稻成 (新城市廣場一期)

這次到訪「稻成酸菜魚」，點了他們的二人套餐，內容豐富，包括前菜、小籠包、招牌酸菜魚、乾煸四季豆和甜品，整體體驗相當滿足。套餐的前菜清爽開胃，小籠包皮薄多汁，水準不俗，是稱職的序幕。主角酸菜魚果然名不虛傳，湯底金黃濃郁，酸爽鮮美且帶著恰到好處的麻辣，非常開胃。魚片選用鱸魚，切得厚薄適中，口感嫩滑無骨，配料中的寬粉和酸菜吸盡湯汁精華，令人回味無窮。乾煸四季豆鑊氣足，鹹香惹味，為餐桌增添了不同的風味層次。因為當天特別餓，我們額外加點了炒飯。可惜相比套餐內的精彩菜式，炒飯顯得較為普通，味道和口感都未有驚喜，下次會選擇嘗試其他特色小炒。最後的甜品為這頓豐盛的一餐畫下甜美句點。總體而言，二人套餐性價比高，酸菜魚絕對是必食之選，足以讓人忽略炒飯的平淡，是朋友聚餐的穩妥選擇。…查看更多

之前都試過幾次家庭聚會去稻成食飯，呢度食物好味道，加上每一位職員嘅服務態度真係好好，喺而家香港飲食市道唔好，仍然有一間食物一流，職員服務態度一流嘅餐廳真係唔容易。特別係副經理，每次去到都見到佢好盡心招呼每一個客人，今次去到同樣見佢熱情招待，又會用心介紹每一道菜式，所以每一次喺呢度食飯都好開心，平時好少打評語嘅，我都忍唔住要讚一讚呢一間餐廳嘅每一位員工。而且呢度嘅食物 真係好食，連我屋企人本身嘴刁都覺得食物高質。…查看更多

第一次喺東涌食，感覺普通，唔算驚喜；第二次喺沙田做節嗰陣再試，都係一般水準，冇乜特別。今晚同老婆再去幫襯，諗住試吓二人套餐，點知完全唔抵食，仲難食到極。碟爛鬼花生居然要收$20，真係離譜；小籠包同酸菜魚咸到爆，酸菜魚份量又少得可憐；奶油津白啲菜似乎擺咗好耐，冇晒新鮮感。最後加多個嫩雞煨麵，麵質爛蓉蓉，冇口感，雞又唔夠嫩。整體體驗差到唔想再提，食物質素同價錢完全唔成正比。以後唔會再去，絕對冇下次，寧願去街邊檔都好過！…查看更多

試過咁多間酸菜魚未試過食酸菜魚性價比低到一個點，今日午餐叫左$188二人份嘅酸菜魚，上台靚靚仔仔，點知夾完面果8塊，兩個人裝咗第一碗各3-5片魚之後，盤入面就冇曬魚啦下面得返配菜，第二碗都食唔到⋯而且寬粉薯粉都無條。其他鋪頭的一人份都不如都唔知碟魚係魚 定我地係水魚縮水式通脹，味道係OK，但性價比真系不了個個都話北上消費，真係不無道理。平時懶得打食評的我都特登上來打篇警世文，提醒大家唔好中伏。。。。…查看更多

呢間酒樓個宣傳海報成日用酸菜魚做招牌，就試下佢實力。招牌酸菜鮮鱸魚 飲一啖湯，味道濃郁得來味道偏溫和，唔會太酸或者太辣，酸辣度剛剛好。清湯嘅味道比較突出，仲有啲芝麻香。湯底嘅味道同太二相似，都係比較溫和舒服，但又夠濃郁。魚片質地嫩滑，又唔會似有d 鋪頭軟得來會太腍夾唔到。不過魚片本身就冇咩味，主要靠湯底嘅味道帶出，但質地係唔錯嘅。整體來講係令人滿意嘅酸菜魚，lunch time 仲有lunch set 食更抵。…查看更多

今日和老婆,爸爸,媽媽,弟弟,細妹,妹夫和仔仔往沙田新城市廣場稻成食晚餐慶祝老婆,媽媽和細妹生日,我們點了片皮鴨一隻,慢煮黑蒜牛肋骨,砂鍋華亭雲吞雞,金蛋紅燒小元蹄,酒糟醉雞,黑松露鴨肉炒飯和白飯,入座時侍應提供了前菜花生,花生食落香脆,佐酒一流,片皮鴨我們選了一隻,填鴨皮脆食落有油花,鴨肉肉質鮮嫩,配菜有葱花和青瓜條,食落新鮮爽口,填鴨配上醬汁食落口感豐富,整隻填鴨,食落惹味,口感十足,慢煮黑蒜牛肋骨食落黑蒜味濃,牛肋骨食落肉味香濃,砂鍋華亭雲吞雞有半隻雞,雞肉肉質鮮嫩,金華火腿味道香濃,雲吞皮薄餡靚,雞湯味道爽口而不感到口喝,金蛋紅燒小元蹄元蹄肥瘦適中,食落啖啖肉有油花,雞蛋蛋味香滑可口,酒糟醉雞酒味香濃,雞肉吸收酒香,食落啖啖肉,黑松露鴨肉炒飯炒得乾身,黑松露味度適中,鴨肉味道食落香濃,食落口感滿足,最後白飯飯粒軟綿,餐廳座位闊落舒適,食物美味,我們一家食了一頓豐富生日晚餐…查看更多

食物好好食，除咗擔擔麵冇花生醬味道之外，其他嘅食物都好好食。坐得好舒服，好 surprise 嘅喺呢度嘅service! 每一位員工都好Nice好主動幫助你。會好主動幫你斟茶，加水，影相，收拾碗碟，細心解釋放濕紙巾嘅地方等等。而家喺香港真係好難遇到呢啲咁好嘅服務。亦都有講明90分鐘用餐時間，但如果冇人等待嘅話就唔會打攪我哋。當我哋食完飯要攞bill嘅時候，佢都有好細心咁叫我哋可以再坐耐啲，飲多杯茶傾吓偈先…查看更多

對被女副經理，激親，破壞整個生日飯😡由於我生日，星期五約了好朋友食飯，網上說呢間服務好，食物又有質素的中菜。我叫朋友，早點去攞位，朋友到了，向前台講明2個人，佢竟然比張6人卡位，坐低唔夠5分鐘，短頭髮女副經理(名牌好似寫住Hing)不斷催促落訂單，跟住更加說， 7:30要交枱俾人，回望後邊，大把空枱，朋友說，冇可能1小時內，食完飯，個女副經理，繼續催促，朋友正要WhatsApp通知我，改地方，便向身旁另一位侍應說，食餐飯，都好有壓力，要離開。這個女士侍應，叫做阿恩，立刻通知男經理，男經理走過來，了解事情之後即刻說唔緊要，我同你安排後面細張嘅4人卡位俾我朋友坐。當我入到去的時候時，男經理斟茶俾我 ，亞恩更窩心地說，生日快樂，又叫我哋慢慢享用😊叫左個二人套餐，再加個焗排骨，埋單$1000食物OK，撇除嗰個女經理，整體也很好👌希望貴餐廳，調校吓，個女副經理Hing，人品，說話 咁樣做嘢法，真係趕走客人😡😡😡另外要讚揚，這個見習女侍應亞恩，細心，有禮貌👍…查看更多

原本諗住嚟食餛飩（雲吞）雞，見到個大閘蟹套餐好似好吸引，仲話六折，今年未食過，我哋兩個人，但係又怕一人一份會食唔晒，最後問咗餐廳經理，佢話可以叫一個餐再加啲散叫嘅嘢。👍🏼👍🏼👍🏼本來就係想嚟食餛飩雞，當然係好開心啦，雖然真係細碗咗啲，但味道依然咁正。😋見到上菜單上面有幾樣嘢寫住「*等叫起」，初初唔係好明點解，後來隻蟹上咗就明晒啦，因為食嗰隻蟹真係需要啲時間，要用工具慢慢撩啲肉出嚟食。😂食完隻蟹，叫餐廳職員上其他嘢食，先嚟鮮拆蟹粉拌麵，由於係一人份量，當然係細細碗啦，我會用「濃同厚」嚟形容，蟹肉蟹黃醬質感厚，味道濃，我個人覺得唔錯😋，不過可能有啲人會覺得少少腥。紫淮山素小炒，鮮淮山我有試過，但係紫色嘅都係第一次見，今次呢碟雖然份量唔多，但係味道清清地，啱啱好中和番濃味嘅蟹黃。一人餐只跟一隻蟹粉小籠包（掛住食唔記得咗影相😂），下面呢籠係食完覺得都幾好食，所以另外散叫多三隻，每隻$28。套餐冇包鍋貼，都係另外叫嘅，okay好食，個底煎得香脆，不過入面啲肉唔夠多汁，我鍾意食juicy啲嘅。…查看更多

🐟超愛他家的酸菜魚大塊的鱸魚肉，肉質緊實！底下的配菜除了酸菜還有酸蘿蔔，蓮藕，藕節！💦酸菜比太二更出色，爽脆的藕節也是第一次在香港吃到（感動）🔥！！！🍚稻成片皮鴨 我反正就是覺得好好吃🤤 一看起來就很有光澤 就好好吃🤤 按理說應該多吃鴨肉 嘗嘗它的鮮嫩多汁？可是我真的好喜歡它的皮啊 😂 調味料有點點點點偏甜 但是不影響我對它的喜歡🍚 鳳梨咕嚕肉 不好評價 因為自己吃了太多不好吃的咕嚕肉 然後怕了 一看到咕嚕肉反應就上來了 第一印象就是 不好吃 😂 然後它還要給自己加難度 加了個鳳梨 😂她的酸甜有了 忘記皮脆不脆了 （腦海中的感覺都是之前吃的那種濕濕的皮）印象中自己吃了幾口的…查看更多

昨晚老友聚會一行四人到沙田新城市廣場稻成食飯，店內裝修雅緻而乾淨，我們叫了一份4人盛宴，包括有小籠包/酸菜魚/鮑魚/雲吞雞/高力豆沙等等，食物味道好並且份量足夠，尤其是小籠包非常出色，比較同一商場的米芝蓮食府有過之而無不及，酸菜魚也值得一讚。服務方面也十分殷勤，不斷地為我們添茶斟茶，我相信已經很少食肆會主動為客人斟茶了。吳經理的接待非常親切周到，餸菜上枱有序，不會一次過送上餐桌上，而是按照客人進食進度而上菜，這點十分難得，客人可以品嚐到熱呼呼的餸菜。我們可以從容地邊食邊傾談，難得是店員完全沒有催促我們，令我們可以悠閒地渡過了一個晚上，我推薦此店並會再來。…查看更多

去咗沙田搵朋友食飯，本身打算去新開個間漢堡店食，點知6點拎飛都要等200-300人…有啲誇張，所以即刻轉陣，去咗呢間稻成食。一坐低已經放好咗碟前菜係到，好自然一邊睇菜牌一邊食花生，到埋單先知要收$28，都幾貴下…紅油抄手，$58，有8隻，塊皮幾滑同薄，個紅油汁唔係好辣，反而係幾重麻香味，幾好食！孜然手抓排骨，$158，呢個排骨幾多肉，孜然味濃郁，炸到有少少脆，用手食更滋味。最後仲叫咗酸菜魚，仲加咗薯粉同油炸鬼。酸菜魚例牌2個人食非常足夠，我哋叫咗走辣，魚肉幾多，幾滑，連埋個魚頭上幾特別，不過食到幾塊魚肉有腥味。平時配薯粉多，第一次配油炸鬼原來都幾好食，幾吸個酸菜魚湯！…查看更多

去左沙田新城巿廣場食酸菜魚稻成酸菜魚的湯底通常酸中帶鮮，酸菜的酸味與魚肉的鮮味相互融合，口感層次豐富。適度的酸味不僅開胃，還能平衡魚肉的膩感。材料新鮮：新鮮的魚片是這道菜的靈魂，切割得當的魚片滑嫩可口，與湯底搭配相得益彰。而酸菜則提供了獨特的脆感和風味，讓整個菜品更加立體。香料的運用：在調味方面，通常會加入一些香料如大蒜、姜和紅辣椒，這些香料的使用增添了菜品的香氣，讓人食欲大開。不過長排都好多人 所以建議網上訂座…查看更多

今天行完山之後跟兩三好友一起出來食個飯，味道很正宗，也很精緻，之前在東湧的這個店吃過一次體驗感不錯，這次提前訂了沙田的，只是可惜不會是所有隊友都享用到～這次還送了coupon，nice！…查看更多

星期四不算很多人，見到仲有幾張空臺，為何急急腳收走人地d餸菜，還有碗碟？價錢唔平，人均$300幾，未夠90分鐘就黎吹埋單，話你仲有4分鐘，以加睇返埋單時間原來係60分鐘就黎話你仲有4分鐘！咁我唔肯定用餐時間係60分鐘定90分鐘，如果我知道只能食60分鐘，人均$300，我唔會揀呢間餐廳！之後埋佐單，就黎叫你好還返張臺出黎，見到佢餐廳其實仲有幾張空臺，成餐飯感覺好似不停比人催咁⋯好慘！我碟松子魚其實未食哂，傾兩句，忽然發現佢已經收走佐碟魚，都算了，因為自己無留意比佢收走佐，窩豆腐好彩應該係佢唔夠手諗住轉頭放底碟再黎收，咁我啦啦林拔埋落自己碗啦…我隔離兩位d碗已經好快比人收走佐…我食佐一口豆腐，想講兩句野，點知見到有隻手伸埋黎想收埋我隻碗，即刻同佢講我食緊！記得佢疫情剛開時幫襯過，不是這樣，現在已經差成咁，大佬食大排檔咩，你都望下人地食完未丫，個時60分鐘都未夠。一句講哂，唔會再幫襯，非常差的用餐體驗！睇返張單原來65分鐘已經要我埋單，即係我比人收走碗碟應該係大概用餐45分鐘，有無攪錯？！…查看更多