百份百餐廳 (銀湖天峰)

2021/11/14， 想在附近找間餐廳享受個early dinner. 避免多人或者排隊。 17:45 到達烏溪沙站，行2間餐廳，在烏溪沙站的百分百餐廳門外牌看一看，見仍有下午茶，點了白汁焗雞扒飯，因無利賓納，所以配了熱華田。 邊食邊飲，食到尾聲，正飲埋杯飲品，就見極似雞肉的肉絲在底。 相信大家都會⋯⋯有種什麼感受！我好嚴肅地給了在我旁的女待應看，她仔細地看杯中的異物後說「我換過杯俾你」，我說「不用」，難道再能飲很落嗎！善意提醒食客：大家開餐前，需仔細檢查一下！…查看更多

幫襯左兩年，越嚟越差，疫情冇打擊呢間百分百的生意，不過就摧毁呢間嘢嘅食物質素，今晚叫的金沙蝦球，差到可以報海關。金沙的理解一向是咸蛋黃包住食物面，餐牌英文都係咁寫，用咸蛋黃包住蝦球嚟炸，真正係只用炸粉炸，違反海關的商品說明條例，而且味道淡茂茂，又冇比任何點醬汁，晚市做得耐嘅、老嘅服務員嘴gel gel，串啲客，枱面冇間板叫啲三唔識七嘅人搭枱。冷氣唔夠涼，餐具用膠袋獨立包唔環保，唔問過啲客就派兩杯水，嘥嘢…查看更多

中午去叫外賣，待應阿姐態度好似唔想做咁，叫幾次都唔想睬你！到收錢果位小姐更加唔想理你咁，唔講嘢嘅！幾多錢、多謝唔該都冇句！今時今日咁嘅服務態度真係唔知講咩好！幾好食都冇用啦！更何況食物真心普通！Order 個乾炒牛河，因為係比小朋友食，都特登講，仲講咗兩次 少油，少油！點知返到屋企，打開盒嘢，啲油仲多過冇講咁，唔知以為要勁多油囉！啲油多到可以滴成半碗油出嚟！係咪唔知咩叫少油？定係少油唔食炒呀？食油定食麵呀？油浸牛河，點食呀？！…查看更多

閒日12點幾 入去坐左舉手叫人叫左成個字都冇人執枱，見住對面枱個員工係到食飯都唔理,焗鬼氣起身條員工先問我係未冇卡， 個下真係屎都滾埋，第一次食個lunch遇到咁既事 垃圾百份百我唔會再幫襯，我仲會大力宣傳我今日遇到既事…查看更多

今日早咗出門口，見重有啲時間就食埋個早餐先返工，近近地就去咗百份百餐廳醫肚。😋衞生方面都幾好，紙巾餐具起碼都有個膠袋入住，不過如果餐廳會提供埋口罩袋比顧客就更好喇。野菌鮮奶炒滑蛋 ($35) : 跟餐配蒜香牛油多士同輕量火腿濃湯通粉 ; 滑蛋炒得唔錯，滑口之剩又大份，不過就少了點野菌既茹香味，如果野菌味道再突出點就更正喇。輕量火腿濃湯通粉雖然話係輕量，不過都唔太細碗，湯底真係幾濃味，重以為係得個講字。😂…查看更多

食物可以，但呢間餐廳D員工服務態度真係差到不得了，已經不是第一次，經常性喺甘，好似唔憂做甘，唔執笠已經係異數，由收銀到好似高級嗰D一樣...........希望有改善啦，始終區內選擇不多！…查看更多

米線湯驚現蟑螂，叫侍應希望同老細講聲，但侍應一句就話：「我哋冇老細㗎喎」（態度輕挑差劣）後來負責人嚟到只講一句對唔住，又唔換過比人，自己取消咗佢，連基本service都唔識......原本林住就咁算數，但係一兩星期後，到同一集團嘅桃園粥麵（迎海分店），再一次係嘢食度見到蟑螂，仲要擺正肉餅正中間，影響食客食欲。我明白有d時候係餐廳見到蟑螂唔出奇，但係重點係服務員嘅態度實在令人難以接受，好像認為呢種情況非常正常😤，我希望透過這食評讓大眾以及餐廳提高對香港飲食文化的要求，特別在衛生方面，多學習其他地方嘅餐廳，家陣大陸深圳嘅餐廳都做得比我地香港嘅有誠意，咁就弊啦！…查看更多

烏溪沙站既百份百今日黎一個人食晚餐環境比較昏暗感覺上都唔係好乾淨咁嗌左漁香肉碎茄子煲$66有個煲仔餸連埋飯同熱飲感覺上都唔算貴既個茄子煲都算香既茄子都煮得夠𣺉個汁就鹹左少少咁多肉碎份量就比較少茄子多到最後都食唔哂好似齋食茄子咁哈哈口味比較單一個飯佢話係「有營藜麥飯」但係同平時感覺無乜分別飯都唔算大碗野飲方面嗌左熱奶茶算係不過不失總括黎講環境同服務都麻麻地雖然係連鎖餐廳但都有好多其他連鎖餐廳既質素更好行返入去迎海薈商場個啲餐廳比較高質價錢都相若…查看更多

第二次幫襯，不想煮飯。7:30入到去，已經九成滿座原本想食，煲仔菜，但又怕，要等很久，所以轉了兩個小菜蜜桃咕嚕肉，味道剛剛好酸酸甜甜，好多咕嚕肉，好大碟家鄉蓮藕馬蹄煎肉餅，又大件又厚肉，食落好汁配白飯，新鮮軟熟，也不錯下次再來😊檸檬茶，就麻麻哋了，沒有茶味…查看更多

今日不想煮飯，去附近茶餐廳，7:00入到去，不算多人 ，服務員一見到我們三個人就立即安排座位，也給了三杯熱水。都算快手😊看了餐牌，圖文並茂，點了三個餐口水雞飯，中湯口水雞，肉質不錯，辣到適中，中湯，也足材料，清甜，白飯也大大碗。腸仔蕃茄焗豬扒飯，凍檸茶豬扒，稍為細了點，味道也不錯😊咖喱牛坑腩飯，凍奶茶咖喱香，牛腩淋，果然皇牌，好味道，值得推介👍👍但有點奇怪，每碟餸菜，都配上，粗條，紅蘿蔔🥕，尤其口水雞，有點不倫不類🙄三人消費， $201 ，也算合理…查看更多

放假吾想煮飯,通常都會黎百份百. 海南雞飯油飯好香, 但吾算多, 大女一個人食晒, 雞都好滑好多, 有部份拆左骨, 雞亦, 亦尖部份就無拆骨. 付上冬瓜湯及三款醬料.😋牛肉炒烏冬好奇怪, 有好幾條烏冬既部份位好硬, 其餘軟硬適中, 牛肉都軟滑,但無咩牛味. 炒得好油. 雖然碟烏冬吾算好大碟, 但小女食得比較少, 夠晒我地兩個人食.涼瓜排骨飯味道都吾錯, 排骨吾會太白.4 個人SHARE3個餐，埋單～＄１８０，　都ＯＫＡＹ啦!…查看更多

第一次來吃早餐， 點了豬扒餐肉焗流心蛋。 蒜蓉多士淋身，一點都不脆， 但蒜蓉牛油很香。 流心蛋， 很明顯不是焗的是煎， 但仍然有流心效果 ，不太油膩。 至於豬扒，非常驚喜入味，淋滑有豬肉味。 餐肉質普普通通及凍的， 但整體還是不錯。…查看更多

中秋節提早食飯， 念著近近地， 我地有8個成人， 佢竟然比張6人枱。 都算啦... 所點既食物菜式太約唔多於30款， 選擇太少啦⋯⋯其實我地都未睇menu, 一個上左年紀個亞姐就問我地食咩。 因為我仲有三位未到， 所以等埋先， 但有80-90%都想好， 當我妹好同妹夫到既時候，佢地都未睇個menu , 果個亞姐又再問。 太急啦⋯⋯迫我地坐6人枱（當晚都只有4-6枱客）其實可以max 其他枱， 搞到我地好似擠迫戶既食野， 好迫。 其實食餐飯， 都想開開心心， 無念過會甘。中伏位： 千萬不要叫特飲， 不要做令自己後悔的事情…查看更多

其實今次係第二次返黎食，第一次已經覺得服務差，食物麻麻。今次再去係因為咁岩就腳，所以試多次，睇下係咪真係咁差。坐低叫野食，啲侍應阿姐好重內地口音，唔係歧視，但係聽佢地講嘢幾乎聽唔明，態度又差。仲要啲食物唔係一齊黎，我男朋友個飯黎左食曬先到我果個。下午茶餐價錢其實唔算平，都$42 一個餐。我地叫左焗豬扒飯同埋雪菜炆米粉。個焗豬扒飯嘅味道真係麻麻，啲茄汁係真係好似就咁放咗食薯條嗰種茄汁落去，冇再另外煮過，如果$42 黎講，真係唔抵食。個雪菜肉絲炆米亦都唔夠味，須然份量OK，但冇味點食得落。總括來講，都唔會再返嚟食。…查看更多

今朝搭馬鐵去咗烏溪沙站百分百餐廳食咗一個早餐套餐，價錢是$38。我點左沙嗲牛肉湯米粉拼腸仔，一杯凍奶茶少甜，味道很好，好在沙嗲牛肉的沙嗲醬是近淺啡紅色，稠度剛剛包實啲牛肉，不會有多餘的，但是又不會像一般茶餐廳的那麼杰撻撻，牛肉有鮮味，湯底奶白色，味道很好，條腸仔比廚師腸冇咁鹹，米粉的份量又夠多。原來凍奶茶少甜是做到少甜的，餐牌標榜茶葉是用Lipton的，而且好好飲，有茶香，不會澀，顏色不會太俗，也不會太淺！喺我屋企附近的大排檔食個通粉早餐也要$34，啲通粉仲要好少的！終於我喺附近超市買完餸先走。…查看更多