤蒸龍躉件龍躉件蒸得鮮嫩多汁，魚肉細滑帶原味，食落清甜又滿足！🍽️晚市海鮮孖寶：蒜蓉粉絲蟶子蟶子新鮮彈牙，蒜蓉同粉絲香氣撲鼻，煮得juicy又開胃，超惹味！🍽️晚市海鮮孖寶：鹽焗雞半隻鹽焗雞雞皮香脆肉嫩，鹽焗味入骨，配少少醬汁提味，夜晚食暖笠笭又夠飽！

靚媽為咗要用埋最後一張，稻香價值$1OO現金券，所以在7月29日請揾食肥華到，此店飲早茶，適值此店近日推出特價，孖寶點心令此餐早茶更加抵食，今餐食品評語。(一)豬潤肉丸粥，粥底夠綿滑又有米香，豬潤淥得啱啱好，喺全餐最佳食品之一。(二)三式鮮虾餃，三款餃都平平無奇，食過就無須再食。(三)香菇灌湯餃，件香菇夠厚有菇味，隻灌湯餃味道亦佳，亦喺此餐最佳食品之二。(四)山竹牛肉球，牛肉味淡，肉質口感差，要選今餐最差食品，呢碟牛肉球當之無愧。(五)千層糕，有傳統呢款點心風味，值得一試。(六)蒜香紅鮮魷，魷魚配上蒜蓉粉絲，相當惹味，好食。(七)乾貝蟹籽燒賣，食到豬肉味，肉質亦不差。(八)柱候醬牛筯腩蒸陳村粉，好食無佢份，又唔話得難食。總結此餐，用特價食到上述點心再加埋，用有八五折優惠嘅$1OO現金券埋單，呢餐值。⭐️⭐️⭐️⭐️

經理話這一隻叫太子鴨（喺我眼中即是迷你鴨，在這個世界生活咁多年，我從未見過一隻鴨可以咁細），我沒有強烈的意見，公道一點，這隻鴨價錢$108，大家如果覺得這個價錢食16-17片片皮鴨是值得嘅，就可以隨便落柯打😊呢隻鴨令到我非常驚喜，因為我由今日開始長知識了，我知道一個人的正常common sense和合理期望都是不可以用以往的經驗去衡量，我知道以後去每一間酒樓都要問清楚片皮鴨是正常片皮鴨還是太子片皮鴨，我亦都要問酒樓最終我食到幾多片片皮鴨，我才不會失望

九龍灣稻香的「飲茶孖寶」優惠絕對是抵食之選！其中$28的「乳鴿」外皮酥脆，肉質鮮嫩多汁，淋油生炸的香氣令人食指大動，性價比超高。搭配孖寶套餐，更顯划算，乳鴿香口肉厚，點心好食，惹味十足。 此外，稻香的午市套餐包含點心、小食、粉麵飯等，足夠4-5人分享，推薦稻香蝦餃皇和蠔皇鮮竹卷，春卷外脆內軟，即叫即製。環境舒適，裝修雅致，自助加水系統方便，加上泊車優惠，整體體驗滿意。 若想平價享受高質粵菜，九龍灣稻香是不錯的選擇！

今日去飲早茶，試下稻香嘅＄18.8特價早市飯“蟲草花臘味雞粒飯”， 雖然特價不過都落足料，上枱熱辣辣，又用沙鍋仔煲飯有少少飯焦， 因為蒸飯所以臘味同雞粒又不太油，整體份量足夠，超值呀。計埋 茶錢食物加一 都係＄33埋單，仲平過食快餐。

約埋一班朋友一齊去飲茶, 咁九龍灣站都幾方便嘅揀咗呢間不過呢個位有少少難搵到㗎喎,去到之後都覺得好大間好光猛,咁當然係等到下午茶先係會係最抵.去到已經見到勁多人喺度等下午茶, 好彩入面都幾多位.嗌咗幾籠點心佢啲嘢食都ok,佢有個蘑菇包嘅造型幾搞笑😆搣開佢裏面真係有啲菇喺裏面㗎喎,又幾好味😆😆

宜家食點心好多時都係去啲點心店，好耐冇去過酒樓，上星期突然之間好想去傳統酒樓飲茶，就同朋友就去咗九龍灣德福間稻香，裏面環境超大超光猛👍👍冇諗過禮拜六點零鐘都唔使等位😅我哋總共叫咗四個點心，佢假日有個午市孖寶任揀兩款點心只係$36，超抵食！😵🫨👅👅海皇煎薄撑而家好似唔多點心店或者酒樓食得到薄撐，呢個薄撐非常足料👍👍 側邊煎得幾脆，中間位置唔算太油膩👅川汁抄手（汁另上）個汁唔夠香，抄手太厚皮，比較一般👅午市點心優惠（蠔皇鮮竹卷&千層糕）鮮竹卷一嚟到已經見到好濃稠嘅芡汁，賣相不太吸引😅😅 味道正常～千層糕幾鬆軟，中間既奶皇餡都食到啲椰絲，不過食食吓都有啲甜有啲膩😅大型商場嘅連鎖酒樓嚟講性價比都幾高，好啱一家大細，有機會會再去😄#九龍灣美食 #酒樓推介 #稻香 #稻香超級漁港 #中式酒樓 #飲茶推介 #蠔皇鮮竹卷 #千層糕 #紅油抄手

呢間酒樓超大間，不過我發現德福廣場一般嘅舖頭都超大，無論係UNIQLO、無印良品、定係其他舖頭都超大，唔知呢度係咪好平租呢？呢度星期日下午茶都完全唔使等位即刻入座，仲見到極多極多枱，但係其實勁多人不過呢度隔音有啲差好嘈，同男朋友傾偈要好大聲 嗌咗呢度做緊推廣嘅雞，原來真係有半隻超抵食，仲有成六嚿好大嘅沙爆魚肚好正，仲有少少水瓜添不過隻雞就好明顯唔係靚嘅質素麻麻哋好食，雞胸位好難哽 呢度嘅腸粉就真係麻麻，就算好肚餓嘅情況之下食個腸粉都覺得個屁質素好差，雖然好厚，但係個扣粉比例唔好腍啤啤咁 腸粉入面嘅蝦就正常質素鯪魚球幾好味，不過我發現佢原來偷偷地加咗好多肥豬油粒正方體咁前途份量好多，下面係豆卜，不過有啲硬都係海港嘅好味灌湯餃有成粒圓貝同冬菇，灌湯餃入面就主要係白蘑菇 OK啦 係撈咗啲油 同埋冇魚翅 扮都唔扮🤣桌，魷魚雖然好鮮味，不過份量就好少得四隻$29 下面好多生菜，不過好多蒜油本身想嗌皮蛋瘦肉粥，但係懷疑因為係小點，所以已經賣晒，轉咗個窩蛋牛肉粥，因為好想食粥，估唔到質素咁好全餐最好味係呢個，好綿落蛋嘅粥好似第一次試，牛肉係唔會好多梳打粉十幾咬口感 諗起都想食，唔夠喉，哈哈整體而言自

同母親大人兩個人去飲早茶，落樓下德福廣場二期八樓間稻香，地方夠大人無咁多，通常唔使點等位。兩個人選擇既點心唔多，叫左幾款常見同老人家鍾意食既就算。當然唔少得馬拉糕，一籠一開四大大份。香煎綠豆餅，試面佈滿芝麻，香香脆脆咁，私心推薦。仲叫左啲叉燒酥、炸春卷等等。普通茶樓點心，稻香都唔會話味道特別好好架啦，不過勝在叫做分店多，總有一日係左右，而呢一間係屋企附近，間唔時假日近近地可以帶老人家黎飲個早茶食個包咁

留港消費，今次同朋友去稻香食夜市，有唔同優惠，入去試下味先！🌟#鮑魚雞精湯清甜足料，美味！🌟#例牌燒鵝皮脆肉質嫩滑， 十分香口惹味。🌟#洋蔥爆蝦份量不錯，哈哈大大隻，食得出肉質鮮甜。🌟#滷水雞半隻滷水入味，雞肉都算嫩滑，但覺得炸子雞比較好食。🌟#花膠炆鵝掌花膠大大片，都幾厚身，滿滿骨膠原，配合鵝掌一齊食正。🌟#鮑魚冬菇炆生鮑魚大大隻，冬菇十分爽口，生菜鮮甜。整體夜市比午市好食，八點之後優惠比較多。

稻香又有一蚊，今次係羊腩煲，宵夜價8:30開始另外有$48 一隻古法窯雞，都幾香幾嫩羊腩煲都足料，加左碟生菜，就認真唔抵，43蚊得少少，不過都預左埋單3個人每人60左右，都真係幾抵食！

稻香集團一向以性價比高聞名，最近更推出長腳蟹優惠超吸引🦀😋.▫️阿拉斯加長腳蟹 🦀 $188/斤一隻三至四斤嘅蟹（約$600）已經夠四至六人享用❣️長腳蟹每日新鮮來貨，先到先揀！因早到關係選到比較新鮮的長腳蟹，肉質超鮮味😋💕.💬 長腳蟹品質值回票價！建議有興趣嘅朋友早啲到，便能先選當日優質長腳蟹🥰🦀.Tao Heung Group is always known for its high cost-performance, and they've recently introduced an enticing offer on Alaskan King Crab. 🦀😋.▫️ 𝐀𝐥𝐚𝐬𝐤𝐚𝐧 𝐊𝐢𝐧𝐠 𝐂𝐫𝐚𝐛 🦀 $188/ 500gA crab weighing 1500-2000g (approximately $600) is sufficient for four to six people to enjoy! The king crab is freshly delivered daily on a first-come, first-served basis. Arrivi

見到有張黃色孖寶點心紙, 梗係食孖寶啦首先來一個皮蛋瘦肉粥, 上枱仲係熱辣辣㗎, 都算幾足料, 好味跟住上枱嘅係蘿蔔糕拼煎餃子, 老媽讚蘿蔔糕好食, 可能放得耐咗少少, 煎餃子條邊就比較硬咗啲, 餃子餡以蔬菜為主, 有少少肉煎釀四寶嗰兩隻紅綠辣椒係有啲辣, 整碟四寶都比較油咗少少最後上枱係熱辣辣嘅蟹肉蒸魚肚, 蟹肉只得啲啲, 但係魚肚就有好多, 而且好入味, 好食加抵食整體嚟講, 不過不實, 搵個樓面幫下手都唔係咁易㗎, 舉手好耐啲樓面都睇唔到咁㗎😅埋單94蚊平日孖寶時間去到十一點

老人家好鍾意食稻香呢個品牌，老人家話要去食稻香，心知不妙！ 叫咗個豆豉蒸鱔，呢個係唯一一個覺得OK可以接受嘅，但係價錢要$148。仲有一個$108嘅蒸豆腐扇貝，呢個價錢自己屋企整仲好食🤕️ 食食吓嘅時候，見到豆腐上面有啲不明物體，同咗經理講，佢話多謝意見反映😂 OK 仲叫咗個燒肉拼粟米餅，個燒肉有一陣溢味。最後叫咗個$88炒菜，可以少啲油。 最後關於服務，舉手好耐都係冇人理。 我見到有人要敲杯叫姐姐😂 真係搞唔掂喎

明明講好咗呢晚要嚟個✨膽固醇之夜✨，不過因為場地問題，最終我哋改咗去「稻香」食 #長腳蟹 😅 可能係 #一蚊雞 嘅宣傳效應，呢晚座無虛席！#阿拉斯加長腳蟹 每斤$188、#羊腩煲 都只係$168… 價錢係幾吸引嘅😉 不過講到食物質素就真係麻麻！阿叔話呢日 #長腳蟹 嚟貨唔多，而且都比較細隻😅 但係轉過頭又話我哋好好彩，搵到全場最大嘅俾我哋，不過都只係得三斤九両多啲😅 仲要比我哋見到個蟹蓋穿咗大咕窿🥴 其實都有啲擔心質素有問題，不過既然都秤起咗，大家又冇乜意見，唯有由大叔發板啦🤭 先上枱嘅係晚飯抵食三寶，有 #炆魚頭煲、#乳鴿，仲有 #蠔🦪 不約而同，加埋個 #羊腩煲，幾個菜式都係深啡色嘅😅 以色香味嚟講，已經輸咗一半😅 至於味道方便，都只係一般般！乳鴿煮得有啲過火，肉質偏老😅 碟 #蠔 更加係煮到乾爭爭咁😅 #羊腩煲 份量偏少，加幾棵 #生菜 🥬 仲要另外比$43，略嫌有啲搵笨😅姍姍來遲嘅主角 #長腳蟹 最後出場，賣相都唔差嘅，但係就明顯穿咗個窿囉😅 蟹腳 #肉質唔夠結實、亦唔夠鮮甜味😅 不過勝在價錢夠晒平，唯有同自己講「一分錢一分貨」，當過吓心癮都無妨嘅！😉📍 稻香 (德福廣場)