稻香超級漁港 (已搬遷)

稻香可謂陪伴香港人成長，感覺總有一間在附近！加上價錢親民，都是家庭聚會的好選擇！近日發現有宵夜優惠，急不及待前來享用！酒樓地方面積甚大，企理整潔，二人用餐的枱面亦夠放所有食材，滿意👍😀🎉🎉火鍋配料優惠8點半後3.8折🎉🎉所有鍋底半價超級抵食，性價比極高 😍😍😍🎉🎉藍妹啤酒遊戲一手任獵藍妹啤酒，擸到的除了啤酒外，還有龍蝦折扣優惠，有氣氛又實際！🎉🎉參加遊戲換購價，新鮮即撈活龍蝦，每隻低至$9.9🎉🎉安格斯牛盤 推廣價 $68每台必點的推介牛盤，賣相精美，款式多，價錢平，極具競爭性的一份食材菌皇地雞鍋 $128雜菌的香味四溢，連同半隻鮮雞，超級抵食五福蔬菜籃$66金菇 $43、紫菜 $34紫菜冇沙，一滾即食，超級大愛安格斯肥牛 $228，紅白分明，有咬口又不會韌，甚好！黃金脆竹卷 $34、自選丸類雙拼 $48、竹笙皇 $68點了貢丸及牛丸，餐廳自動將改為牛丸改為墨魚丸，避免跟牛拼盤的牛丸重複，超級醒目貼心👍👍即撈鮮活龍蝦 $9.9 龍蝦新鮮肥美，大大隻的，鋪滿整個湯鍋，吸引到極高…查看更多

2月中我們訂了2圍開年飯，3OOO元一圍，質素極，乳豬很肥，無瘦肉。蠔豉豬利生菜。飽片，冬姑都無，至於個翅，食唔到有翅，大快活都好食過。蝦丸細細粒，魚很細條，12人夠食，雞ok,最後比柑，全部乾水，連糖水都無。以後不會去，質素極差。坐座搬到密密麻麻。…查看更多

收工收得夜左，屋企又冇飯開想食小菜嘆杯茶，酒樓既宵夜小菜係首選因為宵夜小菜都幾抵食，而我就選擇左稻香菠蘿咕嚕肉就食得多，一般都係用罐頭菠蘿，因為一定甜，但呢度就用左鮮菠蘿，感覺好新鮮，最重要係咕嚕肉新鮮炸起，唔係預先炸定，而且啖啖肉，個汁甜酸度調得恰到好處，好開胃！推薦👍🏻 珊瑚蚌炒翠肉瓜，賣相好靚好colourful，味道都唔錯花膠雜菜鍋，個上湯好好味，有幾款唔同既菜，再加埋花膠，花膠都好多同大隻，唔錯唔錯全部餸都大大碟，絕對冇因為宵夜特價令份量變小，絕對抵食！…查看更多

放工約左舊同事去左稻香打邊爐，之前都有朋友推介過稻香d火鍋唔錯。🍲🍲見佢轉左海鮮🦞做主題就試下啦。真係好唔錯窩，個海鮮盤又新鮮。個湯底都唔係隨隨便便嫁窩。個湯底係精華的雞湯。。。加熱後溶左就係個湯底喇。就算再加水都夠哂味。…查看更多

這天約了幾位好友，去到稻香超級漁港食晚飯。本想以為只是叫點普通的中式小菜，但當晚酒樓侍應推介了新鮮運到的長腳蟹。於是我們就點了一隻三斤重的長腳蟹，以及其他幾款家庭小菜。真係冇介紹錯，蟹肉鮮甜味美, 和平日酒店自助餐吃到的長腳蟹，簡直冇得比，比酒店那些新鮮很多，令人回味無窮，非常值得推薦！…查看更多

約好朋友交流旅行心得, 大家準時兩點去到雅蘭.一出lift已經人山人海, 大家似乎都等入座. 下午茶時段由兩點開始, 眼見基本上一轉過, 全場搭枱, 未到四點就開始會催埋單. 點心孖寶 $23.8, 有超過20款可以選擇; 仲有十幾款特價點心, 旺角區算係咁!  蝦餃粉果, 水準一般, 細細粒, 無特別. 炸兩腸都ok, 不過造型麻麻地, 而粉皮亦比較鬆. 魚豆腐好食, 夠香口; 蘿蔔糕一般. 叉燒餐包上枱已經唔夠熱, 唔香唔酥.  整體上點心ok, 叫唔貴可以飲下茶傾下偈.…查看更多

今日正值中秋，一家人聚首一堂的日子。大概8:30到達，可能比較遲食飯，所以不用多等便可入內。稻香食物質素一向不錯，是個適合與長輩聚餐的地方，當晚點左8個餸，有瓜子斑，炒蟹，雞，菠蘿咕嚕肉，花膠雜菜煲，金銀蛋莧菜，蒜末蒸帶子，同埋瀨尿蝦。特別要贊佢個花膠雜菜煲好入味，花膠淋淋地，係滿滿既膠原蛋白呀！咕嚕肉，份量好足，而且唔會包住好厚粉，好味呢！個雞d肉都好嫩，外皮脆脆，值得一試。而且稻香裝修之後，漂亮好多呢，一家人食飯，以到真係ok…查看更多

除了傳統的電話訂位，現在已開始流行網上訂位和WhatsApp訂位，既方便又有憑據，這次稻香都好有諗頭，用WhatsApp訂座就可立即免費成為會員並尊享優惠來吸客。剛巧媽咪生日，我就用WhatsApp訂位吃晚飯。真的快捷穩妥，他們確認後，會透過WhatsApp傳送會員號碼和限時優惠菜單給我，都算周到。原價$168。限時優惠會員價$138，超值。蒸頭腩算大碟，魚骨不多，阿爸話幾好食。碧綠炒球配菜有翠肉瓜、雲耳、黃椒、青椒，味道同樣不錯。WhatsApp訂位食滿$300，用$1換一客鮮果菠蘿咕嚕肉。味道OK，但咕嚕肉太少，可能豬肉很貴吧？很細碟，配菜最多是菠蘿。雜菜煲做得不錯。有西蘭花、小白菜、小棠菜、蝦米、冬菇、瑤柱碎、金菇、草菇、粉絲等，最驚喜是有幾件花膠，配合出來很美味。我們叫了四碗白飯加埋甜品，簡單豐富又一餐。樣樣食物都很好，只是泰式甜品不好吃，全部是大糕菜，只是不同顏色，味道怪怪，絕不推介。補充 : 只是平日星期三，全場只有六成客人，但上菜速度算慢，真要改善吓！由於這分店新裝修只3個月，地方很新淨和整潔，洗手間也很大很好，但冷氣就非常凍，怕凍的朋友記得帶外套！…查看更多

禮拜六午餐，兩人，不用等位服務極度懶散：被安排坐下後發現餐碟污糟，叫服務員換碟，但負責我哋個區既服務員隻腳好似有問題，行得勁慢先過來叫咗壺普洱，個服務員都聽唔到，叫咗兩次先拿壺茶過來食物好一般：鮮蝦炸雲吞炸過火，蝦餃燒賣水準一般，鳳爪排骨好多味精，好彩冇叫其他嘢總結：不會再來，第二間稻香好啲…查看更多

:) 2018年4月23日 (星期一) 10:42am 環境光亮整潔，餐具乾淨。 全場需要搭枱 侍應服務態度欠缺笑容和禮貌，在沒有詢問的情況之下，有一位女侍應擅自拿開我家人的羽毛球拍，取走餐椅。本人一邊惡狠狠地瞪著該女侍應，一邊拿回餐椅。 點心奉上時間緩慢 不用排隊等位:) 人數：3 人 鮑汁福建炒飯 - 肉質軟滑，冬菇味香，蝦肉卻比較細小。飯粒偏乾硬，鮑汁濃度適中，略帶鹹味，拌勻炒飯一起吃，令原本乾身的飯，頓時變得腍一些。 香麻叉燒酥 - 奉上時候，熱烘烘的，鬆軟香口，叉燒餡料新鮮，啖啖美味。【推介之選】❤❤❤:) 原蝦燒賣皇 - 整整一隻蝦，新鮮彈牙，蟹籽爽口，豬肉就腍了少許。【推介之選】❤❤❤:( 稻香蝦餃皇 - 廚師蒸得過久，使餃子皮和蝦肉變得軟軟腍腍，欠缺咬口，味道清淡，無蝦味。 潮州糯米卷 - 皮薄糯米煙靱，蒜蓉味香濃，一啖一口卷，美味可口。【推介之選】❤❤❤《 餐 牌 》：【 溫 馨 提 示】：❶ 全場搭枱❷ 另收加一服務費❸ 結帳付款須自行到收銀處…查看更多

前幾天去旺角，竟然想嘆番一盅兩件，經過雅蘭見到稻香，就入去一食下啦！一出電梯，大約已經有成二十個人正在等位，見到場面咁多人，我們都諗肯定會等好耐喇，但等了10分鐘，竟然有位，原來這裡宜家全場都是搭枱，怪不得只等10分鐘就有位啦。我們點了差不多10樣點心，因為我款款都想吃 炸雲吞，香脆可口，餡料幾好味，雖然好似沒有蝦，但味道不錯。珍珠雞，不是很多料，而且是暖的，不是太差，不過不失啦。山竹牛肉，比相像中好，味道適中，這款都是經常叫，亦是最喜歡吃的點心。…查看更多

態度超級差！ 落單，我寫10樣！淨係落佐5樣，仲要上菜超慢！差評！服務員態度極差！ 嘢食難食！ 完全無水準！ 以後唔會再選擇！ 茶杯 茶碗全部超邋遢！要人手再洗一次！唔係為趕時間，一定走人！…查看更多

1月頭第一次幫襯飲茶，店員好勇躍咁售賣糕卷同盤菜諗住就不如決定係度食團年飯啦咁就中伏買左個盤菜喇又因為d賣糕姐姐不停一輪咀遊說，又買埋3張糕卷當日就book埋檯2月10星期六食團年飯點知1月9日晚上居然打來說confirm明天的Booking我哋話唔係約咗2月10號咩？佢竟然問可唔可以改聽晚嚟食？ ！乜有人食團年飯會早一個月同臨時臨急叫家人食飯嘅咩？擺明就知係佢哋自己落錯左Booking⋯⋯😑仲要一輪爭拗之下先俾我哋2月10號繼續黎食但期間到當晚食飯不停同我地講星期六係冇盆菜食咁點啫而家？係你地自己落錯左有關個客事？而且佢哋服務態度奇差，全部員工都愛理不理嘅態度去到食飯又話盆菜要等四至五個字，又話要加＄100堂食費，咁無辦法都要等㗎啦最嬲嘅係盆菜上到檯出晒煙諗住好熱啦原來嗰啲煙係因為裏邊仲有冰叫個阿姐埋嚟，個阿姐仲搞笑到問係咪拎返裏便啲嘢出嚟番熱係成個都唔熱呀裏邊仲有冰！一啲抱歉都冇仲要第一次食咁難食嘅盆菜到最尾換個糕，門口阿姐繼續態度奇差唔知以為啲卷係執返黎換成間酒樓打開門口做生意，啲員工連個經理紅姐都不知所謂講嘢又完全九唔搭八又賴皮以後都唔會再回頭幫襯稻香…查看更多

今日家人不想煮飯，有籍口出外吃啦，去老地方，多菜式選擇我們間中都來旺角這間分店開飯，食物水準都保持得幾好蝦好大隻又新鮮，用豉油焗，烤得好香魚香茄子超惹味，可以食多幾碗飯芥蘭好淋，加入臘肉和臘腸炒，超級香噴噴菜芯清清地用豬油炒熟，都好味添飯啦，今晚好開胃…查看更多

約了朋友吹水食飯，剛巧朋友塞車，時間接近21:00才到，全男班，當然要打邊爐。平凡的宵夜任食火煱，卻滿載驚喜。坐底擇左湯底，然後每樣都點一些。指定動作，自助調味料，約十款可選。之後姐姐捧來一盤海鮮，龍蝦、蝦、蚌、魚片，我們嚇了一跳，表示無點呀，佢話送既，我們當然樂於接受，食落肉質堅實，味道鮮美。之後又端上一碗魚生，也是送的，食完幾款送贈的美食，已很滿足。然後其他配料來了，炸魚皮、鮮蝦雲吞、油麥菜都係必食的。唯中美中不足，電爐較弱，開盡都係唔係好滾，打下停下，有少少疾住。…查看更多