话说早几日师傅入开黎大埔，食左个三不馆做晚餐，之后就喺大埔区四处游游，无意间行到黎呢个地方，见到呢间食店，大大只字写住<碗仔翅大王>，心想到底有几劲呢? 反正刚刚又食得唔系好饱，晏少少如果食店仲未关门，师傅就过黎食一碗碗仔翅啦。当师傅准备离开大埔区嘅时候，再路经此处发现间食店竟然系未关，再上网查一查，发现呢间食店开夜晚六点，去到凌晨一点先关门，咁夜先开门，心谂都应该有啲料到，于是乎师傅二话不说就走入去。行到埋去啱啱有位哥仔喺前面买外卖，等佢买完之后就轮到师传，师父好简单净系要左一个碗仔翅堂食，姐姐好好，装到咁上下，就问师传要唔要醋同胡椒粉，食碗仔翅当然要呢啲啦，所以就加咗醋同胡椒粉喺个碗仔翅上面，之后就叫师傅坐低，佢就帮师傅攞左碗碗仔翅去张枱度。虽然系坐喺街边，但系呢度环境都还可以，加上又唔系好热，所以都算几舒服。接下来即刻试下个碗仔翅，佢啲料都几足，望落去个样唔错，唔会好杰咁嘅样，之后试下个底汤底，发觉味道几清，唔算有味精，加上有冬菇丝几香，木耳丝几爽口，仲有粉丝喺度，整个碗仔翅黎讲真系算几好食㖞，够胆叫自己做碗仔翅大王都唔系乱嚟。今时今日坊间有好食嘅碗仔翅真系寥寥可数，呢一间绝对比出面𠮶啲好味得多多声。总括黎讲碗仔翅水准冇得输，绝对算高，喺大埔住真系必食，环境就普通啦，但系胜在够地道，街坊价钱，师傅突然间唔记得左几钱，唔知系18蚊定22蚊，总言之都系抵食𠮶只 。师傅估唔到盲中中黎又揾到好野食，是次绝对系偶然遇上的惊喜，笑脸一定会比，下次一定再黎。…查看更多
碗仔翅唔会一pat浆咁，肉丝条条分明唔会一旧旧，而且鱼肉又多
