祥囍煲仔小廚

营业中

休息中

今日同朋友喺筲箕灣食晚飯，兩條麻甩佬都想食啲鑊氣小炒，上網搵到呢間祥囍煲仔小廚喺天悅隔離嘅一條巷仔入面，如果唔係住呢頭都要搵一陣本來都想食啲小炒就算，但係見到有羊腩煲就敵不過誘惑懷舊炸大腸大腸洗得乾淨無異味，炸得香脆可口，配上甜酸醬同菠蘿，屬推介之作，如果大腸可以肥啲就仲正蒜蓉油麥菜為免兩個麻甩佬食肉唔食菜，一開始就叫定個菜，唔會太油，冇煮過熟夠爽脆，但始終都係一碟炒菜，如果話好食到飛天就真係呃你避風塘炒蟹炸完大腸都唔夠熱氣，仲要食個避風塘炒蟹，隻蟹一食就知道係新鮮肉蟹，先走油再同配料快炒，蒜粒辣椒乾身香口，惹味得嚟唔會遮咗蟹肉嘅鮮味，又香又辣，啱晒重口味的我地羊腩煲兩個人叫中size $188，一上枱都嚇親，因為真係好大煲，羊腩係連皮帶骨，肥瘦適中，分量極多。其他地方嘅羊腩煲一人食兩三舊就食完，呢度廚房俾羊腩真係唔手軟。而湯底加咗甘蔗，清甜唔會燥羊腩煲仲跟一碟菜，竟然係豆苗，真係驚喜中嘅驚喜呢度嘅嘢食份量真心多，尤其是羊腩煲，真係食極都食唔完，如果天氣再凍啲嚟食就真係無得頂，下次要試埋佢啲煲仔飯

工作完之後聽聞在巷入面有間親民價錢既好食小菜店,咁就心動不如行動去食啦入到去店員友善話個菜干豬肺湯正叫我地試下咁既價錢值得一試,就梗係叫一叫試下你龍鳳另外叫左蒜蓉粉絲蒸扇貝,酥炸咸鴨,啫啫煲通菜菜干豬肺湯--真心覺得好介紹,足晒料,豬肺平時食好驚會洗得唔夠乾淨會有味,不過佢完全無這個問題加埋菜干,先飲個清潤補湯真係岩晒這濕熱空氣差既天氣,這個菜干豬肺湯性價比好高蒜蓉粉絲蒸扇貝--熱辣辣蒸出黎爆埋熟油,粉絲夠晒林,蒜香味加粉絲扇貝真係超夾,新鮮海產,唔會蒸得太老酥炸咸鴨--醃好左既鴨,咸咸地,炸出黎都好有肉味,有肉汁唔會太乾啫啫煲通菜--一上枱就聞到好香好香既味,加埋夠熱...店員好nice提醒好熱要小心...食落去好香好食,唔會好油膩

夏天是觀星的季節，適逢有流星雨當然不可以錯過，由於根據過經驗，西貢東霸雖然是觀星最佳地點，但衰在出入麻煩，西貢市中心條的士龍一有流星雨就有過百人排隊，俾你入倒去影完都冇車出返黎，要步行3小時先可以出倒黎，所以今年決定到交通較方便的石澳影星算。放工跟朋友在筲箕灣集合，即使食埋晚飯先入石澳，隨時仲快過空肚入西貢。＊＊＊＊＊＊＊＊＊＊筲箕灣是朋友地頭，一於等佢帶我搵食，捐窿捐喇黎左哩間叫祥囍的小菜館，食店距離地鐵站雖然只有五分鐘路程，但因為位處小巷，所以如果不是熟人帶路，只看google map都要花點時間才找到。祥囍跟一般小菜館差不多，除了多張二人枱，另外亦有圓形大枱。天氣熱每人叫返罐嘢飲先，加多寶($18)有點小貴，可樂($10)價格就比較合理，雪得夠凍非常透心涼。冬瓜盅($88)冬瓜盅熱氣騰騰，我們都要等一陣才可以飲。一盅大約可以分倒四碗，入面有火腿、瘦肉和菇，都幾多料。冬瓜盅夠入味，非常消暑，夏天飲啱晒。我地先每人一碗，食完所有餸菜後，才每人飲多一碗，想不到冬瓜盅仍然係熱的。酥炸咸鴨($88)酥炸咸鴨是侍應推介，反正都想吃啲煎炸野，就點來試試。咸鴨是例牌，份量都正常。可能廚師驚住咸鴨

筲箕灣係我最愛去覓食既地方，今次同事話帶我去佢屋企附近，最多街坊幫趁既餐廳食煲仔飯。原來係天悅廣場隔離既橫巷裏面。7點去到已有幾枱客人，坐低後同事先落單煲仔飯，再點涼拌貢菜、冰鎮梅子骨、豆豉鯪魚油麥菜。涼拌貢菜（15元）聽聞之前係進貢皇帝食用，故取名頁菜。食落爽脆，帶少少麻辣，加入薄薄的豆乾，爽脆加軟滑口感好特別！好味！豆豉鯪魚油麥菜（65元）油麥菜好鮮嫰、惹味冰鎮梅子骨（98元）用玻璃盆裝著一半冰，上面是冒著熱氣的梅子骨。先嚐一啖，入口酸酸甜甜既話梅味道，外面脆口，保留肉汁。其實好欣賞廚師的心思，令我食到三種口感的梅子骨。開始係食到熱辣辣香脆！等一下食係一半熱一半凍，個感覺真係好特別！食到最後梅子骨完全冰凍，吸收曬醬汁嘅精華，味道更加突出。我更喜歡最後冰凍嘅梅子骨啊！😋😋😋臘味蝦乾煲仔飯（80元）期待已久的煲仔飯上檯了，開蓋淋上豉油，再蓋上等幾分鐘。終於可以食飯啦！一打開蓋，香味四溢！原來師傅將臘腸、潤腸同冬菇切粒，唔似一般只係簡單成條臘腸上，女仔一定鐘意！飯軟硬適中，粒粒分明，有少量飯焦，撈勻臘味蝦乾一齊食，好味！下次會再去！想食好味煲仔飯唔使去油麻地啦！

地膽推介 隱世大排檔好多人講起筲箕灣、西灣河嘅美食，自不然會想起東大街、太安樓，但地膽情報下，想不到鄰近筲箕灣道的一條隱世小巷，林立了數間菜館，燈火通明、熱鬧得很，其中一間就是今天的主角。隨着大排檔漸漸式微，當中有特色嘅菜式也少之有少，菜館特色小菜之一有懷舊炸大腸，炸大腸炸得非常鬆化脆口呈橙紅色，沒有太油的感覺，配上甜甜酸酸的醬汁，非常惹味，菜館更配上新鮮菠蘿一解肥膩感，很周詳的想法，很欣賞菜館仍然將炸大腸放入菜單，因為炸大腸看似簡單，前期的準備功夫卻很費事、費心、絕不馬虎，絕對吃得出小時候大排檔的味道。炭火臘腸滑雞煲仔飯，採用炭火烹調而成嘅煲仔飯，火候的控制非常好，飯粒不軟也不太硬，最欣賞是有一點脆口和輕微燶的感覺，很多時在外面比較出名煲仔飯的菜館中的飯也偏向燶，更加一提是當中的臘腸是以厚切一片片的，除咗很重要是方便進食之外，更重要是臘腸當中油份滲入飯粒之中，令整個煲仔飯更香更滑，菜館還加上蔥花和辣椒片更色香味俱全。本人一個非主流非客觀嘅準則是每到中菜的餐廳是必叫生炒骨，正所謂「生炒骨炸得好，間野點都有個譜。」薄薄炸粉、沒有太多麵粉的感覺、半肥瘦嘅排骨、經過酥炸過後的排骨和糖醋醬汁混

今日我地一大班同事一齊食lunch, 當然要先訂枱再出發。我地係openrice搵左呢間評價都唔錯嘅祥囍, 但由於佢嘅位置實在太難搵, 結果我地要逛了10多分鐘才找到@@我地因為訂了枱, 所以一去到店員就安排好我地坐嘅位置, 不過唔知同佢咁隔涉嘅位置有冇關係, 午市嘅客人都唔多。由於我地一心想黎試小菜, 所以我地冇點已包餐飲同白飯嘅是日午餐, 不過結果老闆都免費跟白飯俾我地點嘅小菜^^呢個肉最好味, 外脆內軟賽螃蟹撈飯一流西檸雞檸檬味夠而不太酸咖啡牛腩亦係撈飯之選鱔好好食菜正常, 同埋都幾大份

平時都係圍繞東大街搵食,好多中式小菜館都食厭了!今日收工約左老公食飯﹐老公比較喜歡食小菜﹐所以去左離東大街遠一點的筲箕灣祥囍煲仔小廚食飯!餐廳不在大馬路,但都算易搵到!餐廳環境整潔,令人舒服!是日燉湯為菜乾豬肺,的確不含味精,下火一流,火喉十足!雞翼浸在酒中,面頭放了幾粒清甜杞子和幾條甘香的芫荽,雞肉嫩滑,其烹調入味,啖啖滿有酒香,令人陶醉,忍不住把碟中所有的酒也通通飲光!天氣炎熱,二話不說叫了一個涼拌菜開開胃,麻辣味份外惹味,很快就吃光!十分惹味的一道菜,肉質鮮嫩,配以泰式辣醬,香氣撲鼻之餘卻沒有刺舌的辛辣!煲仔飯係呢度既名物,一打開煲蓋已經香噴噴，熱辣辣,米飯粒粒分明火候掌握得宜,材料好香，那香味跟飯味融和在一起!飯焦不單只香，而且脆得來鬆化,餐廳建議食法是用白砂糖灑上飯焦上面一齊食,出來的效果果然驚喜,我同老公兩個食到停唔到口!

琴日Lunch慶祝同事放完長假旅行返黎, book左祥囍再試佢嘅小菜, 靚仔伙記好Nice👍, 仲free左我地全枱飲品😘係呢邊返工, 之前好少食呢間, 不過今日一試十分美味, 尤其個賽螃蟹👍👍👍期待下次再同同事去刷多餐😋

自從天氣開始熱，有住家飯食嘅日子就越黎越小。所以今日又係一個冇飯食嘅日子，行到附近入巷仔嘅時候真係有小小驚，不過行多幾步先先原來巷仔入面好多人lol一入到去間餐廳有啲似室內嘅大排檔，不過食物嘅種類都幾多，有泰國豬頸肉又有重慶烤魚。菜乾燉豬肺湯，唔係講笑，68蚊大大煲，果隻並唔係一隻匙羹而係湯羹黎！飲落個湯好清好甜，啲菜乾嘅味唔會搶哂們湯本身嘅清甜。話說呢次都係我第一次食豬肺，個口感好特別，有小小似豬腸入面果層咁。椒鹽九肚魚，不得不讚個九肚魚真係炸得好好，而且切左一舊舊細細舊好方便我食。個面頭炸到好脆，入面嘅九肚魚好滑，真係好正。炸蝦丸，蝦丸好爽，外面好脆嫁！入面真係好多料，仲有啲蝦肉碎響入面見倒。豉椒蒸魚雲，個汁真係好特別，同平時嘅味道好唔同，食落有小小甜。個魚雲真係好滑，蒸得岩岩好。呢度啲小菜真係煮得好好，而且個湯仲好有家嘅感覺

My families and I went to a Chinese/HongKongese style ''cha chaan teng'' called ''Cheung Hei''(祥囍煲仔小廚)located in ''Shop 4A-5A, G/F, Sun Lee Building, 6-28 Ngoi Man Street, Shau Kei Wan(筲箕灣愛民街6-28號新利大廈地下4A-5A號舖).The restaurant is tidy and neat. A lot of long term customers who lived nearby had dinners here.Stir fried shrimp and scollops with broccoli (帶子蝦球伴西蘭花) HKD$98The shrimps are springy, bouncy and flavourful. Large in size. Yummmmm.The scollops are not rubbery at all.The broccoli is fresh an

處身於橫街窄巷的小廚，未必會識找到，好彩，從小就在筲箕灣長大，對這個地方總是認識的，何況是一間已出名以小菜，煲仔飯聞名的，又怎能錯過呢？其實，我來幫襯過了三次，總是食不厭的，想起那煲仔飯，就垂涎三尺。好野，自然多人去食，我帶表弟一家食過，都話唔知呢度有間正野，隨即第晚又來食過。午餐推出超值午餐，三日更換餐牌一次，總有一款合你胃口。鱷魚膠扣鵝掌～老闆親自介紹，初時都有些抗拒，因為從未食過有關鱷魚做菜的食物。放下抗拒，欣然接受！幸好接受，已愛上它了！鱷魚膠及鵝掌炆得煮剛好，稔中帶爽滑，比海參好食，咬落啖啖膠質，豐有骨膠原，鵝掌有嚼口。雞肉排骨煲仔飯～一定要食！煲飯都有五碗飯，足夠兩人食，上檯時，嗅到超香飯焦味，飯面鋪滿排骨雞肉，灑滿青蔥，增加香氣，飯粒夠乾身，粒粒分明，配上煲仔飯醬油，更可口，飯焦脆卜卜。胡椒鹹菜豬肚湯～用鹹菜帶出湯底鮮甜味，豬肚唔係幾稔，有小小韌，有嚼勁，胡椒味濃郁，喝落開始有辣味。

很久也沒有食過煲仔飯，但又不想到廟街同人迫，於是朋友就介紹了筲箕灣一間後行小店，說他的煲仔飯很出名飯焦香脆。這裏不容易找，靠 Google Map 還要自己摸索。廚師推介食品全部也非常吸引，很有打冷宵夜的味道。和三五知己一邊進食一邊暢飲，感覺非常熱鬧。原來不少雜誌，也報道過這裏的飯焦王。一坐下，店員就立即詢問我們是否想吃煲仔飯。因為是即叫即製的，製作需時接近30分鐘。如果打算吃煲仔飯的話，就要立即落單。於是我們就點選了臘味蝦乾煲仔飯。本來在菜單內是沒有看到這道麻辣蓮藕片，但是看到別人在吃得津津有味，於是就向店員詢問。麻辣但爽脆的滋味，叫人吃不停口。醒胃提神，絕對是最佳的餐前小吃。另一道值得推薦的食物，就是椒鹽九肚魚。九肚魚炸得鬆軟，椒鹽不會過鹹但極度香口。從遠遠就聞到他的香味。我真的連骨把他們整條吃掉了。既然飲食需要均衡，我們當然也不會缺少進食蔬菜。蒜蓉炒芥蘭，不過不失。望穿秋水的美極蒜香一字骨終於出場。一字骨炸得鬆軟，可惜軟骨較多，肉也沒有吃得多少。因為這一餐吃熱氣的東西較多，忍不住也點了零係可樂來解渴。這時候，即叫即製的臘味蝦乾煲仔飯已經準備好了。一打開蓋，香味撲鼻。飯粒粒粒分明，

新年成班朋友上山行完大運，就專程去試呢間朋友好推薦嘅煲仔飯。揀左滑雞同鹹魚肉餅，因為製作需時都1等左好一陣。黎到我地就焗多佢一陣先再落豉油，然後再焗8-10分鐘左右，事關越焗得耐，脆卜卜嘅飯焦越多 真係真係好好食！不過係雞件略嫌骨比較多而肉唔夠多 祥囍嘅客人真係好多，建議都係早早卜左位先，朋友話好多時係會多人到未必可以即日卜到只可以排walk in。嗰日我地因為早到，安排到室外嘅位置。但咁岩上面滴水，環境比較迫，覺得如果有卜位可以坐入去就好啦

冬天一定要食煲仔飯，今個冬天好似無食過，要趁尾聲食返個煲仔飯先，好彩搵到朋友陪我去食主角煲仔飯出場了，臘腸係不可缺少的煲仔飯吸收哂d雞油&臘腸油，所以特別香而且重點係d飯煲得好乾身，飯焦完全唔吝嗇所以呢個煲仔飯要推介俾大家啫啫芥蘭芥蘭煮得好淋，而且好入味泰式辣鳳爪原本無打算order的，但見到隔離枱點左，見好吸引，當然唔錯過啦，辣味好夠，真係會食上癮的同埋好開胃椒鹽鮮魷魷魚好淋，亦好有鮮味，不過d粉漿有d厚，而且椒鹽味唔夠，有d遜色不過呢餐好抵食呀，埋單都唔駛$400會再黎食其他野的

好多人話食煲仔飯要去油麻地廟街， 但港島人食煲仔飯梗係要去筲箕灣啦！ 有次去完表妹柴灣屋企打麻雀， 表妹就帶路去左筲箕灣愛民街後街的「祥囍煲仔小廚」。  「祥囍」裝潢和港式茶餐廳一樣，有內外座位， 晚市8點半來到都仍然滿場。😯  而餐廳最出名的就是煲仔飯和小菜， 所以我和表妹就點了好幾個小菜和一個煲仔飯。  西檸汁煎雞（$73）  西檸雞新鮮熱辣，炸粉厚薄剛剛好， 雞扒肉炸至香脆肉嫩，啖啖肉，  惟檸檬芡汁對個人來說不太夠味，有點兒失望。☹️ 薑蔥魚雲煲（$85） 原煲上仍然相當有鑊氣，一上桌仲「唧唧唧」聲緊。😯  魚雲份量十足，件件都大大舊好厚肉， 肉質又嫩滑肥美，香口惹味，值得一試！😏 三色蛋唐生菜（$65） 一看便知道用料不馬虎， 上湯裡有不少鹹蛋、皮蛋、炸蒜頭和肉碎等，  令爽脆嫩滑的唐生菜相當入味，不錯！ 終於到重頭戲出場啦！👏🏻 滑雞潤腸飯（$71） 「祥囍」出名的地方在於其煲仔飯主張用炭火燒，而且即叫即做， 所以需時較久，要耐心等候。 打開煲蓋，陣陣炭香味便傳來。😌  雞肉嫩滑帶炭香，潤腸香味濃郁， 飯粒乾身，而且粒粒分明，微微散發着潤腸的臘味， 建議食法先把飯放到碗仔後