祥囍煲仔小廚

营业中

休息中

When we stepped into this shop, we were greeted with warm friendly smiles. We took a long time to decide what to order because they offered a great variety of classic favorites. We took our cues from surrounding tables. We went for the waxed goodies claypot rice, cooked to perfection. The best bits are always the crispy "burnt rice" at the bottom of the pot.We got the sweet and sour pork, obviously very popular among diners. And stirfried chive flower buds was also well received. At the end of t

喺度食過一兩次，水準保持一貫咁好！適逢母親節周圍都多人，大集團又可能有指定菜牌。祥囍不但冇額外收費，一心只想透過openrice 方便book 枱，街坊生意已經唔收加一仲優惠時段有九折，好食之餘仲咁抵食門外有幾張枱，可能天氣熱而我地又等左陣，老闆娘覺得很不好意思仲話飲咩佢請，母親節見到黎食飯嘅媽媽都送花，媽媽接到好開心食物好食唔在講，煲仔飯真係必點，當日點左雙鱔飯，一流！次次都會點仲要服務一流，街坊小店一定支持

祥囍煲仔飯超正，尤其係個臘味煲仔飯，個臘腸叫好食，煲仔飯最重要係d飯焦，飯身乾爽不濕稔，用匙羹一刮成塊金黃香脆既飯焦就出左黎，個飯焦有濃濃既米香，食落口索索食，感覺超治癒。仲有d小菜都係好正，必食包括鼓椒炒蜆，碟野勁多豆豉，如果鍾意重口味嘅人一定要叫，最重要都有好多蜆肉唔係得個殻，呢個係必叫之選。仲有個椒鹽鮮魷，超酥脆，感覺唔油膩，食完一口接一口呀，超正。個粉絲蒸娃娃菜都一絕，超甜超多汁，d粉絲索哂d蒜味正，值得一去。

今晚路經筲箕灣~講真呢個地方真係好少會黎到，所以就試搵吓呢區美食行行吓~見有咁多人行後巷我又試吓跟埋去睇睇~係後巷入面~竟然有幾間食店係度~原來呢度有個“后巷美食街”！！！見到呢間祥囍咁多人，就即管等一陣位~可能過了晚飯時段，大約10分鐘就有位了，呢度有最出名嘅蝦乾臘味煲仔飯~咁就嗌黎試吓，仲嗌咗個懷舊炸大腸補吓自己個大腸~食野都消化好D，除非唔係😁哈哈<懷舊炸大腸> $88炸大腸外脆內鬆軟，配上甜酸汁非常開胃店主都幾細心，仲伴上菠蘿，食返幾舊菠蘿即刻消除熱氣嘅感覺，真係無試錯<蝦乾臘味煲仔飯> $88好野黎嘞~煲仔一上台，打開個蓋（小心燙手）香氣撲鼻~而且內裏非常足料，無揸流攤有~臘腸，潤腸，蝦乾，臘肉，冬菇，蔥加埋豉油撈埋佢食~臘肉食落唔肥膩，孖腸味香，蝦乾大隻得黎又有鹹香~最正係仲有飯焦食~見店員同D食客都好老友~相信有不少附近嘅街坊撐場祥囍仲有其他小炒，有機會會試埋。*呢間openrice訂座有9折

之前嚟食過祥囍嘅煲仔飯，一直令我念念不忘，今日就帶個同事再拜會一次。但今次見到祥囍轉咗餐牌，而且新推出咗我最鍾意嘅龍蝦芝士伊麵，就決定試一試新菜式啦。•椰汁$18清甜解渴，天氣咁熱正好消一消暑。•蒜蓉蒸元貝$90元貝又大隻又厚身，而且加咗勁多蒜蓉蒸，味道更加鮮甜惹味！粉絲將醬汁加元貝嘅鮮甜索晒，出色！•芝士伊麵焗波士頓龍蝦$198非常大碟，龍蝦切得方便易食，而且夠晒新鮮，龍蝦肉可以輕易離殻，肉質爽口彈牙。芝士醬亦煮得夠濃稠，伊麵好掛汁。除咗煲仔飯之外，其他主食都有質素喎！•椒鹽瀨尿蝦$228炸得好香脆，而且份量好多，大概有八隻左右，而且好多肉，鮮甜多汁。外殻沾滿椒鹽同炸蒜，好惹味。食完新菜式之後對祥囍又多一樣菜式可以牽掛，同事見到其他客人食嘅煲仔飯都好想食，可惜兩個人食到嘅份量有限，下次要再叫其他同事一齊嚟食煲仔飯同其他小菜

星期六家庭日，與家人出外覓食，但處處擠滿人，一枱難求最後，惟有在家附近搵食，見此店門外有一張吉枱，人客剛剛走，雖然，要坐在店外，而天氣頗炎熱，揮汗如雨，但都好過無喇臘味蝦乾煲仔飯，熱辣辣上枱，雖然，未打開煲蓋，已經香味撲鼻，急不及待開蓋，見到臘味蝦乾鋪滿飯上，惹人食慾，臘味夠味，蝦乾大隻，飯加上特制豉油，又香又軟，真要食幾碗至夠喉，還有小量飯焦在煲底，香脆可口....果然，色，香，味，俱全薑蔥蒜頭炒魚卜煲，豉椒炒蚬，蒜蓉粉絲娃娃菜，炸大腸，有鑊氣，味道不錯下次再試其他菜式

雖然慢慢步入炎夏，但我哋今個冬天竟然無食過煲仔飯！所以我哋捉住冬天嘅尾巴（其實已經5月仲點捉住？），去到呢間位於筲箕灣嘅祥囍煲仔小廚，祥囍煲仔小廚最出名就係煲仔飯，今日就同M佬一於夏日熱辣辣啦。椒鹽鮮魷鮮魷份量多，熱辣辣脆卜卜，蒜香同椒鹽味夠出，食落好有層次，夠晒開胃！魚香茄子煲一個靚仔吖，唔該！食魚香茄子煲又點可以無白飯呢！上枱時仲係好熱，滋滋聲好吸引！鹹魚味好香，肉碎粒好多，而茄子索晒味！鹹蛋蒸肉餅蒸肉餅同出面嘅唔一樣，肉餅較實，但其實咁先代表肥肉唔多，食得夠健康。臘腸排骨飯重點嘅煲仔飯嚟喇！最重要當然唔少得飯焦啦，飯焦充滿陣陣嘅焦香味，而臘腸同排骨份量唔少，好滿足。

睇完戲去咗附近食小炒，網上介紹必食煲仔飯，當然要試一試。由於煲仔飯要等半小時才能食，所以先點。我們點了雙鱔煲仔飯。上菜時，整個飯面都是鱔，很足料，而且下面的飯也非常香。我們還點了牛柳粒，牛柳粒很軟，很入味，而且薯仔的表面也有點脆脆的，很好食。竹笙豆腐，味道較清淡，但份量還滿多的。椒鹽九肚魚，外層脆脆的，椒鹽很香，不：會太辣，也不會太油膩，好食。和田雞煲仔飯，相較雙鱔煲仔飯較為遜色，香味不及雙鱔煲仔飯。每個餸都是熱熱的，剛弄好便上菜，很好食。看到別桌點的炒麵好像也很吸引，下次試。

黎到筲箕灣嘅一間小店，雖然唔算好開揚，但勝在味道一絕，樣樣都整得唔錯，好耐之前黎過食煲仔飯，今次黎試下啲小菜，今次食左芝士龍蝦伊麵同薑蔥焗生蠔，芝士龍蝦伊麵$198，佢地嘅芝士真係好香😍😍😍，比起出面嘅濃好多，而且個伊麵底有好多，龍蝦都有成隻，價錢唔貴又好味，值得一試！而另外一樣薑蔥焗生蠔都係$198，份量大約有一打十二隻左右，生蠔都幾大隻幾肥美😛😛，而且幾新鮮，係先炸左再落芡汁，非常夠味，送啤酒一流😏😏，如果黎開呢頭嘅話一定要試下呀！

已經食過多次，每次都仍保持上準，自上次冬至失準後，今次再度試試，果然超出我預期，超水準，份量十足有鍋氣小菜、聞到都口水流嘅煲仔飯，係我食過全港最好食的小菜、煲仔飯

通過open rice 訂左枱，入去先落左煲仔飯。之後再點椒鹽魷魚，好味，新鮮入味。蒜蓉炒芥蘭也不錯，螺肉茹湯一般，白鱔煲仔飯贊一個總結：食材新鮮好味，好好服務還可以坐位吃的有點趕時間，不是太舒服😅

好耐無食大排檔了，想食大排檔的鍋氣小炒，相約朋友來到祥囍。坐下來後朋友話喉嚨發炎，要食清淡嘅嘢。蒜茸粉絲蒸元貝$45x2元貝大隻夠新鮮，蒜茸粉絲份量好多！吸收左元貝既鮮味，朋友至愛！👍蒜茸粉絲蒸聖子$45x2聖子稍微有點小，但是以這個價錢都算唔錯，新鮮爽滑！好味！👍白灼魷魚$88魷魚新鮮，簡單的以芫茜同豉油調味，白灼更可以食到魷魚鮮味！👍😋窩蛋牛肉飯$78牛肉片鋪滿煲仔飯面，上枱後倒入適量秘製豉油，焗3分鐘剛好。牛肉無梳打粉的味道，新鮮嫩滑，但是味道有點淡。半熟雞蛋拌勻飯後，吸收左牛肉汁同蛋液後，飯粒保持干爽，好香啊！😍😋魚湯鮮菌白菜仔$65奶白香濃的魚湯鮮甜無腥味，白菜仔新鮮夠嫩、無沙！鍾意清淡值得推薦！👍

今天我和一個同學相約要去一個港式風味小店，位於筲箕灣的一個內街，如果不是別人介紹我也未去過這個地方。這裏都是一些吃雞煲或是羊腩煲的店子，而我選擇了這間吃煲仔飯和海鮮很出名的祥囍煲仔小廚。我們點了一份豉椒炒蜆，分量十足，非常大隻，醬汁也非常惹味，用來送啤酒真的一流。老闆介紹我們吃了一個蜜糖薯仔牛柳粒，黑椒牛柳粒配上蜜糖讓味道更加豐富濃郁，牛柳粒也非常柔嫩新鮮，份量也非常的多，兩個人吃真的有點太豐富了。最後點了一個臘味煲仔飯，跟平常吃到的煲仔飯不同，他的飯焦不黏鑊，特製的豉油鮮甜，加上滿滿的臘腸潤腸和臘肉。如果說這店的煲仔飯是招牌菜，真的實至名歸。如果有興趣去的朋友最好先訂枱，因為常常爆滿，那天我們也等了一會兒才有枱，我們離開的時候門外也非常多人在等后。要說東區吃煲仔飯小菜，我的首選是這裏。

祥囍是我最喜歡的煲仔飯，上次到訪看到餐牌上有很多不同款式的海鮮小菜！剛巧今天天氣升温，決定試試其他小菜！先來一個姬松茸螺頭燉雞湯，料頭十足，每一口都充滿姬松茸香味來到這類小菜館，很自然的想吃椒鹽瀨尿蝦！味道一流，而且啖啖肉現在上湯波士頓龍蝦伊麵做推廣，當然要一試！麵底盡吸龍蝦的精華最後叫了半隻炸子雞，外脆內嫩，幹香鮮鹹，配以淮鹽，惹味可口另外真的要一讚這𥚃的服務，侍應們細心有禮，不斷主動為我們換碟及洗手水，吃得十分開心

睇到食評，滿心期望可以食到好好味的煲仔飯，但可能期望過高，有點失望。 地點系一條行仔，有點難搵。六時半去到，七點半走，都唔系好多人食，可能系平日呱。叫左蒜蓉粉絲蒸聖子王、臘腸雞煲仔飯、椒鹽九肚魚同抄油麥菜。 聖子兩隻，有一隻系好細同埋蒸得熟左啲，煲仔飯啲雞系無味，啲豉油又唔系甜又唔系咸，唔知想點，淨系得啲飯同飯焦好食啲，總體系淡茂茂。椒鹽九肚魚炸得好脆，粉漿亦薄，幾好。油麥菜好老同咸。總括系出面有好多更好選擇。