秋田冰室

安排座位發晦氣，就算你坐低咗之後想要轉位，手指指叫你向後坐！咩態度呀而家？香港飲食業咪俾你啲人搞死囉。香港唔係得你一間茶餐廳呀！請着呢啲夥計你真係可以等執笠！！…查看更多

公司一向都比較遲放飯，不過每次經過呢間冰室總係一班人在門口排隊。居然撞岩無人等位就入去試下。準備手機落單時，侍應埋黎靜靜換了枱底的餐牌，我看看原來等多幾分鐘就可食下午茶，侍應們完全沒介紹或有說明。而且明明係有枱都會叫你搭枱。以為成日咁多人等位，亦完全無服務，食物應該還可以？ 想了一輪試咩好，點了個招牌焗豬意粉，以為招牌一定好食？完全可以用失望來形容。只能説得上係普通茶餐廳一間。普通質素，要等位完全不用考慮…查看更多

今日約上午11:30到達餐廳，當時店內約還有三分之一以上的座位空置。我獨自前往用餐，卻被安排與他人共用雙人枱。以往這類安排通常只會在客滿或等候時間較長的情況下出現，因此餐廳在座位充裕的情況下仍作此安排，實在令人費解。誠然，餐點的味道不俗，但這種待客方式讓人感到不悅。基於此，我不建議選擇光顧。…查看更多

第一次過嚟食咗個黑椒汁板煎T骨牛扒拼辣肉腸飯，T骨有骨是正常，我明白，但係舊肉得BB手咁大。。。。筋骨同肥膏就大把。有啲失望，小女兩啖食晒，好彩有條腸送下飯🥲…查看更多

位於觀塘鱷魚恤中心的秋田冰室，提供舒適別致的用餐環境，將經典香港茶餐廳風格與創意融合菜式巧妙結合。明明店名很日式，但菜式都係香港茶餐廳普遍可以見到的，除咗入面啲招財貓之外，感覺同日本冇乜關係😂 吃的時候剛好是晚市，餐廳上菜速度很快。服務員態度良好，基本上都有求必應。第一次食，試了蒜蓉紐西蘭西冷牛扒配餐湯＋自家製餐包+薯菜，牛扒五成熟，蒜蓉汁。餐包上的時候已經切開一半並塗了牛油。羅宋湯盛在簡單白碗中，作為開胃湯品，呈現深紅色澤，每一啖都充滿蔬菜的豐厚口感，酸甜平衡。等了一陣鐵板牛扒終於來了，焗薯仔切開一半，中間塗有焙麻醬，質地很軟腍。西蘭花味道比較清淡，冇特別調味。作為主角的西冷牛扒，肉塊厚實嫩滑，外層焦香誘人，脂肪適中。不得不說的是牛扒份量超級大，大概有三個成人手掌咁大，而且厚度有大概2cm，一個人食講真有點勉強，如果兩個人share就應該啱啱好。至於紅豆冰，店家牛奶用3.6北海道牛奶，紅豆甜，夠大杯。總括而言，冰室嚟講價格唔算特別平，但食物份量冇同你慳的，質素都唔錯，普通一餐茶記黎講值得一試，可以多幫襯的。聽朋友講小炒都幾好味，下次再試😂…查看更多

12:20分叫餐4個人食12:43分成杯奶茶都未飲完就叫人哋快啲飲完快啲走，老細咁樣教導員工，仲要同你講唔好意思因為太多人，坐半個鐘頭都未夠😔過嚟執嘢，起碼執咗6-7次坐20幾分鐘都唔得就唔好開餐廳做堂食啦寫明飯市標題30分鐘好走…查看更多

剛新開嘅時候，食過唔係咁好食，衛生環境欠佳。諗住過一排可能會有有所改善，點知食咗早餐通粉連個湯都冇嚟味道，個包又難食，D員工個個黑口黑面，態度極差😖都唔會再去食…查看更多

茶餐廳真係周街都係 而家覺得呢間唯一嘅優勢就係位置 位於鱷魚恤中心地下食過早餐同午餐都覺得非常麻麻 完全稱不上好食 茶餐廳最重要就係嘢飲 而佢嘅嘢飲亦比較遜色 鴛鴦又冇咖啡又冇奶茶味 同$10一杯國產廢水無異檸茶好似麥當勞都好過佢 價錢都係正常 可以唔試…查看更多

儘管吉枱無數，一入店就只懂得不斷重複 搭枱 搭枱 搭枱，搭到你自動行返出門口，食個早餐 本想享受一下返工作戰前既休閒時間，就被她的命令式搭枱 搭到無奈，無慾，無mood影響一天心情，差你錢咩，茶記雖無求，基本服務仍需有呀！…查看更多

位於觀塘開源道79號鱷魚恤中心1樓嘅秋田冰室，真係一個懷舊又親切嘅地方！最近試咗佢哋嘅蕃茄薯仔羅宋湯午餐肉粒通心粉，湯底夠濃郁，酸酸甜甜嘅味道好開胃，加埋滿滿嘅午餐肉粒，真係好滿足🍅🥓搭配嘅仲有一個自家製脆皮菠蘿油，外皮香脆，內裏鬆軟，奶油份量啱啱好，咬落口即刻幸福感爆棚🥯✨飲品方面就揀咗杯紅豆冰，紅豆夠實在，甜度啱啱好，冰冰涼涼飲落真係好消暑🍹❤️ 呢個組合簡直係懷舊冰室嘅完美演繹，性價比仲高！如果你係附近，真係必試呀！💯 …查看更多

很旺場的店舖位置，六點到場都要排隊等位，不過是新店就試一試吧！新裝修，光線充足，溫度合適，就是枱與枱之間距離很近，給人一種很逼夾的感覺。餐具補充貌似不足，成張枱得兩隻匙羹在櫃桶，而且放得很雜亂，要自己找找。服務上除了安排你到位置同叫你掃QR code外，要水的話要自己斟，斟水機常常會見到有人排隊。椒鹽鮮魷就是椒鹽和鮮魷分離得有些嚴重，粉漿鬆散，椒鹽也不在粉漿上，看上去很好看，吃的話你會感覺什麼叫做食物中了分離咒。涼瓜魚柳煲的魚柳黐煲有些嚴重，但勝在個煲夠熱，還可以接受。白飯用的米質素很差，會見到不少黑點。羅宋湯只有酸，而且很酸，湯料配菜極少，整體中下水準。…查看更多

下午茶叫了牛扒、煎蛋通粉，牛扒和通粉都沒有味道可言，乏善足陳；跟餐熱檸茶，只得一個澀字。店內人聲嘈雜，座位狹窄，店員沒禮貌，幸而收銀姐姐會說多謝。$ 48下午茶餐，觀塘有多不勝數的好選擇，不會再去。…查看更多

今日四個人去食lunch，食完d碗碟好快就收哂，飲品仲有半杯，有個著黑衫、戴眼鏡、好矮嘅女侍應行埋嚟講咗兩次：出邊好多人排隊。我望住杯仲有三份一嘅飲品、再望住佢，佢話：我俾多少少時間你。嘩，真係多謝晒！轉頭另一個女侍應問都唔問一手收咗我同事杯未飲完嘅飲品，我哋話未飲完佢先放返低。走果陣向收銀投訴嗰兩個侍應，黑衫女侍應叫我哋出店外，無限Loop再指住出面有好多人排隊⋯其實有幾多人排隊關我咩事？依家係我杯嘢未飲完你問都唔問就收走咗，俾多少少時間我？我使唔使多謝返你？前言不對後語，佢話會同返啲同事講，講咗句唔好意思就走咗。最後我話上OpenRice比意見，佢話：好呀。我而家就照做。…查看更多

今日去咗觀塘秋田冰室食晏，真係比預期中驚喜！叫咗個鴛鴦炒飯，一上枱就嚇親——大碗到呢！白汁同茄汁雙拼，撈飯一流，仲要落足料樣樣齊，最正係啲蝦仁大隻又爽口，完全唔係普通茶記嗰啲雪藏蝦仔，抵讚！ 另外試咗個芝士炒蛋魚柳包配薯角，個魚柳真係厚切到呢～外皮炸到金黃脆卜卜，咬落去"咔嚓"聲，魚肉又嫩滑，夾埋半溶芝士同滑蛋，邪惡到爆！不過認真熱氣，食完真係覺得喉嚨有啲痕，但為咗咁好味，生痱滋都抵啦！薯角炸得香脆。唯一要彈嘅係地方有啲逼，枱同枱之間好窄，坐得唔算舒服。但以咁嘅份量同質素，$40-$50就食到咁豐富嘅下午茶，真係冇得輸！ …查看更多

食物就冇咩好講，茶餐廳質素不過不失冇乜驚喜。叫杯凍奶茶少甜就甜到飛起，水吧完全無視顧客要求。餐廳面積好大，不少卡位亦都有好多張細雙人枱，但明明有吉枱都係要人搭枱，張枱又細，又冇嘢隔住，同對面一個陌生人咁近距離食嘢真係唔係咁Ok囉。最後我都堅持坐去張吉嘅雙人枱。果個著黑衫嘅女員工（應該係高級啲）仲忿忿不平黑起塊面咁講咗幾次：「我哋好好生意架喎，呢度係要搭枱架喇，係呀我哋好好生意！」咁我就真係祝你生意興隆，我就一定唔會再幫襯。香港飲食業同的士司機服務一樣…查看更多