真味鮮廚

假期同家人去飲茶，去咗間以為係新嘢嘅《真味鮮廚》，望到啲餐牌，cher！海港集團嘅！本身對海港嘅印象都唔係話太好，佢嘅食物質素嘅落差可以好大，今餐可以好好食，會期待下一次，但再次幫襯時，就差到唔想再幫襯，所以都冇話佢呢間唔同名嘅茶樓抱有好大嘅期望，但不來也來了，就睇下係好定差。我地點咗分幾次點咗14樣點心，最後嚟得13樣，其中一樣問咗兩次都係有落到單，真係摸不著頭腦。我哋最後食咗黑椒金錢肚、香煎蘿蔔糕、蟹籽燒賣皇、潮州粉果、蠔皇叉燒包、家鄉煎薄罉、鮑汁鳳爪、翡翠蝦餃皇、刴椒蒸魚雲、黑椒牛仔骨、金沙銀蘿腸、生滾鯛魚片粥、大豉汁蒸排骨。呢13樣嘢，「蟹籽燒賣皇」我真心覺得最唔好食，呢個係佢整得唔好食，佢冇豬肉味之餘仲要係有陣唔知咩味，酒味？定係啲肉變咗？感覺又唔似，同埋佢個皮係瘀瘀黑黑咁，一啲生氣都冇。另外一個我覺得唔好食嘅係「潮州粉果」，呢個係我唔喜歡佢個味道同質感，就同佢本身嘅製作無關。其他11樣係正常嘅點心嘅味道，要講驚喜嘅係有四款我一响唔食嘅兩款點心，一個係「鳳爪」，好少可覺得啲鳳爪好飽滿同好有骨膠原；第二個係「刴椒蒸魚雲」，我一向唔食咁多骨嘅嘢，我只係試下味，但最後有一半係我食哂。佢做到好惹味，雖然魚雲一定係多骨，但佢嘅香味係好難令人抵抗，有啲想知佢個汁係用咩嚟整；另外一個讚嘅係「金沙銀蘿腸」，雖然佢有啲似炸兩，但味道係唔同，佢係用腸粉包蘿蔔嘅春卷！ 蘿蔔粒清甜，加上春卷酥脆，而且份量都唔少，實在係好誇張。第三樣係「生滾鯛魚片粥」，咁怕食魚嘅我都覺得味道唔錯，鯛魚片有好多塊，仲要好大塊，肉質好爽同埋冇乜骨，呢個真心讚嘅。叫咗咁多嘢，諗住都唔平，連茶錢加一，埋單只係$403，比我地想像中平好多。…查看更多

最近這間酒樓在推廣外賣，乳鴿外賣只售$30港元，可選擇切件或全隻，加上$2膠袋及膠盒費用仍是十分便宜。在前檯付費後等了約十分鐘，問問前台職員，他主動走出來到廚房吧檯前幫我打包，及問我要不要一些醬料，我說要。於是，他給了我淮鹽及喼汁，很幫得手。午市時間酒樓十熱爆棚，生意很好。攞到上樓仍然是熱的，味道也不錯。…查看更多

呢間中菜廳由我搬到嚟坑口開始就成日幫襯我都幫佢影過好多食物靚相但係呢三年嘅退步發誓真係唔會再幫襯首先食物質素方面本身菜單有三頁紙而家變得兩頁變相小菜款式大幅減少以前有黑椒豬手煲而家都冇埋而且價錢不斷加價但係質素反而仲差咗以前食個小炒王盛惠$88 過完年之後加到$108 今次我同太太去食飯叫咗三個小菜包括小炒王 海皇豆腐煲 薑蔥火箭魷小炒王味道冇驚喜 一般操作海皇豆腐煲 今次係第一次叫完全冇乜味 唔知係唔係冇落鹽？最恐怖係薑蔥火箭魷食過呢味餸之後真係畢生難忘火箭魷係原條上入面條魷魚骨未清個墨魚囊仲喺入面所有內臟都係冇清第一條咬落去差啲俾條墨魚骨叉到個口流血初頭又唔知入邊啲嘢邊啲唔食得一次過咬 勁大浸內臟味 墨魚膽味成口咬到勁腥 諗起都痛苦回憶其實本身服務已經唔係特別好啲餐枱凳又污糟好似長期冇人清潔咁而家加埋價 性價比好低你話住得近都唔會去幫襯…查看更多

市區低食海鮮炒大蜆， 隻隻都咁大，好惹味😋😋😛😛象拔蚌刺身，非點不可，鮮甜😁 不過對食有要求嘅記得自己帶芥末醬，因為佢地提供嘅係獨立包裝啲化學芥末🤷🏻‍♀️🤷🏻‍♀️蒜蓉粉絲蒸蟶子又係必點，加埋碗白飯食👍🏻👍🏻👍🏻👍🏻香港獨有嘅海鮮😁長蟹蟹😋 新鮮， 唔使太多花考野…..啖啖肉😁 個蟹蓋可以加100蚊炒飯， 食得唔好哂， 不過個大認為炒得唔好食， 偏油， 所以我 建議個蓋就咁用黎送白飯， 好鮮不過好喊，所以就咁食喊好架😏…查看更多

服務麻麻的酒樓😞😞今日同屋企人一行六人去飲茶，幾個月無幫襯過，發現最近服務員表現麻麻😒😒，無帶位無招待，自己揾枱。我地主要叫左十幾個點心，蒸點心等一陣間先到，蒸點心熱辣辣，叫左燒賣，蝦餃，腸粉，排骨，雞扎，牛仔骨，小龍包😙😙燒賣肉汁不算多，蝦餃肉有份量，爽口彈牙，腸粉粉皮不算太粉，排骨咸味適中，肉質不會太鞋，雞扎入面有幾種配料，牛仔骨太咸太多汁，但肉質易入口，小龍包皮太厚，入面好乾😗😙…查看更多

同好朋友慶祝生日，梗係唔可以馬虎啦😉 為咗就壽星女嘅方便，呢日我哋嚟到 #坑口 「真味鮮廚」一試佢哋馳名嘅 #長腳蟹 同 #燒鵝，睇吓有幾巴閉。可能將近父親節，未夠七點餐廳已經坐滿食客，有咁嘅大場面，#小秘書 好耐都未見過👀我同 #首領 被指派負責揀蟹，不過大家始終都係門外漢，最終都係交比餐廳員工幫我哋安排😅 等咗大概廿分鐘左右，大大隻「清蒸阿拉斯加長腳蟹」送到我哋面前，師傅好細心，將蟹殼裏面嘅 #蟹膏 先撩起，再放入碗內，一啖一口蟹膏用嚟撈白飯🍚認真一流🤤 蟹腳同蟹身都係啖啖肉，爽口嘅肉質非常鮮味，絕對係無得輸🤤 食到一半，我哋先醒起之前叫落嗰隻燒鵝仲未到，細問之下原來經理根本無幫我哋落單😅 三催四請之下… 隻燒鵝終於嚟到我哋面前😅 肉質同調味都唔錯嘅，不過就唔夠熱，#燒鵝皮 都已經擺到淋晒，實在有啲可惜🙂‍↕️ 餐廳整體食物水準都算唔錯，係略嫌啲員工比較粗魯，個女員工為咗方便，由開放式廚房將成碟雞傳出嚟，誇過橫桿… 直接由我朋友頭頂上過，再轉手到另一個員工手上，只來都只不過係為咗放上員工用膳枱上… 唔講仲以為自己去咗大排檔添😅😂😂📍 #真味鮮廚 (將軍澳) 坑口培成路18號海悅豪園地下10號舖…查看更多

好耐冇去過呢間酒樓，以前都唔係好㗎喇，依家仲難食，服務又差， 個個樓面掛住吹水，畀咗張咭我哋，入到嚟又冇人帶位，咁大個場要人尋寶，入到來又一張中枱搭3檯兩位，冇服務冇招呼，都唔緊要了，但啲餐具又污糟，黐住曬啲嘢，啲嘢勁難食，鮑汁鳳爪，硬掘掘，個流心奶皇包都無嘢流， 個四寶雞扎，個魚肚都唔夠淋，唯一最正常係杯茶同埋個燒賣，本身都未夠飽都唔敢再點了，唔怪得啲人上哂去消費啦，服務業真係畀佢哋搞彎哂，呢間嘢無下次………垃圾！…查看更多

今日食母親節晚餐，媽咪一向鐘意去酒樓，所以就試下真味鮮廚😆7點入去都好快安排到座位，環境都算乾淨。蒜蓉蒸蟶子 $38@1 夠多蒜蓉，所以食落好惹味，粉絲吸晒味，而蟶子都新鮮，唔錯！龍躉兩味 $298西蘭花炒龍躉件魚肉一夾就散，不過魚肉份量算多，而且夠鑊氣，可以搭救。金銀蒜蒸龍躉頭腩魚肉略少骨多，不過食落有鮮味，下面仲有金菇同木耳。乾煸肥腸 $108夠辣👍🏻🌶️我最鐘意食辣，所以食得好過癮，同我一樣鐘意食辣嘅朋友仔，可以叫嚟試下，好香口，送飯一流！…查看更多

朋友介紹這間餐廳，上年已經食過、質素維持好好。今次年初六老同學晚飯相聚，食套餐、價錢雖然較平日貴咗、但碟頭份量非常足，食物質素👍🏻👍🏻乳豬味道唔錯，上枱時仍然熱蝦仁伊面，爽口及味道😋西蘭花帶子珊瑚蚌-有鍋氣髪菜好市瑤柱甫-味道頂瓜瓜😋鹽燒鮑魚🥰🥰竹笙海皇翅好味，我哋13 人都夠晒食🫶🏻蒸魚味道可以及夠滑，size 就較細🐠燒雞5太咸，肉質鮮嫩多汁我朋友最喜愛個糯米飯，粒粒晶瑩有咬口。忘記咗影相🤪最後大蟠桃包，為大家帶來甜意😍整體來講，這間餐廳值得光顧，另外今晚個侍應蓮姐服務👍🏻👍🏻，笑容可掬。…查看更多

一到年尾公司同屋企就會有好多團年飯飯團，食團年飯首選一定係中餐🥢今日介紹呢間係海港旗下餐廳，海港出名係燒鵝，今日呢個菜單係燒鵝x羊腩煲為主📍坑口 真味鮮廚我哋食咗8人餐：1️⃣原隻燒鵝 海港既燒鵝冇乜野可以挑剔，燒鵝半肥瘦，肉質鮮甜，唔會好乾同鞋。燒鵝都係最受歡迎既菜式之一。2️⃣羊腩煲加生菜羊腩煲唔騷，羊肉唔會太肥，支竹索晒啲羊汁好入味，飲埋個湯成個身暖晒。3️⃣蟹粉扒豆苗一上菜金黃色既蟹粉好吸精，超級大碟豆苗，大大啖蟹粉連埋豆苗一齊食好正。4️⃣芥蘭炒蠟味蠟味連埋芥蘭一齊炒即可以去左蠟味嘅油又可以去左芥蘭嘅草青味，另有一番風味。5️⃣日式鹽燒六頭鮑魚（8隻）鹽燒可以保留到鮑魚嘅鮮味，鎖實鮑魚嘅肉汁。道味恰到好處，唔會好咸。6️⃣咕嚕黑豚肉咕嚕肉酸酸甜甜好開胃，黑豚肉配咕嚕汁愈食愈好胃口7️⃣豉汁南瓜蒸白鱔白鱔肉質彈牙，啖啖肉。不過南瓜係底太油冇乜點食南瓜。8️⃣清炒河蝦仁河蝦本身肉質彈牙鮮甜，清炒可以保留本身鮮味，食左上面咁多肉，食返蝦仁感覺好清新。9️⃣番桃壽包最後配埋壽包做個完美結束8人餐燒鵝x羊腩煲💰1180 未計茶位加一，大家食到捧住個肚返屋企大滿足，真味鮮廚既餐大件夾抵食，食物質素都唔錯，除咗小菜仲有火鍋同飲茶。好岩一大班人聚餐。10分滿分）價錢：8/10味道：7.5/10環境：7.5/10 #hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #hongkongfoodblogger #hongkongcafe #explore #explorehongkong #坑口美食 #將軍澳美食…查看更多

真味鮮廚的海鮮蒸鍋 非常 好味，材料新鮮， 特別推介鮑魚， 扇貝， 黃花魚 及沙白蜆 。 最後配以一個 南瓜粥底， 味道絕配 。 唯一可惜的是菜用蒸鍋的方法 不太習慣， 但其他都很好。 但因為不太多分店所以建議先要book位…查看更多

{五個點心下午茶 - $130}麻甩佬鐘意飲茶，但可惜屋企附近真心無一間好味，呢間真味鮮廚真係算係坑口最好味果間，可能係海港集團嘅關係，食物質素有啲保證，樣樣食物都唔錯！同埋下午茶都好平！不過最衰係員工嘅質素！睇返食評原來好多人都嬲過！佢地犯晒茶樓最差大忌！一，明明大概吉枱仲有細枱，所有兩三位客一定要搭枱，問啲員工點解，佢會話「而家無人一陣都會有」🤬之後原來熟客先唔洗搭枱二，樓面員工不停同熟客吹水，開茶落單加水等等，差唔多全部要客人自己做返或者要行埋個員工度叫佢做先做三，食物賣晒或者根本無，唔會同你講，直到你埋單問個收銀佢先會同你講無雖然食物ok，但每次黎都係嬲住走！美味程度：😋😋😋環境指數：🎇番食機會：🦍🦍📍 #真味鮮廚 (將軍澳)將軍澳坑口培成路18號海悅豪園地下10號舖…查看更多

是一間壞了餐廳，員工在上菜的時候突然弄人家的頭不可容忍、、、、、、。我們每次來吃飯員工服務太度非常羞一星也不可彼。每次都很想投數，但是家人喜歡吃的以會一起食飯就來，所以不投數，但是這次很過分、非常離普。😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡…查看更多

海港酒家 坑口 真味鮮廚 👎👎👎當日食蒸氣石窩環境污糟, 食物質素一般, 份量與圖片差很遠, 經理態度差, 唔休做咁向經理查詢這是否$168西班牙黑毛豬, 為何與圖片差那麼遠. 他們回應賣了那麼久都是這樣的蟹是水的, 生蠔不是很新鮮還有殼, 其他食物都是一般…查看更多

見到門口貼左張海報做緊西澳龍蝦每斤$188💰好似都好抵咁就入左食啦。由於只呢個價只係用上湯焗冇伊麵, 酒樓經理就介紹左個海鮮超特價餐🤩有約斤半既龍蝦加伊麵就$368, 如果再配一款海鮮就$458。最後決定左叫呢個海鮮餐, 叫左蒜茸粉絲蒸北元貝4隻🐚原本以為兩個人黎講呢個餐應該唔會太多, 點知上菜見到大大碟龍蝦同4隻大元貝, 真係有D眼闊肚窄🫣唔知係咪平日6點就去食, 客人未係好多, 上菜速度好快, 龍蝦伊麵唔洗10分鐘已經上菜✌🏻龍蝦啖啖肉, 煮得岩岩好肉質唔會煮到靭晒😌伊麵就太碎每次夾起都係得幾條。蒸元貝上既粉絲好多, 仲有少少金針菇, 元貝都大大粒好新鮮🤩總結係兩個人食呢個餐好飽, 而且呢碟都有麵食, 飽上加飽🫨…查看更多