皇朝私房火鍋

三五步一吉舖是師空見慣之事實，在唏噓的同時，亦察覺到香港食肆變得兩極化。友人抱怨老是訂不得某某餐廳，某某餐廳要輪候一個月，亦偶有食肆擴張的情況。「皇朝」算是逆市奇葩之一，猶如一匹叫人不感意外的熱馬，至少多年來自己、家人與及朋友對「皇朝」鍾愛有加，一直戰積亮麗！是晚跟加拿大回港的阿姨、姨丈與及家人同來，不經不覺這十幾年來，不常回港的阿姨已是第三次到「皇朝」。假如你也是海鮮迷，最愛欣賞原汁原味的海鮮，「皇朝」所挑選的海鮮配合蒸氣火鍋的純淨烹調，正好帶出天花板級數的海鮮鮮味。 種類繁多的貝殼類，在味蕾上印下不同層次甜、鮮和口感，儼如日本魚刺生，懂得欣賞不同的層次的美！當晚有阿姨最喜歡超甜的蝴蝶蚌、白蝴蝶蚌和姨丈愛吃鮮味的白刀貝等，統統都新鮮無比！差點忘記美味的糯米飯，免蒸得過火，待差不多時候便可以吃。未嚐其他海鮮前，先來一客炸魚片，佐酒一流。繼續夠厚肉夠爽甜的大蟶子。「皇朝」的海鮮來自不同國家，總之為你精選出最美的貨色，例如紐西蘭元貝。極之甜美好味的特大瀨尿蝦，令全家人也大感驚喜！爆羔、蟹羔香滑濃厚，蟹肉也來得一梳梳、爽口清甜的奄仔蟹沒有令我們失望。先前周旋在白蟹、花蟹和奄仔蟹中，不是足以證明白蟹和花蟹不好，而是做到羔肉共享的奄仔蟹，實在來得太完美了！再來「皇朝」自家醃製的鹹鮮馬友，享受細滑、肥美富魚香的魚滋味！原先考慮一整條會否太多，豈料不消一會全清了，阿姨隔天還念念不忘！姨丈說要來點蔬菜，切片的勝瓜放上小魚乾來襯托，不單可嚐到魚乾的鮮味，還能吊出勝瓜的甜香，十分好吃！不管有多飽，主食的雞麵是必吃！當雞油被麵條吸收，再添上「皇朝」自家辣椒油， 不讓海鮮專美的雞麵，即時展示威力！最後不忘品嚐精華所在的粥底，經過各式各樣海鮮的洗禮，又怎能錯過！臨走前，還要將人家福食的煎紅衫魚仔來分一杯羹，食神實在太過份，多謝多謝！誰不愛看百花齊放，一遍旺盛的景象喜，唯在大時代裡，經得起洪水猛獸打擊的食肆，代表其超卓實力的表現。無論如何，望香港食肆重新振作起來，不失美食天堂之名！…查看更多

同朋友慶生，唔係打邊爐就燒肉，食到悶悶地想轉下選擇。一經朋友推介下，就介紹左皇朝食蒸海鮮係土瓜灣區既後街，唔去開果頭真係唔會知有間隱世好食蒸海鮮食店。嗌左個粥底蒸海鮮套餐398一位，食到捧住個肚出門口，海鮮非常新鮮！最估唔到佢放個糯米飯落去蒸，糯米飯非常入味，入口軟糯！ 海鮮有貝類有魚有蝦，仲有靚牛肉。之後再蒸埋上海麵配雞件，又係超正。當然唔少得最後碗粥，精華所在！可以encore…查看更多

見到OpenRice零負評，所以帶埋屋企人一試，結果完全中伏…食物方面：當晚食咗蜆、蝦、瀨尿蝦、魚、蟹、聖子、糯米飯、牛肉、雞塊、面、粥底。全部無一倖免，咸到不得了。嗰隻鹹並非來自海鮮嘅嗰種海水鮮鹹味，而係來自鹽水味！唔知大家有冇試過生痱滋會攞鹽水漱口？當晚比鹽水漱口濃度更高嘅鹽水味，係充斥着全口… 好神奇地，無論我哋食邊款海鮮，佢嘅味道都係一樣，同一種鹹，並非鮮！！？除咗海鮮都特別想提及，牛肉及食評中好多人提及的「嫩雞麵」！我都幾肯定，話好食嘅人應該都真係冇食過紅磡另外一間名店，建議話好食嘅人去試一試，同埋可能真係要驗一驗腎指數😅 至於牛肉係茶餐廳沙嗲牛肉的難食版，佢已經醃到冇晒牛味…唯一食得落肚嘅，就係糯米飯，正常味，thanks god冇極度鹹。服務方面：正常，不過感覺人手不足。因為係員工幫我哋蒸，每張枱都會有個計時器，計時器一響，就要有人打起個蓋再夾俾食客。有時會係有幾張枱同一時間響，feel到有少少手忙腳亂，不過是可以接受的。衛生方面：經過醃製，我相信啲海鮮都應該唔會有太多菌，食完都冇肚痛嘅。不過餐廳地下就比較濕，有少少跣，老人家要小心啲。價錢方面：其實唔貴，不過難食到咁，性價比就真係劇低啦！其實佢唔需要好食，正常味，我都已經收貨。今次係我喺OpenRice打嘅第二篇食評，原因係實在頂唔順… 完全唔明點解係零負評，而且冇人提過個鹹字？？？因為我當晚有同隔籬枱陌生食客討論過，我哋兩台都覺得好鹹，我哋都唔明點解食評係冇人提及過？總括而言，如果你好鍾意濃烈版鹽水，鍾意咸到係有少少涸喉嘅，依間餐廳會推薦你去🫠…查看更多

今次係第一次到訪呢間餐廳，亦都相信係最後一次。體驗好差，最初，問服務員係咪有提供特定套餐時，同我地無餐牌，要我地出去自己揀海鮮。我地揀左幾款落左單，之後再問服務員點解冇餐牌，佢話坐房都係熟客，係無餐牌(但係我哋係第一次去，坐房都係佢哋安排，不是我們選擇)我亦都係第一次聽到去餐廳食嘢冇餐牌😅佢哋既回答明顯地避重就輕，未提及有餐牌內容。這種不誠實的行為讓我們在無知情況下選擇了出去落單。更令人困擾的是，店員的態度讓人感到不快。即使在我們點完單後再次詢問有關餐牌的問題，他們依然堅稱沒有提供特定套餐。經過多次要求，終於比我們睇到餐牌，才驚訝地發現原來餐廳提供了我們一直在尋找的套餐選擇。這樣的體驗讓人感到困惑和不滿。餐廳應該要以誠信和良好的服務態度來對待顧客，而不是採取隱瞞資訊和不友善的方式。在追問下，同我哋講今日寫價錢既同事無開工，所以沒有餐牌提供，咁唔通員工放假就沒有價錢可以提供？之後再同我哋講，老闆大把熟客，唔休做，聽到真係火都黎。肯定唔會再幫襯呢間無良食肆。…查看更多

繼續過年前的團年飯分享！這天跟兩位貴妃聚餐吃其中一位期待的蒸餾火鍋，之後還嘆了超美味的飯後甜品，這夜我們仨真的非常滿足儲肥等過年。這頓來到我很喜歡的皇朝私房火鍋嘆最鮮味的蒸餾火鍋！今天在座魚、蝦、蟹亦有人不吃！所以我們決定以貝類海產作為是夜的主角。我們點了大番薯蜆、花甲、蝴蝶蚌、赤貝及扇貝，皇朝出品的貝類全部都處理得非常乾淨，有專人控制火候確保鮮味十足。率先下鍋的是大番薯蜆及花甲，數分鐘的時間便足以令它們張開小嘴。鮮嫩的蜆肉藏著滿滿的海水，加上各自的獨特鮮味絕對寵壞味蕾。緊接著要品嚐的是赤貝！生的時候跟一般的貝類顏色相若，但蒸熟之後粉紅色湧現變得嬌美，富嚼勁又鮮嫩的口感和味道叫人吃得愜意。蝴蝶蚌絕對是貝中之皇！開蚌後似蝴蝶般因而得名，蚌肉肥美多汁口感爽滑，隱約帶點奶香的味道超吸引呢！趁著冬季當造見到要點來好好品嚐啊。這兒的大扇貝也是不能錯過！扇貝超級厚肉而且清甜可口，尤其是那口湯記得要喝上鮮甜味道會令人回味無窮的。吃過鮮甜貝類來客茄子清新味蕾！愛吃茄子的朋友應該懂那份甜味有多吸引，可以完全不用任何調味料吃到香甜味道之餘更超健康。來這兒當然要吃份麻辣手打麵配鮮雞！雞肉剛剛熟香滑有彈性兼鮮味十足，有咬口的手打麵混上特製麻辣醬真會吃上癮的。最後還有鍋底鮮味的海鮮粥加上配料後好美味這餐$610/位，我們特意吃至七分飽留了少少位置去吃甜品。這一夜吃得我們仨位貴妃超滿足！期待下次再去一起吃好西發掘驚喜。…查看更多

土瓜灣食肆林立，好多嘢食，唯獨是蒸氣火鍋比較少有，呢一間唔錯，海鮮新鮮，蝦好鮮甜，蒸牛肉有驚喜，粥底亦唔錯，好香。坐位幾舒服，枱枱之間有足夠嘅空間，唔會同隔籬枱好近。…查看更多

好好食，好新鮮。所有野都好食，性價比高，唔算貴，叫套餐$6xx左右per head。不過個vibe一般，啲staff都係會令人有人驚果種，不過淨係講食物係正嘅。不過我幫襯一間餐廳，會睇哂成個package，環境、食物、人、地點，去評定我重會唔會再嚟。如果呢間要再嚟，我係會有hesitation，個factor係：人。佢又唔係無禮貌，不過個感覺就不是純品人家囉。如果你唔介意，應該會喜歡佢嘅食物嘅。最失望係個粥底，以為喺屋企整，反而最好味係個粥，但呢到個粥無味。…查看更多

同男朋友一齊試呢間海鮮粥底火鍋，黃昏六點就行入門口唔洗等～我哋揀咗蟶子、扇貝、龍蝦、飽魚、蟹，另外叫咗個細雞麵，全部都好好食。服務亦良好，海鮮有逐一介紹，全程唔洗我哋郁手，食物遞到碟上。環境乾淨企理，因我坐個位大風，就即刻幫我地熄咗。成餐總共食咗＄１９００內，海鮮一向都貴，但食得飽又好味又乾淨，間中一次真係好滿足…查看更多

椒鹽瀨尿蝦。瀨尿蝦係一種比較少見嘅海鮮，但係味道卻非常美味。呢道菜嘅瀨尿蝦炸得金黃酥脆，外殼香脆，內裡嘅蝦肉鮮嫩多汁。瀨尿蝦嘅味道鹹香惹味，食完好回味。咁呢話說如果呢個既size可以再大啲就更好啦。…查看更多

先講食物，蒸海鮮菜單：玻璃春捲泡椒鳳爪沙白月亮貝蝴蝶蚌 -食完再追加花甲皇扇貝 大蟶子 跳螺大花竹蝦 赤米斑馬瀨尿蝦 -後追加大鷹䱽 -後追加大白蟹 鮮冬菇釀墨魚滑有機豬肉釀娃娃菜金銀蒜勝瓜美國安格斯肥牛蒸雞件麻辣手打面 臘味糯米飯 海鮮精華菜粥全部都係食海鮮食材嘅原味道，鮮甜！性價比其實都唔錯，只係我哋食得興奮得滯，後面再追加咗魚同瀨尿蝦同貝，所以人均就貴咗少少員工亦會親自為客人服務，調校鬧鐘確保食材蒸煮熟度剛剛好亦有一張提示卡，寫晒每一種海鮮要蒸煮幾耐，非常貼心！餐廳環境比較大眾化，始終係海鮮私房菜餐廳，但氣氛都好可適合一大班朋友/家人聚會最後提提餐廳地點有少少難搵，因為要走入條巷仔度（可能我唔太熟悉呢區）…查看更多

好知己生日🎂Booked 咗呢度食蒸海鮮慶祝🍾呢度嘅海鮮一直都好新鮮！我哋其實都食過好多次，但今晚嘅馬刀貝＆蕃薯蜆就好腥，完全放唔入口，唔知發生咩事……..但其他海鮮都冇問題嘅。南非鮑魚👍👍元貝👍👍👍👍小白蝦👍蒜蓉蒸勝瓜👍👍👍👍鮮牛👍👍👍最出色係😍雞麵為整晚加爆分！ ！雞肉勁滑，佢哋嘅秘製醃料做得好出色！每次黎食，雞麵一定每人都話唔夠喉，讚不絕口，再加上呢度嘅麻辣醬，簡直係人間美食🤤🤤🤤推介食品:雞麵❤️…查看更多

人家去跑渣馬，我則行十六公里山，希望有將昨晚的熱量消耗掉！「皇朝」的海鮮蒸氣火鍋是我們多年的心水至愛，但昨晚召局的竟是一名稀客！友人一直喜歡「皇朝」，惜無腳重溫美味，所以相約我們組成了昨晚的海鮮五人組！我們當然樂意奉陪，尤其是「皇朝」原汁原味的海鮮，可以話無得輸，多一個局，人生便多添一分滋味，樂也！跟志到道合的海鮮粉冋桌，不用顧慮要吃什麼、想添加什麼 — 蝦蝦、魚魚、貝貝，雞雞麵，大家吃得不易樂乎！先以波波蜆乾杯，Cheers！每次蝴蝶蚌也是必吃啊！將日本扇貝由生蒸到熟，除了時間掌控，最重要是要把扇貝上非常鮮甜的湯汁喝光，否則便是極大的浪費和罪㡱！第一次嘗試台山蠔，想不到蠔味和質感也不錯，值得嘗試！爽彈的花螺是我們的至愛，蘸上甜辣醬，一流也！為什麼會有兩個蝦字，正是因為先來每人一隻海中蝦，然後再來赤米蝦，形成了兩個蝦蝦的大快樂！相信大家也能猜到為什麼會是魚魚？情況是先品嚐過鹹鮮鮫魚的美味，意猶未盡，大家再來一塊大海黃立鯧，兩魚也非常好吃！雞麵是必吃啊！稀客友人指明要三個麵，當刻我們感到難以負荷，但最終結果是 .......結果是半隻雞連同三個麵也全清了，皆因雞件滑溜好吃，而吸收了雞精華的麵條，加上「皇朝」自家制麻辣醬，其滋味跟海鮮一樣是無得輸，雞雞麵萬歲！生日不單有士多啤梨蛋糕，還有超可愛的肉餅蛋糕，蛋蛋糕糕慶生又是無得輸！無得輸 .....  你都可以擁有！…查看更多

屋企人升職話請食飯，再由從事飲食業家人帶路搵食梗無甩拖依家蒸海鮮好多地方都有，平到貴任揀多的是，今次就去一間聲稱首創既，地點係土瓜灣，本來就唔係咁方便，但自從屯馬線開通之後就去多左，發現LEE區都有唔小地道美食。首先我覺得乾淨魚缸好緊要，門口可以見到不同既海鮮吸睛度大好多，有時見到D酒樓魚缸好污濁已食欲減半入到舖內再有一個專區擺放另一D時令海鮮，有價錢明碼實價揀好海鮮之後可以先叫D小食同飲返兩杯傾住偈，專人就會一邊續款海鮮根據唔同時間係面前既蒸爐送上。北寄貝 – 厚肉清甜，飲埋啖湯汁無得輸響縲 – 大隻爽口，唔係死實實蟶子 – 大隻到分幾啖食花竹蝦 – 頭至尾都食哂，好香好爽特大奄仔蟹 – 勁厚羔但唔覺得滯蒼魚 – 好滑魚油好香美國安格斯肥牛 – 未試過蒸牛，感覺嫩口香滑雞配手打麵 – 肉嫩，肉汁滲入麵好香好食，再加秘制麻辣醬绝配粥 – 精華所在，加入各種配菜提升口感本來食到牛肉已好飽，但眼見咁新鮮，最後由頭食到尾，大滿足…查看更多

大愛皇朝的糯米飯，軟糯夠濕潤又唔會好鹹，味道啱啱好！說是全城最好吃糯米飯也不為過！另外一定要吃的是雞麵，平平無奇的蒸雞麵，吃下去卻是「忘不了」的好味！今晚還吃到硬皮魚（沙皮魚），好特別！全部海鮮都超鮮甜美味！海鮮精華粥底加炸菜吃，簡直為晚餐畫上完美句號！重點係，食完全身都冇火煱味，超高溫蒸爐係唔同啲🧡…查看更多

假日預約了來吃午飯，沒有見到其他的客人，仿如包場的感覺。環境方面，周邊環境令人感覺寫意和狹意。我們點了海鮮蒸氣火鍋的廚師發板，人頭平均＄500左右。食物方面，合格有餘蝦係水上人鍾意食嗰隻細蝦，很是鹹鮮！其他都係水準之上食物新鮮！臘味糯米飯簡直係瘋狂，好味道！可惜兩位得一份，建議加多一份！佢同出邊唔同嘅係由頭蒸到尾，同出邊嗰啲蒸定一盤飯嘅柔軟度高好多！而旦臘味特別香噴噴！個幾個叔叔都好好人 d 送佐一壼洛神花茶、再送多壺檸檬薏米水成件事食得好開心、好放鬆、海鮮又好鮮，絕對值得推介俾朋友試吓。…查看更多