百分味川菜炒粉麵飯

营业中

休息中

等了1个多小时，干锅分量非常小，感觉点4个菜和6个菜没有差别，加上很多辣椒，却连他家的小锅都装不满。单点的油麦菜和撒在上面的香菜差不多。已经那么少分量还少了一份肉（结账时说明后扣除了那份肉钱）。味道中规中矩。

今日同大家介紹呢間位於旺角通菜街川菜，附近兩條街食店林立，如不是同事介紹，絕不會選擇呢間外賣自取有8折同埋減$10蚊，折完都要$62揀左個五餸嘅麻辣燙配一碗白飯，窩荀、大豆芽、牛肉、蓮藕、花菜配菜當中，大豆芽同窩荀嘅份量極少，而且窩荀切得極薄，不得不讚佢嘅刀工湯底辣味就夠嘞，咸味都夠，雖然食到好多花椒，不過就無乜麻味亦無乜香味今次唔係堂食，不過入去坐底等外賣個陣，感覺個環境都唔係太舒服，一黎燈光較暗沉，二黎枱櫈好似有d立痴痴令人感覺好似唔太衛生，客人亦都唔多。CP值比較低，我諗我下次都唔會再幫襯

和朋友两个人点了一个自选香锅和炒蔬菜。等了50分钟，催了三次才上香锅。香锅吃完了蔬菜都没上。体验感差。服务员态度一般，服务员人数不足。有个服务员看见我挥手也不理我

是日同朋友去食一間我好中意食既川菜小店。位於女人街既百分味 ，叫左每次黎都必點既麻辣香锅定麻辣乾鍋 ，今日仲叫埋酸菜魚 ！ 呢間既乾鍋係我最愛之一，因為真係炒得好有鑊氣，舊麻又唔會太辣，調味啱啱好，送飯真係一流。酸菜魚係第一次order, 估唔到好有驚喜喎！湯底冇另外加醋，酸味全部係來自酸菜，湯底鮮甜順喉，可以當湯飲。而且一份入面有好多塊魚肉，唔會話用大量蔬菜墊底，魚肉亦十分新鮮滑嫰。我地2個，一個話減肥，一個話冇胃口，結果將全部清曬，飽到頂上心口咁樣走🤭 雖然落完單等左成半個鐘先有得食，但佢重點係抵食，性價比高，埋單每人90幾蚊。有人話服務態度差，我自己就無遇到，唔係話好，但不過不失。

我自己之好鍾意食呢間。同frd一齊 夜晚諗住介紹佢地食百分味。去到等位入座，三個人淨係比我地一張餐紙，咁我地咪一張紙填三個餐囉。結果，第一個阿姐話咁樣好難落單，好麻煩。咁我地就叫佢比多幾張紙，分三張落單。結果第二個阿姐又話咁樣好浪費叫我地唔好咁做。fine，都費事講咩。結果等餐等左成40幾分鐘，望住隔離遲過我地嘅都上曬，我地都未食得，真係好嬲。本身好鍾意食呢間，但價錢愈黎愈貴，服務愈黎愈差，以後都唔想再食！

攞籌等咗成個鐘，入去點餐又冇人理，點完之後冇落到單，又等咗半個鐘，問佢有冇落單佢話就黎有得食，隔離檯嚟得遲過我，我仲等緊佢地都就食完。服務十分差。食呢間，你可能會等到餓死。

廁所超級髒 蟑螂遍地 地方狹窄 餐台座椅油污不盡 等餐竟然多過四十分鐘 工作人員嗓門超大 室內很嘈雜 服務態度極其惡劣 兩次問其追餐 答曰 “嗨啦我都想快D！” 奉勸各位入來食野之前三思

等到仔都生埋，唔係第一次食 之前多次尚算愉快味道唔錯 但尼次野食冇以前好食 價格貴左仲要加一 一個三葷兩素麻辣燙加一杯飲品要139蚊 單唔係按順序做 服務態度都係一如往日唔得聽講除一兩個員工其他都係親戚問多兩次幾時出菜窒頭窒勢 睇住後入座的人食完離座我D野都未黎 等位半個鐘 等做大半個鐘 咁就個半鐘都未食到 局氣到嘔 唔知人地以為我排隊等放題 繁忙時期有大把時間去食的人可以去挑戰下 八點二十分度去等到九點四十分先黎 打包即刻走 忍痛冇下次

門口價酸菜魚及其他品種均是$68元或以下,無寫明是午市價,晚市入去變咗$86元,所有菜式份量少得可憐!那葷菜最少揀4份才可下單,肉類是$26,菜類是$16,我自問每週在外吃晚膳最少3至4晚,(不是吃飯盒那類)未曾見過份量少得如此細少!似中午上海飯店客飯一樣,仲要有加一!味道一般唔會再有下次,衰D講句,請都唔嚟,伏!伏!伏!

由於今日晏晝我哋去食咗一餐淡味嘅午餐，於是我哋就要食一餐比較濃味嘅晚餐，去刺激我哋嘅味蕾。身為辣妹，我哋梗係冇辣不歡啦，上網搜尋左一陣，見到旺角女人街呢度有一間正宗嘅四川菜。所以，我哋就試叫佢嘅小菜，經濟實惠價錢，大約七八十蚊，就可以埋單，真係超值。自選香辣鍋（大辣）肉類嘅配料大概$25一款，素菜配料大概$15一款，四款起就送一碗白飯，自己可以隨便叫，鍾意食乜都得。我要左鵪鶉蛋、蓮藕、嫩牛肉同埋椰菜花。味道好正宗，好香口。基本上佢嘅材料都係走過油，所以食起嚟特別香，有無數嘅指天椒同埋辣椒乾，仲有一啲爆豆，兜起嚟乾身惹味。自選麻辣燙（小辣）呢個就係有湯底，朋友叫咗海帶、寬粉、豆芽同埋豬頸肉。哇個湯都係好濃郁㗎，有好多香菜、芫荽、香蔥，咁樣香氣逼人！寬粉就最適合，可吸收湯底嘅精華所在！估唔到係呢啲橫街小巷嘅小店做出嚟嘅四川菜，都係正宗味道，非常有驚喜！

三個人叫左4個餸，非常滿足的！酸菜魚今日沒有酸菜，有點搞笑，清清地！😅毛血旺足料，味道十足👍乾鍋夠鑊氣，但田雞好細粒😅炒土豆絲，很出色，味十足，小酸小辣👍川椒牛肉，很家常的一道菜色，送飯一流👍整體還境一般熱情招待👍👍中午學生及熟客仔多掛念國內川菜的朋友，可以來頂吓癮！勝價比高，地點方便，三五知己飲兩杯，配小菜唔錯的！下次會想試麻辣燙的，乾鍋也會再叫，配寬粉一流👍，而且可以挑戰中辣的。

平時來旺角，我好少去女人街搵餐廳，好多時都掃街😁😁😁不過而家要帶口罩，掃街真是有難度，連台式野飲都少飲左，一係外賣返去飲（疫症嚴重個時真是驚驚😖😖😖）🚨少左掃街，所以呢日來到旺角都係甘搵有咩食，食飯時間女人街好多餐廳都排晒長龍。見呢間無咩人排又想食四川野就直接入左（雖然有擔心過會唔會伏🤣🤣🤣）環境就5會話好靚，平民小店😁照舊～睇下有咩食～我平時食譚仔食3小辣，叫左以下餸小辣5算好肚餓，所以叫住兩樣餸食先爆炒辣子雞⭐️⭐️⭐️⭐️⭐️好好食呀！d雞好脆！好入味！💫💫💫😍😍😍好岩口味，又5會越食越口渴😋😋😋麻辣水煮魚相比之下，上個餸好食點😋😋感覺呢個5夠熱🤔🤔兩樣餸都好好送飯😋感覺5多味精，不過叫得5夠辣😗😗如果大家平時食得比譚仔三小辣辣，呢間可以試下叫中辣🤣🤣🤣

今日帶左女朋友仔去試川菜🤣自己同朋友食左好多次 感覺好惹味🤤嗌左個辣辣豬腸 佢d配料好正 好中意食黃色一粒粒個d 好脆口😆😆豬大腸亦都脆卜卜 我既至愛呀😍牛肉鍋配白飯🤪第一次嗌左中辣 食到我流哂汗😋辣得好正 d芽菜同埋薯仔入味到呢送飯一流 不過牛肉就唔算多 但我女朋友面不改容話唔辣😂沙姜雞😳都會配埋白飯 d雞好滑好入味 底下仲有放菜 感覺又多一重健康🤪女朋友都話正 下次再黎食過！已經成為左我一間常去既餐廳😆

在網上看到這家店，有幹鍋可以吃，週末找時間去試，店面不算很大，份量不算太大，味道還算ok，但是略顯不足！不過辣子雞軟骨味道不錯，雖然份量不算很多，但是味道好，辣子很香

有時諗唔到食咩，就會去女人街到望兩眼，咁岩有日行過，見到呢間餐廳招牌有點陌生，再睇一睇佢個LUNCH SET見幾平，就無經思考入左去坐底。入到去姐姐就已經好熱情，仲送左兩碗中湯俾我地飲。當日叫左個牛肉麻辣香鍋，入面有好多配菜，好似蓮藕片、薯仔片、木耳、豆芽仲有一粒粒既爆爆豆。味道幾香口，但就有少少油，不過配飯食就岩岩好啦。另一個叫左口水雞套餐，雞件係凍既但絕無雪味，醬汁都幾辣下。食得辣自然要叫返杯奶茶中和返先，一飲都幾驚喜，茶底幾淳，比一段茶餐廳水準更高，仲大大杯添(凍飲都唔洗加錢添呀)。與其食連鎖店，不如係疲情下支持小店。