禪

最近喺沙田搵到間好 chill 嘅日式 cafe，裝修走木系和風路線，採用柔和嘅燈光，坐低已經覺得心情平靜咗好多。晚市有一人套餐，啱晒想靜靜地嘆個人晚餐嘅朋友。😋 吉列豬鞍白咖喱烏冬 ~ 一上枱已經俾大大塊嘅吉列豬鞍吸引咗，炸得金黃酥脆，厚切但唔鞋口唔會太乾，咬落仲有肉汁滲出嚟，啖啖都係滿足感。白咖喱加咗忌廉，令成個醬汁更加滑溜，味道唔會太濃，反而多咗層奶香同甜味。烏冬煙韌得嚟又吸晒咖喱汁，食落好有口感！😋 安格斯牛肉月見蛋丼 ~ 薄切安格斯牛肉，中間放咗隻日本「曉」生蛋黃，一撈開即刻變身滑蛋牛肉丼，個飯吸晒牛肉汁同蛋香，真係一啖接一啖！😋 紫薯芋泥麻糬梳乎厘 ~ 呢個甜品真係打卡一流，厚厚嘅 pancake 上面鋪咗煙韌嘅麻糬皮同紫薯粉，顏色好夢幻。Pancake 口感綿密，味道香甜但唔膩，仲有少少天然芋頭香。😋 開心果慕絲撻 ~ 呢個撻就比較精緻，底層係牛油撻皮，上面係濃濃嘅開心果慕絲，入口即溶，堅果香味好突出，上面仲有碎果仁做點綴，口感豐富。呢度真係一個好適合放鬆心情嘅餐廳，無論係想一個人靜靜地食餐飯，定係同朋友傾下計都好適合。食物有心思，擺盤靚，味道又唔馬虎。下次經過沙田，不妨入去坐低慢慢嘆返餐。…查看更多

📍 禪 (沙田) Zen by Tera陪小朋友黎到沙田一齊食飯，人山人海，見餐廳食物都好吸引，又安靜，加上有烏冬，又有pancake食，岩曬一家人🤭୨୧┈┈┈┈┈┈┈┈┈┈┈┈┈┈┈┈┈┈୨୧💗濃蝦汁烏冬 （$114）濃蝦汁烏冬很鮮味，不會太咸，烏冬很掛湯汁，加上蝦仁很大隻，好岩share 黎食。💗安格斯牛肉月見蛋丼 （$134）餐廳在飯上鋪上一塊塊薄薄既牛肉片，牛肉8成熟，再配上月見蛋，將佢攪勻拌飯，一啖牛肉一啖飯，份量岩岩好。💗明太子玉子燒 （$68）呢款小食好岩小朋友食，熱辣辣既玉子燒再配上明太子，仲要有六大件，大件好抵食。💗芝士年糕 （$58）芝士年糕都係日本餐廳既招牌名吃，外脆內軟，拉出長長既軟心芝士，非常好味。💗紫薯芋泥麻薯pancake （$138）呢個係餐廳受歡迎既pancake 之一，因為pancake 有三層，頂層既麻薯好薄，好煙韌，再配上紫薯醬，照相打卡好靚（製作時間要20分鐘，order最好提前）🌟凍朱古力 （$34）岩小朋友既飲品，朱古力味濃味。🌟豆腐花咖啡 （跟set+$6)餐廳用左豆腐花做底，之後再沖入濃縮咖啡，兩個撞埋一齊感覺有趣，又不會太苦，又有口感，值得一試。🌟玫瑰桃膠紅棗奶 （跟set+16)飲品很補，好香玫瑰味，紅棗都可以食，飲完暖笠笠，養顏指數極高。**收加一服務費**୨୧┈┈┈┈┈┈┈┈┈┈┈┈┈┈┈┈┈┈୨୧ 📍 禪 (沙田)🏠 沙田沙田正街18-19號新城市廣場一期1樓109號舖#hkfoodstep#hkfoodstep沙田#hkfoodstep cafe#hkfoodstep慶祝節日 #hkfood #hkfoodie #hkcouple#沙田美食#cafe#本地菜 #foodie #高質 #烏冬 #沙田美食 #香港美食 #禪#pancakehttps://maps.app.goo.gl/EtRKc474PkJUk5X3A?g_st=ic…查看更多

是日來到沙田覓食～媽咪話想食日本菜🍣於是就帶咗佢嚟呢間以木系和風為主調嘅日式 café 試試！環境舒適又寧靜，除咗主食之外，甜品款式仲超多～對甜品控嚟講真係零抵抗力🤭💛🥩 鹽蔥厚切牛舌配照燒雞扒丼（$128）牛舌厚切得嚟仍然保持軟腍，入口肉香濃郁，配上鹽蔥更加惹味～照燒雞扒燒得恰到好處，外皮微脆、內裡嫩滑😋🐟 滑蛋鰻魚飯（$168）鰻魚肥美油潤、燒得香氣撲鼻，滑蛋軟嫩香滑～每一啖飯都掛滿鰻魚汁同蛋香，好治癒💫🥗 +$28 升級定食可選沙律或枝豆，再配$42以下或差價升級飲品👍🏻☕️ Flat White 澳白咖啡 (熱)咖啡香濃順滑，奶泡細緻柔軟☕️🍠 凍芋泥鮮奶（升級定食+$10）香滑芋泥加上香濃鮮奶～甜度剛剛好💜🍢 炭燒雞串X6（$48）雞肉多汁、外層微焦～炭香味滿滿🔥🍳 明太子玉子燒（$68）鋪滿明太子醬，鹹香濃郁～再加上紫菜條與蟹籽，層次豐富，入口充滿蛋香與明太子鹹鮮感🤤🍵 開心果奶蓋芭菲配3.5抹茶扭紋軟雪糕（$98）打卡度💯✨ 每層都有驚喜～開心果奶蓋香濃滑順，配上抹茶雪糕微苦回甘，甜度剛好～仲有一粒粒煙韌小丸子，食感豐富又滿足💚…查看更多

今日喺沙田做treatment 完咗就同男朋友搵嘢食見到呢間餐廳裝修好靚 木質材料同埋燈籠裝飾自然色調突顯內部簡約有序 令人感覺溫暖舒適行近睇餐牌先發現 原來之前已經食過大圍分店不過呢間嘢食比較日式 同埋主打刨冰多過班㦸- - - - - - - - - - - - - - - - - - - - - - - -1. 三文魚籽蟹籽沙律前菜嚟講都算用心 唔係淨係得啲菜仲有啲晶瑩剔透嘅三文魚籽、蟹籽用咗醋汁 撈埋一齊酸酸甜甜都好開胃2. 明太子玉子燒係熱辣辣咁上 打完卡都仲係好熱玉子煎得軟滑 但夾起又唔會鬆散雖然少少明太子醬、蟹籽、紫菜點綴但都好重明太子味 咬落有顆粒感3. 美國安格斯牛肉月見蛋丼安格斯牛肉片整齊排列喺白飯上白飯係有溫度 但濕氣又唔會太重流心蛋黃色澤好橙已經贏咗吉爆蛋黃變成蛋漿沾滿牛肉食落先知 原來牛肉係有煙燻過咖!!真係超級好食 好重煙燻香氣4. 吉列大蝦白咖喱烏冬呢個唔算好重口味 雖然係有咖哩但因為加咗忌廉嘅關係而中和咗變得唔會太辣 同埋唔會好膩烏冬麫質都好Q彈、有滑溜感吉列大蝦入面係有肉眼可見蝦肉炸到香脆 可配埋沙律醬嚟食5. 楊枝甘露刨冰一向對香港嘅刨冰都冇咩癮多數啲冰都好大粒 但呢度就唔同用咗白川鄉泉水製 係綿綿嘅細冰外形大到誇張 用料亦都十足以為就咁冰加紅柚、芝士奶蓋最多加埋芒果醬自己淋上去其實入面先係寶藏 都幾驚喜到我!!鮮芒果肉、煙韌小丸子、芒果椰果每啖都有足夠配料連埋冰一齊食6. 北海道牛乳抹茶雪糕(是日甜品)一直都好多人食呢款出名嘅雪糕單售都成$40一杯 但叫2人餐就送側邊配埋紅豆、小丸子 感覺都值好重牛乳香氣 抹茶唔係苦澀個種…查看更多

*✲ﾟ*。🥞沙田和洋cafe☕️ 下午茶超抵食🎌
之前食過呢間主打Pancake 嘅Tera幾次沙田分店叫Zen by Tera, menu有少少唔同食物選擇更多😆下午茶好抵食 最平$48起已經包左一杯$42或以下嘅飲品‼️😳下午茶丼飯/甜品都有🙆🏻‍♀️主食推介濃 蝦湯鳥冬同安格斯牛月見蛋丼😍個烏冬湯底蝦味真係好濃😋牛丼下午茶都有 比單點平啲原本以為份量會少啲 點知都幾大碗😝下午茶跟餐包飲品個人覺得杯玫瑰桃膠紅棗奶 養生又好飲🌹呢度甜品嘅選擇好多 好難揀🤣推介特濃朱古力撻 🍫個撻表面有大量可可粉 朱古力味好濃😙仲食左 souffle pancake 大滿足😆-✨ 安格斯牛月見蛋丼 ($106)✨ 濃 蝦湯鳥冬 ($128)✨ 開心果慕絲撻 ($58)✨ 特濃朱古力撻 ($58)✨ 紫薯芋泥麻糬 Pancake ($138)✨ 芝士年糕 ($58)+10% service charge-📍 Zen by Tera 沙田新城市廣場一期1樓109號舖…查看更多

第一次來禪這日本餐廳，因為見門口餐牌下午茶幾抵，長者還有8 折👏當天叫了吉列大蝦咖喱濃湯烏冬，賣相很不錯，有三隻蝦十分脆，烏冬份量足，忌廉混咖喱濃湯味道很獨特。餐茶有很多選擇，超個20 款。我叫了一杯mocha 咖啡味道也不錯員工服務態度也很好，值得推介這餐廳$68的下午茶在新城市廣場確實難搵長者價折扣後是$61，性價比高👍（唯一扣分之處就是枱與枱之間空間較密）…查看更多

- 吉列大蝦白咖喱烏冬 $88 芒果梳打 +$6- 明太子蟹肉意粉 $98 波子汽水- 原味金寶梳乎厘班㦸 $108 蘋果汁 (走冰)- 山梨縣白桃刨冰 $88 西瓜香橙梳打 +$6由月頭忙到月尾 難得放假真係要嘆下午茶慰勞辛苦嘅自己 呢度嘅下午茶包咗味噌湯同一杯$42或以下嘅飲品 (過咗$42就補差價) 可以揀甜品或者主食 身為烏冬控見到餐牌有烏冬就秒選咗 面頭個層白色係忌廉薯蓉 口感幼滑綿密 撈勻咖喱同烏冬之後質地就比較濃稠 咖喱微微辣 另外仲有三隻外脆內彈牙嘅吉列大蝦明太子蟹肉意粉 醬汁好creamy 每條意粉都掛滿明太子忌廉 仲有蟹肉蟹籽 食落一啲都唔膩 忍唔住清晒成碟😋要食埋甜品先至叫完滿 所以叫咗兩個甜品開心share 原味金寶梳乎厘班㦸 三層高嘅班㦸真係好有動感 鬆軟又有香濃嘅蛋香 呢度嘅pancake真係要再encore就算天氣凍咗都唔會阻止到我食刨冰嘅決心😆刨冰上面係芝士奶蓋 刨冰入面就有椰果 白桃肉同埋有陣桃味嘅牛奶冰 如果鍾意食濃味啲嘅話 可以再落埋另外附上嘅桃汁另外好想講個杯西瓜香橙梳打 估唔到味道好清新清爽 唔會太甜 仲有啲解膩感覺💰$433…查看更多

⁂⁎◝#沙田🇭🇰 和洋cafe 甜品出色🍧必食白咖喱烏冬！⁎◜⁂.呢日同朋友下午茶時間黎左新城市廣場呢間日式餐廳食飯店內走日式簡約風 木色配白牆 坐得幾舒服 價錢唔貴而且食物選擇都幾多唔食主食都可以就咁order pancake/刨冰食😋.✧明太子蟹肉意粉 $104醬汁夠creamy 係偏濃厚嘅忌廉底又食到明太子嘅鹹香 同蟹肉嘅鮮味都好夾 意粉煮得啱啱好 帶少少咬口食到中段會有啲膩 所以建議跟餐嗌杯嘢飲😙.✧蒲燒原條鰻魚白咖喱烏冬 $158原條鰻魚鋪滿碟面 賣相好吸引蒲燒汁微甜同炭香 魚肉油脂豐富但又唔會腥烏冬煙韌彈牙 每條都掛滿白咖喱汁好食 推介😚.✧牛油清酒煮蜆 $88牛油香同酒味好突出 蜆嘅鮮味令到個湯都好甜 啲蜆都唔會有沙 個湯好清甜 會想飲晒啲湯😆.✧山梨縣白桃刨冰 $98刨冰碎得夠細 入口冰感足慢慢融開帶少少白桃清香裏面仲有啲白桃果肉同荔枝椰果面頭仲有海鹽芝士奶蓋咸咸香香😙整體口味偏清爽 唔會膩 作為飯後甜品幾合適.✧豆腐花咖啡 $48 （跟餐+$6）跟餐+$6 既豆腐花咖啡 都飲得出有豆腐花香味 幾特別跟餐呢個價錢飲一杯咖啡好抵飲☕️..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 4/5𝘙𝘦𝘷𝘪𝘴𝘪𝘵: yes*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍禪 Zen by Tera 🗺️沙田沙田正街18-19號新城市廣場一期1樓109號舖..#mytaste_日本菜 #mytaste_沙田…查看更多

難得兩姊妹聚首一堂，閒日去咗新城市廣場禪食晚飯，二人餐有前菜有蟹肉蟹籽沙律、小食包括枝豆、明太子玉子燒、主菜點了黑松露野菌扭扭意粉、美國安格斯牛月見蛋丼，飲品點了推介的東芋泥鮮奶和兒時回憶波子汽水，份量非常豐富，兩個女士根本食唔完，不過隨即又被餐廳嘅甜品所吸引，食唔曬都照叫開心果奶蓋芭菲配扭紋雪糕、紫薯香芋麻薯pancake。樣樣食物睇得又食得，整體環境服務都唔錯，餐廳cp值高。…查看更多

一入門口已經被佢嘅裝修吸引住！✨ 全店採用木質材料，配上柔和燈光同燈籠裝飾， 呢度絕對Chill Chill 好地方🍱豚肉月見蛋丼一上枱已經被個流心蛋黃吸引住！📸 蛋黃色澤超靚，係好橙黃色嘅，睇見都流口水～💛 一吉爆蛋黃，瞬間變成蛋漿沾滿豚肉！豚肉經過煙燻處理，食落有好重煙燻香氣，超級好食！🍜照燒雞扒白咖喱烏冬🐔照燒雞扒燒得岩岩好，外皮微脆、內裡嫩滑～ 白咖喱加咗忌廉，令成個醬汁更加滑溜，味道唔會太濃，反而多咗層奶香同甜味！🍶🤍 烏冬質地好Q彈又滑，仲要吸晒咖喱汁精華，食落好有口感！🍠香滑芋泥鮮奶香滑芋泥加上香濃鮮奶，甜度剛剛好！💜💯 芋泥打得夠幼滑，飲落去有好香芋頭味，但又唔會太甜膩🍋檸檬橘子梳乎厘班戟呢個甜品真係打卡一流！📸💕 日式梳乎厘班戟厚厚嘅，配上檸檬皮同檸檬口味配料，睇見都覺得清新～🍊🌸 Pancake口感綿密，味道香甜但唔膩，仲要好濃蛋香☁️！🥗蟹肉蟹籽沙律清新爽口嘅沙律，蟹肉同蟹籽份量十足！🦀💚 食落去有啖啖蟹肉鮮味，加上蟹籽嘅爆漿口感，真係好開胃～🍳明太子玉子燒外層軟滑嘅玉子燒包裹住濃郁明太子，入口即化！🔥💥 明太子嘅鹹香同玉子嘅甜味完美融合，每一啖都係享受～🍗芝麻雞翼金黃香脆嘅雞翼，表面灑滿芝麻，食落去好香口！🐔外皮脆卜卜，裡面雞肉依然保持嫩滑多汁～🤤…查看更多

今晚同閨蜜嚟咗喺沙田嘅禪 Zen by Tera 食晚餐，餐廳位於沙田新城市廣場一期1樓109號舖），裝修走簡約日式禪風，木系元素配暖燈光，環境寧靜舒適，適合情侶或朋友小聚。我哋揀咗性價比高嘅$498 二人前套餐 ，呢個餐已經包晒頭盤、小食、主食、飲品同甜品，仲可以免費升級芭菲，超抵食！🍽️ 二人前套餐：頭盤（任選2）⭐️ 蟹肉蟹籽沙律：蟹肉鮮甜彈牙，蟹籽爆珠感十足，配清新沙律菜，開胃一流！⭐️ 枝豆：簡單蒸煮，灑少少海鹽，健康又解膩。小食（任選1）⭐️ 明太子玉子燒：蛋香濃郁，明太子微辣提味，入口即化，經典日式小食！主食（任選2）⭐️ 黑松露野菌扭扭意粉：扭扭意粉彈牙，野菌香氣撲鼻，黑松露醬汁濃而不膩，素食者都啱食！⭐️ 美國安格斯牛月見丼：安格斯牛肉嫩滑多汁，牛肉好多好足料，半熟月見蛋流心金黃，飯粒吸滿醬汁，超滿足！飲品（任選2）⭐️ 波子汽水：懷舊玻璃樽裝，汽泡刺激，解渴又好玩！⭐️ 凍芋泥鮮奶：芋頭味濃郁，奶香幼滑，冰凍飲落清爽又香甜。甜品（隨餐送每日甜品 x2 或升級）⭐️ 開心果奶蓋芭菲配扭紋雪糕（免費升級）：開心果香氣爆棚，奶蓋綿密，扭紋雪糕清新，層次豐富！⭐️ 紫薯芋泥麻薯Pancake（+98）：厚厚兩層 日式舒芙蕾Pancake，外層麻薯Q彈煙靭，內裡pancake超級鬆軟，彈彈哋似雲朵！面頭同埋pancake嘅周圍仲灑咗 紫薯粉 、迷你芋圓 同 可食用花瓣，視覺效果一流，感覺好夢幻！口感層次即刻爆燈，甜品控必試！📍 禪 (沙田)沙田沙田正街18-19號新城市廣場一期1樓109號舖…查看更多

週末想搵個地方靜靜地食頓日式定食，呢間「Zen by TERA」真係啱晒。環境好靜，好有禪意，木色調加上柔光，坐落嚟就已經覺得好放鬆🌿今次叫咗佢哋嘅「定食二人前」今次兩個人坐低慢慢食～🦀 蟹肉蟹籽沙律清爽開胃，蟹味濃郁到爆🥗🐚 牛油清酒煮蜆好香，好似去咗日本居酒屋咁🍶🥩 美國安格斯牛月見蛋丼—溫泉蛋，牛肉嫩滑帶少少焦香，牛味濃得嚟唔肥膩🍛 吉列豬鞍白咖喱烏冬意外地正，白咖喱好像雲朵一樣甜香配炸豬鞍好夾🍱🍨 最後升級咗甜品—提拉米蘇芭菲配牛乳軟雪糕，層次感十足🍦🥞 仲有開心果果仁Pancake～果仁香氣超濃郁，抹茶鮮奶加奶蓋簡直完美💚整體氣氛好靜好舒服，服務員又細心～價錢中上但份量足，適合想hea住食、傾計放鬆嘅日子☁️…查看更多

最近喺沙田新城市行街見到有間日式料理小店叫「禪」嘅餐廳好似唔錯，望落環境舒適，餐廳係以日式風格設計為主調，木系嘅裝修，氣氛靜謐，無論係朋友聚餐定一個人慢慢歎都好啱。所以今次就排隊去試一試🤣我同朋友就叫咗一個二人餐，而當中包括咗前菜主菜飲品同埋甜品！非常之豐富🍽️ 前菜小食• 蟹肉蟹籽沙律：蟹肉鮮甜，蟹🦀籽配上清爽沙律菜，夠唒開胃🤤• 枝豆：簡單鹽味調味，唔會過鹹• 土佐豆腐（4件）：豆腐係新鮮炸起😍咬落滑溜溜，配上柴魚醬油，鹹香中帶微甜😎🍛 主食丼飯• 日式豚肉月見蛋丼🍚豚肉薄切，煎得香口，配上半熟蛋黃一齊撈飯，超級邪惡又滿足😛• 鹽蔥厚切牛舌丼飯：牛舌厚切但唔韌🤓鹽蔥提味得宜，食落有咬口又唔失嫩滑，推介！😎🍹 飲品甜品• Mocha 摩卡☕️咖啡香濃，朱古力味唔會太甜😛• 桂花國寶茶：桂花香氣淡淡滲出，飲完好解膩🤣• 抹茶紅豆🫘芭菲配抹茶雪糕：抹茶味夠唒濃郁！紅豆又夠綿密，配抹茶簡直無得頂！而且中間仲有一啲小丸子同埋cream所以食落去口感非常豐富。• 開心果奶凍🍮開心果味夠唒突出，呢個真心大有驚喜！❤️❤️而且喺個奶凍上面仲有一啲開心果碎，真係超好食，又香又滑！係一個完美收尾。❤️…查看更多

同老公叫左兩樣野+一個甜品，唔係跟set全散叫，老公嗰個黎先，咁佢肚餓食先，佢食晒收埋碟我嗰個都未黎，都算，唔係真係等左好耐 然後，我食到一半，竟然上甜品？我地都呆左，明明app落單㩒左「叫起」，首先我地冇叫可以上甜品，二黎侍應都冇問係咪上得，三黎枱面仲有主食，有人仲未食完，仲要只係食左一半，唔係臨尾幾啖😅😅 老公望住個刨冰，又想等埋我食，又驚個冰溶，我唯有加快速度食埋我既主食。食緊既同時，我擺低筷子諗住抖下（因為平時唔洗咁趕住食），或者講起某樣野攞電話㩒啲post俾我老公睇，侍應即刻衝過黎問係咪可以收碟。我拒絕左兩次，侍應就冇再埋黎chur我收碟。搞笑既係，當我食完個主食，我將個盤推埋一邊，吊起隻手開始去食個刨冰，擺到明係食完架喇，侍應之前咁關心我舉動，呢啲時候又唔會過黎幫我收主食碟喎！直到我吊住隻手食左一半個冰，個主食盤終於都收走野食唔錯，但唔知做咩咁趕收工，睇返以前食評都有人有同樣經歷，成日趕住收碟，食到好大壓力…查看更多

🇭🇰沙田必試！高質日式二人餐，食到超飽🔥🍱✨ 二人餐 = 1前菜 + 2主菜 + 2甜品 + 2飲品，埋單六百幾，CP值爆燈！ 🐚 牛油清酒煮蜆 → 牛油香氣四溢，蜆肉鮮甜多汁，份量唔少 🍚 鰻魚飯 → 厚身油香，飯粒粒粒掛滿醬汁 🍜 吉列豬鞍白咖喱烏冬 → 巨型厚切，炸得金黃香脆，咖喱香濃但唔膩 🍨 甜品 → 免費升級巴菲 + 加錢轉做梳乎厘班戟（必試！入口即溶，蛋香超濃） 🥤 仲包兩杯飲品！ 👉 細食建議3個人share～ 💬 你哋最想試邊款？A must-try Japanese restaurant in Sha Tin 🍱✨ The 2-person set = 1 appetizer + 2 mains + 2 desserts + 2 drinks, all for just a little over HKD 600. Such great value! 🐚 Butter Sake Clams → full of buttery aroma, fresh and juicy, with a generous portion 🍚 Unagi Don → thick, flavorful eel, every grain of rice soaked in sauce 🍜 Pork Loin Katsu with White Curry Udon → giant thick-cut pork, crispy outside yet tender inside, paired with rich but not heavy curry 🍨 Desserts → one free upgrade to parfait + one add-on soufflé pancake (a must-try! super fluffy, strong egg aroma, melts in your mouth) 🥤 Plus two drinks included! 👉 If you don’t eat much, I’d recommend sharing this set among 3 people. 💬 Which dish would you try first? ————————————————————————————————————禪 Zen by Tera📍沙田沙田正街18-19號新城市廣場一期1樓109號舖Shop 109, 1/F, New Town Plaza Phase I, 18-19 Sha Tin Centre Street, Sha Tin…查看更多