秘坊

今日做完嘢同男朋友仔黎搵野食…行左幾間，lunch市價都60蚊…見到呢間裝修唔錯，價錢係$4x-$5x真係心心眼😍食物凍利賓納 +$4呢個稍甜…但我就係貪佢甜😂我可以自己加水開多杯🤣岩鹽奶蓋凍咖啡 +$10呢杯值呢個價呀！好香滑嘅咖啡～飲完個口好香咖啡味自選焗飯 $45炸魚柳+蒜蓉汁+焗飯個炸魚柳比較冧，飯比較碎同硬黑椒汁+豬頸肉+焗飯個黑椒汁唔辣，豬頸肉比較硬其他初初冇留意，原來呢一間係社企餐廳。呢度都有加分💯我去埋單嘅時候，男朋友仔冇拎我個袋就岀咗去…然後有個姐姐嗌住佢話我漏咗個袋，然後我買完單拎返個袋😀好多謝佢咁盡責…查看更多

前陣見茘枝角青山道有間小食店裝修, 今日終於前來試食, 主打車仔麵和焗鈑。店長推介蕃茄湯底, 辣魷魚鬚同自家製貢菜, 我另外加咖哩豬皮及蘿蔔, 當等上菜時才發現店內職員是聘請康健人仕, 立即加分, 目睹經營者及每一位的店員都好努力, 我看在眼內被深深感動了! 🥺食物質素不過不失, 辣魷魚及咖哩豬皮同蕃茄湯配撘得宜, 香辣貢菜十分野味, 配麵一同食口感十分好, 推介! 如果你要在荔枝角搵輕食, 這間小店的環境比連鎖快餐店, 茶記略勝及幽靜, 請順道支持下一班有心幫助及好努力想融入社會工作的朋友❤️…查看更多

公司樓下開左一間新餐廳，見佢門面幾光猛，同工廠大廈好唔同，所以就入去試下!呢間餐廳叫「秘坊」，主打社企理念， 聘請傷健人士作為員工，每位店員態度好親切有禮，到門口仲特意為客人開門，感受到一份真誠服務。今次點咗一碗 蟲草花雞湯米線，份量好大碗，雞脾炆得軟熟、肉質滑嫩，食落好香口。不過湯底味道真係比較淡，比較清淡。午餐時段人流都幾多，可見人氣唔錯。整體感覺係一間用心推廣健康飲食、又保持食材質素嘅社企小店。期待下次再試佢哋嘅健康餐系列～…查看更多

叫咗三個餐分別係車仔麵雞翼薯粉肥牛燒雞豚肉烏冬總結嚟講車仔麵嘅豬腸蘿蔔係正常雞翼薯粉粒豆卜正常烏冬都係蘿蔔正常其他我哋都不予置評大家睇路另外，提早網站落單自取可以有九五折但係你唔去到現場俾錢佢都唔會整你個餐我哋諗住等咗20分鐘去拎最後 去到店舖 等你俾錢佢先將張單俾廚房分享完…查看更多

我哋叫咗六個餐。雖然佢喺荔枝角嚟講價錢算平，但食物質素真係有待改善。六個餐得兩個餐可以擺得入口。唔會再試。詳情食評如下：S1 手工純牛肉漢堡飯厚身嘅牛肉漢堡扒，都有手板咁大塊，配少少薯仔粒同蘿蔔粒，日式燒汁。牛肉漢堡扒偏「鞋」，同埋落好多黑胡椒，比較濃味，個扒「鞋」再配飯就比較乾，建議唔好少汁。薯仔粒同蘿蔔粒就正正常常。48蚊嚟講算係咁，都食得落。S11 日式辣麻醬雞絲菠菜粉皮呢個算正常，菠菜粉皮煙靭，係正常味道。HS2 日式薯蓉烤雞定食配火焰芝士蟹柳薯蓉有陣唔新鮮嘅味，食完會擔心肚痛。menu聲稱係烤雞胸但完全睇唔出係烤。比較似烚。另外雞肉十分鞋。H7 韓式蕎麥冷麵+蜜糖黑椒黑醋汁+慢煮雞扒難食之最。慢煮雞扒食落好大陣臭腥味。食咗兩舊已經想嘔。比較似食緊生雞肉。慢煮雞胸還好。蕎麥麵相當淋，好難食。個汁完全無蜜糖味只係醋酸味。整碗只有配菜叫做勉強擺得入口。HS3 糖心蛋鱈魚柳沙律配薯蓉薯蓉有同一個問題。整體唔好食。S8 三獸丼個汁胡椒味太濃，好鹹，同埋有浸怪味。食落牛同豬都好腥，雞肉就冇咩味，似烚完先再煎咁。飲品方面：岩鹽奶蓋凍奶茶（少甜少冰）正常奶蓋味，但奶茶茶底好嚡，好澀，偏苦，似濃茶加淡奶水咁🙂‍↔️🙂‍↔️飲完有啲胃痛🙂‍↔️🙂‍↔️🙂‍↔️🙂‍↔️🙂‍↔️岩鹽奶蓋凍阿華田阿華田夠濃郁，唯一可以一試嘅嘢…查看更多

午飯時間黃雨，光顧秘坊外賣，手工純牛肉漢堡。讚👍🏻😋 塊漢堡有成寸咁厚，有「趙頭」！真心like 😋 支持！💪🏻另外，外賣奶茶，有個紙套在杯頂，隔咗啲「倒汗水」，好有心！真心支持👍🏻…查看更多