百寶茶檔

朋友推介左一間港式早餐店，心血來潮一大早去，早上已經滿滿的用餐人潮不誇張，原來百寶小食可是在地人特愛的美食店榨菜肉絲公仔麵的榨菜很重鹹，味道夠，但是搭著公仔麵一起，反而恰到好處。麵包內夾著一層奶油，半熟蛋咬下會流金黃蛋液，小心不要滴到衣褲啦土司夾番茄，吐司雙邊烤過之後，中間夾著番茄跟起司片，番茄多了香甜跟水分，所以不用擔心土司吃起來過於乾口，味道部份多了起司鹹香，就還不錯。凍奶茶很好喝，茶味重，奶味也夠濃，相當順口。…查看更多

上星期約咗friend去佢屋企打邊爐, 就約咗食個tea先再去街市買錯嘢。朋友就帶我到呢間百寶茶檔, 呢間茶檔有兩個舖位，兩間鋪地方都細，有好迫嘅感覺，舊舖已經坐滿咗人，就去咗一條馬路隔嘅新舖位度。我哋叫咗招牌咸牛肉蛋餅配牛油多士同埋茄蛋治。咸牛肉同蛋呢個配搭不嬲都好味，份量多又唔會過熟，牛油多士香脆，配搭嚟食口感豐富。三文治裏面嘅蕃茄好新鮮，蛋層好厚身抵食，而麵包皮我就覺得可以再靚仔啲。…查看更多

百寶茶檔-經典魷魚米食嘢！哈囉！聽你講今日去百寶茶檔食嘢，真係超多人啦，有一半係遊客，可能係因為小紅書效應啦，吸引唔少潮人嚟打卡吖！😝你叫咗雪菜麵配雙蛋奶油多凍咖啡$42，同埋客家鹹香魷魚米配凍咖啡$45，第一次試客家鹹香魷魚米，味道係幾好，唔錯唔錯！不過，啲魷魚真係太鹹啦，係咪要提醒下師傅煮食嘅時候注意下鹽分啊。百寶茶檔嘅食物總體黎講都係經典又實惠，加埋凍咖啡，真係啱晒呢個天氣！下次再去百寶茶檔，試吓其他嘅招牌食物啦，希望可以發掘到更多驚喜！享受美食，一齊悠閒咁過個幸福時光啦！🥰…查看更多

次次打去叫外賣都出錯講左三次芝蛋冶 佢都聽左雪菜米 真係唔知點聽出黎好啦到最後出左芝腿冶…講左三次啦大佬 都係錯我敏感唔食得腿 就無食到 好浪費前幾日收錢啊姐又唔理啲人排隊收晒我後面啲人嘅錢我就一直企係到唔收我嘅其他人都知自己排後面唔好意思 指一指我啊姐就無理 幾好笑 …查看更多

一開門就話自己等咗幾耐，同埋自己再等落去就要走，我唔明佢係唔係壓力過大，係我面前發神經，我睇番屋企嘅cam，佢只係等咗倆分鐘，就係度串我，希望你哋審視番個問題，雖然啲嘢係唔錯，但服務態度係一個問題…查看更多

鍾愛雪菜麵/米，落完單好快就上菜。多士夠脆，蛋略為油（太陽蛋無得唔油呀小姐😂），放埋落麵一齊食啱晒，因為雪菜調味比較咸，有蛋黃中和返啲。咸度同以前 XX運相約，但無咁甜。（利申食開淡口嘢，味蕾敏感小小）麵無煮過頭，有咬口。奶茶幾好飲，茶膽偏濃。見到隔離枱個成2寸厚西多好正，下次要試！食物飲品夠熱，份量都夠。座位係迫小小，唔介意可以坐室外。…查看更多

好多餐廳七點先開門！百寶茶檔六點半準時營業。😂淨係要個餐蛋一丁麵加凍啡少甜少冰！盛惠33蚊！☝️餐肉夠厚有煎香過，起碼唔會尋日見到人情紙咁薄嘅餐肉。😏最緊要凍飲唔洗加錢，畀我提一提神！🎉…查看更多

同朋友兩個人一齊去，點左一個餐肉米，1個卡邦尼肉粒飯。未食過有茶餐廳用滾水湯底都算啦，衰到連鹽都唔落。餐肉米已經係好唔需要廚藝嘅一樣嘢都做到咁差，即係冇良心。然後個卡邦尼肉粒飯，酸既。連埋其他怪味唔識講。好有可能因為佢係個汁度加咗香草，卡邦尼醬將從來唔會加香草。搞到個汁一陣怪味！然後啲肉粒都有怪味，係另一種嘅怪味！本來唔好食就連寫食評都費事，但係味道真係差得好緊要，唔寫驚其他普羅大眾俾佢呃咗入咗去。…查看更多

到了附近工作後，常同肥師兄到這間茶記食早餐。這裡早餐價錢不貴，沙嗲牛肉麵+凍飲只需$33（2023年）再加雙滑蛋多士只需+$6。而且即食麵轉出前一丁還不用加錢已比別的食店慷慨。味道方面，其實早餐的食物不外乎即食麵，滑蛋多士。煮得難食比煮得好食更難。這裡比較特別有元朗的勝利牛丸。他的招牌百寶春卷都不太差，不過早餐食就油膩少少。若真的難食仲可以加辣，加辣就食乜都辣。除辣椒油仲有一蘭的辣粉可以試。唯一較差就是環境比較骯髒，不過早餐都是快快脆食完埋單走人，影響不大。…查看更多

好多時買餸都會經過呢間小店。雖見佢乾淨企理，但係都係食下早餐，三文治之類，都無咩特別姐🙄前兩日天氣一潮濕人就懶，拖到下晝兩點幾先去買餸。去到行過見下午茶時間都坐滿人，我又未食晏，但諗住一枝公無謂同人迫啦。到買完餸，見剛有人走，又未有車返屋企。就試吓啦。睇到餐牌都係以前茶檔大路嘢，想快快趣就叫咗個特餐$40⋯⋯見佢有出前一丁係佢哋指定公仔麵完全唔駛加錢😂跟餐飲品仲要冷熱同價，真係未食先興奮🥰上檯直程要嘩一聲太陽燶邊蛋而隻蛋一啲都無散，個多士外脆內軟，咬落就知唔係隔夜方包個沙牛麵牛肉軟滑，個丁麵跟足我要求夠晒爽，仲落埋麻油，完全無得挑剔🤪仲有杯凍檸茶，茶夠香，甜味剛剛好，大大杯都唔駛加錢，真係不得了總結報告：非常之食得過同場加映： 全套樽裝汽水同自家製無冰奶茶+鴛鴦…查看更多

沙嗲牛肉麵可以話全個油麻地數一數二，沙嗲味夠香之餘仲有花生粒，非常有誠意。再送兩條菜心，感覺都健康啲。如果剩沙嗲牛太寡可以加錢黎個多士炒蛋。裝修後，環境寬敞，燈光足夠， 位置都坐得舒適左。唔知係咪夥計都換左，快左爽手左，不過朝早比較多人食，可能要等位。下午茶，鹹牛肉蛋餅雖然話係招牌，個人覺得未到頂級，不過唔鍾意重味嘅朋友可以一試。飲品黎講都係茶記水準，我就飲左熱朱古力，奶味重，不過比較偏甜。黎到油麻地 食港式早餐常餐 一定係食呢間。…查看更多

沙嗲牛一丁沙嗲無hea 你， 好香微辣，見到有花生粒嗰種。一丁會煮生啲，食下食下就岩岩好。腿蛋治係厚蛋，幾滑。茶檔環境唔好要求有幾乾淨但唔會令你唔舒服，服務都唔係温暖貼心但呀姐至少有求必應。…查看更多

剛好經過街口茶擋，便入去吃個午餐～ 選擇並不多，但價錢合理。 一個特餐$40蚊，本來對街邊菜檔無咩預期，只是想填下肚同打發時間，點知首先個多士好香好脆味道不錯，煎雙蛋就正常水平，杯熱咖啡比一般茶餐廳好飲好多，值得一試。 最後是個主菜沙嗲牛肉公仔麵，牛肉是先炒過（見到有少少燶邊，所以好香）而值得一贊是個湯底，味道一流，第一次吃茶記公仔麵湯底是加左鮮辣椒和蒜頭粒，真係認真製作～ 最後埋單$40，貼心老板仲回了一去利是～ 本以為是下次光臨現金卷或祝福字句，點知是現金$10。。從用料和其他細節上看得出老板是真心真意做街坊生意👍👍👍…查看更多

原來，原來這間「百寶茶檔」已有不短的歷史，不過也許是以前地方簡陋，其貌不揚吧，即使自己偶然都會路過，也從來沒有留意到它，到了近一兩年，有時候經過這附近，發現有這麼一間地方開揚的茶檔，才真正留意到它，而到了數天前，我再次經過這裡，就第一次在裡面吃個茶檔早餐。這裡早餐選擇不少，地方也算光鮮企理，看餐牌，見「早晨麵餐」中有一款「招牌鹹牛肉蛋麵」（$37）似乎不錯，便叫來一試。「招牌鹹牛肉蛋」是另上的，不怕被麵湯浸淋。這蛋餅都幾大份厚身，鹹牛肉份量適中，不會過多過鹹，但也不會太少而無鹹味，加上都算滑的炒蛋，以之伴出前一丁吃，沒有那麼大路之餘確是不錯。至於那杯以不鏽鋼杯子盛載的「凍奶茶」，味道過得去，奶味頗濃，也讓我勾起了一點往日的回憶，懷緬起舊日的足跡。這裡風味獨特，這天我吃的早餐味道也不錯，加上它還有不少其他較為特別的早餐，好像「勝利牛丸麵」、「客家鹹香魷魚米」、「百寶春卷麵」等可供顧客選擇，如果碰巧在早餐時間路經這附近，我想我應該會再去幫襯的。…查看更多

一間老舖，好傳統既舊式茶檔翻新，執整過之後，坐得舒服左，不過都保留茶檔風味連餐牌亦都更新左，系靚左好多既一一一就叫個 招牌鹹牛肉餅 配 牛油多士賣相幾特別，系花過心思鹹牛肉系好食，裡面都keep到少少滑蛋感唔會煎得好老而牛油多士都唔止系放得好睇牛油足，夠香，亦都夠脆身，讚既👍🏽重跟凍飲唔洗加錢添…查看更多