皇仁書院舊生會﹝中菜部﹞

🥰 “皇仁書院舊生會” 算係 “預約困難店” 嘅佼佼者, 今時今日都要等六個月, 仲要只接受 “皇仁” 校友預訂, “算了吧, 如無意外”.🥢 天有不測之風雲, 人有霎時之禍福, 今日掹老友 “肥強” 衫尾 參加江湖大佬飯局. 室內格局就係老牌中式飯店或者會所, 少少似 “香港大學同學會” 或者 “昌哥”. 我事前唔知道食乜, 張菜單嘅 “書法” 原來都係呢度嘅招牌.🦪 糖桂花餞桶蠔. 桶蠔啱啱熟, 桂花味道頗有新鮮感. 🤗 原盅花膠響螺爵士湯. 味道濃郁鮮甜, 材料非常豐富, 充滿驚喜, 當服務員收走湯渣嘅時候, 大家都好唔捨得. 我覺得係全晚最好食嘅菜式.🐟 大海斑雲耳蒸斑球. 陳皮味道出色, 但我食咗兩件都唔夠滑.🦐 白胡椒焗中蝦. 用白胡椒粒炒, 惹味而不膩, 創意十足.🐂 鮮茄紅酒燴牛尾. 炆得好腍, 底汁非常平衡. 另外蒜蓉包都係大受歡迎.🐟 大海斑蔥油炒斑腩. 香噴噴.🦀 荷葉肉餅拼膏蟹. 賣相十個讚, 蟹算係大隻多膏有肉, 可惜肉餅唔係好吸到蟹味.🐢 脆皮炸子雞. 普通, 非常普通.🍄 雜菌干燒伊麵. 飽了.🫘 腰果露湯圓. 我鍾意呢個腰果香味, 如果甜多少少就更好.🍉 西瓜. 話梅粉塞咗, 可惜.🤗 總結: 大廚烹功超水準, 菜式甚具創意, 有緣再戰!…Read More

ℂ𝕎𝔹 • 皇仁書院舊生會﹝中菜部﹞📍銅鑼灣高士威道𝟙𝟚𝟘號:::::::::::::::::::::::::::::: 預約困難店之今年預約已滿，終於一睹龍飛鳳舞的手寫菜單～✽ 翡翠鴿片花枝蚌仁✽ 佛跳牆✨✨✽ 陳皮蝦✽ 蝦籽柚皮鵝掌✽ 枝竹涼瓜炆花蛤蚌✨✽ 魚肚浸豆苗✨✽ 炸子雞✽ 荷葉籠仔乳鴿飯✽ 腰果露芝麻湯圓✨招牌佛跳牆用料珍貴，花膠魚翅瑤柱樣樣足料，有好幾串的鮑魚，燉湯入口黏杰濃稠，裡面的金華火腿鹹香得來送酒一流！枝竹涼瓜炆花蛤蚌醬汁濃郁，花蛤蚌肉質鮮嫩，配入味的枝竹及清爽的涼瓜，讓整道菜不顯得油膩。魚肚浸豆苗當中的魚肚充分吸收湯汁的鮮香，豆苗新鮮清甜；荷葉籠仔乳鴿飯呢個人認為飯比乳鴿好味，飯粒濕潤帶紅棗甜；最後的腰果露芝麻湯圓奶香滑順，不會太甜。下次再食要點糖桂花餞美國桶蠔及生炒臘味糯米飯！…Read More

在朋友安排及推荐之下，吃了一頓7千多元十二位的菜，裝修普通，不过不是主打，招呼可以，人手也算足够，頭盆花枝鸽片，咸了一点，算合格，跟着蠔，用上桶蠔，當然無味道，主吃翅湯，太多金華火腿，也覺得偏咸，不过同枱有人認為很鲜，班兩味，行貨，吃了一次就不再添，雞不錯，合桃糊好，其他鹅掌，飯麵乏善可陳，總结：試一次就好了。…Read More

🥢糖桂花餞美國桶蠔Deep-fried American Oyster with Osmanthus Honey👍🏻酥炸生蠔肉沾滿桂花清香的蜜餞醬汁。The oyster coated with honey sauce with rich flavour of Osmanthus******************************🥢翡翠鴿片花枝蚌仁Sautéed Sliced Pigeon, Cuttle Fish, Royal Clam with Seasonal Vegetables******************************🥢原隻鮑魚佛跳牆Buddha Jump Over the Wall with Whole Abalone👍🏻👍🏻湯很鮮甜和濃郁，非常足料，鮑魚，魚翅，雞、雲腿、螺頭等等都很足而且大件。The soup is very rich in flour with generous amount of ingredients, e.g. abalone, shark fin, chicken, Yunnan ham, sea whelk, etc..******************************🥢柚皮生扣鵝掌Braised Goose Web with Pomelo Peel 👍🏻鵝掌燜得很淋，柚皮很入味。Goose web is tender and the pomelo peel is tasty. ******************************🥢椒鹽陳皮中蝦Deep-fried Prawn with Tangerine Peels, Spicy Salt and Pepper 👍🏻蝦身的醬汁的陳皮味很香濃。The sauce has rich flavour of tangerine peels. ******************************🥢雲耳腿茸蒸斑球Steamed Garoupa with Black Fungus and Minced Yunnan Ham******************************🥢薑蔥煎焗頭腩Pan-fried Garoupa Head and Brisket with Scallion and Ginger******************************🥢脆皮炸子雞 Deep-fried Crispy Chicken皮脆雞肉嫩滑。The skin is crispy and the meat is tender.******************************🥢生炒臘味糯米飯Stir-fried Glutinous Rice with Preserved Meat潤腸味很濃。The flavour of preserved liver sausage is strong. ******************************🥢蝦子雜菌伊麵Braised E-fu Noodles with Shrimp Roe and assorted Mushrooms👍🏻👍🏻煆子味道香濃，沾滿伊麵，麵質和一般的伊麵不同，這裡的麵很煙韌也不油膩。E-fu noodles are well covered with shrimp roe with rich flavour. Different from the ordinary E-fu noodles, the noodles here are al dente and not greasy.******************************🥢腰果露湯圓Sweetened Cashew Nuts Cream with dumplings👍🏻腰果味濃郁，是新鮮磨的，甜度適中。It’s not too sweet with rich flavour of cashew nut as the nut is fresh-ground.******************************服務方面：服務員態度好。The service: The staff has good service attitude.…Read More

😛回頭度：8/10😛-終於堂食食到皇仁書院舊生會 (中菜部），聽講係打咗好多次電話先book到，真係想食都有啲難度😂我哋揀咗「金玉滿堂宴」，每席$7,780～套餐包括有：• 糖桂花餞美國桶蠔• 翡翠鴿片花枝蚌仁• 原隻鮑魚佛跳牆• 柚皮生扣鵝掌• 椒鹽陳皮中蝦• 大海斑兩味：雲耳腿茸蒸斑球、薑蔥煎焗頭腩• 脆皮炸子雞• 生炒臘味糯米飯• 蝦子雜菌伊麵• 腰果露湯圓• 合時生果盆-除咗「原隻鮑魚佛跳牆」非常足料出色外，個人覺得「薑蔥煎焗頭腩」、「蝦子雜菌伊麵」特別出色！👍🏻👍🏻焗頭腩好夠火喉，焗得好香，調味亦調得好好，仲要冇乜骨，9成都係肉嚟👍🏻；而看似普通嘅伊麵就竟然係全晚最驚艷到我嘅菜式，冇諗過伊麵都可以整得咁彈牙，可以話係我咁多年嚟食過最出色嘅炆伊麵！😍👍🏻而當中「翡翠鴿片花枝蚌仁」同「椒鹽陳皮中蝦」我就覺得比較一般...前者調味鹹咗少少，炒嘅豆又唔夠爽脆；後者個調味就帶甜嘅，唔太啱我口味🙈🙈…Read More

終於食到傳說中的私房菜了！訂了差不多一年才食到！！！桂花蜜餞金蠔咬落外層香脆，煎過有桂花香及蜜汁香甜，內的蠔肥美香滑，口感豐富🤗原隻鮑魚佛跳牆一放上枱大家就嘩聲四起，除了三串大大粒的鮑魚，還有數不清的魚翅、金華火腿及雞肉等材料，隔水蒸足六小時以上，難怪魚翅鮑魚也蒸得非常淋，湯色清切，膠質感強烈，味道鮮甜，超出色，食完已飽了一半😆沙薑豬腳炆到有咬口得來而不鬆散，幽幽的沙薑香氣很誘人，好味道！脆皮炸子雞皮薄香脆，雞肉嫩滑，肉質一點也不乾，還保留了部份嘅肉汁。腰果露湯圓 腰果露又香又滑，芝麻湯圓細細粒，皮薄餡靚。其實其他菜也很好味，未能一一盡錄。免收加一又免開瓶費，超超超抵食。…Read More

人生其中一餐最回味的中菜每道菜都好有水準Booking非常full每次食完再預約都要起碼半年後.印象最深刻係糖桂花餞美國桶蠔外表微脆沾滿桂花味桶蠔極新鮮吃得出鮮味真係外脆內軟.原隻鮑魚佛跳牆勁足料全部都係大大件海味淨係食餸都食飽.柚皮生扣鵝掌都係另一水準之作而家出面都好少餐廳可以食到柚皮柚皮竟然可以整到唔似柚皮超入味好似食緊肥豬肉一樣🤤.時令水果係西瓜加梅鹽梅鹽能夠吊出西瓜既清甜係成餐好好既結尾.金玉滿堂宴 $𝟲𝟴𝟴𝟬/ 𝟭𝟮 𝗽𝗮𝘅🍥翡翠鴿片花枝蚌仁🦪糖桂花餞美國桶蠔🍲原隻鮑魚佛跳牆🐟大海斑兩味 • 雲耳腿茸蒸斑球🐟大海斑兩味 • 薑蔥煎焗頭腩🍤椒鹽陳皮中蝦🍋柚皮生扣鵝掌🍖脆皮炸子雞🍚鮮蝦荷葉飯🍜蝦子雜菌伊麵🍨腰果露湯圓🍉時令水果…Read More

等咗半年終於食到呢度嘅佛跳牆，果然名不虛傳，非常足料，唔怪之得一席難求，本身已經行緊會員制都要提早半年book位。另外個甜品腰果露湯圓好有驚喜，磨得非常幼滑，整體而言依餐真係超抵食，海陸空咩都食晒先人均六百幾，有機會嘅話一定要去試吓👍🏻金玉滿堂宴 每席$7,480糖桂花餞美國桶蠔翡翠鴿片花枝蚌仁原隻鮑魚佛跳牆柚皮生扣鵝掌椒鹽陳皮中蝦大海斑兩味：- 雲耳腿茸蒸斑球- 薑蔥煎焗頭腩脆皮炸子雞鮮蝦荷葉飯蝦子雜菌伊麵腰果露湯圓…Read More

今次去到大家都好熟悉嘅銅鑼灣不過唔係正中央，係側邊嘅天后附近！因為有個朋友生日，選擇咗喺嗰邊度食，今次對呢幾度菜覺得好有驚喜，出面食嘅價錢差唔多，但食物水準真係好高！今次包括叫左12人左右份量大餐：菜式有：糖桂花蜜餞美國桶生蠔、珊瑚蚌螺片四季豆木耳餞、冬菇炆鵝掌生菜、椒鹽陳皮炒中蝦、當然有佢幾好食嘅當紅炸子雞、仲有乾燒炒伊麵、臘腸炒花生蒸糯米飯、新鮮蟹肉炸蟹鉗！當中令我最難忘就係糖桂花蜜棧美國桶生蠔！真係好好食生蠔甜味唔會蓋住鮮味！加上我好愛桂花，超級香的味道！胃口更大增！最後就係嗰個杏汁白豬肺湯！湯完全帶出鮮味！想飲完再飲！今次地址係：係皇仁舊生會（中菜部）銅鑼灣高士威道120號…Read More

呢個地方應該係其中一間性價比超強的舖頭佢嘅殘舊同踏實嘅外觀裏面隱藏一流嘅美食呢度嘅佛跳牆相當出名建議嗰日唔好食咁多嘢先至過嚟如果唔係飲完碗湯已經半飽湯裏面嘅火腿非常好食隻蟹同魚都做得非常出色鍾意食嘢嘅朋友們一定要試…Read More

皇仁舊生會（中菜部）嘅名氣都好高企，正所謂「未食過都一定聽過」。難得有機會認識嘅一位皇仁舊生，隨口問佢有無食過，點知佢好爽快咁就即時預訂咗一圍，打算同我地一齊試吓。今次我哋一行12人，點咗「金玉滿堂宴」（$7280/12位）。將總結放喺前頭，就簡易一句：物超所值！而家手工菜一係就好貴，一係就失傳，但呢度可以食足12道菜，真係機會難逢！要好好珍惜呢間好餐廳！以下係幾道令我印象深刻嘅菜式：1. 糖桂花餞美國桶蠔：桶蠔炸得香脆但唔油膩，加上淡淡嘅香甜味，好夾！作為第一道菜，已經對接下來的菜式期望期大大提升！2. 原隻鮑魚佛跳牆：皇仁舊生話呢道係佢哋叫做「例湯」！服務生拎一大鍋擺咗上嚟，一開蓋，香氣四溢。見到12隻鮑魚整齊排列，一人一隻唔使爭，仲有魚翅加上大大件金華火腿、大量豬肉，超香超入味！3. 大海班兩味：分別係薑蔥煎同雲耳腿茸蒸。我特別鍾意前者嘅做法，香口得嚟，啖啖魚肉，外脆內滑，實在回味無窮！ 4. 蝦子雜菌伊麵：伊麵爽口彈牙，加埋蝦子一齊食，口感豐富又有蝦香。估唔到一個咁平凡嘅伊麵都可以咁出色！5. 腰果露湯圓：食到呢度，大家其實飽都7788啦，但甜品一上，大家又繼續讚不絕口。原因好簡單，呢碗腰果露極度濃郁，應該係有事先炒過腰果，令到腰果果仁味道好突出！呢個糖水非常高質，係一個完美嘅ending！ 值得一提嘅係，呢度無加一、無茶芥、無開瓶費，但最重要就係要識人，有錢都未必食得到呀！同埋記得提前預訂，聽校友講，最快有位嘅日子要半年後！再次多謝校友幫手book枱，非常享受嘅一餐！…Read More

終於試到傳說中既皇仁中菜🤭 thank you 皇仁朋友carry! 雖然環境比較樸素, 不過師傅手勢一流！ 終於食到佢個佛跳牆💕 唔知下次幾時可以食到呢🦁 原隻鮑魚佛跳牆超香 鮮味十足 又足料！最勁係望落去一滴油都冇🦁 糖桂花餞美國桶蠔有好香桂花味又甜甜地 肥美！🦁 脆皮炸子雞皮好夠脆！雞味濃 肉都滑其他都唔錯 😆翡翠鴿片花枝蚌仁｜椒鹽陳皮中蝦雲耳腿茸蒸斑球｜薑蔥煎焗頭腩柚皮生扣鵝掌🦁 皇仁書院舊生會﹝中菜部﹞ 銅鑼灣高士威道120號…Read More

皇仁舊生會多謝達哥安排一年一會皇仁舊生會，由於實在太難訂位關係，只接受介紹制。全晚最精彩莫過於佛跳牆、可以分到最少30碗、極度足料、啲鮑魚攞條竹籤穿住、好有霸氣，CP值十分之高，呢度一個16 人佛跳牆等於軟庫飯堂一位佛跳牆，雖然兩者做法及用料不一，以CP 值計算皇仁舊生會絕對可以一試其次令我最深刻反而係炒飯，夾雜豬油香來炒，爽身之餘又10分香、其他不過不失、翻譯下多事令我有些少失望，雖然留心芝士，但是蝦膠沒有彈性，炸得比較油…Read More

全靠朋友carry終於試到🤗當晚總共十道菜,好難推介,因為真係道道菜都幾出色😋 除左有極之鮮甜,勁足料嘅"原盅鮑魚佛跳牆", 仲有好有鍋氣嘅“潮式芋頭炒飯”,但幾飽都好,一定一定要食個又香又滑嘅”腰果露湯圓”👍🏻道道份量都超多,CP值好高,難怪就算要舊生先book到都要排咁耐.🔻🍽 皇仁書院舊生會(中菜部）📌 地址: 銅鑼灣高士威道120號.#tummysreadyatcausewaybay #tummysreadyforchinese …Read More

真係估唔到係2022年頭能夠食到呢餐唔係咁易有得食嘅餐廳! 除咗係一年口福嘅好開始,最重要係趕得切喺"禁堂食"前食埋呢次晚餐,真係感恩!今次訂左一圍枱食"金玉滿堂宴"。一家人去食飯除咗開心聚一聚,仲要嘢食水準真係夠好! 唔係誇張,可以話好耐冇食過一餐由頭好食到尾嘅菜式。最難忘嘅包括金蠔,佛跳牆,大海斑兩味,椒鹽陳皮蝦,臘味糯米飯,腰果露…嘩,差唔多講曬出嚟。首先要講過金蠔,老公不嬲對熟咗嘅蠔都麻麻地,今次食完都話食過番尋味,甜甜地又食得出蠔嘅鮮味,其他餐廳都好少食到咁嘅質素。佛跳牆就唔洗講,原個大煲燉,淨係個排場都夠曬你冷! 新鮮鮑魚成串起,山珍海味都有,嗰嚿金華火腿令成煲湯入晒味,就算湯渣都食到舐舐脷😋。跟住海斑兩味,一炸一蒸,炸嘅外脆內嫩,蒸嘅魚肉夠嫩口,兩款都啖啖肉,究竟條魚有幾大呢?一定唔係雪過既魚,真係真材實料,冇得頂👍。係咁以講下隻陳皮蝦,炸到脆卜卜,椒鹽又唔太咸,肉質夠鮮,我連殼都蝕埋。已經好飽嘅情況下,仲可以食多碗臘味糯米飯,簡直係奇蹟。我見佢將臘腸同潤腸剁碎,香味滲入曬糯米飯,做到不油不膩嘅境界。至於甜品嘅腰果露唔係度度有得食,最重要係食得出由腰果磨嘅微粒,唔會太甜,又唔會過稀,近乎完美,真係好想添飲。講到咁出神入法,好似好誇張咁。老實講今餐所有同台食客都好滿意!簡稱冇得彈!唯一嘅缺點就係由訂枱度食飯等咗幾個月,呢d真係叫做等到頸都長。…Read More