百好名宴

而家香港食肆食物質素差冇服務都預咗，叫做支持香港經濟放假，一家人出去飲茶換來一肚氣。這家百好名宴在荃灣酒樓來說質素很一般，但勝在地方大，假期易搵位。催左好多次，等左一個小時，點心上齊但仲爭炒飯，催極都唔出。最後不知情情況下，將我個飯打包飯盒送上。食物質素差，燒賣嚴重乾蒸，蝦餃皮厚蝦又老又韌，鯪魚球皮厚個又實。服務態度差，完全冇服務地方大但服務員不足，要自助開位，沖茶加水，加一茶位費就收到足，完全沒有服務可言。…查看更多

飲個下午茶 都一肚氣， 啲點心一般 ， 啲服務就超差， 見到你舉手入單 ， 見到你都當睇唔到， 叫幾次都無人應。 幾個侍應仲成日行埋一齊吹水， 都唔想做， 唔想做就咪做啦，但係又要出糧， 啲酒樓執笠， 有人覺得好可惜 ， 呢啲未執得嘅酒樓都唔想做 ， 都唔想幫襯 ， 無服務嘅不如快啲執。 唔值得幫襯嘅酒樓。 …查看更多

今日同屋企食飲茶，食左南豐中心的百好名宴，好多人要等位大約15分鐘。食左5個點心好滿足。燒賣不過不失，皮薄但會黏。南乳蒸豬手皮厚具膠質，肉質淋滑，南乳惹味，口感不錯 。馬拉糕不太甜，可接受，有庶香味，糕身鬆軟，甜度適中。蜜汁叉燒腸粉的叉燒嫩滑，腸粉皮不厚。蝦餃皇皮內有大隻蝦肉，爽口彈牙，一口一隻十分美味 。點心出菜時間較長，偶爾會有漏單的情況。總結點心種類多，味道整體來說中規中矩。 環境舒適，適合家庭聚餐。…查看更多

星期日一家人去荃灣南豐中心既百好名宴食晚飯🤗， 海鮮好抵食呀！酒樓做緊一些特價，我哋人多可以叫一條兩斤沙巴龍躉，只係$38蚊👍！魚好新鮮，蒸得好滑， 又叫咗自選三寶，椒鹽鮑魚好正！鮑魚好冧！ 😋見阿拉斯加蟹腳都係$248蚊斤！ 不過屋企人鍾意食龍蝦多D，所以冇叫蟹。 上湯龍蝦伊麵， 龍蝦好新鮮肉質彈牙，個湯汁都好味道！其他餸菜味道同份量都正常 。侍應服務都唔錯，環境坐得舒服。 酒樓位置就係荃灣地鐵站一出來， 帶老人家小朋友去食飯，非常方便！👍…查看更多

今日我去咗荃灣南豐中心樓上嘅酒家，試咗一個$1700嘅圍餐，真係食到好滿足！呢個價錢包括咗幾道好豐富嘅菜式，真係好值！首先就係乳豬拼盤，乳豬嘅皮脆得嚟肉質又嫩，每一口都可以感受到肉汁嘅鮮甜，完全唔會油膩，搭配上少少蒜蓉醬，更加提升咗味道。拼盤裡面仲有其他小菜，真係開胃！跟住就係龍蝦伊麵，呢個菜式真係一絕！龍蝦肉質鮮甜，搭配上炒得香滑嘅伊麵，味道好濃，真係每一口都令人陶醉。伊麵吸收咗龍蝦嘅鮮味，食落去真係好滿足。再嚟就係炸子雞，雞皮炸到金黃香脆，肉質鮮嫩，每一口都咬得出肉汁，真係好好味！炒西蘭花就清新爽口，蔬菜炒得唔會過熟，保留住脆口感，食落去有種健康嘅感覺，搭配油膏嘅味道都唔錯，平衡咗整體嘅口感。最後，甜品就係薑汁糕，呢個甜品唔算太甜，薑味適中，帶少少辛辣感，食完之後口腔好舒服，真係一個好開心嘅結尾。整體來講，呢間酒家嘅圍餐質素好高，菜式豐富，環境亦好舒適，服務態度都好親切，令我哋嘅用餐體驗更加完美。如果你想慶祝特別日子，呢度絕對係個好選擇！我肯定會再返嚟，試下其他嘅菜式！…查看更多

這間酒樓，平時點心出菜時間特別長，經常有漏單的情況出現，今天去飲茶的時候，點心超過一個小時，仍未見有出現，不停找部長投訴，部長態度非常惡劣，不停重複點心需要即蒸，但沒有可能，燒賣要等我下單，才開始剁豬肉吧，等了超過一個小時，也沒有。經過廚房的時候，無意中聽到，廚房有人叫“無碟用”。怪不得乾炒牛河，超過一個小時仍未出現。最大問題是，職員態度非常惡劣，出餐時間耐，還反罵客人。完全沒有道歉。更離譜的事，點心味道非常之差，腸粉又硬，又厚。黑椒牛仔骨，全是肥膏，黑椒汁醬好像漿糊般，蝦餃的皮很厚，最重要是裏面的肉不新鮮，有怪味。…查看更多

新年初三有開嘅酒樓，我同屋企人諗住趁早飲早茶。酒樓可能因為新年，人不算很多，不用等位。但d姐姐一見你揾野就以為你派利是🧧，唔係好搞得掂🙈。欣賞佢嘅係佢果張點心紙，好有心思。每道菜式都寫有關於新年嘅好意頭，例如發財燒賣黃、包你發財系列。抱著拿個好意頭嘅心願，也點了相關的點心。🥟🥟🍜食物上枱温的，普普通通。味道一般。茶也是還好。位比較多，可選位來坐。最後點了8樣野，埋數$499。新年來講差不多。…查看更多

噚日（19-1-2025 Sun）亞叔出殯，完成後食解穢酒，堂妹佢哋訂咗舊年我爸爸嘅解穢酒嘅呢間（食評係20242024年1月14日刊登嘅呢篇：https://www.openrice.com/zh/hongkong/review/blue-%E9%A0%90%E5%85%88%E6%95%B4%E5%AE%9A%E5%98%85%E8%A7%A3%E7%A9%A2%E9%85%92-e5239749），又要舊地重臨。我哋全部坐低後，菜色自動送上，同我爸嗰餐嘅都一樣，係個羹唔同，唔記得好似係魚肚羹，味道唔太鹹。而其他嘅都差唔多，不過今次燒腩仔好咗，皮脆唔係硬。炒飯就有啲乾得滯。今次食評慳水慳力，而我又冇影相。環境：俾咗一間房，梗係闊落，但靠窗嗰邊冷氣唔夠，叫咗開大啲都冇分別。4.5分…查看更多

荃灣算係多野揀多野食既地區之一, 因為今次有一班人食飯關係, 所以就想揀酒樓食啦最後係揀左呢間試下, 叫左個餐, 不過整體黎講係失望... 之前先叫左個拼盤食, 之後個餐都有個拼盤, 份量係ok, 不過燒鵝肥到係無肉食到落口...我都明白燒鵝係比較肥, 但成個拼盤都無舊正常d既肉食落口....蒸魚ok, 肉質一般啦, 食落去又未算好滑既口感, 條魚都算係正常尺寸龍蝦伊麵(ok)伊麵份量係正常, 龍蝦算係有肉可以食下既. 肉質正常, 爽口又未至於既地步.炒飯(ok)服務方面, 上菜要揀位置上, 有專登拉開左個吉位, 都係要係人與人之間上...另外, 個碟可能比較大, 上菜阿姐放個碟上張台個時, 掃左幾舊拼盤既叉燒落台布... 上完就走左... 呢個有D嬲...而且呢間冷氣唔夠, 食到出汗... 本身間酒樓都唔多人食,坐左一半範圍而已, 不過冷氣都係唔夠...>>>總結<<<食完一次已經唔想再下次. 價錢又唔算好抵, 當然對質素要求高D, 不過唔達標...…查看更多

大家好！今日我要講下📢📢荃灣百好名宴。嗰度真係非常離譜！九人或以上就可以三選二，點兩個菜，我哋就叫咗片皮鴨同乳鴿，個片皮鴨佢話要連埋個鴨殼就要加十蚊，仲要唔幫你刮嗰啲肉落嚟！ 所以我哋咪唔要片皮鴨，要咗沙薑雞。但轉頭佢又話冇沙薑雞，好心佢就喺個餐牌刪咗佢啦，真係好離譜😡😡！但關於嗰啲乳鴿仲離譜呀！收到菜之後，佢竟然唔幫你剪開乳鴿一件件，畀個剪刀你，仲要一啲都唔利，剪到我哋隻手好攰！佢仲話如果幫我哋剪埋，要收正價喎:(:( ，你哋覺得合唔合理？真係非常唔推介食呢間嘢囉 ！記住，係百好名宴餐廳，如果你哋要聚會，一定唔可以嚟！如果唔係真係會哭住走😭😭！…查看更多

叫左個雀局套餐 同佢講7點上菜 職員不斷游說我地6點上菜 6點我地食唔落 所以都係叫佢7點上菜 我6點9果時經過食野間房 d野食已經上齊哂 7點埋台食野 d野都已經唔熱 d野食唔好食都預左 d野唔熱真係搞唔掂 真係唔再幫襯…查看更多

今晚朋友約咗喺荃灣嘅百好名宴晚飯聚舊，呢間酒樓喺南豐中心五樓，老實講，商場環境真係麻麻，我平時甚少去呢啲地方揾食。首先酒樓地方頗大，街坊酒樓格局，朋友係呢度熟客，所以由部長親自招待，服務好好我哋有六個人，点咗個片皮鴨，上湯焗龍蝦，燒雞，蒸魚套餐，蒜蓉炒豆苖，雜菜煲，同送嘅甜品薑汁千層糕，相當豐富整體而言，食物不過不失，服務因為熟客，待遇亦好，以價錢嚟講，是經濟抵食的街坊酒樓。…查看更多

前日(12-1-2024 Fri) 晏晝,爸爸出完殯去食晏,爸爸嘅解穢酒就係喺呢喥,我哋預頂嘅菜色係:1. 唔知咩羹見到唔少料,都正常唔鹹唔淡.3分2. 甜豆雞柳正常冇問題.3分3-4. 齋菜, 紅燒豆腐鹹淡同口感都適中.3分5. 生炒排骨呢個都唔錯.4分6. 燒腩仔好彩唔係太肥,但皮都有啲硬.3分7. 蒸斑蒸得啱啱好,唔會好嚡.5分8. 白切雞唔蘸薑蔥食都夠味.5分9. 楊州炒飯粒粒分明,唔太油,OK 嘅.4分10. 陳皮紅豆沙唔太甜,陳皮份量啱啱好,唔會太出.4分美中不足嘅係全部菜都只係暖暖地,其實我哋比預訂時間早半個鐘到,估唔到咁早整好晒.環境:俾間房我哋,有私隠,亦唔會影響到其他客人,唔錯.價錢:最後係開咗兩圍，好似叫咗4支碑酒1罐汽水，共$5,762.00.…查看更多

投訴無門的管理，樓面阿姐態度極差，叫都冇回應，向穿黑衣制服反應問題，都係敷衍了事，可能等結業，消費者可親自品賞這惡劣的服務態度，難怪港人北上。日前媒體也有作街頭訪問，其指出的問題，舆我在這家所遇到的一模一樣，香港的服務業真的變差了嗎？…查看更多

今日有6個外國客人來找老閭老闆叫我訂酒樓等客戶食中菜一心近近地就公司樓下。訂左12位，剛啱今日中秋午餐仍有商務12人餐，當時還覺很好彩。酒樓不算多人，佈置好光亮白色為主，但當我攞到位坐洗碗沖水開始熱。到老闆和客戶來到就叫經理起菜。蝦餃和燒賣味道都正常，就是不算大隻比較普通然後酒樓好快餸菜就上枱，當時我餐覺得效率不錯。金牌燒鵝 比較乾身最大問題大家都有點越食，就越覺得熱會出汗……熱茶已經不能飲忍唔住就問問經理，冷氣可否睇睇，經理就回我們中央冷氣無辦法即刻叫凍啤酒和汽水，等客戶好些……法國燴珍寶蝦球，我真的想不到為什麼菜式法國燴……我吃到蝦球就是像白汁味道，隻蝦應該冰鮮蝦都爽口。XQ脆爆珊瑚蚌片，比較出色蜜糖豆脆身，最多人食這款大家因為又熱食物又普通都無咩心情，食剩很多食物。甜糕我估紅糖紅棗，但死甜大家都沒太喜歡。今次之後都不會再來，又熱又焗什麼胃口都沒有。還被老闆怪罪…查看更多