百味食品

营业中

休息中

葵廣的百味食品充滿學生回憶的食物, 就是一包包的撈麵和配料, 去到葵廣先點這個醫肚, 因為真的很便宜, 抵食, 又開胃, 雖然比學生時的價格貴了, 但都算是合理的範圍。點了八爪魚﹑小辣和涼麵, 吃起來非常清涼, 一解夏天的熱, 小辣味道得宜, 一口接一口吃都不會嗆到, 也沒有辣到喉嚨痛或變孖膶腸, 而是越吃越開胃, 麵條比較軟一點, 算是容易入口, 但都不算煮得太過, 是不錯的。我喜歡這個醬汁, 跟麵條很配, 麵條很掛汁。八爪魚爽口彈牙, 不會過韌, 煮得相當專業。

由細個讀書到而家出嚟做嘢每次嚟葵廣都必定會嚟買包撈麵呢個真係情意結嚟嘅❤️❤️❤️❤️最鍾意加蜆肉鵪鶉蛋雞腎重點重點一定要多蒜 真係超級好食 又惹味🤤🤤🤤🤤🤤

📍百味食品行過葵廣總會想瘋狂掃街😋今次決定懷念學生時代既味道➡️冷麵‼️🍜冷麵既麵底每包$4今次嗌左米線米線好掛汁😋配料嗌左海蜇🦑牛柏葉🐮芋絲每一樣都好爽脆加埋蒜蓉辣醬食真係一流🤤🤤🤤除左冷麵仲有小食例如醉雞翼同溏心蛋下次有機會再試下啦😆😆😆

星期一紅日同朋友約好去葵廣掃街一早已搵定幾間心水必食小店要去試下一早鎖定要食3樓個撈撈冷麵， 絕對係為左童年回憶。細個好中意食呢d撈麵， 但到左大個就覺得衛生問題，好少食。 但今日唔理啦， 我就係要食！ 叫左2包冷麵（原來一包麵都唔少， 後悔食到咁飽仲叫左2包麵），1包必食既中華沙律，1包粟米同1包螺肉，合共$21（最低消費$12），要小辣，要蒜。 一黎到好大包，好夠凍， 好多麵搞到有d難撈， 同唔夠重口味， 可以再辣d同再多蒜d 。味道方面唔駛點講，因為為左回憶而食。

食撈撈真係通常都會揀百味，咁多年每次食都係咁好食！😋😋隨自己喜歡執左幾個配料同冷麵，$30有找，有幾好食都唔使多講，雖然size唔大，但總之開胃好食實無輸！👍🏻

記得中學時期成日都食，咁多年佢好似無乜加價，都係$3包，不過而家最低消費就至小買$12。每次必點墨魚咀同冷麵，雞腎同鵪鶉蛋都好鐘意叫，佢能夠係到咁多年都仍然存在有佢既原因，佢同我中學時期食無分別，多蒜小辣，真係比勁多蒜，叫4個餸都唔係好大包，作為餐前/後小食都得，希望佢可以繼續做落去。

繼繼續葵廣掃街系列😙！冷麵真係中學去旺中葵廣必食，十幾二十蚊就有交易👌🏻，最緊要係有得選擇嘅自由！呢間3蚊一包咁佛心，最低消費都係12蚊😱，同埋放係雪櫃由店員姨姨執，點都衛生過自己揀嘅————————————————👅自選冷麵（左$21）🔸 揀晒鍾意食嘅魷魚、牛柏葉同豬頸肉，豪食等於兩餸嘅6蚊溏心蛋🥚。雖然好平，但每樣餸都有幾條，質素就好一般啦~蒜味未至於食到口臭🧄，調味重鹹，拎住個膠袋用竹籤食係精粹，可惜無咗牛骨髓啦！————————————————🚩總結：我食嘅係回憶💭———————————————— 🌟注意：冷麵最低消費12蚊————————————————📍 百味食品地址：葵芳葵富路7號葵涌廣場3樓3075號舖.🗺地區：#bem葵涌📥分類：#bem港式💰人均消費：#bem_50蚊或以下

葵廣一大特色，就係冷麵！未食過冷麵真係唔好同人講你黎過葵廣呀🤣記得n年前中學雞時代果陣係$2一包，經歷咁多年黎嘅都只係$3一包，除左抵之外都唔知仲可以講咩😌選擇困難症唔知叫咩好，最後揀左螺絲粉、墨魚咀、木耳、海蜇、鵪鶉蛋，始終覺得冷麵係要配返d木耳海蜇之類嘅冷野🤗原諒我因為冷麵嘅包裝所限唔能夠影到d咩靚相個人口味只係加左蒜無加辣，要蒜定辣，任君選擇啦🤤

冷面，相信係唔少人既童年回憶，細個慳錢之選，十幾蚊既食飽，又好味葵芳呢間冷面，十二蚊就食到六包，仲係細細個食既價位，的確好平！不過當然份量唔多，要食飽既話，我諗要食坐底食十八包先夠，不過當小食既話，十二蚊就岩晒我！今次叫左２包面，４包材料。材料叫左栗米，腸仔，螺肉同芝麻八爪魚！螺肉芝麻八爪魚通常一包都係得一粒，栗米，腸仔相對多ｄｄ。調味方面，叫左唔辣，多蒜，加埋本身佢地店既百味醬（其實到而家我都唔知咩係百味醬），一食落口，個陣蒜味爆出口，好正呀，好有童年感覺，間唔中食返真係幾好味。

今天跟朋友在葵涌廣場掃街食小食，第一站來到自選的小包麵食，衛生情況一般，但味道不錯。價錢上比以往貴了，大約要$2一包，如果想試試都可以值得一買。整體來說味道都算不錯。

每次去葵涌廣場都鍾意一邊食小食一邊shopping,"撈撈"絕對係我以前讀書時期一定會買嘅小食,不過我已經好耐冇食過,因為葵涌廣場實在有太多唔同嘅小食可以簡,所以一直都忘記咗"撈撈"!!不過今次突然心血來潮好想食"撈撈",所以嚟到呢度重拾返讀書時期嘅感覺 雪櫃入面擺滿咗唔同嘅小食,多到都唔知揀乜嘢好,抬頭望一望menu諗咗一陣,最後我揀咗兩包麵,蟹柳,雞腎,粟米同八爪魚,一共6包12蚊,我記得以前買嘅時候係9蚊6包,估唔到而家已經加價到12蚊,味道都係冇乜點變,份量就係得咁多,不過過下口癮姐,貴少少冇所謂啦!

在滿佈美食的葵涌廣場內，一定要吃3樓百味食品的冷麵，冷麵在香港已經較為少見了，而只售賣冷麵的店舖就更少了。冷麵夠冷，是冷麵不可或缺的質素，這間小舖的冷麵就很夠冷了，這次要了4包原味的冷麵（因為冷麵一定要2包、2包的買），醬汁是冷麵的靈魂，這間冷麵的蒜汁很足夠，味道很好。配料很入味，這次選了八爪魚、螺肉和海蜇，配料很彈牙、爽口，只是有點少，始終只是2元一包，太便宜了。這次吃了7包，一共只是14元，吃畢還很想再吃下一包。

呢日黎到葵涌廣場 除咗想行街之外 點都要黎試吓呢度嘅小食見到間小食店嘅門口企滿晒人 即刻行過去睇下有咩好嘢食先每包麵/餸都只係$1.5 簡直唔敢相信自己嘅眼睛即刻決定要買黎試吓不過原來每包都好細包 我哋買咗＄15就係呢個份量但都好嘅可以樣樣餸都食下 而且會幫你撈埋 唔使自己動手

好耐無蒲葵涌廣場，上一次應該係兩年前，不過無上三樓，今次一個人無無聊聊突然諗起呢個地方，咁就不如就上黎食下野啦.……撈野食中學時代成日食，以前一包賣$5-6，不過大大包，三兩包倒埋一齊已經能夠滿足肚餓感而家$1.5一包，十包都得好少😌好感覺到物價通脹的威力🤔🤔🤔

中學時期好喜歡食嘅小食之一，但係當年都要10蚊4包，估唔到十多年後的今天，經過通貨膨脹，可以平過十幾年前。不過當然份量真係好少，可以當係口痕食下，千祈唔好諗住可以飽肚，除非你食20包。冷面、海哲、牛柏葉、螺肉老實講，撈埋一齊之後真係分唔到咩餸打咩餸，因為太細份，當過下口癮囉