稻香 (德福廣場2期)

呢排几个projects同步进行，#小秘书 真系忙到有气冇埞唞🤪 好彩身边仲有班战友撑住，总算挨到尾声😉 为咗奖励大家，当然要同大家食餐好㗎啦！听讲「稻香」呢排做紧 #火锅优惠，晚上8:30入座，火锅料特价三八折之余，玩赢咗 #啤酒游戏 仲可以「特价换购龙虾」做汤料🤤 有得玩又有食，当然要试吓啦🍻嚟到 #稻香 嘅大门，大家已经被门口嘅 #游戏摊位 🤹🏻 同 满满嘅 #海鲜鱼池 🐟 吸引住👀 摆低行装，我哋已经急不及待出去接受挑战。游戏戏规则系一手擸得愈多啤酒，就可以得到愈多折扣换购龙虾... 可惜我就渣啲，一手只系擸得5支... 折扣系少啲，不过以 $78就食到只 #龙虾，算系唔错㗎啦😆呢晚我哋点咗个清汤、沙嗲鸳鸯锅做汤底！嚟得 #食火锅，当然唔少得我至爱嘅 #海鲜，大大只嘅 #蛏子、肥嘟嘟嘅 #广岛蚝，仲有手板咁大嘅 #鲍鱼 够晒鲜味😋 #云吞、#水饺 🥟 都非常有水准😋服务员同我哋讲，佢哋嘅 #安格斯牛盘 亦都系 #必食之选，只系卖$68嘅🐮并盘，配料相当丰富，除咗安格斯肥牛片，仲有 #金钱肚、#牛肉丸、#辣牛肉... 钟意食牛嘅你一定要试！最后我哋点咗两个 #出前一丁 放入沙嗲锅一齐煮，味道香浓，够晒满足！📍稻香(九龙湾) 伟业街33号德福广场2期8楼801号舖…查看更多

稻香（德福广场）平日同屋企人饮茶，好耐没去过稻香，佢出名价钱大众化，但野食就一般。早市有抵食孖宝嗌，就点左虾饺，粉果，咸水角，炒手，同埋凤爪排骨饭。蒸点d皮比较靠，有d位蒸唔透仲有d硬，但都没穿没烂，咸水角比较细粒，皮都比较厚，味道正常。凤爪排骨饭𩠌比较少，但饭就好多，唔系好够𩠌。炒手就系晚市火㶽的云吞，味道正常，唔够味就可以点红油汁。两人埋单都只系几十蚊，自助煲茶倒水，性价比都算可以，住喺附近可以试吓…查看更多

今晚同屋企人去咗稻香食饭，最近新装修完环境宽敞又热闹，入口处有大鱼缸可以睇到D海鲜游紧水好生猛🍽️海胆酱炆玉参煲海胆酱好香浓，同玉参嘅鲜甜混搭一绝，豆腐滑溜暖胃，炆得入味又有嚼头，夜晚食补身一流！🍽️干坤蒸龙趸件龙趸件蒸得鲜嫩多汁，鱼肉细滑带原味，食落清甜又满足！🍽️晚市海鲜孖宝：蒜蓉粉丝蛏子蛏子新鲜弹牙，蒜蓉同粉丝香气扑鼻，煮得juicy又开胃，超惹味！🍽️晚市海鲜孖宝：盐焗鸡半只盐焗鸡鸡皮香脆肉嫩，盐焗味入骨，配少少酱汁提味，夜晚食暖笠笭又够饱！…查看更多

靓妈为咗要用埋最后一张，稻香价值$1OO现金券，所以在7月29日请揾食肥华到，此店饮早茶，适值此店近日推出特价，孖宝点心令此餐早茶更加抵食，今餐食品评语。(一)猪润肉丸粥，粥底够绵滑又有米香，猪润渌得啱啱好，喺全餐最佳食品之一。(二)三式鲜虾饺，三款饺都平平无奇，食过就无须再食。(三)香菇灌汤饺，件香菇够厚有菇味，只灌汤饺味道亦佳，亦喺此餐最佳食品之二。(四)山竹牛肉球，牛肉味淡，肉质口感差，要选今餐最差食品，呢碟牛肉球当之无愧。(五)千层糕，有传统呢款点心风味，值得一试。(六)蒜香红鲜鱿，鱿鱼配上蒜蓉粉丝，相当惹味，好食。(七)干贝蟹籽烧卖，食到猪肉味，肉质亦不差。(八)柱候酱牛筯腩蒸陈村粉，好食无佢份，又唔话得难食。总结此餐，用特价食到上述点心再加埋，用有八五折优惠嘅$1OO现金券埋单，呢餐值。⭐️⭐️⭐️⭐️…查看更多

经理话这一只叫太子鸭（喺我眼中即是迷你鸭，在这个世界生活咁多年，我从未见过一只鸭可以咁细），我没有强烈的意见，公道一点，这只鸭价钱$108，大家如果觉得这个价钱食16-17片片皮鸭是值得嘅，就可以随便落柯打😊呢只鸭令到我非常惊喜，因为我由今日开始长知识了，我知道一个人的正常common sense和合理期望都是不可以用以往的经验去衡量，我知道以后去每一间酒楼都要问清楚片皮鸭是正常片皮鸭还是太子片皮鸭，我亦都要问酒楼最终我食到几多片片皮鸭，我才不会失望…查看更多