碧儷苑·精點粵菜 (羅氏商業廣場)

開始是在社交網站看到，被大力吹奏。本人對可愛造型的點心情有獨鍾，所以家母生日一齊試試。由於晚飯無點心，但無阻眾人的雅興。每一道菜都好特別，重點是不會太油太咸！我全都都頂唔順太油太咸的食物！吃飽完全不用狂飲水！東星斑蒸得剛剛好！又新鮮好味！！！！花膠雞湯好好飲！！！！！！！炸子雞又好食又無骨！！！！！甜品是企鵝、擂湯湯圓及壽桃，全部都好食又不算太甜，小朋友非常喜歡！！！！！！！侍應經常幫手換碟，又常來斟茶，服務很好！…查看更多

有時同男朋友兩條友想食下高質粵菜又唔想齋坐酒樓咁悶，呢度啲點心細細件精緻得黎味道又唔錯，人多又得人少又得，所以我哋每次去荔枝角都Encore🫰🏻.每次飲茶必嗌蝦餃同燒賣，啲料超足，蝦肉彈牙到冇朋友，肉汁好爽好鮮嫩！同埋最有驚喜嘅係紫米牛肉腸粉，腸粉皮係紫米嘅顏色，咬落去入面都有紫米粒好煙靭好有咬口，呢個整法真係冇咩地方有😳.甜品控必嗌「伯爵茶奶凍」，佢真係好香伯爵茶味，奶凍又夠香滑，每次食完都一定要呢個奶凍埋尾，先至夠完整🤣…查看更多

這個外皮厚度口感更像鹹水角。脆而不油，用料扎實，還有一小塊荔枝肉藏在奶黃餡裡頭，有驚喜。燒麥皇用料實打實的扎實，從皮到餡，優勝過現在很多五星級大酒店，以及米其林粵菜。如果碰巧體驗這家，別錯過這個燒麥。…查看更多

食物美味，賣相精緻可爱，廚師手藝了得，能迎合客人的個別要求。服務員有礼，上菜速度恰好，唔快又唔慢。環境清潔光亮，可間房，私人飯聚，鵲局小菜一流。駕車也有泊車優惠，正。…查看更多

是下午茶時段，兩位茶錢30元，小吃18元，加一，什麼也不點，也盛惠54元，不要緊，如果食物是美味可口。蝦餃: 黑白各一件，黑色吃不出加了什麼，和白色的有什麼特別，皮是不錯，沒蒸過火，饀沒令人有印象。燒賣: 也是兩件，也沒蒸過火，也沒特別處令人想再吃。羊肚菌牛肉球: 三大件，已是全餐飯最好吃了。XO 醬牛頸肉炒河: 168元一碟，是一小碟，河粉炒得很熱，紫洋葱、芽菜少，主角XO 醬和牛頸肉卻太相干，牛頸肉沒味。鳳尾蝦芋角: 是令我決定絕對不必再來，芋角的底部和碟底都浸滿油，不是對油深惡痛絕的我也入到口，努力用紙巾吸索，也無法整件吃完，最精采是店員和經理來來往往，冷眼看着兩件芋角底攤在碟上，他們的無動於衷，令我差點忘記那隻完全沒味的鳳尾蝦。結帳是387元。我祇想知道何以這裡午市總座無虛席。ps 15元一位的茶，是茶包，沒茶葉，也是另一種失望。…查看更多

偶然經過呢間酒樓，見環境裝修都不錯，於是就試吓，被安排廚房門口位，其實當時成間酒樓只有兩枱客，我問有否其他位置，侍應話其他有客訂了，心諗咁多人訂位唔通好好食🤔 叫了茶 - 瑰荔堂煌，即玫瑰荔枝茶，比較少有，聞係幾香嘅，飲落不及聞嘅香，不過還可以。太極蝦餃 （3/5） 蝦幾爽，不過冇筍，調味稍稍咸咗啲啲，黑白皮味道上冇分別。燒賣皇 （4/5） 燒賣幾好食，多蝦、豬肉少量，勝在蝦爽脆。懷舊蟹肉灌湯餃 （3/5）整體味道較淡，都真係有蟹肉但唔多，感覺一般。甜梅菜叉燒腸粉 （1/5）腸粉皮夠薄，但梅菜唔香，叉燒偶然有一兩舊有豬肉腥味😖蘿蔔絲脆脆卷 （1/5）呢個點心係第一碟上枱，未食已經聞到油膉味，而且望上去偏油，廚房油炸功夫差，食落更是成日油同油膉味😖之前提到座位正正係廚房出入口，而左轉行經兩張枱就係廁所方向，果度附近一大陣嗅味，總括嚟講，我就唔會再去幫襯，以呢個價錢還有好多更好選擇。…查看更多

為左企鵝而來。一睇茶list，已經感受到高質有要求。叫左白桃烏龍，真心香，有少許果香，飲茶氷受到誠意 蜂巢鳳尾蝦芋角（大點），食到一隻蝦，某角炸得孚乾身好薄脆，仲要有某粒係裡面，令口感有層次有某泥同芋粒，唔太咸。今日好想食炸𠳖，所以鳳尾蝦，再叫左個椒鹽尤魚鬚，呢個好有大排檔feel個炸皮都夠脆，唯一個尤魚無我想象咁彈爽脆，但呢個價值了。呢個甜梅菜一見到，就想試下，雖然佢唔係大點直頭$55，但配叉燒好特別，所以想試，都無失望，個腸粉皮夠薄，如向光望，應該都幾晶瑩剔透嘅，尹骨食到甜梅菜，配叉燒原來好夾，希望其他酒樓可仿效下啦！最後，都係為佢地而黎嘅甜品1.企鵝紅豆包同滑脟脟小白兔（杧果布甸）影片可拍到隻兔彈彈下，好可愛。但因為拍片無影相，大家自己去欣賞吧！呢個企鵝，一黎到，侍應會倒水入個低，因為有乾冰，會有白煙飛出黎，好似雪影咁，又係好拍片留念。愛拍片嘅美美，應該要去打個卡，哈。而且質素好好，個紅豆餡仲有陳皮味。埋單三百幾，貴，但值得一試。…查看更多

長沙灣一間貴價嘅酒樓，中午12:00到，不用訂位， Walk in也可以。有傳統點心、亦有精緻卡通甜品。 但服務就一般，如果你不是熟客、 （因為熟客會比利是他們） 就西口西面。 完全明白點解walk in 都有位。 我估未必有下次再幫襯。以咁嘅價錢， 應該可以習慣服務態度好啲嘅地方。 …查看更多

I have been to this restaurant twice so far. Food is never disappointing and I’m especially impressed by its services. Both of my visits fell on the typical festive nights (pre-CNY and Mother’s Day) - staffs were very attentive and efficient. At one point I was just looking around and one of the staff proactively asked whether I need anything. Instead of having one staff dedicated for my table, they had demonstrated great teamwork and whoever was available will share the workload.One special thing to note is that they serve Chinese bun in different variations such as penguin, owl and dinosaur. This item is very well received not only by children, but also by all age groups across the table. The buns are well-balanced and especially with the penguin one, it came with 陳皮紅豆沙 fillings. It’s also very photogenic not only by its appearance, the staff also added 乾冰 for effect. We chatted with the manager and he said they will change the menu every few months with different animals. Can’t wait to try different variations next time!…查看更多

相識40多年的老朋友又從美國回港，帶挈一班老人家又聚舊啦！閒日晚市清靜，不用訂廳房了，堂食接近包場，幾個侍應招呼一圍，真係飲食業難撈。9位點了個8人餐，酒家敬送了兩份甜品。整體食物質素和服務都一流。…查看更多

覺得近年香港飲茶嘅地方好似買少見少，難得呢間嘢喺返工地方附近，都是不是同屋企人去呢間嘢飲茶。呢間嘢通常都會人山人海，尤其係週末，好多時都要等位。由於人太多，有限嘅空間入面充滿着侍應顧客同排隊等位嘅人，所以會比較嘈吵同擠迫，侍應都會比較忙碌，不過整體嚟講服務都算係咁。食物選擇就同一般飲茶嘅地方都差唔多，都係嗰啲經典嘅點心，包括腸粉、蝦餃、燒賣、鳳爪、牛柏葉、椒鹽魷魚鬚等等，亦都有好多粉麵可供選擇，保證會食到你飽。味道整體嚟講不過不失。…查看更多

因為老細要在長沙灣約客食飯，11號已用whatsapp訂位，昨日1830前到，門口職員話冇呢個booking 。即時一身汗。出示whatsapp，女職員就話你冇聽電話喎，另一貌似比老細更老細的男職員木口木面地係後欄搵左張枱俾我地，又重覆你冇聽電話喎，我問，咁你有冇留言啊？答冇，咁你用的電話係幾號啊？扮聽唔到。人當場着着地火，個男人就話，一係你就要門口那張囉，不過好凍。最後才俾左張正常位置的枱我。整晚看，個男人對住D應該係熟客就四萬口面。係變成熟客前，各位就冇謂搵氣受啦。反正就是成品一般般，員工講大話唔眨眼的中價食肆。…查看更多

食呢一間粵式餐廳時冇諗過係舊時鴻星集團嘅班底話說係八月嘅時候公司嘅同事生日聚餐嚟到呢一間餐廳佢啲菜式實在令我留下好深刻嘅印象.首先頭盤就已經有鮑魚拼秋葵天婦羅係非常之有新鮮感同埋個天婦羅秋葵，一啲都唔油膩，超級鬆脆 而入邊既秋葵又爽身喎而平時會見到嘅上湯龍蝦伊麵就變咗呢一道菜呢個蟹係配上咗麻婆豆腐 千祈唔好以為一啲都唔夾呀，超級惹味好好食 😋至於呢個羹湯呢我冇記錯係南瓜湯底配花膠海鮮等海味料，又係出奇地非常之夾條海星班呢就冇之前幾道菜咁新穎喇，不過就非常之大條，肉質鮮嫩到個津白啦，哇😍我好欣賞呀，因為平時我係好怕食一啲羹湯嘅菜式㗎呢個一啲都唔會呀，清清淡淡但係呢又有啲竹笙，同埋火腿肉嘅香氣 個平衡拿捏得非常之準確手淋炸子雞更甚好脆好脆，一啲都唔覺得淋仲要啖啖肉又唔肥膩喎炒飯呢，粒粒分明夠乾身，而且菜嘅比例非常之多，仲要落瑤柱碎加埋蛋白落去和埋一齊非常之香氣逼人！每一啖飯個層次都好豐富！再到個壽包啦，諗都冇諗過，竟然流沙奶黃再來係蓮蓉餡再來加蛋黃餡，係三個層次嘅超級好食，我係蓮蓉加蛋黃嘅愛好者！呢個配搭明明只有月餅見過，但係而家係壽包喎，不得了！再嚟這個紅袍荔枝啦，入邊都一樣係奶黃餡你可以想像一下你係食緊鹹水角，但係佢冇鹹水角嗰種油膩感，冇嗰種漿住你把咀既感覺，而係脆脆地有藉口又滲透住啲奶黃香係清爽清新好柔順而不油膩嘅感覺！到個糖水紅豆沙啦，有陳皮Me表示好欣賞，亦好難得喺中菜廳可以食到有陳皮嘅紅豆 🫘！…查看更多

飯菜很好食，每一碟菜式都很大碟，預足咁多人份量。（下面只講重點推介）海鮮拼盤超級新鮮而且沒有沙，下面還放了干冰做效果，打卡一流。枱面提供即棄手套給你食蟹，阿拉斯加長腳蟹腸粉底超大碟，每一個部位都係好大舊蟹肉，冇偷工減料，唔似得出面 某集團酒樓只有少少肉多多殼。甜品很精緻，核桃露超級濃郁，放一會兒就有一層好似腐皮ge野同埋果仁油出現，而且很明顯有碎果仁，絕對係原粒磨碎做成，唔似 某酒樓開粉假做。樹熊包估唔到係粟子包，入面仲有粒粟子係到，超好食，而且碟底都係放左干冰，都係打卡一流。雖然食物很好食，座位很鬆動，但是價錢亦都非常很貴，建議一大班朋友有d budget，團聚去試下都好ga…查看更多

地方唔算大，但都算寬敞，枱同枱之間有一段距離，唔會覺得迫。一張張圓枱，有軟墊嘅座位，坐得舒適。湖水藍色地顫加白光管，感覺企理光猛。以飲茶來講，比較多特別的點心，特別介紹以下三款。紅袍荔枝呢個紅袍荔枝令我食完又想食，外表似荔枝，其實係煎堆，煎堆個皮香脆有煙韌，裏面加入奶皇同荔枝肉，荔枝肉嘅清甜中和奶黃嘅膩，成個配搭清新又好味。櫻花蝦脆蝦腸粉滑滑嘅腸粉皮裏面包住鮮蝦春卷，春卷炸得香脆，蝦肉彈牙！腸粉上加入一堆堆小櫻花蝦，將腸粉提升到另一個層次，口感一流！羊肚菌牛肉球呢道點心好特別，牛肉球重牛味，加入清香又甜嘅羊肚菌，味道出奇地夾，好味！…查看更多