益記小館

今日同兩個朋友行過中環搵緊夜晚有咩食，發現依家附近樓上舖嘅新加坡菜就入去試吓。舖頭呈長方形，入到去冇乜人可能時間尚早，嚇親我哋。啲字好有中文感受，望落去全部都好好食，可惜我哋得三個人同埋唔係太肚餓，所以今次冇叫到。佢手寫嘅餐牌仲有特別款式，原來佢都會做私房菜，價錢都合理大約$480一位，如果屋企人住香港島附近認為值得嘗試一下。相信佢午餐時間應該好多人，中環嚟講算非常抵食，仲套餐附送飲品。我哋叫咗個二人套餐加配咗一個$30嘅喇沙，一小碗嘅喇沙湯大家米粉唔算辣嘅湯底都幾足料有魚卜魚蛋同埋一隻蝦，非常值得嘗試。例牌海南雞冇骨，而且唔係太肥，不知不覺三個人都食晒全隻雞，旁邊有少少青瓜，仲可以點海南雞醬食。呢個牛肉份量都算多，兩個女仔未必食得晒，酥餅一啲都唔富有有好多塊俾你撈牛肉同埋醬汁食，個牛肉仲要炆到好腍，啲肉好容易拆出嚟，如果你哋又叫飯建議可以撈飯食添個餐仲有兩碗肉骨茶，肉骨茶唔係藥味好重嗰隻，一盅燉湯好足料入面仲有豆卜同埋豬肉條。套餐仲包埋一個通菜，通菜好夠鑊氣嚟到嘅時候個煲非常之熱 朋友仲嗌咗杯酸梅檸檬汁，非常開胃，雖然我哋三個本身都唔係好肚餓，但係食吓食吓都食得晒，誠意推介大家去中環嘅時候一定要試吓間新加坡菜！仲有一啲海鮮辣煲同埋其他菜式，希望下次有機會再嚟試吓場地都好適合一大班人嚟食，傾偈都空間幾舒服。…查看更多

以前好鍾意呢間餐廳，不過都成年冇嚟了！今日又去咗食lunch，叫咗lunch set 喇沙，飲品係凍嘅薏米水。味道依然係唔錯，不過份量就越來越少，如果本身就唔餓嘅話就OK。如果本身好餓，應該食完都係餓！湯底好香濃，帶點小辣，新鮮的蝦肉質爽脆，魚片豆卜吸收湯汁後也很好吃，讓人很容易一口接一口的吃完整碗。價錢仲平過幾年前我成日食嗰陣，可能因為分量減左。依家$88已經連埋飲品，中環價錢嚟講都唔算貴。呢度環境係乾淨舒適光猛，約朋友黎食lunch都係一個唔錯既選擇！…查看更多

以為係新嘢，原來係Old Town 改咗名。味道一般，從未飲過咁淡、咁無料的肉骨茶！完全無藥材味，同中式豬肉湯差不多 😞😞另外的黑椒什麼什麼豬仔骨，完全唔入味，烚熟豬仔骨加個汁。份量少，$98一個餐真的不值。唔怪得比以前Old Town 少咗咁多人。無下次。…查看更多

Lunch time嚟食呢间新加坡菜，中午都几多人，要早啲嚟。Lunch set有海南鸡饭。有好大一碟海南鸡，鸡油饭，同埋肉骨茶汤。海南鸡鸡皮爽口，鸡肉嫩滑，唔使豉油都够味。肉骨茶浓郁，又好重嘅胡椒味，搭配油条好正宗。鸡油饭超大一碗，咸香美味。…查看更多

喺中環返工，一定要嚟呢度食晏晝。首先呢一定唔使排隊佢好多位置，就算等都係等幾分鐘就有位。呢度嘅午餐全部午市套餐餐都好優惠，而且選擇好多。經典嘅星加坡菜式，例如肉骨茶喇沙同埋海南雞全部都整得好好食。我最鍾意就係佢可以拼餐，例如半份喇沙加半份海南雞。或者半份肉骨茶加半份海南雞。令到我哋可以試晒咁多種美食。我嘅必須推介係海南雞飯加喇沙。佢嘅海南雞飯啲雞嫩滑同埋個油飯味道非常好同埋好正宗。喇沙方面呢，椰香味非常好，佢唔係辣嗰種。入邊嘅配料例如魚片同雞蛋都跟足咗星加坡咁樣，非常之正宗分量亦都非常好。中環食晏晝黎講佢嘅價錢10分公道。上菜速度都好快。平時一坐低叫完餐，食物會喺5分鐘入邊送到，啱晒趕時間嘅打工仔。跟餐嘅飲品有薏米水或者有得揀金橘檸檬。兩樣飲品都好好飲，配合佢嘅食物都係好襯。 …查看更多

海南雞飯拼肉骨茶套餐送飲品，我揀咗一杯凍薏米水$128 。在中環區價錢可以接受，套餐份量十足。有大概1/4隻去骨海南雞肉，皮脆肉嫩，皮和雞肉中間有層啫喱。油飯亦很香，食得出飯有米香，很少在外鋪頭可以有，細問店員得知他們餐廳是用金鳳米，的確很有誠意。肉骨茶是藥材風格那種，很濃郁。 整體來說十分不錯👍🏻…查看更多

Lunch, 今次第二次去食，第一次試左喇沙海南雞，今次試炒貴叼，普通正常味道，未至於好出色但都唔難食。但係服務態度差，由叫完野食送上枱食完，都唔夠30分鐘，飲品都未飲完就叫人賣單，感覺好差（係廢時同你一般見識，但心裡面鐵定唔會再黎。)如果訂枱時講明用膳時間30分鐘，ok既，起馬明賣明買。明白係要做生意，但係我唔覺得食30分鐘係好長時間，而又應該比你去催賣單，貼錢買難受，無下次，亦會叫身邊人唔好再嚟👎…查看更多

一般中午經過都會吃他們的招牌海南雞飯肉骨茶，已經光顧多年非常有水準。看到他們有一個很吸引的餐單，原來他們晚上推出了海鮮私房菜(需預訂）。馬上搵齊老友，試試佢。大家一向都喜歡食海鮮，而家一收工就可以係中環食🔟分方便。唔使迫入三聖邨，鯉魚門，西貢，諗起就驚驚。同行朋友喜歡吃龍蝦就加多個上湯龍蝦米粉底。上湯龍蝦煎米粉底非常出色呢個赤小豆粉葛煲鯪魚非常重要，個湯多到10用都要打包。個湯料非常之好味，豬踭肉煲到非常軟糯，咬落去一啲都唔油，雖然睇落去非常邪惡👿，但都忍唔住都要食多兩件點埋個辣椒豉油非常之今餐食得非常滿足，下次再試吓佢啲特色菜。大廚推介，意大利黑醋西班牙豬咕嚕肉，百花釀魚肚。可惜今次太飽食唔到。期待下次。…查看更多

中午點了酸菜魚套餐，裡面只有少少4-5片魚，3條紅薯粉。建議提高價格或者乾脆取消這個套餐，如果覺得成本太高，不然任何顧客吃了都只會不滿意。其他的套餐內容只有水煮米線跟一碗清湯、一杯薏米水。…查看更多

上星期五晚過中環搵食，有少少趕，但又貪心想食喇沙，所以快手搵左間食新加坡/馬拉菜既餐廳。入到餐廳個下一個人都冇，幾驚佢冇開。仲打定輸數要再搵另一間餐廳。原來係佢有客人包左場。好彩係仲有四五張檯俾walk-in。望落整體個場唔算好大，大約有十靚張檯到。海南雞飯基本上每次去到食新加坡菜既餐廳都一定會試既菜式。香港食到既海南雞套餐基本上都會有海南雞、雞油飯同湯。呢到既海南雞，雞肉嫩滑，雞皮爽脆，味道好。雞油飯煲得粒粒分明，不過個雞油味略嫌唔夠。至於個雞湯反而幾香。飲完亦冇話好口渴。整體個雞飯餐係好食嘅，係個雞油飯可以有進步既空間。喜愛度(5分為滿分): 4喇沙到最期待嘅喇沙，賣相顔色好靚。橙黃色嘅湯底夠熱夠濃厚。有好香濃嘅馬拉盞味道。椰漿帶出淡淡既椰香，令道湯底個味道平衡做得好好。配料有蝦，豆卜，同好多切咗條嘅魚片，份量都幾充足。配搭米線，食完個感覺好滿足。絕對係上佳嘅出品。喜愛度(5分為滿分): 4沙嗲口㾗叫左半打沙嗲串燒一試，雞、豬用各三串。第一時間食串豬。好食。肉質有彈性唔柴，燒得啱啱好。雞串就夠滑唔乾。兩款都有適量既調味。另外佢提供嘅沙嗲醬值得推介，好香沙嗲味不特止，啖啖都有花生增加口感，仲有少少腰果既香，夠晒惹味。喜愛度(5分為滿分): 4.5總括嚟講，味道好，可以話好過好多出名嘅名店。價錢係中環嚟講合理。下次有機會會試埋佢哋嘅肉骨茶同胡椒蟹。…查看更多

又到左中午食飯時間，有同事話想食海南雞，上網搵到呢一間。呢個套餐算有誠意，整體幾靚仔🌝仲可以優惠價加特飲。個飯睇落冇咩顏色，但係有味道，仲略略偏鹹。反而雞味唔算太濃，醬汁味道都唔算好好濃，個湯應該唔係味精湯，但係味道唔係太夠😂😂。$98 lunch 中環黎講雖然唔算好貴，但係呢間嘢可能太出名，出邊比較多人排隊，食完冇耐店員就過嚟急急腳收晒啲嘢，都唔係太好意思坐落去。整體來講，如果想食海南雞飯嘅話，可以試一試都冇壞，如果係對海南雞飯好有要求的粉絲，就可能會令你失望。🌝…查看更多

今次走進中環尋找一間星馬菜餐廳環境也不錯，座位寬躺選了一個套餐$128包括海南雞飯、肉骨茶及特飲海南雞很嫩滑，還有配上3款醬料可惜油飯不夠香油還有點硬肉骨茶味很濃，足料飲品：金桔檸檬很大杯，味道不錯整體很滿意下次會再光臨，試試其他食物😊…查看更多

中環午餐時間1:00左右去到唔洗等位就入得，一行二人一人叫左一個海南雞飯套餐。海南雞飯套餐-$98(3.5/5) 雞既份量夠，唔會太小，雞肉夠滑，皮有小小肥但可接受，係個飯唔夠油香，個湯都清甜，跟餐仲有埋杯野飲，要加一，中環黎講價錢正常，可以一試。…查看更多

無得去新加坡旅行，就去中環Old Town restaurant食正宗星馬菜，回味一下南洋風情。位置好方便易搵，喺威靈頓街，餐廳環境幾舒適，服務都好好。✔️海南雞飯$98雞肉嫩滑，油飯粒粒分明，仲配一碗湯。✔️新加坡喇沙$88湯底充滿椰香，蝦肉彈牙，米線爽滑。👍以上2款晚市套餐送薏米水或金桔檸檬。✨素春卷 $58脆卜卜，超好味嘅小食。✨肉骨茶 $108必叫嘅菜式，非常濃郁，落足料，而且可以無限添飲，好抵食❤️✨四大天王 $88炒得好惹味，有秋葵，西蘭花，粟米芯同茄子。✨黑椒鮑魚雞煲 $238有六隻鮑魚同埋雞件，黑椒味好香好入味。🧧🧨餐廳仲有提供新春盆菜同加配菜式，早啲訂仲有優惠，等我訂返啲食物同屋企人分享先👍👍…查看更多

下班同朋友吃飯，今次來試試The Loop裡的餐廳Old Town Restaurant! 餐廳主打星加坡和馬來菜式，海南雞、肉骨茶都少不了，仲有鮑魚、烤雞各種異國料理沙薑凍鮑魚凍鮑魚整的相當好，彈牙爽口，配上枸杞提味，相得益彰海南雞飯海南雞肉質很嫩，完全不乾硬，腿的部位很好食，配上薑汁的配醬，味道正宗，值得一試鮮蝦炒貴刁令人懷念的東南亞特色炒貴刁～表現不過不失，味道沒有油膩感總體而言，價格和份量都很合理，晚上客人比較少，位置不會太逼，適合中環放工與三五好友簡單晚餐的好去處…查看更多