神木日本料理 (已結業)

同朋友慶祝生日就當然要搵啲舒服又抵食嘅餐廳，上網搵到係觀塘工廈入面有間做緊"任食日式火鍋放題 "，見介紹都唔錯，所以就鎖定嚟食返餐兼聚一聚。店內裡裝修都好精緻，好有日式居酒屋嘅風味，環境幾大坐得舒服，而且仲有室外地方添(早知就帶埋狗狗嚟陪食啦)。我地今次揀左 輕量級雞煲 ，係用餐時間120分鐘內就任食同任飲。任食方面就係以一回合咁計，即係任食完一回去下一回時就唔可以叫返上一回合嘅食物。飲品嘅種類都幾多，連啤酒都有得提供呀！先黎第一回合 就係以小食同沙律菜為主，先嚟重份量嘅清新蟹子沙律，然後就由廚師安排嘅五串燒物同炸物。炸燒賣、炸餃子、七味炸雞翼同埋五串燒物就有雞皮、雞腎、雞軟骨、蕃茄、京蔥，全部都係即刻炸/燒，所以食起嚟熱辣辣，而且味道都剛剛好，所以唔錯。前菜之後就到第二回合，即係焦點所在 神木秘製雞煲，份量比想像中足料，雞肉好嫩滑，而且佢個醬汁味道剛好，食落特別惹味。最後就加湯去到第三回合，即係任食火鍋，配料選擇都有好多，我地點左肉類方面我地點左熊本豚肉、美國肥牛同埋餃子、芝士腸、菇同菜類(其實仲有啲雲吞、水餃同牛柏業，不過就掛住食忘記左影相..哈哈)。火鍋食材質素都唔錯，入口好新鮮，所以我地都來來回回食左好多轉，食到好飽飽呀！最後就當然唔少得食返粒雪糕啦！…查看更多

同家姐去旅行之後，大家都仲有興致食日本嘢，收工就一齊去咗觀塘嘅呢一間放題度食日本嘢，雖然佢唔係食魚生放題，但係食物都很不錯😎首先可以先叫一啲小食，我哋就叫咗一個清新嘅青瓜絲蟹籽沙律，醬汁唔算好多，食落覺得好健康😋之後就叫咗少少炸物，炸餃子炸燒賣同埋炸雞翼全部調味都好正常，同埋熱辣辣，讚賞！再叫咗串燒，雞軟骨，燒菠蘿，雞皮，豚肉全部都燒得好香口，食到食唔停口去到呢個時候已經半飽，再上個重點嘅雞煲，雞嘅份量適中，調味較為濃味，家姐好鍾意食，職員仲同我哋講食完之後可以加湯打邊爐食完個雞煲個肚已經脹到好似有咗咁😂我哋再試咗佢個美國肥牛同埋牛小排，牛小排肉質腍身，可以一試特別一提，呢間餐廳好近觀塘地鐵站，唔使5分鐘就行到雖然係喺工廠大廈入邊，但係無論係電梯，餐廳內部環境，甚至餐廳裏面嘅廁所都非常清潔，對於玻璃肚嘅我就唔會擔心去工廠大廈食嘢冇廁所用另外再要好多謝裏面嘅員工全部都好有禮貌亦都好敬業樂業，尤其是係阿Yan同埋阿燕,老闆請咗佢哋真係要好好珍惜呢啲員工，成個用餐過程都好滿意同埋好舒服，希望香港有多啲呢啲餐飲從業員咁樣嘅用餐體驗，只係需要$268 +1 ，性價比超級高🤞…查看更多

估唔到食日本料理嘅地方，依家都有得食雞煲放題🤣今次介紹呢一間舖頭位置十分方便，位於工廠嘅工業大廈🤩各位觀塘放工朋友仔收工之後，都可以同同事一齊去enjoy下🙆🏻‍♀️輕量級雞煲放題（$268）佢總共分咗三個回合🤣🏷️第一回合（任食）蟹子沙律、炸燒賣、炸饺子、七味炸雞翼、五串燒物🏷️第二回合（任食）神木秘製雞煲🏷️第三回合（任食）加湯變咗邊爐‼️呢個時候你就可以嗌✔️hoice牛小排、美國肥牛、紐西蘭羊卷肉、日本豚肉、豆腐、娃娃菜、芋絲、秀珍菇、菇、萵筍、粟米、雞髀菇、鮮枝竹、白蘿蔔、芝士腸、豬皮、鮮雞肉件、鮮蝦震吞、冰餃、牛丸、珍寶蟹柳、生根墨魚丸、貢丸、炸魚皮、嫩鴨血、黑牛百葉、日式烏冬其中我最推薦牛小排，估唔到咁嘅價錢都可以食到肥瘦均勻嘅牛小排😳✨另外打邊爐必食黑牛柏葉同埋日式烏冬👍🏻😝…查看更多

雖然係日式餐廳，但佢地有雞煲放題!!! 先黎 一份蟹子沙律 炸燒賣 炸饺子 七味炸雞翼 同廚師安排既五串燒物，我最中意佢地既串燒，夠哂惹味香口，燒到岩岩好，調味亦唔會過咸，好味! 之後第二愛就緊要蟹子沙律，2個人share一份岩岩好，可以要求沙律醬另上，青瓜絲爽脆鮮甜，蟹子粒粒好彈牙~神木秘製雞煲 惹味可口，個爐又好夠力，雞件件件都好入味，食完雞煲再加湯去打邊爐，肉類方面我地最日本豚肉 同 雞肉食左幾轉我地就黎蔬菜煲!豆腐 秀珍菇 雞髀菇 白蘿蔔 鸭血 等等配料任食~最後再雪糕同飲品無限量，滿足~!…查看更多

今次嚟到觀塘工廠大廈食日式任食，當然除咗任食仲有其他唔同嘅嘢食，餐廳裝修好特別，有好多唔同日式嘅 decoration，畫作，祝福牆壁，燈籠都好有風格，同埋佢仲有一個大大嘅露台，可以呼吸新鮮空氣，環境一流我哋揀咗有刺身嘅任食，首先每人一杯迷你松葉蟹肉海膽杯，海膽好鮮甜 🥰 yummy，仲有好多松葉蟹肉墊底都係好鮮甜，跟住有第一round炸物和沙律，蟹子沙律，炸燒賣，炸餃子，七味炸雞翼，五串燒物分別係雞肉串，雞皮，鰻魚，雞胸軟骨和吞拿魚，樣樣都燒好靚，尤其是鰻魚燒得香脆之後就食神木五點盛刺身刺身和連日本直送原條魚刺身，直送完條刺身魚好鮮好靚，魚質爽口，問師父佢叫"老師魚"，第一次食真係好鮮甜，第一次五點刺身有劍魚，吞拿魚，虎蝦，油甘魚和立魚，樣樣都好新鮮， 跟住再同店員encore啦，原來刺身係唔可以揀嘅，師傅會挑選當日最新鮮嘅刺身黎供應，第二次刺身係劍魚，帆立貝，北極貝，立魚和吞拿魚，好刺激，好似開盲盒咁，好有驚喜 😆最後仲有個雞煲或者shabu shabu，我哋揀咗shabu shabu有m5和牛送，和牛肉細嫩，重牛味，好鬼正，仲有大大盤蔬菜盤，慢慢享受食曬所有嘢之後就去甜品呀呢度嘅甜品有都有四款唔同嘅口味，但係佢係袋裝咁食，比較搞笑，雪糕都好 creamy…查看更多

原本想黎食日本野 上到黎見到有輕量級雞煲放題好吸引 同朋友即刻轉軚呢到係任食 但就每個回合咁計 食完去下個回合就唔可以叫番上合回合既野 除左任食 仲有雪糕 、飲品任飲 正先黎第一回合 以小食/ 菜為主 蟹子沙律 大大碗 清新又開胃 炸燒賣、炸餃子、七味炸雞翼即刻炸起 熱辣辣 五串燒物 燒物係廚師安排 第一次黎左 雞皮 、免治雞肉 、茄子、腩肉等我地再叫左多一次 再黎就有少少唔同 有雞軟骨、雞肉等 燒物係高質既 推薦食完前菜就去第二回合神木秘製雞煲 廚房已經調好味 上枱好香雞肉好嫩滑 而且配料都好多 食落特別惹味最後就加湯去第三回合 任食火鍋配料 我地點左 日本豚 、美國牛 、羊肉片油脂分佈平均 質素都唔錯喎 仲點左d 餃、芝士腸、菇食食下已經好飽了輕量級都已經好夠食了 …查看更多

觀塘一工廈內的日本餐廳最近推出任食日式火鍋餐廳鄰近APM及觀塘地鐵站，交通方便！設有室內外座位店內作仿竹林設計，日式居酒屋格調，裝修別緻搞鬼的日式配飾及打卡位，悠閒漂亮而且寵物友善任食第一回合蟹子沙律份量大，青瓜絲爽甜新鮮 炸燒賣、炸餃子及七味炸雞翼食唔飽都唔准走五串燒物感覺像玩盲盒，隨機有四款肉類及一款野物串燒:)任食火鍋配料有豆腐、娃娃菜、芋絲、秀珍菇、金針菇等Choice牛小排及美國肥牛肉質紮實有筋，軟嫩有嚼勁…查看更多

餐廳位於觀塘工廈內 , APM附近 , 非常之方便 , 店內裡裝修別緻，環境舒適，有著日式居酒屋既格調。環境幾大坐得舒服！還有室外地方位置，相當不錯餐廳近期推出了 "任食日式火鍋放題" , 有兩個時段可供選擇 , 分別是晚上 6:30 - 8:30 或晚上8:30至10:30 , 每個時段用餐時間為120分鐘食火鍋前, 可任食各款炸物及串燒 ,包括有蟹籽沙律、炸燒賣、炸餃子、炸雞翼、燒菠蘿、雞腎、雞軟骨等等 ......還會有五款時令刺身至於火鍋方面, 可以選神木秘製雞煲或神木刷刷鍋 (二選一)火鍋配料也可任食汽水及雪糕也是任食的…查看更多

放工喺觀塘搵野食見到有間日本餐廳推出兩小時火煱放題優惠🤟🏻餐廳叫神木日本料理仲標明食唔飽唔準走😂作為大胃王嘅我就一於入去睇下係咩料子😎火鍋個放題會先上前菜到最後就係主角✨蟹籽沙律🥗好大兜👍🏻沙律菜上有滿滿嘅蟹籽沙律醬有隱約蛋黃味，好甜青瓜絲好幼細青新🥒🥬中間夾雜仲蟹柳絲每條沙律絲都有滿滿嘅沙律汁跟蟹籽🤟🏻係好開胃嘅前菜✨小食併盤🥟🍡🍗有餃子，雞翼，炸燒賣燒賣皮炸到好脆🍡有預先調味，食落外脆內軟餃子皮薄多汁，食落係豬肉涵🥟雞翼有七味粉調味🍗皮薄肉嫩，仲有汁滴返出來食落香脆可口炸物都唔會炸得太耐而乾哂🔥而且炸得溫度恰到好處✨串燒🍡🍢燒菠蘿，燒雞腎，燒雞軟骨✨燒菠蘿有燶邊之餘🍍內部仲有好甜嘅果汁✨燒雞胸骨🍗🍖每舊骨都痴有舊肉可以食燒完仲好多汁連埋雞骨食好有咬口✨燒雞肉串🍗冇皮冇肥膏，啖啖肉雞肉都好嫩口多汁💦食得出有預先調味✨燒雞腎都幾大粒，有預先調味口感跟出面嘅燒雞腎一樣硬硬的但又有咬口✨燒豬腩肉脂肪跟肉比例半半🤟🏻食落好有油香燒到燶邊食好脆口🔥好似食緊燒乳豬皮咁✨刺身併盤🐟🐠🦐有赤蝦，吞拿魚，油甘魚擺盤好靚，好似個藝術品咁🥳底部有冰塊墊住，保持新鮮赤蝦好大條🦐🦐食落好鮮甜刺身全部厚切，切得好靚冇爛邊🐟🐠刺身魚老實講就唔識評論但食得出每塊都好鮮甜而且唔係冰凍咁樣喺雪櫃攞出嚟✨爐端燒🍲先上一盤蔬菜拼盤加牛肉🥩兩個擺盤都好靚蔬菜併盤有好多種類嘅菜菜🥦🥬🥒豆腐冬菇金菇洋蔥蘿蔔秀珍菇等等數之不盡蔬菜洗得好乾淨菜同菜之間冇污糟牛肉上格係A5 和牛🥩下格係美國肥牛肥牛正常發揮，冇預期咁多肥膏和牛肉肉脂肪比例平均食落好重牛油香✨牛小排🥩🍖額外加的份量好多，仲好靚仔🤟🏻食落好重牛肉味同油香就算我另外再點多份牛小排佢再上嘅竟然仲靚過第一份🥳完全感受到餐廳嘅誠意✨墨魚丸，鳳城水餃🥟🐙都係額外加的墨魚丸好大粒，食落有魚肉粒🐙仲好彈牙唔係霉的水餃都係大粒，有豬肉韮菜做涵料🥟餐廳內部好寬敞坐得好舒服餐廳侍應好attentive會講解上嘅係咩食材而且仲同我哋講話唔夠食記得再加🥳但今次真係飽到上心口😎餐廳有心去打做食唔飽唔準走嘅賣點而且仲可以一個價錢食到高質刺身炸物同埋火鍋性價比甚高🥳🥳…查看更多

外賣親子丼飯硬到似生米，硬到食唔落；D蛋好似水浸，多到不成比例，而且完全無蛋味；D雞又鞋又無味，都預左食冰鲜雞肉，但都應該煮好D，我都唔知自己食緊咩；味噌湯其實可否用心煮吓？真心覺得兩餸飯好食好多，又平好多。好少上網寫負評，今次忍唔住，真心想提醒老闆，要訓練吓個廚，否則D客唔會返轉頭。收銀小姐有禮貌，但食物質素太太差，簡直難以入口。今次第一次，又是最後一。APM有其他更好選擇，今次做錯决定。就算今次外賣有九折，也不足以彌補。…查看更多

小編同朋友慶生，到訪該店進食晚餐。計埋小編，總共三位女生～我們叫了一個《月》的套餐 $598第一道菜是蟹籽沙律，蟹籽份量不少，撈勻後每啖都有，食落好fresh，作為開胃菜，剛剛好👍🏻一條時令原條空運刺身❤️❤️❤️ (鯛魚)因同行者怕腥味，因此我們選擇了比較淡味的鯛魚～嚟到時看到擺盤十分花心思😍，打卡一流，店員亦好人主動問是否需要幫手影相👍🏻魚生片咗18件，唔會切得太薄，食落唔腥👍🏻，油脂都唔會太重😋😋😋旁邊亦有一些魚肉粒，經過燒烤，有部分連埋魚皮，食落有燒烤香味，亦有魚的油脂味，讚！🥰🥰🥰食完後，你可以選擇把剩下的骨拿去炸/煲湯(價錢需要額外另加)串燒則給了我們七款，可惜的是串燒款式不能選擇，是廚房隨機給的：雞胸軟骨、雞肉串、雞頸肉、雞腎、免治雞肉棒、蕃茄、翠玉瓜調味好香而不鹹，亦都唔會過辣，啱啱好。翠玉瓜仍然保持到鮮甜味；蕃茄亦都唔會燒到變酸；特別嘅係雞胸軟骨，第一次食，由於佢係薄片，唔會好似雞軟骨咁比較難咬，反而更脆口加洲卷(同我想像既加洲卷有少少唔同🤭)綠色捲住壽司卷的皮，應該是蛋皮，但不知加了什麼把它變成綠色🤨配菜有蟹籽、玉子燒、青瓜條、蟹柳。係成個餐唯一嘅澱粉質，係唔錯既小店嘅酒係要問店員先至會有，QR code Menu沒有的，需要通知店員，店員會好詳細為你解釋，並附上圖片，之後亦會拎枝酒出黎讓你看看酒的大小、外貌店員亦會依着你叫的菜式，例如魚生/串燒再推薦你配邊一款酒，十分貼心❤️❤️❤️$208最後喺埋單嘅時候，店家主動同我哋講免我哋切餅費，亦將蛋糕放上好靚嘅碟上面，服務一流🥰🥰🥰成餐生日飯食得好開心，相比起食物嘅質素，最難忘嘅係店員嘅優質態度❤️…查看更多

呢間餐廳分別試過午餐同晚餐, 兩日都係網上訂位既, 所以去到就有位啦,  午餐都好抵食, 而晚餐都有套餐食, 但我地就想乜都試下, 最後就散叫壽司定食配烏冬 - 壽司刺身都好新鮮, 而烏冬口感不錯 - - - 以下係晚巿既菜式 - - - 蟹籽沙律 - 蟹籽多, 各種配料都好足料炸雞軟骨 - 炸粉唔算太厚蒜片牛柳 - 偏咸, 但牛柳肉好食好入味彩虹卷 - 賣相不錯, 每款刺身都好新鮮, 刺身厚度比較薄牛油果軟殼蟹卷 - 冇乜驚喜蒜蓉燒生蠔 - 呢款煮法出嚟效果不錯, 生蠔肉好鮮嫩燒菠蘿 - 超甜菠蘿總結 : 呢間餐廳晚巿都唔算好FULL, 又唔會趕人走又冇限時, 啱晒三五知己吹水…查看更多

觀塘工廈區一向都多嘢食，今次選擇樓上日式餐廳。🍽️牛肉他他 $88食落甜甜地，生洋蔥同蛋黃撈埋微熟嘅牛肉，好香口開胃！🍽️燒牛柳粒（1串）$28燒物熱辣辣，牛柳粒唔韌🍽️廚師推介-一人壽司拼 $108拼🍽️神之特上刺身（6點盛）$198壽司刺身好新鮮，刺身唔會雪到好冰，仲好鮮甜添！壽司賣相好靚！🍽️鍋燒烏冬 $78食完凍野當然要食返暖笠笠嘅鍋燒烏冬，雖然上菜時焗住個烏冬，令炸蝦稍為淋咗少少，但湯底好鮮甜，暖入心🍽️藍柑乳酸梳打（凍）$28🍽️草莓乳酸梳打（凍）$28…查看更多

轉左工嚟左觀塘返工，朋友介紹觀塘好多工廈有好野食，仲話帶我試下。神之特上刺身（6點盛）入面有三文魚，帶子，吞拿魚，火炙金目鯛，火炙左口魚，蝦🦐刺身新鮮鮮甜，火炙魚有充分嘅魚油，勁香，正，值得一叫👍牛肉他他好有特色既他他，入邊有半生熟嘅牛肉，洋蔥同埋金黃色嘅雞蛋黃，配上秘製醬汁，愛好牛牛既我，非常鍾意。雞五味盛店員介紹裏面有雞肝，雞心，雞翼，雞頸，雞軟骨，肉類有先調味再燒烤，燒至金黃色。鍋燒烏冬最後叫返個飽肚嘅日式烏冬，入邊有一隻炸蝦，有茹類，蘿蔔等等配菜，烏冬有咬口，湯底清甜，食完即刻暖笠笠。藍柑乳酸梳打/草莓乳酸梳打朋友叫咗哩個藍柑乳酸梳打，而我就叫咗草莓乳酸，顏色幾靚，飲品偏甜，帶有果肉同乳酸味。…查看更多

🙋🏻‍♂️餓底探員今晚去咗觀塘調查呢間日本料理，餐廳走木系風，裝修充滿和式風情，食物種類多，壽司，刺身，串燒，炸物小食甚至燒肉都有，啱啱一眾鍾意日本料理嘅吃貨🥗蟹籽沙律 $45🙋🏻‍♂️表示個蟹籽沙律底下墊滿青瓜絲，配上蟹籽同蟹柳絲，唧上蛋黃醬，個沙律食落有青瓜嘅清新同蟹籽嘅鮮甜🥩牛肉他他 $88🙋🏻‍♂️表示個牛肉他他配上洋蔥，蒜蓉，蔥花，蛋黃同醬汁，牛肉口感軟腍，食落牛味香濃，連埋啲配料一齊食層次感豐富，香濃惹味🍗雞五味盛 $118🙋🏻‍♂️表示個雞五味盛有免治雞肉棒，雞軟骨，雞腎，蕃茄仔等串燒，免治雞肉棒食落脂香有咬口，雞腎同雞軟骨都有嚼勁，食落香口🐟神之特上刺身 $198🙋🏻‍♂️表示盤刺身有三文魚，赤蝦，帶子，左口魚裙邊等刺身，擺盤精美，赤蝦鮮甜，口感彈牙，左口魚裙邊食落有咬口，帶子口感煙韌，味道鮮甜，整體刺身都好新鮮🍲鍋燒烏冬 $78🙋🏻‍♂️表示個烏冬有天婦羅蝦，蛋，日本魚蛋等配料，湯底鮮香，烏冬口感爽滑，天婦羅蝦鮮甜，係略嫌浸咗落湯食落唔脆🍊桃園柚子梳打｜藍柑乳酸梳打 $28🙋🏻‍♂️表示杯柚子梳打味道甘甜帶乳酸味，底下有好多柚子肉，杯乳酸梳打成杯藍色好夢幻，飲落有柑嘅甜味又有乳酸味，幾特別📈吃貨指數😋好味度 8.5/10🔙返啅度 8.5/10…查看更多