稻成京川滬 (新都會廣場)

羊腩煲一上枱要等一陣等佢熱，湯底偏藥材味，但唔會太重手，飲落暖胃。羊腩份量唔少，肥瘦均勻，煲得夠軟腍，入口無腥味幾好。腐竹同枝竹吸晒d湯汁，夠入味，香菇大塊，整体味道平衡，都幾開胃。冬天食一煲好舒服。小籠包係現包現蒸，皮薄透光，夾起嚟有d容易穿。咬落去有湯，但唔係爆到四圍濺，湯底鮮甜，肉餡鬆軟，油分適中。一籠四粒，食完唔會太飽，適合同朋友share黎配羊腩煲。羊腩煲冬天食特別舒服，小籠包都幾ok，推薦冬天食下暖胃。…查看更多

今日lunch去咗稻成試佢地一人餐，點咗個京蔥爆牛肉配飯，整體都幾好。牛肉厚薄適中唔會太硬，炒得火候啱啱好，入口嫩滑完全唔鞋，牛味香濃。京蔥同洋蔥落得夠多，蔥香好足又爽脆，醬汁甜鹹平衡，撈落白飯好夾。白飯煮得粒粒分明，吸晒啲豉油汁，一碗好快就清晒。整體味道係正宗中菜風味，唔會太重味精，食落好清爽。午市一個人食份量剛好，食完飽肚。環境開闊舒服，上菜快，一個人坐完全唔尷尬。係葵芳返工lunch time黎食都幾方便，下次仲想試佢其它一人餐。…查看更多

今日去咗稻成試咗佢地一人午市套餐，四川擔擔麵配抄手，幾抵食。擔擔麵湯底係芝麻醬為主，帶少少花生香同辣椒油，味道濃郁但唔烈，麻辣感覺好輕，只係微微椒香，啱晒香港人接受到嘅「安全辣」程度。肉醬炒得幾香口，落咗好多花生碎同蔥花，口感豐富，麵條幼身彈牙，掛汁力強，幾好食。跟住兩隻抄手，雲吞皮薄餡靚，彈口唔鞋。醬汁酸香開胃，又唔算太辣。整體嚟講，呢個套餐味道偏香港式川菜，麻辣只係輕輕帶過，完全唔使驚太辣或太麻，食完口舒服，唔使狂飲水。環境乾淨企理，上菜快，一個人食都OK。午市想食少少川味但又唔想太刺激，呢個選擇幾穩陣，性價比高，下次都唔介意再黎。…查看更多

重陽節爸爸媽媽即興相約我地兩公婆食飯，因為太倉猝，所以即刻打電話去稻城訂位，好彩有位； 不過假期用餐時間只是1小時30分鐘。 阿媽想食片皮鴨，所以點了半隻； 另外點了半隻砂鍋雲吞雞，而且今次阿媽話加埋花膠，不過略嫌花膠太細及太小🥲。當然我必點一定係至愛高力豆沙😋。 經理好好人送左4杯豆漿比我地👍🏻。 埋單差不多$1300…查看更多

稻成喺新都會開左好多年,多年前都間中會去食lunch,雖然貴但味道還可,但有一段時間佢地冇提供午市套餐,所以冇再去最近見佢出翻午市套餐,今日就去食下,點知啲質素差左,豬肉饀嘅鍋貼,小籠包抄手都重豬羶味又鞋口,鍋貼皮又硬,擔擔麵個湯又薄好淡味,食完所有嘢個抄手都未黎,追侍應佢先去拎出來,上枱時係凍嘅,應該出菜好長時間都冇人跟😑最慘係茶壼內冇茶葉嘅茶都收$10/位！（應該係預先沖泡一大煲嘅茶,再倒俾客,乜茶味都冇,仲衰過茶餐廳啲免費茶）唔係咁做生意吧！今日起永遠唔會幫襯稻成…查看更多

好耐無去新都會…openrice搵下有咩食見到呢間都幾啱口味就係openrice book位試試地方都算大…有大枱及細枱及卡位…當晚見大枱有家庭聚餐…細枱亦有單人食晚飯…有用餐時限單點咗幾樣嘢食…有拼盤..黃魚..煨麵..小籠包係我嘅首選姐姐放低後打開籠蓋…見包嘅狀況同姐姐講姐姐二話不說..即時幫我哋處理…很少餐飲店有如此嘅服務態度…👍👍👍雖然飯後覺得各菜式味度一般…價錢略貴但服務態度滿分💯…查看更多

因為同一個集團在樓上的餐廳遇到不禮貌的服務員，我們就換個地方食飯，反正餐廳多的是。這裏招呼一流，味道一流。因為砂鍋雲吞雞實在太美味，一嚟到就開吃忘記了影相。喜歡食雲吞雞的一定要嘗試。…查看更多

為咗就個喺葵涌返工嘅朋友，約咗喺葵芳地鐵站附近食晏，上網睇review「搵食」，但係睇嚟睇去都唔知食乜。😅 最後個friend嘅同事話呢間都👌🏼，於是嚟試吓。我未嚟過呢個商場，扶手電梯上到2樓我就轉左，點知行到尾都搵唔到，仲要係「堀頭路」，原路返𨍭頭，原來餐廳就係扶手電梯右邊正正隔離。🤣我鍾意食雞絲粉皮，個friend鍾意食賽螃蟹，於是我哋叫咗個午市套餐，雖然份量唔多，不過如果唔係「大胃王」都應該夠食嘅。我哋兩個鍾意食嘅嘢都好食，其他都okay,如果你鍾意食「林」啲嘅菜，呢個你應該會好欣賞。今餐嘢食OK，地方寬躺，服務一般，以人均$170午餐嚟睇，性價比一般。…查看更多

每次宴客都會去新都會稻成，因為無論食物質素，服務態度均一直保持水準，環境又座得舒服，值得作為首選推介👍。 宜家午市六人餐仲有88折，餐裡面有酸菜魚及片皮鴨，非常好味及抵食😋…查看更多

搬左公司，有段時間都無再黎食。難得新年放假就返黎葵芳新都會再食。小籠包依舊皮薄餡靚，肉味好足👍孜然骨都好好味，味相十分好而且員工係繁忙嘅時段，仍然能夠提供10分優質嘅服務，十分抵讚！…查看更多

阿媽喜歡中菜，所以做冬晚同爸爸媽媽去食上海菜。一行4人叫左個4人餐，有前菜，有花膠湯 （每人一盅）； 小籠包一定吾少得因為媽媽至愛😍主菜酸菜魚，片皮鴨，仲有甜品。 酸菜魚不會太辣，連媽媽都食到，而且魚質夠滑，唯一我們以為有寬粉原來是沒有的🤭。片皮鴨不會太肥，每次來吃飯必點的一個餸。甜品芋圓冰粉不會太甜，而且可以清一清油膩。 因為識得經理所以免費送左豆漿比我們，而且全單仲有九折。 訂枱時註明坐房，－家人可以食得更舒服。 …查看更多

服務員招呼很好，落單快，送豆漿～可能叫套餐，上菜超快～但食物就對比之前較為遜色了，同事都大感失望。 松子魚上台賣相不錯，一食….即試到無汁位置會食到腥腥地 同幾個月前食差得遠；黃金蝦球….較厚粉，食兩口都飽飽濟濟，蝦肉略為乾身；孜然排骨好香口野味，一上台即食（不錯），遲十幾分鐘後食既，會覺得超乾…似有骨肉干，咬都好難撕開乾巴巴既肉。（同事最後都放棄肉乾沒吃）其他食物都不過不失～ 無驚無喜～但今次真係較為失望～…查看更多

中秋早少少做節同d 老人家食，知道新都會星期六勁多人加埋就中秋，早兩日電話booking 左，得返5:00-6:30， 咁都照食囉⋯⋯我哋5個人安排左sofa 位，初初諗住食5-6人餐，但好似差唔多，所以散叫叫左稻成酸菜鱸魚、陳醋伴老海蜇頭, 京燒羊腩, 稻成片皮鴨(半隻）,茨實浸菜心苖, 之後好似唔夠，加左個小龍包，上海粗炒，鑊貼和燒豬仔骨⋯⋯個酸菜魚ok 多料d 魚肉都好鮮，海蜇頭開胃野味，羊腩都香但冇乜味淡左d, 片皮鴨都好唔太肥，菜心苗幾淋，小龍包鑊貼正常發揮，個粗炒一般和顏色太深，燒骨返宜幾香好入味⋯⋯埋單5人$17xx …查看更多

I was here with friend, they leaded us to a small table at the corner while there are other table available and told us others are booked ( not sure if it’s true), and during order, I mean I ordered according to the set later but they still counted the food I at first ordered and cancelled, and they brought all the dishes together to you at this small table. When I paid after dinner mentioning this, the service guy doesn’t care and ask why you take them ?? Come on I already cancelled that when ordering and cancelled again when they brought it, and your service is to bring it back to me telling me can’t. Conclusion - Really bad service.…查看更多

想食京川菜又坐得舒服見午市有特色套餐而且平日下午無人等位就試一試揀左午市2人套餐包一款前菜、點心、主食、時蔬、甜品等🥢 雞絲粉皮麻醬味道偏甜， 而且太濃，漿住哂 啲雞絲， 相當漏🥢 小籠包皮薄湯料多，肉湯味道濃，水準不錯🥢 賽螃蟹蟹肉都幾多， 配蛋白、蟹子同醋一齊食， 都幾鮮味🥢 紫淮山炒時蔬（+$18）唔係好多地方有得食紫淮山， 加小粟米、蘆筍一齊炒，配搭不錯🥢 高力豆沙…查看更多