百味章魚

呢間前身係章魚無雙，舖頭寫係由原班人馬改名繼續做，所以本身就諗住味道應該差唔多，不過結果就有少少失望🐙 蜜糖芥末章魚燒 6粒 $31今次叫咗蜜糖芥末章魚燒，一拎就已經見到明顯細粒咗好多，章魚都偏細粒，味道就同章魚無雙差唔多，不過質地就硬咗少少🤔 其實味道就唔差嘅，不過如果要同章魚無雙比嘅話，就仲差咁啲之後如果唔係突然之間好想食章魚小丸子，應該就未必會再食呢間啦🤔 -味道: 6.5/10回頭率: 6.5/10總評: 6.5/10…查看更多

環境簡約熱鬧📸空間雖小，服務快捷，適合掃街或外帶。😊與「真‧章魚無雙」同屬一脈，質素穩定，吸引不少食客。🐙 原味章魚小丸子（HK$29/6粒）｜外脆內嫩原味章魚小丸子賣相金黃誘人，外層裹上柴魚片與沙律醬，香氣撲鼻。🍡每粒內藏兩粒章魚，入口外脆內軟，章魚鮮甜Q彈，搭配經典醬汁，甜鹹平衡，令人回味。😋麵糊厚薄適中，燒得均勻，無油膩感。份量適中，6粒適合1-2人分享，HK$29的價格在旺角極具競爭力，性價比高。🍴 其他口味選擇除原味外，餐廳提供多款創意口味如明太子、黑松露及蜜糖芥末（約HK$30-56/6粒），可選雙拼（約HK$42/6粒），增添趣味。明太子款濃郁鹹香，與原味相比更具層次，惟價格稍高，適合嚐鮮。🏙️ 環境與性價比百味章魚位於旺角中心，地點便利，適合掃街一族，惟堂食空間狹窄，多以外賣為主。📍店員態度友善，製作過程乾淨衞生。人均約HK$30-60，原味小丸子以HK$29帶來高質享受，性價比極高。即使其他口味價格略高，食材新鮮與即叫即製的用心仍值回票價。百味章魚以地道日式風味與親民價格，成為旺角必試小食，值得一試！🌟…查看更多

新鮮出爐嘅章魚燒熱辣辣🔥🥵一打開盒已經聞到超香，金黃色嘅外皮帶少少脆口，入面就非常軟糯，而且每粒都食到大大粒嘅章魚，好足料好彈牙🤩。面頭嘅醬汁、沙律醬同紫菜粉俾得好👍足，加埋識跳舞嘅木魚絲，啖啖都係濃郁滋味，真係掃街必食嘅邪惡小食！😋🤍…查看更多

等候時間甚長，980-987共七張單，共等候近四十分鐘，味道如前，但綜觀而言，令人大失所望。街頭小食的吸引點在於快捷及好味，星期五夜較多人，訂單較多而需要更多時間處理亦在常理之內，但等候二十分鐘後詢問訂單情況，只是敷衍塞責，聲稱很快有，及後領取隊伍分流混亂，最終8:21下單，8:59才正式取到。如店家未能應付訂單，建議向顧客說明所需時間，而非以「很快」等話語搪塞，令顧客呆站四十分鐘，浪費彼此時間。…查看更多

個人10分推介佢嘅黑松露同埋蜜糖芥末章魚燒，黑松露嘅味道好香好濃，而且每一粒章魚燒入面都真係有大大粒嘅章魚粒，不過佢哋所有嘅醬都偏鹹少少，最好撈勻先食，如果唔係食到最後嗰粒就會超級鹹…查看更多

以前仲係章魚無雙嘅時候已經成日幫襯，好似早幾個月開始轉咗名，不過員工都係一模一樣，試咗佢哋的黑松露味，真係好好食！一打開盒，香味撲鼻而來，令人忍唔住想立即試食。最令人驚喜係，呢啲小丸子裡面嘅章魚粒真係多到驚人，咬落去有咁濃郁嘅海鮮味，感覺真係非常新鮮。佢哋的丸子外層炸得金黃酥脆，內裡卻保持住柔軟，咬一口就能感受到熱辣辣嘅感覺，真係好舒服。黑松露的香氣亦令整個味道升華，唔單止係普通嘅章魚小丸子，而係一種獨特嘅享受。不過，唯一可惜嘅係收銀店員嘅服務態度有啲欠佳。雖然食物質素好，但店員似乎唔太熱情，感覺有啲冷漠，令我哋食嘢嘅心情有啲受影響。希望佢哋可以改善服務，因為咁好嘅食物，如果配上好嘅服務，肯定會更完美。總括來講，呢間店嘅黑松露味章魚小丸子真係值得一試，無論係味道定係質素，都讓人驚喜！如果你鍾意食章魚小丸子，記得唔好錯過呀！希望下次再去食嘅時候，服務會有改善，咁就可以盡情享受美食啦！…查看更多

🔥金黃雙醬章魚燒今次嚟到旺角中心掃街，試咗呢間章魚燒，以前係章魚無需雙嗰個位。章魚燒一啖一粒，外層微脆、啱啱整好有啲熱小心辣親嘴，配搭創新醬汁，掃街食下都唔錯。🐙章魚燒雙拼（6粒）柚子：第一次是柚子醬呢個味，微酸清爽，完美解去粉漿的微油感。酸酸甜甜幾開胃幾清新。蜜糖芥末：先入口嘅係少少甜蜜糖，芥末味唔係好出，唔係好食到芥末味。建議可以再重啲芥末味。每粒章魚燒嘅粉漿質地偏軟，口感細膩，但略缺少彈牙口感；章魚粒大小適中，鮮味十足，兩個口味都好食。但係個人感覺上以前嗰間章魚無雙好似好食啲。📍 百味章魚彌敦道688號旺角中心第一座2樓SB02號舖…查看更多

行過旺角中心，我都唔知道原來有好多食肆，見到一間有好多唔同款式嘅章魚燒，望落去好吸引，同唔少人幫襯，相信味道唔錯。蟹子章魚燒拼蜜糖芥末8粒 $48我地揀咗可以雙拼嘅蟹子章魚燒拼蜜糖芥末，兩款味道各有特色。蟹子章魚燒望落去好靚，一紅一綠嘅顏色打咭一流，蟹子加上章魚燒，蟹子响口中一粒一粒咁爆開，冇諗到可以有呢種配搭。章魚燒入面有一大粒嘅章魚肉，非常有口感。比較下，蜜糖芥末顯得有點失色，味道係正常嘅章魚燒嘅味道。章魚燒係即叫即做，出嚟係熱辣辣，所以要等一陣都係值得。店仲有好多唔同風味嘅章魚燒選擇，要試哂所有味道都要花啲時間。…查看更多

旺角｜百味章魚🐙📌旺角彌敦道688號旺角中心第一座2樓SB02號舖💫八粒 雙拼櫻花蝦mix蜜糖芥末美味指數：🌕🌕🌕🌕🌑章魚燒唔算超級大粒，好似比起章魚無雙細粒少少，等咗唔算好耐，佢每一粒都係新鮮，熱辣辣嘅，入邊大約有一粒至兩粒，中型size嘅章魚，而且醬料比較多。章魚燒表面有好多鰹魚燒碎屑同櫻花蝦。個人口味上，我比較喜歡蜜糖芥末 💕冇食午餐情況下，一個女仔食哂八粒都冇問題，不過食到最後因為啲醬太多，有少少膩嘅感覺。…查看更多

尋日同朋友一齊去旺角中心行街，順便掃下啲小食☺️朋友推介左呢間百味章魚燒👍原來呢間係真。章魚無雙同一班底，水準出色💯佢哋有勁多款唔同口味嘅俾你選擇，好彩有得雙拼，所以我揀咗五款口味🥰仲有得減錢蜜糖芥末章魚燒，外脆內軟，章魚肉鮮嫩，搭配蜜糖芥末醬，味道獨特，甜中帶辣😋每一啖都能感受到章魚口感，配合蜜糖嘅香甜，真係好過癮蟹膏章魚燒拼大阪風蟹膏相對更加奢華，蟹膏嘅濃郁味道，口感豐富,令人回味無窮😋傳統大阪風味嘅章魚燒每一啖都充滿大大粒嘅章魚肉，搭配經典醬汁，味道出色💯明太子章魚燒拼激蔥明太子嘅香濃同激蔥嘅清香相輔相成，因為明太子相對比較濃味，激蔥就比較清新，兩款口味拼埋一齊都幾夾👍我覺得佢哋無論係味道定係口感，都令人感受到滿滿嘅誠意，真係值得一試🙌📍百味章魚 (旺角)旺角彌敦道688號旺角中心第一座2樓SB02號舖#百味章魚 #人氣小食 #章魚燒 #性價比高 #旺角中心 #必食推介 #掃街一流 #美食 #選擇豐富 #回味無窮…查看更多

好耐冇去旺中掃街啦！發現之前去開的章魚燒店改咗名做「百味章魚」🤩🤩小店主打超過10款口味的章魚燒，同店舖前身「真‧章魚無雙」係同一班底，品質有保證！一於去支持下先❤️❤️🐙黑松露章魚燒 $36✨章魚燒即叫即製，拎上手時熱辣辣！面層鋪滿黑松露醬、黑魚子、木魚絲等，啖啖黑松露香，配章魚燒食好夾😋😋🐙芝士章魚燒 $33✨章魚燒大大粒，用上原隻章魚仔製作，口感彈牙足料～加上滿滿的拉絲芝士🧀，芝味濃郁！！🐙明太子章魚燒 $32✨呢個都係佢地的人氣口味之一！明太子醬鹹香惹味，配搭外脆內軟的章魚燒，好開胃呢🔥🔥…查看更多

去旺中食野～見到百味章魚，佢係同真‧章魚無雙同一班底！本身我已經係佢地忠實fans😚改左名繼續支持下～1⃣️ 蟹膏章魚燒 拼蟹子章魚燒（$39）（雙拼+$2）章魚燒每一件入面都好足料食到彈牙章魚粒。蟹膏醬汁濃郁～一啖落口係滿滿既鮮味。蟹子份量好多，有紅綠雙色，視覺效果更加衝擊，食落卜卜口感好正☺️2️⃣明太子章魚燒 拼柚子章魚燒（$35）（雙拼+$2）明太子醬好多，鹹香微辛，食落惹味😋柚子章魚燒感覺清新啲，食完濃味既換下口味就啱曬～3️⃣蒜香牛油粟米章魚燒（$35）好香牛油味！醬汁甜甜地，仲有好多粟米粒，滿足🤩…查看更多

旺角中心自從有咗小食區之後真係好多好正嘅小食，食到飽飽都可以，今日大推呢間百味章魚，長期都人頭湧湧不斷有人排隊買章魚燒，就知道佢有幾正啦！十幾款口味，選擇困難症嘅我都選左好耐～有6粒裝、8粒裝：帶返屋企同屋企人朋友分享我自己會精選以下口味😋黑松露章魚燒 $36黑松露好香，食落濃濃松露好正蜜糖芥末章魚燒 $31又甜又有芥末香，蜜糖芥末味都係配咩都係好食明太子章魚燒 $32最惹味就係明太子，甜甜辣辣好醒胃，醬多唔再講食落真係好滿足…查看更多

呢間一直都好想試， 去旺中看完醫生隨便行街，終於試到啦！章魚燒可以揀雙拼，而且部份口味創新獨特，今次試咗蟹子及明太子章魚燒，章魚燒上手熱辣辣，好正。 如果外皮可以燒燶少少，外脆內軟會更好味。…查看更多

好幾次經過旺角中心二樓都會被來自「百味章魚」香噴噴嘅章魚燒香氣吸引，其實前身就係「真·章魚無雙」，以前掃街都一定會專登去搵佢，係我嘅飲食地標之一！雖然改咗新名，但係班底同手藝都係原班人馬，今次食完發覺質素依然Keep得住～蟹子章魚燒章魚燒燒到外脆內軟，再鋪上滿滿嘅蟹籽，令呢份小食變得超級豪華～除咗平時常見嘅橙色蟹籽，仲有綠色蟹籽，都幾罕見，令賣相吸睛度UP～啲蟹籽食落去卜卜聲，好有驚喜😚蟹膏章魚燒專為重口味嘅蟹控而設！啲蟹膏大大力咁落，完全冇計較，啲蟹膏好香，鹹香之中帶有一絲絲甜味～如果你鍾意食重味嘅，一定唔好錯過呢個蟹膏章魚燒！櫻花蝦章魚燒章魚燒上面海量蛋黃醬同成個軍團嘅櫻花蝦駐守🦐完全無留空位咁濟，每一啖都係實實在在嘅蝦味，夾埋跳住舞嘅木魚一齊食，係食完會忍唔住想再嗌多份嘅水準🤤一粒粒新鮮製作章魚燒，攞上手熱辣辣，裡面仲有成嚿新鮮章魚肉，一切等待都係值得！個人認為佢哋啲秘製醬汁調味做得好好，濃厚得嚟有層次，正好襯托出章魚燒嘅味道，但又唔會太漏，下次經開再食埋其他口味先👀…查看更多