神聖酒場

营业中

休息中

在大學時代，日本同學教我order Chirashi 雜錦刺身飯，因為每個師傅做的食材及佈置都不一樣，次次都會有驚喜，所以我會常常點這個飯。第一次來這小店，雖然刺身不是他們主打，但因小店很像很地道，餐牌都有日文，而且店主和客人把酒聊天好輕鬆，我就想試下。這個chirashi都不錯，有我最喜歡的免治吞拿魚配三文魚子，還有八爪魚，油甘魚及鰹魚，都好新鮮，220元，綜合我會俾80分。下次會來試他們主打居酒屋小食。

花咲蟹是日本三大名蟹之一，以肉質厚實緊緻、蟹香味足、膏多淡滑聞名。神聖酒場是一間品質出眾的小店，老闆來貨嚴謹，按照日本傳統手法處理。近2公斤大大隻北海道花咲蟹胸運到港，即刻就俾我哋蒸咗嚟食平時食蟹都要用工具了啊挖啊。但我哋隻蟹夠新鮮又大隻，廚師也預處理了，把殼都剪碎定。一上桌用少少力就好易開，然後一打開幾乎成隻腳、成舊肉就拎出，啖啖蟹肉入口。女仔都好輕易搞得掂食到中段可以一口蟹一啖膏咁混埋一齊食，果隻鮮味真係無得頂。食完肉覺得有少少膩。就叫了個海藻大根沙律清清口，冰冰涼涼再加上柚子汁開胃清爽牛舌一直是這店的拿手好戲。肉厚味濃又唔韌期間限定的燒油甘魚鮫，皮脆魚嫩，油脂充足**要食蟹，記得預約**

今晚掛住傾計，唔記得咗影相🥲但係依間小店每樣食物都好味，一定要推介！！星期五約咗朋友敘舊，約左喺佐敦，就喺DGS後面。舖頭木主題嘅裝修，好有日本居酒屋feel。老闆好隨和，問下我地中意咩類型食物，但佢唔會一輪咀講唔停果種。4個人，我哋叫左好多前菜送酒，前菜d味道好正。醬油牛蒡同幾款漬物都好味。最鍾意係佢地嘅串燒：雞皮，蠔，年糕，豚肉….個人最鍾意個燒年糕，燒到暖暖，加埋醬油同紫菜夾住食😋😋😋關東煮都好出色，連件蒟蒻都好入味。已經計劃梗下次幾時再嚟😁

值得經常到訪的日式居酒屋，氣氛輕鬆，食物用心好吃，新鮮，師傅不時會更新菜單，有時食食下覺得好似去左日本啲小店咁。平均1至2個月到訪一次，番完工去食個飯，個人都輕鬆好多，同埋每次都好滿意。推介帆立貝刺身，時令刺身，秋刀魚，雞皮餃子，燒年糕，暫時食過所有沙律都好好食，好新鮮，同埋好鍾意師傅啲調味。如果喜歡清酒，不妨可叫支酒飲下，因為佢會經常更新wine list，所以我幾乎每次都可以試不同的清酒，如果唔知邊支好，記住叫師傅推介，佢會根據你當晚叫嘅食物去介紹一支啱你嘅。

Happy Friday到了一間位於佐敦巷尾既居酒屋同朋友暢談暢飲一番☺️🍺Orion 生啤 & 黑啤🍶南 辛口純米 The Boon！無濾過生原酒720ml免治牛肉山賊燒🍶久礼 辛口+9 純米生酒 720ml間八刺身霜燒鰹魚山葵醬油漬喜知次一夜干芝麻醬豆腐野菜沙律煎手工餃子碎吞拿魚腩豆腐牛蒡醬油漬生蠔唐揚小池魚雞心串牛柳串牛舌串汁燒北海道蠔串免治雞肉串（鹽 & 汁燒）田樂味噌燒茄子燒飯團（味噌／櫻蝦）二人經營既居酒屋小店，師傅即叫即整，食物用心製造有質素，仲有多款sake配搭選擇，醉與未醉之間既狀態往往令人更加放鬆，暢所欲言，這就是醉好的時光😆

已經去過幾次既居酒屋，有翻左鄉下既感覺，好合適朋友小聚酒局既小店。Menu 好多岩配sake，燒酎，啤酒送酒小菜，想食好啲魚/貝可以Whatsapp 問下預訂。當晚訂左太刀魚做主角，師父做左一魚三食，刺身/燒/炸骨,岩晒酒鬼配食。另外有櫻鱒刺身燒豬腩仔蔬菜/肉類多款串燒可以回頭幾次除咗食物美味，師父有heart ，勝價比高之外，豐富既menu都好吸引， 師父會換下季節性單品。清酒亦有吾少選擇，可以同師父交流下。

落雨亂行，行到佐敦太平館附近。眼角瞄到有間日式居酒屋，心諗場雨唔知幾時落完，坐𠵱啲好過坐普通餐廳啦，廢事食完要即走。 諗住都普通嘢，點知性價比極高！ 櫻鱒刺身：口感像鬆散的三文魚，看就知道，油脂更豐富。 日本韮菜煎蛋：洋蔥、韮菜、香菇的煎蛋，寫有櫻蝦但沒吃出來，但已足夠好吃，在家複製一下。 鹽燒白鱔：無得輸啦，緊實彈牙，肉厚。皮的油脂香，一絕。有時彈與韌真係一線之差，廣東話所謂𡁻頭，𠵱間餐廳掌握是一絕。配埋柚子胡椒，一絕。 鹽燒喜知次：聞名遐邇，第一次試。飽飽地，叫半條試試。魚身堅實彈牙，但又十分嫩滑。拉出來一疏疏，很分明。整體感覺似石斑但又滑過石斑，難怪是日本人追捧的魚王。 味噌燒茄子：就是把我兩大愛好結合，味噌燒+茄子，很好很好，不太喜歡中式那種軟爛多孜然辣粉的吃法，始終覺得不是茄子的最佳吃法。我當然可以吃全淋的，但人大了，總覺茄子是特別的，把它煮淋晒，你得我得係人都得，但要保留一點爽身（一點就好）但又係淋嘅，然後又食到茄子原味，才是好的。 鮟鱇魚肝，抵食，通常出面𠵱個價只有一舊，佢有兩舊。 清酒蒸日本生蠔，160四隻，蒸加多$20，無咩機會食蒸，就試試。原來生蠔蒸完仲正，師傅無蒸

星期五晚放工想食特別少少，行左一段路仔，尋找到這一間居酒屋小店。本身在門口想看一看餐單再决定。不過門口兩位客人直接問我地有咩需要。感覺是一間主力做熟客生意的小店。餐單除左一般串燒外，有一些推介。串燒價錢良好，牛為主既串燒大約20到40一串。推介菜中有驚喜的是梅水晶！酸鹼適中，十分開胃！第二樣有驚喜wasabi配鰹魚口感不錯😌仲有大量串燒🥳🥳🤩最後加上一個明太子飯團🤓老闆表示做左10幾年，上年重新改名☺️好彩趕係今晚收爐日食飯，新年後再開。

佐敦一間有趣又有心嘅居酒屋小店～食物用心製作有水準，店長對清酒有豐富嘅認識！環境整齊企理，一到去仲有好似去咗深夜食堂嘅感覺😁 如果唔知飲咩清酒不妨問下店長，佢會俾到好多清酒嘅知識你，食物絕對有水準，係一間好啱朋友聚餐飲酒傾計好地方，值得推介😁

As a food critic, I recently had the pleasure of dining at a small Japanese restaurant located in Jordan. With around 30 seats, the restaurant was cozy and welcoming, and I was pleased to find that I didn't have to wait to be seated when I arrived at 12:45 pm.I ordered the oilfish sashimi rice bowl($150), which was beautifully presented and tasted delicious. The oilfish was thinly sliced and had a pleasant flavor that paired well with the "Shinsei" daiginjo sake($140/cup) that the manager recomm