稻成 (K11 Musea)

There were 3 of us, and we ordered a 2 person set meal, which was more than enough since we weren’t very hungry. We also ordered an extra portion of flat-skin duck separately (not included in the set), and it was delicious； thin, crispy skin and great flavor.Most of the side dishes were well prepared and enjoyable. However, the pickled fish soup, which we were most looking forward to, was a disappointment. We asked for mild spiciness but it turned out to be overly salty with no real depth or sourness. The soup was basically undrinkable, which was a real shame.Overall, the meal was satisfying and reasonably priced, making it a good choice for a casual meal. But the pickled fish soup definitely needs improvement. :)我們點了一個二人套餐給三個人，份量非常足夠，因為我們本身不是太餓。我們另外加點了一份扁皮鴨（不包括在套餐內），味道也非常好，皮薄香脆。大部分小食都做得不錯，味道令人滿意。不過最期待的酸菜魚湯卻令人失望。我們要求微辣，但結果只是非常鹹，完全沒有層次或鮮味。湯基本上飲唔落，這點真的很可惜，因為這是我們最期待的一道菜。整體來說，餐點令人滿意，價錢合理，但酸菜魚湯真的有待改善。…查看更多

There were 3 of us, and we ordered a 2 person set meal, which was more than enough since we weren’t very hungry. We also ordered an extra portion of flat-skin duck separately (not included in the set), and it was delicious； thin, crispy skin and great flavor.Most of the side dishes were well prepared and enjoyable. However, the pickled fish soup, which we were most looking forward to, was a disappointment. We asked for mild spiciness but it turned out to be overly salty with no real depth or sourness. The soup was basically undrinkable, which was a real shame.Overall, the meal was satisfying and reasonably priced, making it a good choice for a casual meal. But the pickled fish soup definitely needs improvement.:)我們點了一個二人套餐給三個人，份量非常足夠，因為我們本身不是太餓。我們另外加點了一份扁皮鴨（不包括在套餐內），味道也非常好，皮薄香脆。大部分小食都做得不錯，味道令人滿意。不過最期待的酸菜魚湯卻令人失望。我們要求微辣，但結果只是非常鹹，完全沒有層次或鮮味。湯基本上飲唔落，這點真的很可惜，因為這是我們最期待的一道菜。整體來說，餐點令人滿意，價錢合理，但酸菜魚湯真的有待改善。 😊:)…查看更多

K11分店環境舒適，適合聚會聊天，員工服務態度和藹。今次去食咗稻成片皮鴨半隻($268)，份量唔算多，但外表精緻，鴨既皮也十分脆，而且饃饃皮口感十分特別，值得一試。追加鴨骨豆腐湯($88)湯有鴨既香味，算大煲，夠4人飲用。孜然手抓排骨($148)有6舊，十分香口，排骨比想像中多肉。黑松露鴨肉炒飯($128)有黑松露味，味道尚可，份量比較細分。紅燒牛肉麵($98)湯有濃郁牛肉味，牛肉份量正常，麵質也十分彈牙，值得一試。…查看更多

K11 Musea入面嘅京川滬菜 , 雖然係連鎖店，但聽講質素唔錯，加上地點就腳，放假特登去試吓！  餐廳光猛有格調，枱與枱之間唔會太逼，同朋友傾偈食飯都好舒服～  * 脆皮北京鴨（半隻）  鴨皮真係脆到「咔嚓」聲！肉質嫩滑唔柴，仲要好香鴨味，抵讚！  ✿ 小籠包（4隻）  皮薄餡多，一咬爆湯！熱辣辣要小心燙嘴～  ✿ 龍皇泡飯  成個砂鍋上，蝦湯超濃郁！料多到瀉：鱸魚片、蝦仁、帶子、露筍，仲有脆米增加口感，好滿足！  ✿ 大紅袍沙翁（3件）  即叫即炸！外脆內軟，砂糖粒粒分明，中間仲有大紅袍奶醬流心，甜而不膩，舊式茶樓風味！  ✿ 飲品：  ▪️ 粉霞 - 玫瑰花mix洛神花茶，加埋雪梨同奶蓋，酸甜清新  ▪️ 烟雨 - 龍井茶底+椰子奶，茶香同椰香好夾，口感順滑  …查看更多

好鍾意食酸菜魚既我每次都會黎呢間，因爲day 1就覺得佢調配個味係與別不同，唔太麻（出面多數都太麻），而佢秘製既香辣油加埋炸蒜同芝麻，真係好香好開胃，配埋酸菜子薑，隨時送幾碗飯。不過老實講，佢個配方成日都調整，有時我會覺得太鹹、有時會唔夠香辣，不過整體個味道都係度既。今次佢都整得好味，啲魚都滑，不過如果全部都薄切起雙飛就好，有啲厚切就口感「鞋」一啲，感覺唔新鮮。今次叫左佢個二人套餐，都好抵食，有三小碟、燉湯、酸菜魚、小炒、小籠包、甜品。酸菜魚既份量都幾大，我地三個人都夠食。套餐裡面其中一味餸係干扁四季豆，其實啲配料好香口，但啲四季豆未吸收到配料既味道。因爲驚二人餐唔夠食，另外加左海參燒蹄筋，驚喜位係蹄筋炆得好軟糯，不過我個人覺得太鹹，海參都炆得夠淋，欣賞伴碟既小棠菜有走過油，不過有部分未夠熟有菜青味。由於我經常都光顧，經理都請多個甜品我食，係欣賞既。…查看更多

今日屋企人生日一齊去K11行街，不過見到呢間京川滬菜裝修幾吸引，就打算入去試吓。嗌咗幾度招牌菜同埋店員推介嘅，全部都好好食！《黃金蝦球配南瓜蘆筍》極度推介大家點呢道菜，滿滿嘅鹹蛋黃包裹住蝦球，味道濃郁，配上南瓜的甜味，簡直係完美《片皮鴨》呢間舖頭嘅招牌菜式，上堂嘅時候已經聞到濃濃嘅香味《龍王泡飯》入座嘅時候已經聞到隔籬枱嗌咗呢碟餸嘅香味，湯底鮮甜充滿海鮮嘅味道，珍珠貝非常彈口《麻辣花菜》如果想食菜嘅話推介大家嗌呢度，餸飯食啱啱好《夫妻肺片》味道濃郁辣味啱啱好《小籠包》呢個都係必點招牌菜！皮薄餡靚多汁《酸菜魚》魚肉鮮滑，酸菜湯底係我食過最好食嘅，招牌菜，入嚟嘅時候行過見到好似每一張枱都有點呢道菜…查看更多

3個朋友聚餐，大家食量不大，點了個二人餐，份量超大大家都讚酸菜魚好好味不過，上菜速度太快，前菜剛剛上，還未起筷，所有主菜甜品也隨後即上，當品嚐小籠包的時候小籠包已經完全是凍的，如果上菜速度再慢一點點就更好了…查看更多

早排同朋友喺呢度慶祝生日嗌咗個套餐。水煮牛肉係套餐嘅主菜，牛肉嫩滑，啲辣油好惹味。而上海粗炒係我哋兩個嘅另一個心水菜，份量啱啱好，粗麵煙韌彈牙，醬汁入味。甜品方面，套餐有埋兩碗楊枝甘露，底層好少見地竟然係奶凍，創新嘅搭配，意想不到嘅美味，食完真係好滿足！飲品就點咗一杯日落，係用菠蘿做嘅特飲，酸酸甜甜，飲落非常清新，仲有啲熱帶風情嘅感覺。 講到服務，真係要稱讚一番！侍應好貼心，成日留意住我哋嘅需要，仲主動幫我哋影相留念，笑容滿面，感覺真係好窩心。同埋我哋問咗幾個菜色嘅問題，佢哋都好耐心咁解釋，完全睇得出對菜式有研究。 整體嚟講，稻成嘅味道、環境同服務都令人好滿意，絕對值得再去試多幾次！如果鍾意中菜，又想喺高質環境度食飯，稻成一定係唔錯嘅選擇！…查看更多

前排經過見到佢裝修好特別，幾吸引所以決定入去試吓！佢哋的酸菜魚魚肉鮮嫩，酸菜味道正，湯底濃郁，簡直可以話係香港最好食。香菇素鵝腐皮卷都唔錯。而個蛋白芫荽鮮蝦春卷，蝦仁新鮮，芫荽清香，口感滿分！😍最後，仲嗌咗杯聽聞係佢哋新出嘅粉霞，顏色漸變，好適合打卡！👍🏻女女想食甜品，嗌咗個五彩芋圓冰粉，上面有芋圓、提子乾、花生碎，口味豐富，作為甜品又唔會太甜，大人都啱食。食物質素高，氛圍又好，鍾意食酸菜魚嘅真係要試吓呢間！…查看更多

京菜之選，比比皆是，要踫到一間驚豔的，不易也。某日的小人聯同友人的尋食四方，竟又找上一家尚可一錄的餐館。小籠包的包皮未去到最薄，倒也包得住湯汁。小小一口咬穿，落些醋，尚算對辦，但不夠滋味。肴肉追求的是要凍要爽要夠味，可惜這道肴肉看不出水晶之餘，油香欠奉，各樣皆不到。孜然排骨的孜然味香，排骨肉酥脆香嫩，值得一讚！食肉獸二人旋風式洗碟，是份量不夠嗎？奶油津白都幾明顯不夠奶滑，跟普通的灼黃芽白差幾遠？金華火腿寥寥可數，數都數得出！孜然排骨乃是次之選。…查看更多

一月尾隨友人一行十多人來到這店食團年飯，一進店舖已經感覺環境非常好，店員亦服務周到。當日試了十多款美食，包括酸菜魚、慢煮牛肋骨、砂鍋雲吞雞、比目魚等等，無論賣相及味道都相當出色。最後還點了甜品 ～ 杏仁豆腐、豆沙鍋餅等，同樣叫好。昨晚決定帶朋友再來幫襯，兩口子翻開menu，實在太多想食，於是一口氣點了好幾款，包括不可不吃嘅酸菜魚加上紫薯粉、腐皮、春卷、小籠包等，美味得令人停不了咀。今次還發現多了特飲，於是點了杯桂圓紅棗。再講下服務水平，店員態度殷勤，值得加許。老實講，位於尖沙咀高檔次商場，如斯環境，價錢實在不貴，絕對值得三五成群再次光顧。…查看更多

早前就在葵芳 、沙田都吃過稻成這個品牌，出品質素和和服務都很好這次和朋友在尖沙咀逛街，依舊選擇稻成我們因為早餐吃得太遲，我們倆就選擇了輕鬆2人餐前菜任選三款，質素都很棒！小蕃茄酸酸甜甜，還略帶有陳皮味，開胃清爽！水煮牛肉是我的最愛！香氣撲鼻！牛肉爽滑！還有爽口的大豆芽！瑤柱蛋白炒飯也保持正常水準之後還有兩個甜品楊枝甘露，賣相精美輕鬆二人餐整體來說質素很好，份量足夠午市期間餐廳也較為繁忙，但都很有禮貌，也會幫忙添加茶水…查看更多

最近帶小朋友去咗 K11 Musea shopping，經過見到呢間餐廳嘅裝修風格幾特別，所以決定入去試吓。嗌咗幾道店員推介嘅餸，都好令人滿意！首先講吓招牌菜酸菜魚，湯底濃郁，特別係酸菜嘅香味，令人食得津津有味。而且，可以自己選擇辣度，對於唔食得辣嘅朋友來講，真係一個好選擇。再講講片皮鴨，佢哋嘅刀工真係一流，皮肉分離得非常好，咬落去又脆又嫩。每一啖都令人感受到廚師對食材嘅用心。啲店員服務態度都好好，見到我哋個碟污糟咗會主動幫我哋換碟，仲俾咗個玩具車仔俾小朋友玩。無論係食物質素定係服務態度都唔錯，下次一定會再嚟！稻成片皮鴨、紅燒肉糯米燒賣：四川擔擔麵：滕椒汁胭脂茄：…查看更多

30-12-2024 喺屯門巿廣場首次去稻成食飯，屯門分店個北京填鴨好好味，超出預期之後諗住約班舊朋友聚餐，以免要朋友們走入屯門，得悉TST K11 Musea有稻成，便於一星期前book枱13/1 今晚食完，食物質素極差，冇得同屯門比。碟碟餸超咸，填鴨間直呃遊客，落差甚大！喺得K11 Musea開舖，招呼仲差過深水埗，應該係冇招呼可言，因為聘請所有侍應係新香港人，只係招呼同胞。只怪自己少出九龍食飯，屯門咁好食，諗住K11 Musea都可以，可以伏到一個點！…查看更多

呢間餐廳真令人失望。餐牌上嘅選擇少得可憐，主菜得個4、5樣冇乜嘢可以揀。價錢又貴得離譜，完全唔值呢個價錢。食物送上嚟嘅時候已經凍晒，味道更加係差到爆，連我隻狗都唔願意食。主打嘅酸菜魚無咩特別, d 肉超少lor 300蚊一個人都食吾飽, 又無得加白飯。服務態度亦都好差，服務員愛理吾理嘅樣，d茶凍。整體環境亦都唔係幾好。呢次真係我食過最差嘅餐廳體驗，絕對唔會再嚟第二次。大伏。🤮🤮🤮🤮🤮🤮🤮🤮🤮🤮🤮…查看更多