影片
港铁坚尼地城站 C 出口, 步行约4分钟
继续阅读
电话号码
29049486
营业时间
今日营业
12:00 - 03:00
星期一至六
12:00 - 03:00
星期日
全日休息
以上资料只供参考，请与餐厅确认详情
相关文章
呢排天气比较差，特别系夜晚大风雨又热又湿，而且今晚喺西区呢边做通宵，真系好难顶~ 不过嚟得呢度对我嚟讲都有个期望，就系呢度有间好多人慕名而来嘅小店，就系《真滋味美食》。呢间舖头开咗喺坚尼地城，以前大学读书时，夜晚玩完、温完书都会去呢度几条友一齐倾下计食好西，隔咗咁多年仍然念念不忘。今日好彩落完雨，而且凌晨时间人流都比较少，平时要排成半个钟以上... 废话唔讲，去到第一时间落Order，佢呢度嘅名物一定系驰名烤鸡髀，记住系烤鸡髀!!! 除此之外，仲有好多小食都好大份而且好食， 系等候时间同老板都有讲有笑非常Nice。最后，就叫咗两只烤鸡髀同埋一份大鱼蛋，见到老板整每份嘅食物都好用心，证明咁多年屹立不倒系有道理。等咗大约十分钟所有食物都上枱啦~及后第一时间揸车返去舒舒服服开住冷气慢慢叹鸡髀。影完相就开餐，味道质素依旧。鸡髀外皮香口之余，由于有腌料关系烧出黎效果真系比起炸鸡髀高两班，最紧要系肉嫩多汁，而且鸡髀都有用心剪开，所以入面充满腌料嘅味道，童叟无欺~ 有机会经开西环一定要试。 另外食埋系长洲成名大鱼蛋，呢度嘅大鱼蛋落完单之后会帮你翻热，入口又系弹牙爽口，配合甜酱质素相当高。嚟得呢头除咗去海傍打卡影下日落之外，食埋呢间烤鸡髀后真心无悔。
继续阅读
最近两次都买左过百蚊小食，谂住当宵夜，点知换左厨师之后d鸡髀又干又柴，上一次以为佢失手，点知今日再去都系中伏。$33一只鸡髀唔系平，质素咁冇保证真系冇下次。除左鸡髀，部分炸物过左火都照出，今次d茄子直头食到有阵浓味。记得以前就算炸到过左少少火，偏干身都会同客讲唔好意思同额外补返，宜家个厨好似当唔知咁。虽然宜家个厨态度好过上一个，但系食物质素真系跌左太多，上一个虽然冇乜耐性，但出炉真系快靓正。以前觉得d游客经过都唔买系傻仔，宜家发现自己先系傻仔。
继续阅读
好几年无食过，记得以前烧髀好好食又香又Juicy， 今次谂住重温返，点知中晒伏。烧髀又干又硬， $33只完全唔值仲难食过普通街边𠮶啲舖头。 老细态度又差又唔耐烦，真系贴钱买难受。
继续阅读
是日西环游, 事前搜寻了这区的美食, 这店是其中一间热推, 便来光顾。小店四周大致是围封的, 只有付款的位置与外间相通, 大大降低食材接触车路灰尘的时间, 干净卫生。差不多12:45来到, 未见人潮, 看了看餐牌, 虽然食物款式不少, 组合蛮有弹性的, 唯事前已吃过, 不是太饿, 只叫了必食推介的驰名烤鸡髀和炸墨鱼嘴。本想另加一串炸鸡皮, 可惜姐姐告知炸鸡皮暂未有供应, 唯有只叫两款, 过过口瘾。购买流程畅顺, 没有遇上传闻中的不友善对待。两款食物交来时热气迫人, 即使由小店慢步至坚尼地城海旁的一段路程, 也降不了多少温, 享用时小心烫手烫口。驰名烤鸡髀 $33/只炸墨鱼嘴 $23/串炸墨鱼嘴肉质爽口弹牙, 调味十足, 净食的确是偏咸, 但绝对是鬼佬凉茶的良伴。驰名烤鸡髀手掌般大, 啖啖肉, 入口不干不柴, 有肉汁。鸡皮烤得香脆, 每啖均有蜜糖, 黑椒和孜然味, 有BBQ之感。
继续阅读
跟住餐牌点食物，到俾钱时价钱多于标价，影埋个牌俾佢睇，佢就系咁闹人，净系问你想点，唔知系咪觉得我系游客，当我讲明你个牌写嘅同收嘅价钱唔同，佢唔出声，咁样样胡乱收钱，仲要唔讲道理闹人。
继续阅读
您可能会有兴趣的...