稻成 (新城市廣場一期)

之前都试过几次家庭聚会去稻成食饭，呢度食物好味道，加上每一位职员嘅服务态度真系好好，喺而家香港饮食市道唔好，仍然有一间食物一流，职员服务态度一流嘅餐厅真系唔容易。特别系副经理，每次去到都见到佢好尽心招呼每一个客人，今次去到同样见佢热情招待，又会用心介绍每一道菜式，所以每一次喺呢度食饭都好开心，平时好少打评语嘅，我都忍唔住要赞一赞呢一间餐厅嘅每一位员工。而且呢度嘅食物 真系好食，连我屋企人本身嘴刁都觉得食物高质。…查看更多

第一次喺东涌食，感觉普通，唔算惊喜；第二次喺沙田做节𠮶阵再试，都系一般水准，冇乜特别。今晚同老婆再去帮衬，谂住试吓二人套餐，点知完全唔抵食，仲难食到极。碟烂鬼花生居然要收$20，真系离谱；小笼包同酸菜鱼咸到爆，酸菜鱼份量又少得可怜；奶油津白啲菜似乎摆咗好耐，冇晒新鲜感。最后加多个嫩鸡煨面，面质烂蓉蓉，冇口感，鸡又唔够嫩。整体体验差到唔想再提，食物质素同价钱完全唔成正比。以后唔会再去，绝对冇下次，宁愿去街边档都好过！…查看更多

试过咁多间酸菜鱼未试过食酸菜鱼性价比低到一个点，今日午餐叫左$188二人份嘅酸菜鱼，上台靓靓仔仔，点知夹完面果8块，两个人装咗第一碗各3-5片鱼之后，盘入面就冇晒鱼啦下面得返配菜，第二碗都食唔到⋯而且宽粉薯粉都无条。其他铺头的一人份都不如都唔知碟鱼系鱼 定我地系水鱼缩水式通胀，味道系OK，但性价比真系不了个个都话北上消费，真系不无道理。平时懒得打食评的我都特登上来打篇警世文，提醒大家唔好中伏。。。。…查看更多

呢间酒楼个宣传海报成日用酸菜鱼做招牌，就试下佢实力。招牌酸菜鲜鲈鱼 饮一啖汤，味道浓郁得来味道偏温和，唔会太酸或者太辣，酸辣度刚刚好。清汤嘅味道比较突出，仲有啲芝麻香。汤底嘅味道同太二相似，都系比较温和舒服，但又够浓郁。鱼片质地嫩滑，又唔会似有d 铺头软得来会太腍夹唔到。不过鱼片本身就冇咩味，主要靠汤底嘅味道带出，但质地系唔错嘅。整体来讲系令人满意嘅酸菜鱼，lunch time 仲有lunch set 食更抵。…查看更多

今日和老婆,爸爸,妈妈,弟弟,细妹,妹夫和仔仔往沙田新城市广场稻成食晚餐庆祝老婆,妈妈和细妹生日,我们点了片皮鸭一只,慢煮黑蒜牛肋骨,砂锅华亭云吞鸡,金蛋红烧小元蹄,酒糟醉鸡,黑松露鸭肉炒饭和白饭,入座时侍应提供了前菜花生,花生食落香脆,佐酒一流,片皮鸭我们选了一只,填鸭皮脆食落有油花,鸭肉肉质鲜嫩,配菜有葱花和青瓜条,食落新鲜爽口,填鸭配上酱汁食落口感丰富,整只填鸭,食落惹味,口感十足,慢煮黑蒜牛肋骨食落黑蒜味浓,牛肋骨食落肉味香浓,砂锅华亭云吞鸡有半只鸡,鸡肉肉质鲜嫩,金华火腿味道香浓,云吞皮薄馅靓,鸡汤味道爽口而不感到口喝,金蛋红烧小元蹄元蹄肥瘦适中,食落啖啖肉有油花,鸡蛋蛋味香滑可口,酒糟醉鸡酒味香浓,鸡肉吸收酒香,食落啖啖肉,黑松露鸭肉炒饭炒得干身,黑松露味度适中,鸭肉味道食落香浓,食落口感满足,最后白饭饭粒软绵,餐厅座位阔落舒适,食物美味,我们一家食了一顿丰富生日晚餐…查看更多