石一燒 (九龍城) (已結業)

呢日同母親大人去咗九龍城食燒肉🔥~我哋揀咗個尊上二人前,已經包咗沙律🥗,前菜,三款肉,飯同埋飲品~沙律菜好大盤,配上麻醬~而前菜好精緻,有小甜薯,酸酸地嘅蟹柳🦀同略帶辣味嘅裙邊~我哋去哥日咁啱無晒羊西冷🐑,所以換咗另一款牛肉俾我哋🐮~店員教順住由前向後食呢三款肉~個朱梅肉係佐賀縣名水豚🐷,肉質食落好腍身~真係比平時食過嘅豬肉都好食😋~但我哋最喜歡嘅係牛小排,因為脂肪比較多🤩,食落好油香~到食完肉就可以煎埋啲菇🍄~跟餐有埋甜品同飲品🥤,甜品上檯好吸睛~因為佢有綠茶粉俾你自己整綠茶汁淋落雪糕🍦~自己整自己食,有滿滿嘅儀式感~呢間小店雖然唔太顯眼又比較細間,但我哋哥晚都幾full👯‍♀️👯‍♀️~有興趣嘅朋友,記得先訂位再嚟☎️~…Read More

原來九龍城有間食日本燒肉嘅餐廳，冇乜人，我哋食佢最平嘅尊上の2人前，$598另加一。有豬有牛有羊，不過佢嘅羊就冇晒轉咗做牛，佢嘅牛係us prime，豬就來自日本佐賀。首先嚟咗沙律，都算大大碟，食落就冇咩特別，不過幾開胃。然後就有前菜三品，有辣有酸有甜同樣都係幾開胃，份量唔多，但幾好食。至於佢個櫻花蝦湯就略為失望，味噌湯比較淡，而且櫻花蝦冇味。然後終於嚟個燒爐，隔離有四種調味，一種係鹽一種係自家製嘅鹽一種係燒汁一種係黑椒。自己一面燒啲肉一面落調味料，出嚟嘅燒肉都幾入味幾好食，而且肉質都唔錯，只係比較易黐底，如果有個豬油可以擦一擦就比較好。另外亦都有兩杯飲品，一杯係烏龍茶一杯綠茶，味道比較淡，但係食燒肉有啲嘢飲吓就好重要。至於佢個飯素就略為普通，冇味。最後差啲唔記得有甜品，個甜品係牛乳雪糕，另外配上抹茶粉，自己加水上抹茶粉攪拌，然後倒上去雪糕度，雖然唔知點解唔直接俾抹茶雪糕，但係有得自己DIY感覺都幾特別，就好似自己燒肉一樣🤣整體嚟講，主食嘅肉同前菜三品OK，餐廳標榜慢食，所以我哋都食咗差唔多兩個鐘，都算係飽。全程都播住陳奕迅嘅歌，我自己本身就係fans所以基本上啲歌全部都識唱。最後佢會比張卡刷卡俾我哋，然後我哋拆咗個極尚套餐嘅半價。日本佐賀縣名水豚豬梅肉沙律x2飯素x2美國頂級牛小排櫻花蝦味噌湯x2$18飲品x2英國羊西冷 (改)前菜（三品）菇盛會日式甜品x2…Read More

去完福岡食咗個好好食嘅燒肉🤤突然燒肉癮起 即刻上網搵下香港有咩好食嘅燒肉見呢間小店好似好多食評啲相又好似好精緻就去咗試吓😆叫咗個極上和牛盛會二人前 $698首先佢會上咗一盤沙律先我哋就幾鍾意嘅，佢成份沙律有生菜同羽衣甘藍，加埋胡麻醬，食起嚟非常清爽👍🏻🥢前菜三品好有儀式感🥰其實店員解釋得好詳盡，好清楚佢哋嘅商品其實係有甜酸辣三款分別係炸鮮奶 蟹柳同埋辣帶子裙邊🥢主食咁佢嘅肉分別就有日本九州A4和牛上前腿肉，澳洲和牛封門柳，同埋九州A4和牛三角胸我哋首先食咗牛上前腿肉先，呢個真係入口即溶。1秒返返去福岡食嗰個燒肉嘅feel，好surprise😝 店員建議味道由淡至濃咁食，第二個我哋就食封門柳封門柳肉質就比較結實有咬口，但係相對上牛嘅味道亦都比較出牛三角胸油香豐富，加埋店員推介醬汁，真係好正亦神奇地唔會太膩趁仲有啲油 我地就落埋菇盛會加埋佢地自家製鹽 正啊💕🥢普洱咖啡呢個係Menu冇嘅話說我哋食完主食之後，店員就俾咗呢一壺普洱咖啡我哋 話可以解膩 因為我哋兩個都係唔飲咖啡嘅，所以聽到嘅時候都有啲驚我哋唔係幾飲到🫢點知試完之後發覺其實茶味比較出，飲完確實係有解油膩嘅作用屋企人都大讚呢一點好細心👍🏻🥢甜品DIY甜品就過癮喇😝其實佢係一個抹茶雪糕嚟嘅咁佢準備好抹茶粉同水俾你，等你可以自己調配抹茶醬，揀返一個適合自己嘅濃度咁當然啦，自己落手落腳玩又再開心啲嘅🥰小店真係唔同啲feel到佢哋好有心做，同埋店員嘅服務真係好好對每一個菜式都有好深入嘅了解，同埋詳盡嘅介紹呢一啲係連鎖嘅舖頭入面真係比較難遇到總括而言，今次嘅體驗都好滿意，臨走仲有得抽獎，拎咗張優惠券，下次可以再帶朋友嚟試喇🤣…Read More

<石一燒> 📍九龍城🔸區內街坊，推薦燒肉小店 🤓🔸Cheat day高質燒肉之選Today is CHEAT DAY!!! 戒口食得咁清淡，一個星期一日cheap day都唔係好過分啫 😆😆😆 朋友仔帶我去佢地頭嘅一間燒肉店偷食 🔥🔥🔥 Kekeke~ 尊上の2人前 ($598 + 10%）套餐包咗好多個courses，先有爽脆沙律菜 🥗，然後有櫻花蝦麵豉湯 🍲，仲有三色前菜，當然唔少得主角燒肉啦 🤭🐷日本佐賀縣名水豚豬梅肉 — 專門肉食落夠肥美，又有彈性，對得住我嘅cheat day！🐮美國頂級牛小排 — 雪花級牛小排，食落唔會有根、啖啖肉，食得好滋味過癮。🐏 英國羊西冷 — 羊肉唔算太臊，食落鮮味十足 👍🏼餐廳好細心，肉嘅拼盤會附上雞髀菇同本菇，俾我哋喺間場嘅時候都可以燒吓解油膩。最後令我哋最驚喜嘅，就係佢嘅儀式感抹茶雪糕啦！！！其實真心冇諗過咁大陣仗，餐廳提供抹茶粉俾我哋自己DIY 💚💚💚 真係好過癮！…Read More

朋友生日飯 在九龍城食日本燒肉呢間燒肉店《石一燒》都幾隱世2人前定食都只係六百幾就可以食到石燒和牛日本料理仲要食到和牛 餐廳的木系傢俬給人好日系既感覺牆上仲有好多日本清酒簡介重點係個vibes 餐廳在九龍城的角落以小店形式經營 自成一角既氣氛自己燒肉自己燒燒下傾下就食左兩個幾鐘慢活人生vibes 我鐘意 極級2人前定食 //前菜三品//擺盤超靚呀 有三款漬物三款都好好食 //沙律//二人份好似四人份甘勁大盤無錯 係用盤形容非一般餐前沙律的份量沙律菜超級新鮮特別係有羽衣甘藍感覺好fresh好健康加左胡麻醬同木魚絲 開胃又健康//櫻花蝦味增湯//大癲的味增湯!櫻花蝦多到覆蓋了整碗湯都不特止 味道既鮮又香仲有本身味噌湯的海帶同豆腐櫻花蝦的海鮮味加上味噌湯本身的味道 很出色//16oz 和牛盛//到主角出場了極上二人餐分別有兩款日本和牛同一款澳洲和牛 店員介紹三款牛肉由左至右食1. 九州A4和牛上前腿肉2. 澳洲和牛封門柳3. 九州A4和牛三角胸將牛放上熱石上燒前後兩面輕輕略燒十數秒可以自行燒肉汁、自加黑椒、岩鹽/自家鹽調味 九州A4和牛上前腿肉雪花分布最平均肉質鮮嫩有少少脂香 澳洲和牛封門柳油脂少一點 牛肉味重一點鎖住肉汁 牛肉味較濃郁肉質實在 牛味比較出而且有咬口 九州A4和牛三角胸 重點之中既重點豐富牛油 油脂香味 入口即溶 套餐會包含兩個飯朋友不吃飯 所以其中一個我地加錢轉左做稻庭烏冬豬骨湯湯底的烏冬呈奶白色入口煙煙韌韌 燒肉來說 個人中意配飯素可以搭配 又得😆😆 烏冬 （飯素加錢轉）//菇盛會//除了三款燒牛 仲會有菇盛會中和一下燒肉的肥膩感有白菇同大啡菇 細心的店員教路燒完牛肉的油脂再燒菇會令牛味滲入菇入面更為入味我地再加上了燒肉汁炒超正 最後甜品有滿滿的儀式感的抹茶醬加雲呢拿雪糕供客人自行調配的抹茶醬餐廳會分別有抹茶粉及水上桌可自己加水製作抹茶醬倒入雪糕上變成抹茶雪糕 打卡一流埋單時仲比左優惠括括卡 好特別括到下次食極上2人餐有優惠呀 正!…Read More

-石一燒🍽️-尊上の2人前 $598-沙律🥗竟然係用一一大個鐵盆裝好似食buffet咁🤣除咗有麻醬仲有木魚！-櫻花蝦味噌湯呢個湯一見到真係嘩一聲鋪滿哂櫻花蝦勁香😌連味噌湯都咁有誠意🥹-前菜 炸鮮奶/蟹柳/帶子裙邊未去到主菜都飽左一半🤣擺盤勁靚！竟然會有炸鮮奶勁好味😋帶子裙邊個調味都唔錯👍-日本豬梅肉/美國頂級牛小排/封門柳當日冇哂羊不過都好小編唔食羊既😂用熱石燒都唔錯可以慢慢一塊塊燒😌豬梅肉同牛小排都唔錯可以配埋佢個自家制鹽👍跟餐仲有味素飯/稻庭烏冬真係唔洗驚唔夠食丫🤣-甜品 抹茶雪糕佢每一道菜都勁有心思🥹連甜品都俾你自己DIY整抹茶🍵倒落雪糕度食😋另外仲有焙茶咖啡☕️勁特別😍-🌟評分:🏅🏅🏅🏅🏅📍地址: 九龍城啟德道55號AVA55地下6號舖-…Read More

𓈋 𓈋 𓈋九龍城舊區活化，愈來愈多不同種類的高質素食店。近日意外發現了一家性價比高的石燒專門店！點了一個「尊上の二人前套餐」（$598），套餐已包括沙律、前菜三品、味噌湯、石燒三款肉類、飯和甜品。餐品應有盡有，可算是非常豐富！𓈅沙律本以為是外面常見的一小碗size，豈料是一大盤。小驚喜！𓈅前菜（三品）有皇帝蟹柳、唐辛子帶子裙邊、炸日本牛乳卷，特別喜歡炸日本牛乳卷，香脆清甜又熱辣辣，很好吃。𓈅櫻花蝦味噌湯櫻花蝦的數量多得驚人！令平凡的味噌湯多了一層濃厚的鮮味。𓈅日本佐賀縣名水豚豬梅肉名水豚出產自九州佐賀縣的高山牧場，被譽為豚肉中的和牛，甘香油潤，入口即溶。𓈅美國頂級 Prime 牛小排牛小排肉質結實，帶點筋膜，油脂豐富，牛味濃郁。𓈅澳洲和牛封門柳 封門柳是牛的橫膈膜肌肉，脂肪不多但肉味香濃，非常好吃。𓈅炭燒咖啡最驚喜的位置來了！吃過燒肉之後，還沒有上甜品之前，店家準備了炭燒咖啡給我們清清口腔的肉膩感，的確是非常貼心之舉動。而且咖啡不會太濃，反而有一種淡淡的焦香味，我非常欣賞！𓈅抹茶雪糕是日甜品是一個雲呢拿雪糕，客人可用茶筅刷出抹茶再澆上雪糕上，既可自行調校抹茶濃淡，亦有儀式感。整個套餐菜色豐富，體驗到店家的用心編排。店員招待有禮，整個用膳過程非常滿意，值得再訪。𓈋 𓈋 𓈋…Read More

今次食呢間石燒牛從前菜到甜品都好驚喜🥰位於九龍城的一角，隔離有個巴士站，好十幾條線，搭巴士好方便。餐廳環境好舒服，係木系日式的感覺。我地叫左個尊上二人餐（$598）前菜有一大盤沙律菜仲有個甜酸辣併盤，個炸牛奶好驚喜，脆卜卜的外皮，一咬即融，就食到入面軟綿綿的牛奶。酸呢就係個醋醃蟹柳，酸味味好開胃，個蟹柳食到一絲，係高級蟹柳，仲有個辣係帶子群邊，個味做得啱啱好的辣，仲有彈牙爽口的群邊。個櫻花蝦味噌湯係滿滿的櫻花蝦，足料夠味。主角出場就係豬梅肉，封門柳同牛小排，肉質靚，好食，餐廳仲有自家製鹽做調味，燒野菜菇菇，尤其係啡菇，都好好食。諗住個驚喜已完，點知甜品都有驚喜！原來係自己搞抹茶粉，再倒入個雪糕。個雪糕偏甜，加上抹茶汁帶甘，有得玩又有得食！…Read More

到訪小店嘅時間較早，所以人流唔多，可以慢慢享受用餐時間～主餐後嘅甜品時間更有驚喜，另外仲有刮刮樂，可以得到優惠供下餐使用，又有啤酒速飲嘅挑戰，可以得到各種不同嘅用餐體驗。極上和牛盛會二人前 $698🔸沙律：生菜以外仲有羽衣甘藍😮，簡單灑上木魚絲及芝麻醬作調味，醬汁份量稍多，改配柚子醋會更清爽，更適合配搭燒肉。🔸櫻花蝦味噌湯：櫻花蝦份量超多，鋪滿味噌湯面頭；味道唔會太濃太鹹～🔸前菜三品：前菜有炸牛乳（甜）、柚子蟹柳（酸）、帶子裙邊（辣）；店員建議以甜酸辣嘅次序品嚐，的確酸味可以化掉炸牛乳嘅油膩同甜膩感，與辣味道起增加食慾。🔸和牛拼盤：二人前共有三款和牛，「日本九州A4和牛上前腿肉」豐滿油脂，勁軟腍腍；「澳洲和牛封門柳」較有咬口，而且充滿肉汁；「日本九州A4和牛三角胸」有筋，比起上前腿肉更油潤，配上淋左燒肉汁嘅白飯或者湯烏冬食啱啱好👍🏻。燒肉汁以外仲有岩鹽、黑椒同埋由花椒、胡椒、黑椒、辣椒等調配嘅自家鹽，所以燒肉味道唔會單一。🔸菇盛會：菇類有兩款，建議係上前腿肉或三角胸後食用。🔸普洱咖啡：餐飲以外原來仲奉有咖啡，咖啡唔算太苦，略帶酸味，帶有普洱嘅香氣，十分解膩，口腔內嘅油膩感可以話完全消失，呢個安排的確唔錯。🔸甜品：到甜品時間啦！估唔到抹茶雪糕係自己沏完抹茶之後淋到雪糕上，果然配合店家提倡嘅慢活生活～…Read More

🦖石板燒日本料理 高質牛肉大盛✨九龍城除左食泰國菜，仲有好多間高質小店👍🏻今次試左一間左石板燒日式燒肉，質素相當唔錯！✨尊上燒肉2人前（$598）可以食到三種肉，油脂分佈/牛味各有特色～店員提議由淡至濃嘅順序開始食：日本豬梅肉、澳洲封門柳、美國頂級牛小排，大滿足🥰石板燒嘅好處係可以自己控制牛肉生熟度，達到最理想狀態✨前菜是日前菜係炸餃子、皇帝蟹柳同辣帶子裙邊炸餃子好有驚喜，炸得外脆內軟，加埋甜辣醬汁超開胃皇帝蟹柳配柚子汁、辣帶子裙邊好新鮮，微辣好味～✨ 櫻花蝦味噌湯+沙律味噌湯非常濃郁，蝦嘅份量相當多；而沙律菜好新鮮，日式芝麻醬好開胃✨主菜重頭戲‼️拼盤有三款肉分別係：日本豬梅肉、澳洲封門柳、美國頂級牛小排豬梅肉味道油脂比較重，冇豬騷～封門柳肉味最濃，脂肪比較少，一d都唔韌，仲好軟腍而我最中意就係牛小排，油脂分佈好靚，入口即溶完全冇筋！食到中段開始有啲膩，可以燒吓蔬菜菇類～加埋啲燒肉汁落去，味道唔錯✨普洱咖啡+甜品普洱咖啡好好味😋味道夾，茶具都好精緻～而甜品真係100分，本身我好中意抹茶茶味非常濃郁，綠茶控必試👍🏻…Read More

這間在啟德道的石一燒和牛餐廳,毫無疑問是一個難能可貴的寶藏。這家餐廳不僅充滿了日式的氛圍,更是以對待食材的極致講究著稱。從開胃前菜到主菜,每一道菜式都精心設計,令人讚嘆。特別是那道"極上の二人前",集合了炸牛乳、皇帝蟹柳和辣帶子裙邊等精緻前菜,為整頓餐點揭開了完美序幕。接下來的沙律和味噌湯,更是為主菜鋪墊了完美的過渡。而主菜的主角--九州A4和牛三角胸和上前腿肉,在石頭上慢慢燒烤,散發出誘人的香氣,口感極致鮮嫩。配以精心挑選的大啡菇和日本什菇,更是增添了層次感。最後,甜品自製抹茶配雲呢拿雪糕,為整頓大餐畫上了完美句點。這裡的服務人員也十分親切,樂於為每位客人提供細緻周到的服務。總之,這家餐廳絕對值得一試,是一個難得的美食推薦。…Read More

九龍城🚇呢間石一燒為處於一條比較清靜嘅街道☺️，係一間裝修簡約清雅嘅小店🥢，佢哋有多款套餐選擇，💰性價比亦都唔錯。我哋揀咗個極上🇯🇵和牛盛會の2人前，包咗餐飲🍹、一大盤新鮮嘅沙律🥗、前菜三品（蟹柳、帶子裙邊同埋炸鮮奶🥛）同埋落咗勁多🌸櫻花蝦勁鮮味嘅櫻花蝦🦐味噌湯。呢個餐主打嘅🐂牛拼盤有日本九州🏯A4和牛三角胸、日本九州A4和牛🥩上前腿肉、澳洲和牛封門柳同埋🍄菇盛會，極之高質豐富。石燒爐🔥火力十足；三角胸油脂豐富入口鬆化😍，脂味滿滿；上前腿肉入口好嫩滑😋，油花均勻；封門柳比較有咬口🤤，牛味濃郁。個餐配埋紫菜飯🍚，亦可以加15蚊轉豬骨🥣湯底烏冬，配上和牛一齊食🤩十分滋味。餐廳仲送咗一壺普洱咖啡☕，茶啡味香濃而且好夾，😝出乎意料咁好飲。甜品方面係雪糕🍨，特別之處係配咗抹茶粉可以加入雪糕，亦可以加少少水做成🍵抹茶醬加入雪糕一齊食，滿足感十足👍！食完仲有得刮卡🎁抽獎，我就刮到指定單點🍖肉品1份半價，下次可以再來用，😍正呀！…Read More

九龍城唔係淨係泰國嘢出名，都有高質燒肉店✨今次同朋友揀左石一燒嘅極上和牛盛會2人前，可以食到三種和牛🐮，三種和牛嘅油脂分佈/牛味各有特色，店員提議由淡至濃嘅順序食和牛前腿肉、和牛封門柳同和牛三角胸，身為和牛控嘅我超級滿足🥰🌟極上和牛盛會2人前 $698🌟🔅沙律+櫻花蝦味噌湯沙律🥗翠綠新鮮，櫻花蝦🦐味噌湯蝦味濃郁，食完胃口大開!🔅前菜(三品)是日前菜係炸牛乳、皇帝蟹柳同辣帶子裙邊。炸牛乳有驚喜，炸得外脆內軟，一啲都唔油膩😌；皇帝蟹柳同辣帶子裙邊都好新鮮，帶子裙邊帶咬口，微辣開胃🤤🔅日本九州A4和牛前腿肉和牛嘅油脂分佈平均，食落幾乎入口即融🥺，可以用醬油/岩鹽點黎食，仲有隻自家調味嘅鹽，點牛肉食提升味道，勁夾💯.🔅澳洲和牛封門柳牛味比前腿肉更加突出，脂肪較少，肉質較結實，個人覺得燒到帶點焦香就最好食😝.🔅日本九州A4和牛三角胸油香豐富，入口軟腍，話係齒頰留香一啲都唔誇張🫶三種牛都好高質🔥.🔅豚骨白雞湯烏冬飲落係濃厚嘅豬骨味，烏冬係帶韌勁嘅口感😗店員仲送左普洱咖啡比我地解一解膩，估唔到普洱同咖啡係咁夾，茶具都好精緻👏最後甜品有雲呢拿雪糕🍨，仲可以加水落抹茶粉自製抹茶汁，隨個人喜好加落雪糕度食，雪糕上仲有粒粒果仁，誠意100分🫶…Read More

今晚同家姐食飯，搵到一間超好食的燒肉😍雖然位置有d隔涉，但好值得去！叫左個二人套餐$698，套餐好豐富：有前菜三款、沙律、味增湯、三款牛菇盛會、飯/烏冬、甜品同飲品。我欣賞呢間餐廳由前菜已經開始見到好花心機，而d牛牛好好味，食得出係有質素，最後仲可以玩埋茶藝。前菜三品👉🏻炸鮮奶入口即溶，奶味突出。辣帶子裙邊搭配麻辣醬汁好惹味，而蟹柳酸酸甜甜好開胃。🥣櫻花蝦味噌湯櫻花蝦密密麻麻，好香蝦味，非常有特色。我飲曬。🐮呢個燒肉有三款肉，份量好多，A4和牛油脂爆棚，入口即溶，而封門柳就好juicy😙😙☕️普洱茶用來解膩一流。🍜稻庭烏冬手打烏冬好有咬口，連個豬骨湯底都好濃味，有心機！🍵日式甜品我超愛綠茶，所以好期待呢個甜品。將水倒入綠茶粉攪拌成綠茶漿，再加入雲呢拿雪糕，綠茶粉茶味非常濃郁，雲呢拿雪糕有粒粒雲呢拿籽，超好味，綠茶控必試。最後！有得抽獎玩刮刮樂，我地中左一支酒💃餐廳樓底高，好舒服。…Read More

位於九龍城嘅石一燒，樓底高，內部環境舒適。晚市有唔同嘅燒肉套餐，可以按照對牛嘅level揀唔同價位嘅set dinner 今次試咗$698二人餐嚟講有好多嘢食😳 一開始會有一大盤沙律，然後有三款前菜同櫻花蝦麵豉湯。食到咁上下就到戲肉，就係上個燒石同靚牛! 牛嘅油脂分布都幾靚仔，由油份低開始食，食到最肥美嘅和牛上前腿肉真係可以撈隻碗白飯! 食完之後就會上普洱咖啡，，有好濃嘅普洱茶味再輕輕有咖啡㗎after taste，幾得意，不過驚瞓唔着嘅我，淨係飲咗兩啖，晏晝飲會適合啲。雖然舖頭有好多進步空間，但係絕對睇到係有心機做，嚟開九龍城就支持下啲小店啦~…Read More