知延屋

老表剛去完台北一行，話有啲拌手禮醒俾我，順便約出嚟食餐飯，佢就我，所以，就過到嚟中環呢邊聚一聚，中環食飯一向唔易搵位，故此走上少少嘅「歌賦街」，到訪「知延屋」食餐日式丼飯。雖然門外有少少人等位，但剛好上一輪嘅客陸續離座，我哋好快有得入。裝修簡約，但一室深色木系枱櫈，加上牆上吊燈，有種日式嘅懷舊風；枱上嘅玻璃杯，更喺滿滿日式復古風格。餐廳主打喺丼飯定食、鍋物定食，前者款式不少，並分唔同嘅份量，豐儉由人，後者有日式昆布柴魚湯或關東風壽喜燒湯可選，而每款定食都包咗時令沙律菜、日式醃菜、味噌湯同日本白米飯；此外，仲有啲滋味小食供選擇。溫馨一提，高峰時段用餐時限為60分鐘。雖然，所賣嘅都喺較傳統嘅日式丼飯、鍋物，但卻有幾款特調飲品，分為雪奶酩系列同梳打系列，彩繪圖片睇落頗為吸引，不過，我哋就無試。除上述嘅一人前，店家仲提供一款二人餐，包指定丼飯定食黑毛和牛丼套餐L份量、鍋物定食（2揀1）、小食（3揀1）、飲品（3揀2），做緊特價$370，計落真喺幾划算。炙燒牛肉丼定食 $108我哋都唔喺咩大食之人，所以，揀個M份量已經好夠。整份定食嘅外觀都幾靚仔，尤其碗丼飯，啲炙燒牛肉鋪到滿滿，打下成隻日本蘭王生蛋，加上一朵食用花同啲芽蔥，賣相別致。開開胃，先食啲沙律菜，襯上一橙一紅車厘茄，淋上柚子醋，簡簡單單，卻清新開胃。熱焫焫嘅味噌湯除咗麵豉味夠香之外，湯底更有少少昆布，味道幾好，食完個沙律再嚟暖和一下腸胃。日式醃菜方面，有本菇、泡菜同海帶，本菇富麻油香，泡菜酸香微辣，海帶爽脆鹹鮮，用嚟伴飯食真唔錯。而啲炙燒牛肉真喺好正，肉質本身已經好嫩滑，經過炙燒，有少少焦香之餘，逼出更出油份，感覺更富油香，拌勻隻雞蛋，沾滿蛋漿嘅牛肉就更加滑口；此外，將啲蛋漿拌飯食，除有蛋香，令本身帶黏糯嘅日本米味道更豐厚。宮崎黑豚肉、日式昆布柴魚鍋定食 $138老表份鍋物定食睇落都好吸引，宮崎黑豚肉大大鍋，份量真不少，而且，啲豚肉好嫩口，又唔會話好肥，鍋底仲有唔少洋蔥、豆腐皮、野菜……等等，至於個昆布柴魚湯味道清香；加$15可以轉烏冬，老表話食得出烏冬唔喺平價貨，唔會有陣陣酸味，入口滑溜，咬落卻好有韌勁，且有麵粉香。餐廳嘅招呼都好唔錯，雖然有時限，不過，無人在外排隊，店員都唔會催客埋單。聽老表講唔少旅遊趣事，可惜放飯時間有限，不過，大家短聚一下都開心嘅，至少都知大家都別來無恙嘛！…查看更多

cozy Japanese cafe in Central, Hong Kong 🍲 @chiyinhk serves comforting donburi rice bowls and premium sukiyaki hotpot sets starting from $88‼️ warm nostalgic vibes with wooden accents, soft hanging lamps, and vintage floral glassware 🕰️ includes one round of refillable rice and sides 💫 香港中環日式丼飯鍋物小店 🍱 @chiyinhk 主打丼飯定食 高質鍋物，套餐$88起‼ 木質裝潢、柔和燈光、花紋玻璃杯，滿滿日式昭和復古風格 🕰️ 套餐還可以一次免費續配米飯及配菜 💫 🐟 蒲燒鰻魚丼 (M) HKD$138grilled eel rice bowl 鰻魚柔嫩 有四大塊 淡淡焦香 細微魚骨甜鹹醬汁 滲入米飯 時令沙律 清新酸甜西京味噌湯 溫潤甘甜 日式醃菜 清脆解膩🍲 日本黑毛和牛A4赤身 HKD$198 (+ $15 轉烏冬)japanese black wagyu A4 lean meat肉質細嫩 油花均勻 關東風味 壽喜燒湯甜鹹平衡 野菜拼盤 清甜豐富 稻庭烏冬滑順彈牙 滿足滿足 日式醃菜 清脆解膩📍中環歌賦街12號地舖 (various locations) 🇭🇰* …查看更多

今次同朋友嚟到中環呢間知延屋，專程試佢哋嘅美國安格斯壽喜燒，真係有驚喜！由店員幫手煮理，全程服侍周到，坐低就有種去咗日本居酒屋嘅感覺～主角安格斯牛肉一上枱就知唔簡單！雪花分佈靚到好似藝術品，油花均勻，色澤粉嫩。店員用關西風做法，先用牛油起鑊，再輕輕煎香牛肉，然後倒入特製壽喜燒醬汁。煮緊個陣已經香到全場流口水！食落第一口真係不得了！牛肉入口即化，油脂甘香同壽喜燒醬汁嘅甜味完美融合，肉質軟嫩到差唔多唔使咬～配埋日本雞蛋漿，更加滑溜順喉，個種濃郁滋味真係令人難忘！除咗牛肉，鍋底仲有吸盡精華嘅豆腐、大蔥同香菇，每樣配料都索晒湯汁，清甜入味。最後用剩餘湯汁煮個烏冬，圓滿收官！但以咁高質素嘅牛肉同埋專人服務，絕對對得起個價錢！牛肉控真係要嚟試下，保證你會愛上呢種幸福滋味～…查看更多

今次同同事放工去咗中環呢間知延屋，試咗兩款主打菜式，真心有驚喜！位置雖然喺鬧市，但一入店就有種去咗日本居酒屋嘅感覺～首先必試蒲燒鰻魚套餐！一上枱就聞到炭火香，鰻魚燒到金黃帶焦邊，魚肉肥美得嚟完全冇腥味。最正係個秘製醬汁，甜鹹度啱啱好，唔會蓋過鰻魚嘅鮮味。咬落去外皮微脆，肉質軟嫩到入口即化，配埋日本珍珠飯，真係忍唔住扒晒成碗！隨餐嘅鰻魚肝湯都好清甜，完美搭配。另一驚喜係宮崎黑豚肉壽喜燒鍋！用關西風做法，先煎香黑豚肉再加入湯汁。豚肉雪花分布靚到不得了，輕輕一灼就食得，入口即化仲帶淡淡甜香。個湯底調得恰到好處，唔會太鹹，蔬菜吸盡精華，豆腐同粉絲索晒湯汁，真係滋味無窮！食材質素同處理手法絕對對得住個價錢。侍應服務細心，會教點樣食壽喜燒最正。…查看更多

如果你同我一樣，係鰻魚嘅終極fans，咁中環呢間「知延屋」嘅鰻魚丼，你真係要搵日去試清楚！我敢講，絕對係近期食過最驚艷、最滿足嘅一碗，由賣相到味道都無得彈！成條鰻魚鋪到滿一滿，幾乎見唔到底下嘅飯，真係超有份量。鰻魚表面燒到帶啲金黃焦香，油光令立，仲有陣陣甜滋滋嘅燒汁香味撲鼻而來，未食已經心心眼！一啖入口！首先係個鰻魚皮，燒到微微香脆，帶住啲炭火香，一啲都唔韌。跟住就係嗰啖魚肉，嘩！真係不得了，肥美到一個點，口感極級軟嫩，幾乎係入口即化嘅感覺！佢個醬汁調得啱啱好，甜鹹度平衡得好好，唔會太濃蓋過鰻魚本身嘅鮮味，但又掛滿每一塊魚肉，食落超級惹味，真係食到舐舐脷！最正係佢個飯底，都絕對唔係配角！啲飯粒粒分明，軟硬適中，仲沾滿咗鰻魚汁，每一啖飯夾住一啖肥美鰻魚，嗰種豐腴嘅油香同醬香、飯香一齊爆發，個種滿足感真係難以形容，瞬間覺得成個人都幸福哂！…查看更多

行完一日中環，專登揀咗「知延屋」呢間隱世小店唞一唞，點知佢個美國安格斯牛壽喜燒一上枱，即刻成個人精神晒！個賣相已經贏晒，雪花均勻嘅安格斯牛肉片鋪到滿一滿，睇見都流口水。壽喜燒汁嘅甜香一滾起，即刻瀰漫成個空間。急不及待夾起塊安格斯牛，輕輕喺鍋裡淥兩淥，一入口，嘩！個種油脂嘅甘香真係不得了，牛肉嫩滑到差啲唔使點咬，濃郁嘅肉味同壽喜燒汁嘅微甜完美融合，每一啖都係極上享受！鍋底嘅配料一樣咁精彩。吸滿晒甜湯精華嘅豆腐同香菇，入口爆汁，蔬菜煮到軟淋淋但又保持到本身嘅清甜，同牛肉一齊食，簡直係天衣無縫！最後將個蛋漿撈入碗白飯，再淋上濃縮咗牛肉同蔬菜精華嘅湯汁，呢個終極食法，真係滿足到震！成個壽喜燒由頭到尾都保持住高水準，無論係牛肉嘅質素定係湯底嘅調教，都做得恰到好處。食完之後成個人暖笠笠，個種幸福嘅感覺，真係會令人念念不忘！…查看更多

在繁忙的中環，偶然發現這間靜謐又舒適的小店，彷彿穿越到日本的隱世小館。店內木系裝潢，柔和燈光，無論是午間輕食還是下班後放鬆，都非常適合。🥩 黑毛和牛A4赤身（昆布柴魚鍋）配烏冬湯底清甜、牛肉嫩滑，油花細緻得恰到好處，每一口都滿足感十足。湯頭帶有昆布和柴魚的天然鮮美，讓人一口接一口停不下來。牛肉入口即化，完美搭配爽滑烏冬，絕對是和牛愛好者的首選。🍛 炙芝豬扒咖喱飯外脆內嫩的豬扒表面炙燒過，帶來誘人的香氣，搭配上濃郁的咖喱醬，香濃而不膩，辣味微微襯托出肉質的鮮美。芝士的鹹香味增添了更多層次，讓這道菜成為心靈治癒系的最佳代表。雖然店內空間不大，但每一道菜都能感受到店主用心的準備。無論是份量還是價格，都非常親民，質量與價值並重。中午偷得浮生半日閒，來一碗暖心定食，真的是一種小確幸。🍃…查看更多

📍知延屋 Chi Yin House 最近成日都想搵啲特色嘅日料咁啱有日收工係中上環見到間木系懷舊風嘅日式料理今次要為大家介紹嘅係 - 知延屋知延屋係位於歌賦街餐廳個裝修設計係走日系懷舊風而且成個環境好ig-able食物個方面 個人大愛佢地個蒲燒鰻魚丼個燒汁好甜而且個鰻魚冇腥味 個肉質都鮮嫩除此之外 都點咗個豚肉壽喜燒鍋個壽喜燒鍋有勁多配料喺度個CP值超高有興趣既朋友仔記得bookmark定啦地址: 香港中環歌賦街12號地…查看更多

上環拉麵街居然有間不太起眼嘅日式餐廳！裝修超日系 我好中意✌🏻 而且坐得又舒服😌全部套餐都可以免費refill 醃菜一次🤘🏻非常好👍🏻！ 我好中意食醃菜！蒲燒鰻魚丼套餐有：時令沙律菜、西京味噌湯、日式醃菜鰻魚丼飯份量很足！！！還有醃蘿蔔食！三大塊無骨鰻魚食得好爽😄！！醬汁都很唔錯不會太咸！關東風壽喜燒湯美國頂級黑安格斯牛肉套餐有： 時令沙律菜、野菜拼盤、日式醃菜、日本白米飯我地有將生雞蛋倒入煲中！味道更好！或者大家將牛肉蘸生蛋汁也可以！！湯底不錯！果然有關東風格！！！黑安格斯牛肉很好味！牛味很重！…查看更多

最近在北角經開一帶，總聽到不少foodie熱烈討論一間日式餐廳「知延屋」（Chiyanoya），據說以野菜咖喱和和牛丼聞名，連中環都有分店，名氣不容小覷。趁著週末有空，決定跟朋友去北角分店試試這間話題之作，順便睇是否真如網上所說那麼吸引。二人餐（299）+服務費雙人套餐13種野菓咖喱飯雙人餐的主打是13種野菜咖喱飯，聽起來很吸引，特別是對愛吃蔬菜的朋友來說，感覺健康又豐富。咖喱端上桌時，賣相不錯，色彩繽紛，盤子上整整齊齊地放滿了各式蔬菜，包括南瓜、薯仔，蓮藕、茄子等，搭配一碗白飯同濃稠的咖喱醬。不過，入口後的味道卻有點讓人失望。招牌野菜咖喱偏甜，甜度有點蓋過了咖喱的香辣，整體味道比較普通，缺乏那種令人回味的層次感。對於喜歡濃郁或辛辣咖喱的人來說，可能會覺得這款咖喱稍為單薄，冇咩驚喜。L 黑毛和牛丼套餐（140g）另一道主菜是L size的黑毛和牛丼套餐，牛肉份量有140克，價格不算便宜。和牛丼端上來時，牛肉片薄薄地鋪在飯上，配上半熟蛋和視覺上挺吸引。牛肉質感尚算嫩滑，油花分佈均勻，入口有淡淡的肉香，搭配醬汁和飯吃起來都ok。不過，份量對我們來說只是「適中」，不算特別慷慨，對於大胃口的食客來說可能會覺得稍欠滿足感。整體來說，這碗和牛丼表現中規中矩，但以這個價位來說，性價比不算特別高。雙人餐小食吉列炸蠔雙人餐還包括小食，其中吉列炸蠔是亮點之一。炸蠔外層酥脆，內裡的蠔肉依然保持juicy，咬下去有濃郁的海鮮鮮味，油膩感也不重，算是整餐中最令人驚喜的一道菜。紀州蜜柑梳打蜜桃玄米茶北角的「知延屋」位於經開一帶，店面不算太大，裝潢走簡約日式風，木質桌椅和暖色燈光營造出舒適的用餐氛圍。整體來說，「知延屋」的雙人餐體驗有驚喜也有失望。吉列炸蠔是亮點，特別是炸蠔讓人意猶未盡；但主打的野菜咖喱和和牛丼表現只算中規中矩，未能完全達到期待。尤其在北角價錢偏貴，性價比不算高。對比起區內其他日式餐廳，選擇更多、價格更親民的店也不少。…查看更多

套餐有時令日本醃菜，椎茸酸甜，海帶脆口，泡菜微辣，每一樣都超級清新，不夠仲可以免費添！味增湯加大量油豆腐粒，暖胃非常。 鰻魚便當非常精美，便當一開香氣撲鼻，鰻魚咬落又軟又有油香，外面焦脆重有粒粒芝麻，配珍珠米超下飯。 片片醃蘿蔔在旁解膩，配搭得宜。另外我地叫左黑安格斯牛肉鍋物定食，配上壽喜燒湯汁。牛肉吸入湯汁再蘸上月見汁，嫩滑而又牛味濃。鍋入面仲好足料，大蔥冬菇雞髀菇旺菜夾極都有。稻庭烏冬彈牙，配湯汁好正。…查看更多

公司新請左個fresh grad 既女孩子，第一日我請她食個welcome lunch，餐廳係女孩子揀的。她揀得真係好好，性價比超高❗️加分✅餐廳裝潢溫潤舒適，裝修用左木系元素。小店位置唔多，但坐得舒服，傾到計既 👍我一打開個menu ，心諗咁抵既😂 百幾蚊定食，包哂沙津，湯，醃菜。成個presentation 好好👍我地都忍唔住係咁打卡🤭 可能我做左成朝野太餓，就咁睇，已經令我好愉悅😂🌟炙燒牛肉丼套餐炙燒牛肉，肉質細嫩，以醬油香、7分熟火候呈現，入口即化。配上生蛋黃，牛肉味更加濃郁且層次豐富。因為可以自己揀分量，午餐不會過量又能滿足食肉慾望 👍👍👍🌟美國安格斯牛壽喜燒鍋喜燒鍋選用美國安格斯牛肉，牛肉軟嫩、油脂分布均勻，壽喜燒湯底好夾，口感平衡 😋 鍋內配有白菜、冬菇、金菇、大蔥，份量超夠，好啱最近食得少菜菜的我 🤣 還有一份生蛋，點蛋醬後牛既味道更柔滑👍👍👍餐廳來講：木系裝潢舒適，不花巧，氣氛溫暖❤️野食來講：牛肉品質高，炙燒丼入口即化、牛味濃、蛋香加分；壽喜燒鍋湯底不太甜、蔬菜新鮮、牛肉厚切軟嫩😋價錢來講：我地2 個人食，總數加埋一都係$304 👍👍👍CP 值高❗️…查看更多

中環午市想食得安靜啲，走上歌賦街，呢間小店主打丼飯定食同鍋物定食，環境簡約木系，帶點日式懷舊感。份量可以揀 M / L / XL（肉量 120g 起），價錢親民，特別啱女生或唔想食得太 heavy 嘅客人↓ ↓ ↓𓌈 栗飼豚肉丼定食M size $108，有 120g 豚肉，肥瘦適中，口感嫩滑。定食配沙律、味噌湯、日本米同醃菜，柚子醋沙律清新解膩，味噌湯帶昆布香氣，細節到位。𓌈 炙燒牛肉丼定食M size$108，鋪滿炙燒牛肉，面層加日本蘭王生蛋同芽蔥，賣相吸睛。牛肉帶焦香又油香，拌蛋汁同日本米入口黏糯順滑，食落層次豐富。• ───────────────包丼飯 + 鍋物 + 小食 + 飲品，份量夠晒抵食。服務態度好，即使有限時，店員都唔會催客，食得舒服自在。• ───────────────…查看更多

放工同同事搵食，發現呢間隱藏中環小巷嘅日式定食店，裝修簡約木系風，坐得舒服～ 主打即叫即製丼飯，套餐份量十足，性價比高！😍🐷 炙芝豬扒咖哩飯邪惡度爆燈！豬扒即炸熱辣辣，外層脆漿超薄，咬落有聲脆卜卜🔥 最正他內裡除左肉質軟嫩多juice，仲有炙燒半溶芝士勁鹹香惹味，而家仲拉到絲添！ 日式咖哩甜香濃郁，撈埋日本珍珠米食，瞬間清碟！好彩可以免費續配菜同米飯一次，唔好晒左啲咖哩😋🫶🐮 日式昆布柴魚湯日本A4黑毛和牛赤身用小瓦煲上枱好靚，昆布柴魚湯底清甜唔會太咸，A4和牛赤身片到薄切，肉質柔軟油脂甘香，牛味濃郁💯 配埋蛋黃更加無得輸～套餐跟足配菜，除左新鮮沙律菜仲有時令日式醃菜，食落好開胃，無得彈呀！…查看更多

成日聽人講中環食飯又貴又唔飽，但今次同朋友喺歌賦街發掘到一間寶藏和食店「知延屋」，完全改變咗我嘅諗法！🥰 舖仔細細但環境好舒服，食物質素仲要超高🌟 M 蒲燒鰻魚套餐 (120g) $138我係超級鰻魚迷，一見到Menu有蒲燒鰻魚飯就即刻鎖定目標！🥢 味道口感： 鰻魚燒得啱啱好，外皮帶少少焦香，食落脆脆哋，但入面嘅魚肉就超～級～軟～綿！一啖咬落去，豐腴嘅魚油瞬間喺口腔爆發，完全冇泥味同細骨，真係做到「入口即溶」嘅感覺！🤤 佢個蒲燒汁係靈魂，甜鹹度調得非常完美，唔會太甜太膩，撈埋底下熱辣辣又粒粒分明嘅日本米飯，真係可以扒多兩碗！🍚個套餐仲跟咗麵豉湯、沙律同三款前菜，有我最鍾意嘅醃蘿蔔同木耳！🌟 美國安格斯牛壽喜燒 $168朋友就點咗個壽喜燒，同樣係誠意之作！一個熱辣辣嘅小鍋上枱，入面鋪滿咗安格斯牛肉片、豆腐、蔬菜、菇類，仲有一隻日本蛋黃俾你點牛肉，超正宗！🥩🥢 味道口感： 個壽喜燒湯底好清甜，唔會死鹹，陣陣鰹魚香氣。牛肉片雖然唔係和牛，但牛味都好濃郁，肉質軟嫩，輕輕淥幾秒就食得。最精彩嘅食法一定係點埋個蛋黃漿，牛肉即刻變得勁滑溜，口感層次即刻昇華！除咗牛肉，入面嘅豆腐同蔬菜都索晒湯汁嘅精華，尤其係塊紅肉蘿蔔，清甜得嚟又帶有肉香，好好味！…查看更多