祥榮餐廳

踏入呢間港式茶餐廳，香氣已經先嚟迎接。主角「招牌牛仔柳」一上枱，嗅到陣濃厚牛香，鐵板聲未停，汁香四溢。牛仔柳煎到外層微焦，鎖緊肉汁，入口柔韌中帶嫩，牛味實而不柴。醬汁偏向洋蔥黑椒路線，鹹香帶甜，啱啱中和咗牛味嘅濃厚感，拌飯或者意粉都一樣好食。 羅宋湯帶住濃郁番茄香，啖啖酸甜，牛肉湯底煲得夠時間，蔬菜煮到入味，仲保留少少口感。唔會太鹹，飲完口腔留住溫暖又舒心嘅感覺。 最後以「凍檸檬茶」作結，真係幾解膩。少甜少冰嘅設定啱晒，茶底夠香，檸檬酸香自然，入口清新得嚟仲帶啲微苦尾韻，幫你洗走之前啲厚味。 呢個組合十分平衡，由濃到淡、由熱到凍，每一口都講緊港式風味嘅節奏感，同時又飲得舒服、食得滿足。…查看更多

我們叫了鐵板沙丹豬扒餐和自選鐵板餐，龍脷柳加雞扒。黑椒汁，完全冇黑椒味，冇辣味，得個鹹味，仲要係超鹹。龍脷柳，有啲腥臭味，完全冇魚味。雞扒，嚡到好似食緊嚿擦膠咁。忌廉湯完全冇味。得羅宋湯好飲，和凍奶茶好飲，凍檸茶和塊豬扒，就正正常常。我們坐到最入的位置，冇乜冷氣，食到出汗，要開手提風扇。好耐之前幫襯過一次，當時覺得麻麻地好食，所以之後一直都冇幫襯，過了幾年，再去幫手，發覺不但完全冇改善過，而且仲難食咗。相信以後永不再幫襯。…查看更多

街坊小炒王對決：魚香茄子 vs 黑椒牛柳粒，邊個更惹味？講起港式小炒，魚香茄子同黑椒牛柳粒絕對係「白飯殺手」級數！今次就同大家拆解下呢兩道街坊至愛～ 🔥 魚香茄子：平民嘅極致享受一上枱就聞到陣陣蒜香同豆瓣醬嘅鹹香，茄子煮到淋而不爛，入口即化，但竟然仲keep到完整嘅賣相！師傅手勢夠晒老練～ ✨ 重點：魚香用咗鹹魚、蒜蓉、豆瓣醬爆炒出嚟嘅靈魂醬汁，撈飯真係無得輸！ 💡 小貼士：叫多碗白飯，因為啲汁真係會令你忍唔住「清碟」！ 🥩 黑椒牛柳粒：鑊氣十足嘅肉食者天堂牛柳粒香濃美味，仲要粒粒都啖啖肉，食落仲有微微嘅焦香，證明師傅夠鑊氣！ ✨ 重點：牛肉醃得夠入味，咬落去仲有肉汁爆出嚟，加埋洋蔥同青椒嘅清爽，平衡得剛剛好～ **🍚 終極對決：點揀好？** - 想**重口味送飯** ➔ 魚香茄子 - 想**食肉獸大滿足** ➔ 黑椒牛柳粒 - 成年人都要揀？**叫晒兩碟**，再打包返屋企宵夜！ **📍 溫馨提示：** 呢兩道菜式間間茶記都有，但鑊氣同醬汁先係決勝關鍵…查看更多

今日下午到黃埔逛街，因為之前曾經住在紅磡很多年，對這裏非常熟悉，正值下午茶時間，便來這裏享用豐富的下午茶。海南雞飯餐$72，包中式例湯，凍飲加$3。海南雞飯包括三款醬汁，分別是薑蓉、香醬油、泰式酸辣汁。其中以薑蓉的味道最為惹味。雞肉鮮嫩可口，雞皮爽脆，油飯帶點雞油香味。凍鴛鴦，茶、咖啡和花奶的比例適中，甚有香港特色。焗鮮茄豬扒飯$48 ，凍飲加$3。焗豬扒飯是即叫即焗的，所以需時大約20分鐘。豬扒份量適中，芝士味道香濃，炒飯加上醬汁有點鹹，如果淡一點更好。香茅雞中翼沙律下午茶$45，紅豆冰另加$10。香茅雞翼，炸得香脆可口，沙律以紅蘿蔔為主，如果再多一點雜果會更好。紅豆冰，紅豆份量十足，甜度適中，加上花奶是港式茶餐廳的特色。…查看更多

同屋企人去黃埔探親戚，臨走打算係附近食埋晚飯，之前食過附近有間茶餐廳幾有人氣，而且餐牌菜式種類多，於是就同屋企人入去試下呢間嘅小菜餐湯：花生雞腳湯花生煮得軟腍入味，雞腳膠質豐富，啖啖肉感，飲落暖胃又唔膩涼瓜炆䱽魚 ($128)䱽魚煎炸得外皮金黃，內裡肉質嫩滑，豉汁炆到入味，無半點腥味，涼瓜微甘帶清甜，煮得軟硬適中，醬汁鹹香適中，再加上乾蔥、洋蔥同蒜子，配飯一流蒜蓉炒白菜仔 ($62)蒜蓉炒白菜仔清新爽口，白菜仔炒得嫩綠，梗部爽脆，葉部軟嫩，用蒜蓉炒香，唔油膩凍檸檬茶 (@+$8)套餐+$8可轉凍飲，茶香十足，檸檬唔澀，係正宗港式檸檬茶嘅味道📌祥榮餐廳 (紅磡)地址：紅磡黃埔天地奇妙坊(第1期)地下G7A, 7B 及7D號舖#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店 #香港美食指南 #相機食先 #香港旅行 #香港餐廳 #foodblogger #foodiegram#祥榮餐廳 #黄埔 #奇妙坊 #涼瓜炆䱽魚 #白菜仔 #花生雞腳湯 #茶餐廳 …查看更多

今晚，我和朋友決定到黃埔站的祥榮餐廳享受一頓美味晚餐。店內環境舒服，氣氛輕鬆，讓人一進去就感到放鬆。我們首先點了一碗熱辣辣的羅宋湯，湯底濃郁，配上新鮮的菜蔬，喝一口就覺得身心舒暢。接著，鐵板大蝦西冷牛扒上桌，牛扒煎得剛剛好，黑椒汁入味，配上沙律好好味，蝦肉鮮美，正到一口接一口停不下來。焗葡國雞飯也是必點的選擇，雞肉滑嫩，焗飯香味十足，搭配特製的醬汁，簡直是一絕。最後，我們還點了什果賓治，清新的果汁口感，讓整頓飯更加完美。吃完後，大家都覺得非常滿足，笑著聊著，這晚餐真是太開心了！…查看更多

茶飯供應到6點。去到嘅時候重趕得切。嗌左兩個茶餐。❤️咖喱牛腩飯咖喱好香口唔辣重帶少少甜味～🥰薯仔夠粉嫩～牛腩燜得夠腍身又入味～😋❤️焗茄汁豬扒飯飯內有炒蛋。焗鮮茄還有芝士🧀。豬扒好大塊，鋪在飯上蓋住整個飯！茶餐奉送咖啡或茶。特飲加10元。我加左$10嗌杯紅豆冰；朋友加左$10 嗌杯什果冰。紅豆冰紅豆🫘份量足，煮得夠腍十分粉～嗌左小菜：❤️XO醬西蘭花炒花枝落左XO醬唔會好辣，入口好香～還有紅蘿蔔🥕、洋蔥絲🧅、蔥和韭黃等配菜。西蘭花🥦爽脆清甜；花枝同樣脆口。小菜奉送白飯和是日餐湯。是日餐湯原來已列明在牆上。有三款，我嗌左羅宋湯。羅宋湯用料豐富，酸酸甜甜十分開胃。…查看更多

突然落起雨，近近地去左黃埔港的鐵站旁的祥榮食晚飯，貪佢店大易搵位😝隔離左右個個點鐵板餐，香味傳晒過黎，我地一於都點一份啦。⭐餐湯 & ⭐餐包跟餐有餐湯，中湯係紅蘿蔔豬骨，西湯有羅宋或忌廉，揀左羅宋湯，香甜杰身幾正喎。⭐鐵板美式雜扒鐵板餐一上枱伙計就淋上醬汁，揀左黑椒汁，偏鹹少少😂雜扒勁抵食，肉類有牛扒、豬扒、雞扒、煙肉、雞翼、香腸，伴碟仲有翠玉瓜同一堆薯條，個餐仲有飯添呀，超大份量根本吃不完！⭐芙蓉蛋飯另外仲點左碟頭飯，芙蓉蛋有蝦仁、叉燒、火腿同芽菜，淋上少少甜豉油已經好好食。同樣碟飯係勁多，兩人份都夠食，又係食唔晒…⭐凍鴛鴦 & ⭐凍檸茶凍飲走甜，爽。有經驗啦，下次一定要叫少飯😝…查看更多

去完旅行番香港 好想食中菜同港式野 一個人快靚正之選莫過於茶餐廳吧！平日經過呢間祥榮餐廳 見到好大間而且門口餐牌好多選擇 就入去試下呢間晚餐餐牌花多眼亂 有鐵板扒餐、焗飯、中式小炒、蒸魚等等 我都諗咗好耐 千挑萬選下選了個煲仔菜*XO醬茄子牛仔骨煲* 會跟埋湯同白飯首先是中式靚湯幾好飲 唔似味精湯 到XO醬茄子牛仔骨煲上枱熱辣辣 好足料 有大量洋蔥蒜頭青椒茄子 十分惹味 主角牛仔骨都好多舊 夠腍容易咬開 但仍然保留牛仔骨口感 整個煲仔菜好送飯 是白飯殺手😆…查看更多

講到地道茶餐廳，黃埔祥榮餐廳港味十足！試咗佢嘅海南雞飯，雞肉嫩滑到誇張，皮爽肉嫩，配上油飯同特製辣醬同薑蓉，香氣撲鼻，食一啖即刻有種置身海南嘅感覺🍗！飯粒油潤分明，吸晒雞汁，啖啖都係滿足感！仲有嗰碗清湯，簡單但好暖胃，完美配搭！西冷扒配薯條🥩又係驚喜，牛扒煎得外焦內嫩，肉汁鎖得啱啱好，肉質軟嫩又juicy，配上濃濃嘅黑椒汁，惹味到爆！薯條炸得金黃香脆，份量多到兩人都食得飽，重點係呢個牛扒套餐竟然唔使$100，性價比高到飛起💰！餐廳環境係典型茶餐廳嘅復古風，坐位舒適，服務快手又親切，坐低即刻有種親切嘅港式feel。😋…查看更多

而家天氣咁熱，一起身都唔想自己煮早餐，於是就落樓下食，最鍾意呢間啲冷氣勁足夠，而家咁熱嘅天氣。呢度裝修完之後變得比較光猛同乾淨，坐得都幾舒服。食物食咗自選雙拼早餐，叉燒炒蛋烏冬勁好食，真係有以前細個媽咪喺屋企整嘅早餐餐咁嘅味道！炒蛋超大塊，叉燒都有唔少嘅份量。歐陸早餐要咗牛扒炒蛋同牛油厚多士，牛扒真係一啲都冇鞋，而且都好足夠嘅份量！紅豆冰真係香港地道美食，每個人都好鍾意，呢間亦都好好味，紅豆好大粒好粉，佢亦都唔會太甜。…查看更多

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝外吃食菜同食魚都唔係好抵，但鬼叫我地2個唔識煮飯，港式茶餐廳較少見有蒸魚食，就算有都係鯇魚同鯧魚，唔知點解都有陣土腥味，唔太鍾意。間唔時想食魚就會黎呢到，供應6款新鮮魚，而已有4種蒸法。✿ 古法蒸桂花魚• 新鮮桂花魚魚肉滑嫩，無腥味同埋細骨，係我最愛~ 蔥薩墊底，爽肉冬菇鋪面，豉油不死鹹，清淡鮮美，保留魚肉鮮味！✿ 枝竹牛腩煲•  牛腩切得有啲大件但依然煮到軟腍，帶有濃郁牛肉香。枝竹吸滿醬汁，口感軟滑。醬汁厚實但餸飯可以再鹹返些少。…查看更多

之前都嚟過呢度食lunch,不過自從上次見到一個食客同餐廳職員有爭執，我都嚇到走咗。今日嚟到附近又咁啱係食晏時間，雖然餐廳入邊都幾多人，見到餐牌入邊有海南雞飯套餐，就問侍應可唔可以走胸，佢話冇問題。😊啲嘢食嚟到見到碟雞都真係幾好，坐對面嗰個女食客，見到我碟雞咁吸引，佢都叫咗一樣嘅嘢。🤣我今日呢碟海南雞基本上係雞髀嚟嘅，除咗有幾塊啲皮下底有層肥膏之外，啲雞份量足，肉夠滑，味道都唔錯，仲要伴碟嗰啲花生好脆好香，如果個餐湯熱啲就更加好啦。…查看更多

一向經開都想試，但點知一入去已經發現態度差！未到中午食飯時段，11:15仍有巨量吉位都要人坐指定位置，問阿姐可唔可以坐，竟然話要10個8個先可以坐！ 最後食慾大減，永不會幫襯呢間餐廳。…查看更多

1月7號晚上，睇完戲路過肚餓搵嘢食，叫咗個肉眼扒，有兩三塊博薄地嘅牛扒嚟到，賣相已經唔似肉眼扒，其中有－塊靭到吞吾落，當香口膠𡁻完吐返出嚟，返到屋企再煮多個杯麵。…查看更多