影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
一入去侍应已经同我哋讲：冬瓜茶同汤可以免费任饮嫁。我哋叫咗个真台客牛肉面小辣加沙茶酱是免费汤底味道唔错，就算加咗沙茶酱食完都唔会口干！牛肉好大嚿，够淋。个台湾面都够弹牙糖心蛋同皮蛋都系追加小食皮蛋个心软度做得好好真台客大鸡排配炸酱干拌面加糖心蛋 同蚵仔鸡排超大块外脆内软，上面有少少辣粉，好香口。干拌面都系有口感弹牙！追加蚵仔上边有啲酱，唔会太寡饮品叫咗冬瓜茶鲜奶不过本店有任饮冬瓜茶，只系小编心系冬瓜茶心个汤好清有蛋花同埋紫菜，我饮咗两碗
继续阅读
由于店舖不近大街，路痴既我比较难找，如午市时间建议就要早少少到揾位，午餐时间比较人多啲。台湾美食当然想试一下牛肉面啦…味道尚可唔系特别好食，牛肉也淋的而咬。店内亦有免费冬瓜茶（但本人对冬瓜茶一般，所以无饮）其实亦可以加购其他冻饮有不同选择，虽然加购是有优惠但整体本人就觉得偏贵。 再见到周边人都叫盐酥猪扒或鸡扒份量都几大，应该系最多人食既食物，相信好多人都为佢而来，下次都要试一试，细食既朋友建议 share食。
继续阅读
呢间铺我真系对佢又爱又恨😆，爱系因为佢门口对出就有标位，泊车好方便👍；恨就系……标位永远无位😒！所以都唔算成日嚟食，今次再食先勾回之前啲回忆，佢哋份量真系好大呀😍！好少系呢个价钱可以份量有咁大。首先讲下环境先，店铺唔算大，内有十几张台；装修就好有台湾感觉，台都唔算细张，就算带小朋友亦十分OK。😋邪恶套餐 ($60) :呢个套餐真系好邪恶呀! $60呢个价真系太邪恶啦！$60系包括有真台客大鸡排，呢块鸡扒同某台式炸鸡扒店的大小差唔多，人哋卖一块都要$40。鸡扒嘅台式味道虽然唔重，但仍然可以做到外脆内软。+一碗唔算细碗的卤肉饭 (饱同赶时间无食到, 外卖返屋企都够2个小朋友食)+ 一杯黑糖珍珠鲜奶，呢杯饮品单叫都要$28，所以呢个餐你话几抵呢😎!😋真台客牛肉面 ($60) +百香果绿茶 ($10)因为唔算太饿，所以只叫咗个面，佢有个8周年$88套餐都好似好丰富咁。汤底味道唔错，食完都唔会口干；牛肉都够淋，面就系比较弹牙嘅台湾面。而饮品呢，个名我唔太记得啦，只系记得比佢嘅容量吓亲，真系超!级!大!杯! 呀😆，呢$10真系加得值。(其实店内都有免费冬瓜茶任饮)😋秘制鸡脾+汤面因为经APP落单，又系当日优惠款，所以就试左。(不过个名同价钱我就……唔太记得啦~) 鸡脾又系份量十足而且嫩滑，配埋个惹味酱汁，小朋友都钟意。而个面就比较偏淋咗少少。虽然呢间小店味道上唔算惊人，但呢个份量呢个价钱，真系性价比爆灯呀👍!!!!以上为menu :
继续阅读
好耐冇食过, 以前成日去食, 不过原来荃湾分店执咗, 后来发现元朗仲有, 终于再食到. 😎以前最钟意食大鸡扒同盐酥鸡, 所以今次又食盐酥鸡便当. 😄盐酥鸡依然好脆, 啲皮唔厚, 鸡肉又嫰, 份量亦好多, 食完好饱好满足. 蜂蜜绿茶亦大大杯, 味道唔错, 下次可以再黎食.😛😛舖头外墙内店内布置都好靓好台湾,店舖亦提供冬瓜茶给食客自助添饮,好少仲有食店可以时大方, 值得一赞👍🏻下一次要试下佢地个牛肉面先.😛😛😛😛
继续阅读
👍🏻卤肉好好味，可能多肥肉关系，入口即化非常香，酱汁非常适合𩠌饭。蚵仔洒咗啲胡椒粉喺面，都食到蚝仔味嘅偏淡咁。另外有啲蚝壳碎冇洗干净。👍🏻萝卜生菜，煮得啱啱好，不太硬不太淋，食到萝卜清甜，好健康。👍🏻卤水蛋，卤过有卤水香好入味。榨菜，酸甜爽口。饭，都系煮得啱啱好。总结：推介指数⭐️⭐️⭐️⭐️喺香港食到台湾口味便当，56蚊黎讲咁多款𩠌都几抵食，口味偏日常住家饭，适合平时肚饿医下肚仔咁。
继续阅读