祥囍煲仔小廚

营业中

休息中

天氣一凍凍地，就會唸諗到食煲仔飯，祥囍煲仔小廚出名煲仔飯，今日過黎試一下，雖然位置比較偏僻，不過都唔影響佢嘅出品。叫左個黃金墨魚餅(餐廳必食菜式)，墨魚彈牙，味道足，夠香口。菜乾豬肺湯（餐廳熱門推介）清甜潤肺，鍾意食菜乾，多多都同你食晒，湯味濃郁。蜜椒香薯牛柳粒，味道可以，牛柳粒夠嫩，唔會鞋，薯仔甜甜地。鵝腸好耐冇食了，點左佢個鵝腸，好爽口，又夠入味，唔會太鹹，而且無奇怪嘅味道。小炒王夠鍋氣，味道可以。

first time try, 估唔到咁好味，我由進埸，6pm, 到走都有大排人等僅，旁边果兩間店就好少客，呢度員工都好好，起初話我遲左，我話好難揾location 😄，跟住佢地好快安排入坐，好客氣，我同個friend 捻，haha, 唔通驚我地寫劣評？因為we book through open rice , 由於我只係兩個人食，不能叫大多，望見隔離左右叫唔同食物，賣相唔差，值得推介，椒鹽九肚魚，好大碟，完全冇厚粉，煲仔飯好味，like

小菜炒得渣。炒牛柳粒內有薯仔粒用老抽一齊炒，用老抽炒就會黑黑上了層深黑色表面，再 配搭洋蔥、青椒炒唔夠熟身， 純粹溝埋一齊壯大碟牛柳粒， 鹽調味下唔夠， 味道唔夠黑炆炆牛柳薯仔粒。 煲仔飯水準唔穩定，飯香欠缺， 煲仔飯未收乾水 ，就已經急急上枱， 打開飯，米仍濕身，白鱔腥味滲入飯中， 豆豉醬調味唔夠， 煲仔飯靈魂豉油毫無味道， 趨向求其， 以往見大姐整煲仔飯係開心堅定樣貌，今次再見已經疲態畢露失去已住開朗，看到她工作純不斷煲飯，緊緊臉容，氣勢大不如前。打工仔不斷工作質素唔到佢話事， 老闆只係要大姐快出煲仔飯。 熟客唔排隊優先無可厚非，但係真係唔好做得咁出面，大家都排隊有眼睇。 西環龍頭煲仔飯坤記點解始終第一， 因為一份堅持及時間。

————————————————————————祥囍煲仔小廚Cheung Hei地址：筲箕灣愛民街6-28號新利大廈地下5A號舖Shop 5A, G/F, Sun Lee Building, 6-28 Ngoi Man Street, Shau Kei Wan天氣冷當然要吃些暖暖的，筲箕灣人氣煲仔飯🍲，位置比較偏僻但是很多人慕名而來，最好提前book位就能夠享用到即叫即煲的煲仔飯了~！🟠推薦食物 Recommended 🔹招牌臘味蝦乾煲仔飯🍲🍤（$98）：😀即叫即煲，招牌臘味蝦乾飯加入切臘肉、臘腸、潤腸以及加上大大條蝦乾，層次感十足，飯焦也十分完美💯🔸黃金墨魚餅（$148）：足料起沙的鹹蛋黃🥚🦑🥚包住墨魚，每一口都很香濃，墨魚肉也很彈牙🔹椒鹽鮮魷🦑（$128）：超級大一條，面衣剛好，不會太厚，一定要點醬汁享用呀！🔸蜜椒香薯牛柳粒🥩（$128）：份量十足，牛柳軟嫩，薯仔包裹著蜜糖🍯🔹啫啫生菜煲🥬（$88）：十分入味，有蝦乾和肉碎作輔，很是下飯🟡不推薦食物 Not Recommended 🔹 無 No🟠員工 Waitresses 有效率，用餐有時間限制所以會較為催促🟡環境 Environm

真係如果唔係朋友 都唔會嚟呢度食朋友同我講呢間好出名食煲仔飯行完山好肚餓 秋天嘅感覺到 聽到煲仔飯就好想食大約7:00去到好多人排隊好好彩咁岩有兩位我哋就即刻有得坐得兩個人真係叫唔到好多嘢，盡咗力叫咗三樣嘢一上到嚟覺得樣樣都好大碟椒鹽白飯魚一上枱嘅時候我哋一齊‘wa’咗聲！好澎湃！白飯魚好肥美又好香口 呢個好食🤤反而個口水雞我覺得就遜色咗少少雞夠滑但係味道爭啲窩蛋牛肉飯每一啖都好香飯焦味🤤🤤🤤🤤🤤🤤而呢一度嘅價錢真係好合理下次要再嚟，試埋唔同嘅嘢🤤

朋友介紹我嚟呢度食煲仔飯，真係冇介紹錯。我哋食咗佢個黃金墨魚餅，潤腸煲仔飯，白鱔煲仔飯，鴛鴦腸煲仔飯，同埋最常見嘅鹹魚肉餅煲仔飯，樣樣野都係咁好食。因為嗰陣時實在太肚餓，唔記得影完相先至食。佢個飯焦真係煲得好好食，料都好夠。佢個黃金墨魚餅真係都好出彩，有鹹蛋黃嘅粉末包住啲墨魚，淡淡都係香濃嘅墨魚加鹹蛋黃嘅味道，真係非常好食。夾埋我哋四個人叫咗五樣嘢(加咗碟油菜）都係俾咗$504。佢哋嘅服務質素好好，嘢食又好，第時一定返嚟食！

有一次去朋友屋企開party朋友叫咗呢一間嘅祥囍的外賣正常外賣食物 味道上都會打折扣但係外賣都幾好食所以今次特登想去試吓堂食呢個朋友要咗一個套餐都相當經濟實惠餐入邊仲包一個老火湯咁我哋選擇左 菜乾豬肺湯非常之好飲 冇味精好清甜豬肺洗得好乾淨 食落非常嫩滑黃金墨魚滑非常非常好食！鹹蛋黃非常之香 亦都口感好沙墨魚滑厚身非常彈牙爽口去到一定必食之選屬於瞬間清碟系列白鱔煲仔飯煲仔飯除咗餡料之外飯係非常之緊要角色嚟㗎飯粒煮得非常之好粒粒分明有口感底部亦有非常香脆嘅飯焦淨係食個飯都好正白鱔分量多 厚肉彈牙好正！冬天食一流豆豉鯪魚油麥菜基本上都想像到係咩味相信大部份香港人都食過豆豉鯪魚都唔需要太多介紹豆豉鯪魚都幾大塊 份量多冇偷工減料配上油麥菜好食冰鎮梅子骨圖中都睇到冰底喺下面梅子醬調味都可以嘅酸酸甜甜可惜排骨本身唔夠優質因為肉偏韌下次再試吓其他菜式

地方難搵，佢係喺條巷仔，唔係真係愛民街，入黑之後一個女仔行愛民街有啲驚🤪搵到之後安排左樓上，上面有冷氣正呀，但係撞正兩枱勁大聲嘅人🙉 諗起細個老豆喺酒樓同啲fd都係咁大聲，又係飲住啤酒帶埋老婆一齊🙉 只不過酒樓空間大，大聲都唔會好應聲🙉今餐飯我同男朋友講野係要嗌出黎對方先聽到🙉食物上得都算快，好彩上得快，唔係我地對耳應該聾🙉 蜜椒薯仔牛柳粒+雜菜煲+滑雞煲仔飯+兩個蒸扇貝=$429味道不過不失，唔會覺得好咸好濃味。煲仔飯有飯焦，滑雞真係好滑唔鞋口。雜菜煲正常發揮，我鍾意食菜所以好滿意個份量。牛柳粒唔韌，不過薯仔擺耐左就淋哂，冇蜜味。蒸扇貝大大隻。見到隔離枱嗌瀨尿蝦，啲蝦勁多勁大碟好有氣勢😂星期五晚成條巷都幾多人食，同自己區比真係差天共地!

抵食，但好熱地方難搵，但價錢大眾化，食物一般大排檔感覺，可能餐廳太過繁忙，有好多食物都煮得時間太長，由其是炸的食物。本身很期待的椒鹽豬手，炸得太干，太燶。炸大腸也是一樣。

晏晝喺堅尼地城食過煲仔飯之後又搵咗另一間位於香港出曬名食煲仔飯嘅舖頭搭咗一程車嚟到筲箕灣祥囍煲仔小廚個位置有啲難搵第一次呢可能會搵唔到因為要先經過一條幾克嘅斜路仔然之後行入過後巷先見到不過嗰日我哋好好彩大約七點正去到walk-in就入到唔使等入到去當然要嗌個煲仔飯先啦睇下個餐牌煲仔飯唔算太貴我哋嗌咗白鱔煲仔飯同窩蛋牛肉煲仔飯再睇下個menu其他嘢都好似好吸引食下啲平時屋企食唔到嘅嘢同埋時間餐廳有冇料,當然要嗌下椒鹽魷魚見到有一個芥末蝦球好似幾特別(白鱔煲仔飯)個侍應好好幫我哋淋埋豉油佢話焗一陣會幫我哋開焗嗰時聽到個煲仲係咋咋聲大約過咗一陣,佢又真係記得幫我哋開一開嗰個香味已經沖入個鼻哥啲白鱔好夠肥同埋啲飯粒粒分明再加上豆豉味好香同埋飯焦非常之好味完全唔需要用力刮輕輕鬆鬆食到好味飯焦(窩蛋牛肉煲仔飯)至於窩蛋牛都好好味但我諗真係關啲蛋事手多多有撈埋咗落啲飯度所以又濕咗啲但都係好好味成煲食曬(芥末蝦球)跟住呢個芥末蝦球,都極力推介首先分量好夠,蝦夠大隻爽口彈牙同埋個芥末汁完全掛到落隻蝦度甜甜地辣辣地又攻下個鼻哥幾頂癮(椒鹽鮮魷)呢個椒鹽鮮魷又係不得之了完全唔會好油個炸漿好適中唔會太厚,唔會

去完石澳一家人來到呢間餐廳，呢度好好可以book位，就算星期六日都唔使等位。呢到有小炒王，有蝦乾魷魚韭菜，好足料㗎。小炒王最重要就係夠鑊氣同埋配料份量恰到好處，我覺得你係間舖頭都做到！煲仔飯嘅飯焦都係啱啱好，加埋啲豉油食，完全就係香港嘅特色食物。食到口乾乾最重要就係食菜，上湯味道舒適，好味。冰鎮骨，上碟好有看頭，食落口酸味味，味道恰到好處！所以我覺得呢度真係好啱家庭聚會，或者係朋友聚會，啤啤啤啤，開心！

山多水遠來試下呢度既煲仔飯，先叫左個滑雞排骨煲仔飯。個飯好正，有飯焦，好香，尖尖既米一粒粒好香，雞滑。正😄椒鹽鮮魷：熱辣辣，香噴噴，外脆，大大條，食兩條感覺已經好飽。豆腐班腩火腩煲：一上菜，即刻忍唔住嘩左一聲，好大煲，大到呢，豆腐要讚好juicy又豆味濃，火腩唔會硬，班腩無骨大大舊班魚，配埋個汁。好美味！😉另外想講原來佢既菜式碟碟都份量多，我地兩個人都食唔曬打包，其實仲有好多菜式我都好想食，但無叫唔到，多人食先可以試多些。呢個店最好早些食，一到六點已經坐滿人，再夜些要等位嫁。服務員服務好，雞未熟不停講唔好意思，整番個新煲仔飯比我。

🇭🇰祥囍煲仔小廚·呢間餐廳又係超級難去 佢openrice個地址其實係啱嘅 不過因為我用google map 所以就去左下一條街 個大廈嘅正門入口 佢其實係係條橫街仔度既 所以大家記住唔好好似我咁樣行錯😂😂·椒鹽鮮魷$128 l 臘腸滑雞飯$108佢呢度嘅嘢食超級大碟 我哋四個人嗌咗四個餸最後都食唔晒🤣我自己超級推薦佢個椒鹽鮮魷 佢個魷魚好新鮮 好大嚿 咬落質感好好🦑而且佢個炸漿薄得黎好夠脆 椒鹽既份量都好夠😍😍之後佢個臘腸滑雞煲仔飯都做得好好 佢係真係有完美嘅飯焦 而且佢個飯質地都煮得好好 配埋佢個甜豉油好好食 不過我自己就覺得佢個臘腸真係比較鹹 所以大家可能嗌潤腸會好食啲😈·豉油皇鵝腸$108 l 啫啫生菜煲$88之後佢個鵝腸分量都超多 雖然佢顏色比較深 但係佢入味得黎唔會話太鹹 而且佢個鵝腸都洗得好乾淨 口感好好😎最後個生菜煲入邊有好蝦乾同埋肉碎 所以好惹味 超級送飯🍚·#rbyeat#rby港式#rby筲箕灣·📍筲箕灣愛民街6-28號新利大廈地下5A號舖

呢間煲仔飯一直都好出名🍚以前就經常聽過要排長龍，今次一於預先openrice book定位，加上今日落足無敵大黃雨🌧️好好彩完全無需要等就可以入座，溫馨提示個舖頭位置相當難揾，係一條隱秘小巷入面😆除咗煲仔飯欠缺飯焦失色少少，其他小菜簡直完美！▪️黃金墨魚餅 $138⭕️推薦推薦⭕️估唔到會咁惹味！起曬沙嘅超級勁爆濃郁鹹蛋黃醬包裹住仍然可以咬到一粒粒墨魚肉嘅彈牙新鮮墨魚膠打成嘅餅，超級好食😋▪啫啫蝦乾生菜煲 $85炸炸聲咁上菜，即刻感受到想起四溢👍🏻配合焦香嘅蒜頭、肉碎、蝦乾、新鮮嫩綠嘅生菜，加上少少辣味🌶️整體完美，無嘢可挑剔。▪️排骨滑雞飯 $82 (+$12潤腸)瓦煲上菜熱辣辣，已經聞到好香好香。無論味道、飯粒火候控制得恰到好處👍🏻美中不足嘅係幾乎少少飯焦都無🥺可能下次需要request希望需要有先得😣滑雞件帶有少少肥膏更為滋味、排骨數量不少、友人不好臘味所以我自己加咗潤腸，超級飽滿juicy🐷

名過其實的大排檔，性價比奇低，排左個半鐘先食到竟然係窩蛋係烚蛋嘅質素(´･_･`) 🍚🥩🍳窩蛋牛肉飯 $78本來嗌鴛鴦鱔煲仔飯，賣晒又唔出聲，等咗九個字都未送來，第一次催話黎緊，第二次催話賣哂。¯\_(ツ)_/¯ 好啦唔緊要我地可以食第二個煲仔飯，一打開個煲仔飯蓋，烚蛋牛肉飯？但係味道來講其實係好食，新鮮煲起，熱辣辣，甜豉油同新鮮牛肉嘅鹹味恰到好處，仲有脆得來唔太窿嘅飯焦。🦪🦪蒜粉蒸蟶子皇 $104 ($52/隻)見到對面枱兩個大陸喱食得津津有味。跟機叫黎試下…好鹹呀！！！蟶子肉算新鮮，但唔係話好甜，海鮮嘅鮮味比鹹味蓋過咗。🦑黃金墨魚餅 $98呢個都叫做好出名嘅墨魚餅，其實就係沾左鹹蛋溶炸的，墨魚並無彈牙到令人回味，油同鹹，無乜特別。🥓🐷糖醋生炒骨 $75不過不失，一個普通小菜，去邊度食都一樣，上枱已經吹凍哂。生炒骨冇乜肉係正常吧。