百樂潮州(大少店)

Chiu Chow cuisine rarely catches my eye, but this visit opened my heart to its soulful, crowd-pleasing flavours. The humble menu skipped luxury ingredients, focusing instead on hearty, traditional dishes rarely found elsewhere, delivering an authentic experience 😋To start, the 冰鎮鮑魚 𝗖𝗵𝗶𝗹𝗹𝗲𝗱 𝗔𝗯𝗮𝗹𝗼𝗻𝗲 𝘄𝗶𝘁𝗵 𝗚𝗮𝗿𝗹𝗶𝗰 was delightfully chewy, kissed with a garlicky marinade while the 錦繡四拼盤 𝗗𝗲𝗹𝘂𝘅𝗲 𝗙𝗼𝘂𝗿-𝗩𝗮𝗿𝗶𝗲𝘁𝘆 𝗔𝗽𝗽𝗲𝘁𝗶𝘇𝗲𝗿 𝗣𝗹𝗮𝘁𝘁𝗲𝗿 was a treasure trove: 鵝片 𝗟𝗼𝘂 𝗦𝘂𝗶 𝗚𝗼𝗼𝘀𝗲 𝗦𝗹𝗶𝗰𝗲, 鵝肝 𝗟𝗼𝘂 𝗦𝘂𝗶 𝗚𝗼𝗼𝘀𝗲 𝗟𝗶𝘃𝗲𝗿, 蝦棗 𝗙𝗿𝗶𝗲𝗱 𝗦𝗵𝗿𝗶𝗺𝗽 𝗕𝗮𝗹𝗹𝘀 and 蘿蔔灌漿 𝗗𝗲𝗲𝗽 𝗙𝗿𝗶𝗲𝗱 𝗥𝗮𝗱𝗶𝘀𝗵 𝗕𝗲𝗮𝗻 𝗦𝘂𝗿𝗱 𝗥𝗼𝗹𝗹. The goose liver was pure heaven, stealing the show😎杏汁荷包雞湯 𝗗𝗼𝘂𝗯𝗹𝗲 𝗕𝗼𝗶𝗹𝗲𝗱 𝗔𝗹𝗺𝗼𝗻𝗱 𝗦𝗼𝘂𝗽 𝘄𝗶𝘁𝗵 𝗖𝗵𝗶𝗰𝗸𝗲𝗻 𝗪𝗿𝗮𝗽𝗽𝗲𝗱 𝘄𝗶𝘁𝗵 𝗩𝗲𝗴𝗲𝘁𝗮𝗯𝗹𝗲𝘀 was a revelation🌟 It’s my first time trying almond soup with chicken and the chicken oil enriched the almond soup perfectly - a perfect marriage of nutty and savoury notes. White fungus, lotus seeds, and other fillings burst with flavour. Even I am not a fan of leftover ingredients in soup, I ate a whole bowl of it😆Also, tried some classics here: 骨香鯧魚片 𝗙𝗿𝗶𝗲𝗱 𝗣𝗼𝗺𝗳𝗿𝗲𝘁 𝗙𝗶𝘀𝗵 𝗦𝗹𝗶𝗰𝗲𝘀, 四寶片皮雞 𝗙𝗼𝘂𝗿 𝗧𝗿𝗲𝗮𝘀𝘂𝗿𝗲𝘀 𝗖𝗿𝗶𝘀𝗽𝘆 𝗦𝗸𝗶𝗻 𝗖𝗵𝗶𝗰𝗸𝗲𝗻, 火方冬瓜夾 𝗪𝗶𝗻𝘁𝗲𝗿 𝗠𝗲𝗹𝗼𝗻 𝗦𝘁𝘂𝗳𝗳𝗲𝗱 𝘄𝗶𝘁𝗵 𝗛𝗮𝗺 and 糖醋伊麵 𝗖𝗿𝗶𝘀𝗽𝘆 𝗘-𝗙𝘂 𝗡𝗼𝗼𝗱𝗹𝗲𝘀 𝘄𝗶𝘁𝗵 𝗦𝘂𝗴𝗮𝗿 𝗮𝗻𝗱 𝗩𝗶𝗻𝗲𝗴𝗮𝗿. Love the latter two a lot👍🏼To end, it’s obligated to have 反沙芋件 𝗗𝗲𝗲𝗽 𝗙𝗿𝗶𝗲𝗱 𝗧𝗮𝗿𝗼 𝗖𝗼𝗮𝘁𝗲𝗱 𝗶𝗻 𝗦𝘂𝗴𝗮𝗿 and again, I loved something that I don’t usually like here: 湯丸馬蹄片豆爽 𝗦𝘄𝗲𝗲𝘁 𝗠𝘂𝗻𝗴 𝗕𝗲𝗮𝗻 𝗦𝗼𝘂𝗽 𝘄𝗶𝘁𝗵 𝗪𝗮𝘁𝗲𝗿 𝗖𝗵𝗲𝘀𝘁𝗻𝘂𝘁 𝗮𝗻𝗱 𝗗𝘂𝗺𝗽𝗹𝗶𝗻𝗴! Clean and light with optimal sweetness! What really ended the night were rounds of kungfu tea🍵This Chiu Chow gem served up a heartfelt, flavour-packed journey. Will be back 🙌🏼…查看更多

百樂潮州係潮州菜界多年都代表左經典兩個字！於12月重開銅鑼灣（大少店）秉持「重新出發 由第三代 繼續傳承」理念先遞上餐前功夫茶🔸蝦多士外層炸至金黃酥脆，芝麻香氣撲鼻，蝦膠厚實鮮甜，經典潮式小食！🔸蟹塔造型堆疊成小塔，食得到絲絲蟹肉鮮味！🔸寸金紹菜包 用紹菜包裹滿滿鮮味食材，有蝦、帶子、蟹子、荀絲口感層次豐富🔸潮式紅燒魚鏢海皇羹紅燒海皇羹濃厚鮮味，非常足料🔸太極素菜羹 用素菜同蛋白形成太極圖案，陣陣濃濃菜味湧入口中幾特別🔸八寶豬肚豬肚先以經典潮式鹵水鹵制過非常嫩滑入味包裹住八寶材料蓮子、冬菇、栗子等當然少不了貴氣乾鮑魚仔，足足有8隻～絕對係家人聚會 新年飯聚首選！🔸沙嗲牛河沙嗲醬香濃、河粉滑爽，炒得鑊氣十足，🔸清心丸綠豆爽飯後甜品清心丸軟糯彈牙，綠豆爽冰涼清甜，入口即化。…查看更多

[ 百樂潮州(大少店) ]百樂潮州酒樓由第三代繼承，融合潮州飲食文化傳承同創新，為食客帶來潮州全新嘅美食體驗🥢🤩🤩。頭盤✿ 滷水崩沙腩+潮陽炸雙棗 $80滷水崩沙腩肉質軟嫩，滷香濃郁而不膩，入口即化；潮陽炸雙棗（蝦棗+蟹棗）外脆內彈，鮮味十足，沾喼汁食，酸酸甜甜好開胃🤤。菜✿ 寸金紹菜包🥬 $80/位紹菜葉包裹著餡料，有蝦米、冬菇等，入口清甜多汁，內餡鮮香，淋上濃郁高湯，精緻又好味。湯✿ 潮式紅燒魚鏢海皇羹🐟 $268/位魚鏢膠質豐富，湯底以紅燒手法燴入海鮮，濃稠滑順，配料豐富有蟹肉、帶子），啖啖滋味😋。肉類✿ 碧綠川椒雞球🐔🐔 $168雞球嫩滑，川椒香氣獨特，味道唔算好辣，下飯一流🍚。粥粉麵飯✿ 招牌炒魚麵 $228魚麵彈牙有嚼勁，鑊氣十足，配料有芽菜、芹菜、蝦仁增添層次，潮州手工麵食，推薦必點‼️。甜品✿ 清心丸綠豆爽 $48/位清爽綠豆去殼熬成綿密糖水，清心丸晶瑩Q彈，甜度適中，消暑解膩🫶🏻。總結🫦三代傳承嘅潮州風味，既有滷水、魚麵等傳統功夫菜，亦融入新派擺盤同口味，環境服務不錯，係同屋企人嚟聚餐嘅好地方🏠。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿百樂潮州(大少店) 地址：香港銅鑼灣希慎道23-25號地舖電話：2576 8886✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

必試香口薑米鴿，潮州美撰令人一試難忘今晚同屋企人食飯慶祝生日揀咗幾款美食都勁好味最最最鍾意就喺潮州菜「薑米鴿」，上枱已香氣撲鼻，鴿肉外皮香脆可口，肉質鮮嫩多汁，入面釀咗煙煙韌韌嘅糯米，外脆內煙韌，口感豐富多層次，勁好味，真係一試難忘！外層炸得金黃酥脆嘅「蟹塔」，新鮮肉蟹拆肉加埋蝦膠、馬蹄粒、半肥瘦豬肉搓勻再炸成金黃塔形，每一啖都充滿鮮味，外酥內嫩的完美口感，好滋味。潮州「蝦多士」由蝦肉、豬肉等材料混合，再用腐皮包住嚟炸，外層脆口不油、蝦肉彈牙鮮味。看似平凡嘅「紹菜卷」，其實好有內涵，餡料豐富，有鮑魚粒、帶子粒、瑤柱、蝦仁粒、甘筍、木耳絲等餡料，一口咬下肉汁豐腴，鮮味十足。呢碟「沙嗲牛河兜亂」不得了，每條河粉都擁有香濃沙嗲醬，河粉勁香滑，牛肉嫩滑帶少少彈性，令人齒頰留香。最後食埋「金湯魚麵」，先品嘗一啖湯底，嘩！勁鮮！足足用咗十多斤鮮蝦，加入南瓜茸及甘筍茸熬製數小時而成，濃郁甘甜。碗湯咁鮮一定要飲晒。😍爽口又彈牙嘅魚麵喺夏沫至愛，充分吸收湯頭的精華，啖啖鮮美無比。今餐真喺超滿足，屋企人都好滿意！百樂潮州大少店 銅鑼灣希慎道23-25號地舖…查看更多

和幾個舊同學在銅鑼灣百樂潮州（大少店）聚餐，老字號潮州菜，第三代經營，食物質素高，環境佳，雖價錢稍貴，但物有所值。入座送咸菜($22)，茶錢($20/位)。炸鹽水豆腐（$128）• 外皮金黃酥脆，內裡軟嫩，口感清爽，無過重調味。滷水豬蹄筋（$188）• 滷汁濃郁入味，蹄筋軟腍，入口即化，香氣四溢。滷水鵝片（$248）• 鵝肉嫩滑，無任何羶味，滷汁甘香，餘韻悠長。肉質細膩，堪稱招牌菜，令人回味。白給凍墨魚（$168）• 墨魚爽脆彈牙，保留鮮甜原味，烹調簡單卻突顯食材質素。太極素菜羹（$138）• 湯羹濃稠適中，蔬菜清甜，豆腐滑嫩，視覺呈現精緻。健康選擇，味道均衡。半煎煮成牙帶（$188）• 牙帶魚肉質鮮嫩，無細骨，湯汁鮮甜，令人滿足。增添整體風味。香煎蠔仔烙（$168）• 蠔仔新鮮肥美，煎製香脆，口感豐富，滿載海鮮香氣。份量適中，性價比算不俗。上湯排骨大芥菜煲（$168）• 湯底鮮甜，排骨軟嫩，芥菜清新。菜片炒鴿崧（$208）• 鴿崧帶野味香氣，配菜片清新，口感層次分明，風味獨特。潮州魚蛋粉（$88）• 魚蛋彈牙鮮甜，湯底清香，質素高於一般水準。價格稍高，但味道值得一試。方魚肉碎粥（$88）• 粥底以魚湯熬製，鮮甜濃郁，魚肉細膩，完美收尾。份量適中，適合兩三人分享。環境：餐廳位於銅鑼灣核心地段，環境舒適整潔。服務：店員態度有禮，上菜迅速，整體體驗什好。性價比：價格偏高，但食物質素、份量及環境均物有所值，適合追求潮州菜的朋友。…查看更多

百樂潮州酒樓（大少店）自從上年重返銅鑼灣後 以「重新出發 由第三代 繼續傳承」為理念將傳統與創新融洽 為大家帶黎熟悉又有新鮮感嘅潮州美饌臨近母親節佢地更推出限定menu 呈現潮州菜的精髓與創意五彩拼盤海蜇l煙鱔l蟹塔l滷水鵝肝l 滷水鵝講到潮州菜心定離不開滷水!滷水濃郁香溢 帶微甘甜 肥美外脆內綿嘅鵝肝好綿滑 滷水鵝肉肉質結實索晒滷水汁精華蟹塔以蟹肉。蝦膠。馬蹄粒。半肥瘦豬肉製作入口彈牙又爽脆 鹹香惹味!煙鱔充滿煙燻香氣 肉質油潤嫩滑紹菜卷紹菜內包住蝦仁粒。木耳。甘筍。帶子紹菜同茨汁甜味同內餡嘅鮮味 姜米鴿將糯米。蓮子。蝦米。冬菇等等釀入乳鴿內乳鴿充滿光澤 口感外脆內綿糯 每啖都好滿足金湯魚麵湯底呈金黃色 配上肉碎及蔥同自家魚麵湯底好鮮甜 迅間就清晒所有湯自家魚麵質感好煙韌而且充滿魚香馬豆糕香滑椰汁糕配上爽脆香甜粟米粒清心丸綠豆爽最愛嘅潮州甜品!清心丸煙韌軟滑又彈牙味道好清甜而且充滿綠豆香氣…查看更多

新開的大少店，裝修簡潔光猛，睇落好似大過以前舊店。餐前小食： 菜莆、豆腐乾，用嚟餸粥一流；工夫茶未夠濃。份量算多，海哲爽口，雞絲鹹鹹哋，加啲麻油會更香！簡單的配搭，但唔係間間食肆都整得好食，呢間都唔例外。雞肉大件但唔滑、亦唔入味，應該係調味醬唔夠濃，好彩川椒葉炸得脆，食落唔會成口油。見個個食評都讚，就即管試吓，朋友咬一啖就吐返出嚟，我就夾硬食咗一塊。鱔本身係爽口，但煙燻味太重，我哋接受唔到又食唔出其他味。半份價錢都唔平，留返三塊喺度真係有啲浪費牛肉好稔，粉絲冇黏埋一嚿，個人喜歡香濃有花生粒嘅沙嗲，呢煲未夠出色。用煎的方法較健康，唔多油，蛋香蠔仔多，當晚最好食蝦棗大粒但唔夠彈牙，蟹棗炸得太乾，好嚡！唔係好甜，銀杏綠豆都煲到好稔！聽聞大少店係舊店後人主理，加入新菜式。但我覺得舊店食物有傳統潮州特色和味道，已經食唔返了！…查看更多

親戚約喺銅鑼灣食飯，去咗試新開嘅百樂高級版副線門面金碧輝煌，裝修亦非常之高尚，平日夜晚食客唔算多，傾偈都幾舒服芝麻手撕雞叫咗半隻手撕雞，啲雞肉都幾滑伯樂蝦多士蝦多士有少少肥膩，食落好多油，唔太鍾意滷水鵝腸加滷水鵝叫咗個雙拼滷水，鵝腸都幾爽幾入味，滷水鵝片啲肉都幾鮮嫩，不過價錢真係好貴，份量多番啲會抵食啲方魚紹菜魚丸煲紹菜魚丸煲可以唔叫，食唔出個魚蛋同埋平時四州魚蛋有咩分別，真係好普通嘅一個雜菜煲潮陽炸雙棗炸蝦丸都幾好食，食到啖啖蝦肉幾彈牙沙嗲炒牛河個沙嗲醬都幾濃郁，炒牛河有鑊氣反沙芋反沙芋麻麻哋，層砂糖好厚甜到嘔芋頭唔夠粉嫩，可以唔要…查看更多

在銅鑼灣重開，由第三代主理，傳承經典潮州菜的同時，融入創新元素。滷水崩沙腩的肉質軟嫩，滷香撲鼻！大少煙鱔，煙燻香氣與爽口的口感，成為心中的小確幸潮式紅燒魚鏢海皇羹，用珍貴的海味搭配傳統的烹調方式，讓人感受到深厚的文化底蘊。四寶片皮雞，層次分明的口感和豐富的配料，讓每一口都充滿驚喜。生焗胡椒花尾龍躉，肉質嫩滑，暖胃又驅寒，特別適合秋冬享用。而手工菜八寶豬肚，以八種珍貴食材的融合，令回味無窮。芋泥炸雪糕完美，甜而不膩，充滿懷舊情懷其實還有潮陽炸雙棗、潮州鹹檸檬鴨湯、潮州糖醋麵、反沙芋等…查看更多

一家人諗住朝早飲茶，openrice book咗枱人頭齊晒準時到。我曾經聽過呢間餐廳會重點serve熟客，不過我哋選擇照試。點知大家行到門口show個booking嗰陣先係戲肉！呢個短頭髮女員工冇望過booking，冇問我姓乜，一開口就話未準備好未開門，冇問我哋可唔可以X分鐘後返嚟就行開咗。咩態度？人齊曬唯有另覓其它地方飲茶，佢哋之後竟然仲夠膽mark我哋no-show！一家大細早起身去飲茶都要受氣，大家識做啦！…查看更多

讚 -有啲嘢食真係出色 滷水腩入味又鬆化 煙鱔爽彈 煙燻味入晒 炸子雞皮脆肉滑 基本功係好-免corage fee真係德政 飲酒好彈-有啲嘢食又真係好有改進空間 羊腩好多軟骨 應該唔係腩位 八寶豬肚有苦味 …查看更多

銅鑼灣 | 百樂潮州酒樓（大少店）▪️▪️▪️ ▪️▪️▪️ ▪️▪️▪️餐廳 : 百樂潮州酒樓（大少店）總店地址：銅鑼灣希慎道23-25號地舖電話：2576 8886▪️▪️▪️ ▪️▪️▪️ ▪️▪️▪️中菜堪稱全球數一數二，其中潮洲菜更為吸引，基本上所有港人都非常喜歡，今晚就來到以潮州菜聞名的百樂潮州酒樓💫百樂潮州酒樓重臨銅鑼灣希慎道舊址12月中正式重新啟市，由原址出發，為潮洲迷繼續帶來正宗潮州的味道，由嫡系後人主理，傳承三代，重現經典名菜，為大家尋找記憶中的美味💫新店更引入更多新元素，為傳統潮菜更添色彩💫環境跟以前一樣寬敞舒適，新裝修後地方更雅致，服務更一流😂 每個店員都好可愛，配合度高，話頭醒尾😎頭盤💢滷水崩沙腩崩沙腩筋膜連少少肉，軟腍味香，肥瘦剛好，滷水很入味，底墊有清甜蘿蔔，一吃見底💫💢鵝肉鵝肉沒有羶味，突出鮮香，肉質豐厚軟嫩多汁，配上甘香醇厚的滷水，味道恰到好處💫💢潮陽炸雙棗蝦棗跟蟹棗，潮州菜必食菜式之一，每粒均是滿滿蝦肉跟蟹肉，圓形蝦棗彈牙鮮甜、卷形蟹棗脆香可口💫湯羹💢潮式紅燒魚鏢海皇羹一路以小臘燭熱著上餐，整個小鍋熱騰騰，材料豐富，配以花膠絲、瑤柱、魚鏢等珍貴海味，入口鮮味滿滿💫主食💢姜米鴿原隻乳鴿釀姜米飯，米身軟糯，滿滿姜汁香味，釀好米飯後再炸乳鴿，乳鴿外皮香脆，這道菜非常好吃及充滿特色💫💢生焗糊椒花尾躉 (半份) 用上大量糊椒香蔥頭等焗製，打開煲蓋陣陣飄香，花尾躉是最嫩滑的部位，入口魚皮滿滿骨膠原，感覺吃完皮膚充滿彈性💫粉麵💢沙爹牛肉河潮州地道菜之一沙爹牛河，主要是以沙爹醬炒以牛肉和河粉，牛肉軟腍入味，河粉撈上沙爹醬味道可口💫甜品💢芋泥炸雪糕炸雪糕，面頭是芋泥，中間是炸雪糕，冷靜與熱情之間組合，外皮香脆，中間雪糕香滑💫…查看更多

1.硼砂腩似牛辗，又硬又冇味，份量只有6片2.双面黄变单面黄及淋，并要三吹才上菜3.菊花又要另收钱4.粉丝沙茶牛肉煲好吃5.传统潮洲小食不错6.九点后服務甚差。4.冲茶要吹…查看更多

聖誕食中餐是常識吧😂睇報紙訪問見呢間老字號最近原址重開原創辦人嘅嫡系後人主理返～ 主打總店以前嘅經典傳統手工潮州菜坐低唔少得就係飲返個功夫茶同埋食返個開胃嘅鹹酸菜錦繡四拼盤嘅都係潮州菜嘅名物，蟹棗蝦棗香口，粉嘅比例比較少，食得出蝦蟹嘅鮮味，滷水鵝入味，墊底嗰片豆腐勁滑，都出色！大少煙鱔唔算係潮州菜，但都係舊時嘅經典菜式，用法國嘅煙鱔再調味，有煙燻香帶淡淡橄欖味，肉質彈牙，鮮到有啲似食緊魚生🙂‍↕️杏汁白肺湯處理嘅工序繁複，多數都係出街飲😂濃濃嘅杏仁味～ 正湯嚟潮式紅燒魚鏢海皇羹潮州人整翅係有一手，佢哋用整嘅手法嚟做呢個海皇羹，除咗魚鏢之外仲加入咗花膠魚翅蟹肉，勁鮮甜！等我儲吓錢就會再嚟食潮州翅🙂‍↕️生焗胡椒花尾躉可以補補骨膠原，花尾躉鮮甜肥美，用薑蔥蒜爆香，冬天食一流～四寶片皮雞～ 炸子雞嘅做法，用滾油淋熟隻雞～ 片皮拆肉，雞皮香脆雞肉嫩滑，墊底度鋪滿咗Nuts同埋海蜇，加少少椒鹽或者豉油食都可以，口感同味道比平時食到嘅炸子雞豐富～ 最後我哋仲食咗個炒魚麵，魚麵彈牙，配料都勁多，有蝦有肉絲等等～ 飽豬嚟得食潮州菜，除咗個杯功夫茶之外就一定要食反沙芋，除咗反沙芋之外嘅甜品都出色，下次要試吓佢哋嘅炸芋泥雪糕，不過要早一日訂…查看更多

今年平安夜同樣跟家人渡過, 慶祝西方節日又唔想同人迫, 我地今晚選擇食潮州菜。呢間位於希慎道嘅「百樂」, 為家族傳承第三代所經營, 可說是老子號。近月更重新裝修再度開業, 除保留傳統菜式, 更有加入了新元素嘅菜品, 令食物選擇更多元化。入座即送上潮汕小食鹹酸菜同埋功夫茶,每逢食潮州菜, 必食當然係滷味, 想一次過品嚐多款滷味, 選擇了併盤。【錦繡拼盤 (自選四款滷味)】HK$100/位鵝肉軟嫩, 滷得入味; 金潮陽炸雙棗 (蝦棗+蟹棗): 外層微脆, 入面真材實料, 食到蝦/蟹嘅鮮甜味。滷水崩沙腩: 唯獨有點失望, 偏乾同有咬口。大少煙鱔: 很有煙燻鹹鮮味, 魚質爽滑, 坊間少有, 推介必食!【胡椒咸菜豬肚湯】HK$98/位湯以一盅盅熱辣辣上檯, 胡椒味極重, 微辣驅寒, 內有盡吸了湯汁嘅咸菜同埋豬肚。【四寶片皮雞】HK$680係其中一款手工菜式, 雞皮炸得金黃香脆, 皮下沒多餘脂肪, 而雞肉已被拆骨撕成絲絲肉, 可以放心整啖入口, 肉質嫩滑, 墊底仲有少量海蜇。【生焗胡椒花尾龍躉(例)】HK$600煲仔熱辣辣滋滋聲上檯, 香氣樸鼻, 龍躉肉質鮮嫩, 加上大量胡椒, 鮮香味更加提升。【紅炆鵝掌煲】HK$240同樣熱辣辣上檯, 鵝掌炆得林, 東菇彈牙, 有生菜墊底, 加上玻璃茨汁, 口感黏滑, 唔會過鹹。【招牌魚麵】HK$228很有特色, 魚麵鮮味十足, 加上了蝦仁、芽菜、茜芹, 夾集一齊食, 很有口感層次。【芋泥炸雪糕】HK$120/一份兩粒拳頭般大, 外層鬆脆不油, 包裹了雲呢拿雪糕, 外暖內冷, 面層加上少許甜甜地嘅芋泥, 整體不會太甜。【芋泥】HK$48/碗芋泥熱熱地, 口感綿密, 滲透甜甜地嘅芋頭味, 味道不錯!…查看更多