祺香手工甜品

祺香手工甜品位於紅磡懷舊雞蛋仔隔籬，餐牌款式多樣化，有中式甜品、自家製綠茶凍、鮮奶麻糬、蛋白燉鮮奶、即叫即製可麗餅、椰奶冰雪刨冰等等，非常多選擇😍店員姐姐本身推介小妹食招牌純椰奶冰雪刨冰，祺香的冰雪刨冰係用椰奶整並非用水刨再落醬，所以比較易溶，聽來都非常吸引，只不過刨冰要在5分鐘內食完😧因為小妹仲想買返屋企同老公分享，唯有留番下次再嚟先食🤭祺香的可麗餅因為係即叫即整，需時約六至八分鐘，唔想等咁耐，可以提早打電話嚟落單。如果唔介意等待，仲可以在店舖前欣賞店員手工製作，過程都非常療癒🤭🤭！小妹揀咗《鮮奶麻糬芒果榛子醬可麗餅》，小妹就係企喺度欣賞製作過程，食落芒果肉超甜、可麗餅皮薄皮脆邊，仲有新鮮軟熟的手工鮮奶麻糬🤩，再有手打忌廉及榛子醬，食完爭啲食唔落晚飯，因為份量都好十足😂😂除咗美味的可麗餅外，呢度有個好特別嘅甜品吸引咗小妹，就係佢哋嘅自家製綠茶凍啦💚出邊嘅甜品店比較少有，決定買咗比較受歡迎的《綠茶凍五式（椰汁底）》，五式係指綠茶凍、仙草、芋圓、小丸子蜜紅豆、原味晶球，賣相非常靚，食落綠茶凍非常香濃，成碗甜品唔會太甜，連小妹的老爺奶奶都話啱食😏原來而家仲有優惠，只要每買滿$35就會送一碗輕量版甜品，每日唔同！而且買任何甜品，都可以優惠價換購指定甜品一碗，數量不限，小朋友先至做選擇，下次再嚟買要換多幾碗同家人一齊食先得😍😍…查看更多

最近我有幸造訪了一家令人驚艷的甜品舖，這裡的甜品不僅外觀吸引，更是味道絕佳。店舖位於紅磡，味道或創意上都十分出色，是甜品愛好者的必訪之地。這裡提供多款甜品，凡購買任何產品均可享優惠價。焦糖布甸芒果可麗餅招牌之一，製作時間大約六至八分鐘。這樣的等待絕對值得，因為每一口都是濃郁的美味。建議提前打電話落單。綠茶凍五色色彩繽紛，口感清新，讓人一見鍾情。綠茶味道恰到好處，既不過於濃烈，也不會失去清香。木糠布甸口感讓人驚喜。雪糕般的口感，可以在室溫下放置約15分鐘；如果想要更軟滑的口感，建議放置更長時間，或在食用前放入雪櫃解凍。每一口都是濃郁的奶香，使人回味無窮。輕量版手工甜品紫米露簡單又美味的手工甜品，口感柔滑，色澤誘人。此外，還可以嘗試椰奶刨冰，其口感非常特別，是用椰奶製作，而非一般的水刨冰，使得刨冰的味道更加香濃。建議最好即場享用，若要外帶，建議路程不超過五分鐘，這樣才能保持最佳口感。…查看更多

最近發現左紅磡有間新外賣甜品店開張，以為佢係普通食下西米露，中式糖水個類食品店，原來都幾特別，因為佢特式甜品基本上要即食😋朱古力雪山曲奇椰奶冰雪比起平時食既刨冰或雪花冰好唔同，等既期間店主介紹，原來係地d 刨冰冇加水，只用椰奶，入口即溶，建議我即食，如果要拎走，只可以5分鐘內路程。所以我都好聽話企定定食埋先，真係好味好多，椰奶味好香。配上朱古力雪糕同oreo，增加左口味層次感。椰奶刨冰唔算太甜，好好食，推介👍👍雪糕芒果Oreo榛子醬可麗餅可麗餅係即叫即整，可麗餅個皮好重要，唔可以太厚或太薄，包住Oreo同榛子醬，甜得黎幾好味，最後加左個雪糕球，我揀左芒果味，平時食太多朱古力味，試下其他口味都幾有新意。…查看更多

同朋友紅磡食完飯想搵甜品食，又唔想排隊等出名果幾間，咁岩見到呢間新開既小店就決定試下，結果一試好有驚喜！芒果麻糬可麗餅餅皮新鮮整出黎熱辣辣而且好煙靭，芒果好甜，加埋d cream就岩岩好，麻糬係細細粒既手工麻糬好有咬口，同埋值得一讚既係食到最後都仲可以食到餡，唔會得返個皮！所有可麗餅都係即叫即整，我地等左大概六至八分鐘，買完之後老闆娘提我地如果唔想等咁耐下次可以打電話嚟落單先😍朱古力雪山曲奇椰奶冰呢個刨冰好有驚喜，同出面一般用牛奶整嘅冰唔同，佢哋專登用咗椰奶去整，椰香味好重，老闆解釋個理念係因為唔係個個都食得奶製品，配搭埋朱古力雪糕同埋oreo，層次感好豐富！但係因為用椰奶整而唔係用水刨再落醬，所以比較易溶，我哋企咗喺度即場食食到最尾都就黎溶晒，所以如果想保持最佳口感最好即場食我哋嗰日去到有個買滿35蚊送輕量版既糖水優惠，但係都絕對唔馬虎，佢哋送咗自家製仙草，食得出先草味好濃，甜度啱啱好蛋白燉鮮奶因為啲甜品全部都太好食，所以我哋忍唔住加錢買咗個燉鮮奶，奶味好重，而且好滑，值得加錢試埋佢！整體嚟講呢間小店好有驚喜，我對呢啲家庭式經營嘅小店特別冇抵抗力，而且感覺到老闆一家好有心思，係真係鍾意整好食嘅甜品比附近街坊食，大家經過嘅話可以試吓支持吓佢哋❤️Overall: 9.5/10…查看更多

祺香手工甜品，係我收藏嘅紅磡美食店之一。呢度有好多款甜品選擇，款款都好有質素。✨朱古力雪山曲奇椰奶冰雪 視覺效果滿分！濃郁嘅椰奶冰雪由椰奶製造，唔係用水刨再落醬，搭配oreo碎，成個甜品好有層次！🥭焦糖布甸芒果可麗餅 現點現煎的可麗餅皮好有蛋香，包住香濃嘅焦糖布甸，再鋪滿好多芒果粒。食落每一淡都有幸福嘅感覺🥰💛榴蓮木糠布甸 係三款甜品入面我嘅最愛😍選用金枕頭榴槤果肉製造，榴槤勁香濃真係好味到停唔到口！每款甜品都睇得出老闆對甜品嘅用心手工製作果然唔同！呢間小店絕對會encore❤️#紅磡美食…查看更多