盤子工房

喺屯門 By the Tray 試咗幾款意粉同甜品，整體出品穩陣🍝 蟹籽蟹肉明太子忌廉意粉海味鮮明、醬汁綿滑，鹹香不過火，麵條彈牙🙂‍↕️ 溫泉蛋卡邦尼煙肉意粉偏濃郁，蛋香奶香同黑椒拿捏得好，不覺膩🤤 香辣番茄咸牛肉意粉嘅番茄底酸甜平衡，牛肉醬稠身有質感，辣度中等，愈食愈開胃🌶️ 盤子大早餐拼盤好足料，蛋夠滑之餘充滿黑松露嘅香氣、香腸同煙肉唔會太乾身，大啡菇同芝士番茄超juicy，菠菜芝士薯仔波好特別，外脆得嚟入面餡料滿滿，作早午餐好飽肚🥗 甜品試咗提拉米蘇牛角窩夫，外脆內軟、可可香突出，仲有一shot咖啡可以俾你自己滿滿加落去，整體甜度適中，收尾滿足‼️咖啡味道正正常常，冇乜特別，都算香濃☕️所有食物嘅份量都比較大，建議兩個人可以share一個主食+一個甜品～…查看更多

假日和太太去遠少少食早餐，她選了這間友人之前推介過的咖啡店，因不設訂位，所以決定早少少入去＇希望不用等太久。餐廳不是很大，好在轉流還算快，排第三也只是等了大概15分鐘，真好彩！叫了兩款早餐「班尼迪克蛋早餐」、「盤子大早餐」及兩杯飲品「美式咖啡」和「Flat White｣。兩款食物也頗有水準，值得一試。• 班尼迪克蛋早餐：熱香餅、煙三文魚、牛油果、溫泉蛋、芒果醬• 盤子大早餐：牛角窩夫、菠菜芝士薯仔波、黑松露炒蛋、豬肉熱狗腸、香脆煙肉、大啡菇、芝士番茄、煙三文魚、沙律返而兩款咖啡只屬普通！#班尼迪克蛋早餐 $148#盤子大早餐 $138#美式咖啡 $38#Flat_White $40#盤子工房 (屯門)地址: 香港屯門良運街3號建生商場地下125號舖電話: +852 65831388…查看更多

喺大圍都食過幾次By the O，今次嚟到屯門見呢間個Menu同By the O一樣，個名有幾分相似，同埋食完都覺得味道上差唔多，我諗都係同一間？😂 🦀 蟹籽蟹肉明太子意粉講返啲嘢食先！一定要試佢個蟹籽蟹肉明太子意粉，蟹籽比得極多！！而且個意粉煮得勁好食，每啖都食到好香蟹肉同明太子味，就咁睇個樣真係未必想像到有幾好食，要試過先知！不過小編本身都好少入屯門，所以之後應該都係食返By the O喇哈哈-味道: 8/10服務: 7/10環境: 7/10回頭率: 8/10…查看更多

🏡好鍾意呢間屋村內嘅小清新，裝修好有風格，打卡影相chill下都很可以！🍽️食物也非常可以！所以雖然要等位，間唔中都會嚟食。🍝蟹籽蟹肉明太子忌廉意粉 $108作為一般般鍾意明太子的me岀奇地欣賞呢個意粉，可能佢明太子味對我嚟講唔會好腥，🦀蟹籽增加口感，蟹肉味反而比較濃，配忌廉非常惹味，意粉軟硬度適中，非常掛汁，很喜歡！🍴盤子大早餐$138話說係佢令我鍾意咗all day breakfast，🥐最鍾意佢個牛角窩夫，香脆得來又夠邪惡，🍅芝士蕃茄香甜解漏，🥚黑松露炒蛋如果個蛋味鹹返少少會好啲，🥓香脆煙肉佢係堅香脆，唔會死咸，係好食嘅，🍄‍🟫大啡菇我都好鍾意，香得來又多汁，🥔菠菜芝士薯仔波我就一般般，🥙沙律量都幾多，菜就新鮮爽甜，煙三文魚我就唔食嘅🙈無法評論，整體份量非常大，次次都食得有少少辛苦，但係又會忍唔住叫…查看更多

呢間 café 喺屯門建生商場，環境舒服，有啲木系傢俬配埋植物，成個感覺好自然又有氣氛。啲植物唔係亂咁擺，係有心思咁襯返木枱木椅，望落去好舒服，坐低就唔想走。唔算好大，但坐低 chill 一下都幾正。今次試咗幾樣嘢，講下感覺：☕ 焦糖鮮奶咖啡上面有啲焦糖脆脆，幾香，唔會太甜。奶味夠，啡味都唔錯，好好飲。🍹 湯力啡 Espresso Tonic分層靚，影相打卡一流。入口甜甜地，唔似一般湯力水咁苦，幾易入口，味道有啲特別。🍝 黑松露忌廉意粉啲忌廉醬唔會太膩，啲菇好 juicy，黑松露味唔算好濃，但整體都幾好食，幾好啦。🥗 沙律（加牛油果＋煙三文魚）沙律有啲煙肉碎同脆米，口感幾好。牛油果足料，煙三文魚就少咗啲，不過整體都唔錯，食得健康又唔悶。整體感覺係：食物有心機，環境舒服，唔浮誇但有質感。…查看更多

約咗屯門frd子嘆個brunch，好似係下午一點左右時間，排隊人數都多，前後都排左半個鐘先入座！叫咗兩個主食、兩杯飲品，埋單$339。先黎 Egg Benedict 班尼迪克蛋早餐，賣相好靚，完全滿足打卡嘅心！兩塊鬆軟具厚度嘅班戟，再鋪上扭成花形嘅牛油果同煙三文魚，加埋溫泉蛋伴碟，呢個組合都唔錯。伴碟仲有燕麥脆脆，整體口感好豐富，鬆軟兼有咬口！煙三文魚或牛油果味道好fresh，幾夾班戟味道！然後再上香辣蕃咸牛肉意粉 掛汁一流，意粉好濕潤！再加埋芝士片、蕃茄同咸牛肉，成件事幾夾同埋辣味慢慢滲出黎，好開胃！我叫咗杯 Long Black，而朋友就叫咗 Handmade Caramel自家製焦糖鮮奶咖啡，淨睇樣已經岩打卡！焦糖會慢慢溶入咖啡中，口味幾特別，入口感覺苦中帶甜，整體香氣濃郁，值得一試！…查看更多

因見到鋪頭門口放滿了植物，門面感覺舒適寧靜。選擇坐了門口其中一個位置，店外風景是停車場，小學及輕鐵車站，進餐時覺得比想像中嘈。食物點了all day breakfast和咖啡，價錢和食物質素和預期想像中差不多，沒有大驚喜。店內女顧客佔九成，不時傳來談話的嘈雜聲，所以整體用餐體驗都好嘈。…查看更多

真係bookmark左好耐⋯⋯口碑好似一直都唔錯而weekend當日等左半個鐘估唔到得到史生認證 一直心心念念杯焦糖咖啡🤪 ❙ Egg Benedict 班尼迪克早餐 ❙ $148賣相滿分🤩近來大熱既熱香餅做底配上水波蛋 蛋液濕潤左煙三文魚 一齊食好夾而且煙三文魚一啲都唔鹹 我好欣賞😂另一款係卷到玫瑰花咁既牛油果 熟得剛好👍🏻仲有一堆granola? 口感非常豐富！！😬不過略嫌熱香餅有啲啲黏口另外有個小提議 面頭如果再灑啲楓糖漿可能會更加好食同埋好睇🤪 ❙ 蟹籽蟹肉明太子忌廉意粉 ❙ $108成碟份量唔少 蟹籽慷慨 蟹肉還好只要多醬就一定唔會差既意粉😋 ❙ Pink Pink Soda ❙ $45我好鍾意飲梳打🤣今次試左呢款石榴酸酸地梳打 老實講石榴就唔覺有 飲落就係酸酸地既soda大家可以唔洗試😅 ❙ Caramel Coffee ❙ $60去前做足功課 聽講呢杯焦糖鮮奶咖啡好得！咁我就力推比史生喇嘩！佢勁鍾意呀🤭苦中帶甜 無酸味 而我試過啲焦糖 我都好鍾意🤣果晚史生仲回味緊呢杯caramel coffee😌…查看更多

以前去親都係啲年輕既哥哥姐姐最近成日有個50左右既阿姐係到 佢應該都係老闆之一 啲態度差到完全無尊重可言呼呼喝喝黑口黑面排排下隊等位幾乎講到出口你鍾意就嚟唔鍾意你就走…佢其實係咪有精神病….平心而論 其實佢啲位都好迫呢野一啲都唔平係要收加一如果要咁睇佢面色既食完都背脊骨落…查看更多

在網上見很多人推介這間cafe. 而且見嘢食都好吸引,   所以有一天星期六出開街就專登渣車入屯門親臨貴店試一下商場是沒有泊車優惠的, 但都方便. 泊好落樓下便會見到小店. 門口裝修很美, 舒適.嚟一次都值得既.叫左杯出名既自家制焦糖鮮奶咖啡,  這杯咖啡非常特別. 加入此店整既焦糖, 不算太甜. 會自動慢慢溶入咖啡內.  都值得一試再叫了一個盤子大早餐.   賣相好靚. 但有少少失望係d嘢唔熱既. 或且有d嘢係預早整好左. 我期望係有少少熱既感覺,  窩夫夠脆口. 好吃.  整體賣相係好. 食都可以. 都係基本嘢咁囉. 打咭不錯吧. 意粉就叫了一客溫泉蛋卡邦呢意粉, 沒有叫最出名既魚子. 因小女兒不太愛吃. 所以點了這個, 這個吧, 正常發揮, 味道都幾好. 唔錯既.如果住附近. 坐下飲杯嘢, 傾下計係唔錯.   小店有點像快餐店形式.  先到店找好自己位. 就去櫃台落單比錢.  但會有送餐服務既. 整體都是一間用心既餐廳.  …查看更多

難得走入屯門,問左身邊既朋友有咩好食又打卡able既 cafe推介,最後揀左呢間By The Tray，果然最後都無失望呀;除左室內無位搞到要坐出面餵蚊之外都真係無咩 大問題1. A big breakfast 大盤子早餐 一上枱果下第一個諗法係咁大份食唔食得哂,好彩有人 同我 share個炒蛋好滑同埋真係勁多,同埋牛角窩夫 好食,啱晒中意食牛角包既我。2. Egg Benedict 班尼迪克蛋早餐 有齊另一半中意食既pancake、三文魚同埋 牛油果,pancake 好軟身同埋牛油果/三文魚一齊食 估唔到係咁夾。3. Handmade Caramel 自家製焦糖鮮奶咖啡 視覺加埋味覺既享受,睇住啲焦糖塊慢慢溶落去,一開 頭飲無咁甜到最後濃縮左啲焦糖既香甜,有別於出面飲 既焦糖鮮奶咖啡。4. Mocha 朱古力鮮奶咖啡 呢杯 Mocha 就比較普通,下次可以試其他新野。…查看更多

平時很少去屯門，沒想到屋村商場內也有這麼高質的Coffee Shop，除了食物好吃又好看，裝修也看得出來是有花心思的。𝐁𝐲 𝐭𝐡𝐞 𝐓𝐫𝐚𝐲 以自然木系為設計基調，擺放了各種的木製家具，T編特別喜歡店內的高腳椅子，上面刻有童趣圖案跟𝐁𝐲 𝐭𝐡𝐞 𝐓𝐫𝐚𝐲 logo，可見每件傢俬都是店主特意打造，搭配店內外的植栽裝飾，就如屋邨內隱藏的一片綠洲～🍳 𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 ——ᴇɢɢ ʙᴇɴᴇᴅɪᴄᴛ 班尼迪克蛋早餐 ▸看到隔離座位的人點了這款Benedict，擺盤看起來超好吃，便立即去點餐了！兩塊厚厚的Pancake上面鋪上溫泉蛋煙三文魚及牛油果，味道清新～ 配上燕麥脆脆作伴碟，絕對飽肚又滿足！ꜱᴘɪᴄʏ ꜱᴀᴛᴀʏ ʙᴇᴇꜰ ᴡɪᴛʜ ᴄʀᴇᴀᴍ ꜱᴀᴜᴄᴇ ꜱᴘᴀɢʜᴇᴛᴛɪ 香辣沙嗲牛肉忌廉意粉 ▸意粉賣相不太好（笑），但味道卻很不錯！沙嗲牛肉 x 意粉這個組合已經夠令人很好奇了，想不到味道也蠻夾的～ 茶記專屬的港式風味中和了忌廉的膩，味道微辣很惹味！…查看更多

好耐之前喺元朗同朋友食過一次，最深刻印象係佢杯焦糖咖啡，所以念念不忘再飲多次。今次同朋友黎左屯區呢間店，依舊都點左焦糖咖啡，明太子意粉，Nacho。呢到明太子意粉都好出色，個醬好creamy之外，上面鋪左大量魚子，食落每一啖都咬到一粒粒，好新鮮勁有口感，意粉質地仲非常適中。最期待既焦糖咖啡，仍然係有大大塊既焦糖脆脆，仲要自家製，對於我呢啲唔怕甜既人係非常之愛，咖啡味非常出。呢個墨西哥玉米脆片份量好多，每塊都沾滿芝士，同埋每一塊都咁脆。住喺附近既人真好，可以成日都食到，但都比較多人食，2點令打後會無咁多人，非常飽肚。…查看更多

隨意搵的一間coffee shop,都係抱住試一試的心態, 環境清靜, 店內簡潔, 入到去都係有一種好舒服的感覺, 試了兩款All Day Breakfast 都係好好味,而且還有素食餐,另外試了兩款特別的咖啡價錢尚算可以,而且90分鐘用餐時間亦十分足夠誠意推介…查看更多

估唔到屯門屋村商場入面有咁靚嘅木係Cafe 四周比園藝植物包圍 非常寫意 新裝修後嚟過兩次 兩次都要排隊等候入座!─ ⊹ ⊱ what we had ⊰ ⊹ ─ᡣ𐭩 香辣沙嗲牛肉忌廉意粉 - 4 / 5 $98估唔到茶記嘅沙嗲牛肉同意粉咁夾沙嗲牛肉份量多 同茶記食嘅沙嗲牛味道差唔多個汁好惹味但好辣🥵 (me唔係好食得辣 下次會記得叫小辣..) 不過岩晒重口味人士🤭ᡣ𐭩提拉米蘇牛角窩夫 - 4 / 5 $88Croffle口感好好 上邊嘅tiramisu份量啱啱好ᡣ𐭩 雙重芝士浴浴單邊雞翼 - 4 / 5 $62單骨雞翼本身微辣 有啲似m記嘅脆香雞翼 好鍾意佢面頭勁多芝士!! 仲有拉絲嘅效果🤭ᡣ𐭩 mocha - 4 / 5 $48 有別於一般嘅mocha 面頭又一層好濃厚嘅milk foam 口感更加creamy─ ⊹ ⊱ tldr ⊰ ⊹ ─沙嗲牛肉意粉中西fusion得好夾 食物質素以Cafe嚟講唔錯 價錢亦都唔會太進取味道: 4 / 5價錢: $ 100 - 200 pp服務: 3.5 / 5環境: 4 / 5cp value: 4 / 5re-visit: yess…查看更多