百份百餐廳 (黃埔天地家居庭)

百分百茶餐廳食物水準不俗，炒粉麵飯鑊氣足，乾炒牛河油香四溢，米飯粒粒分明；奶茶茶濃奶滑，檸茶酸甜比例恰到好處，確是鎮店之寶。唯服務質素稍遜，夥計落單時略顯急躁，收桌速度亦待改進。整體而言，以味道取勝的街坊茶記，適合追求效率與風味的食客。順帶一提，下午茶時段套餐性價比頗高，值得一試。…查看更多

叫過2次，2次都等左45分鐘都係未攞到野食，附近唔多餐廳，諗住比多次機會，但都係一個錯誤，勸告所有人都唔好係度等外賣，排我前面果個堂食45分鐘已經食完走左，所以正確方法係坐低叫野食，野食上齊就問佢落盒，咁就快好多。…查看更多

喺黃埔嗰邊做完嘢，有啲肚餓同個朋友去搵啲下午茶食吓，唔算識好多地方咁啱喺個商場裏面行過見到呢間百分百，亦都見到裏面有位坐所以就入咗去啦。地方環境都算幾好，食完去返地鐵站都唔算好遠。五分鐘左右。我就叫咗個炸魚柳加薯條，塊魚柳都算幾大塊同炸得幾好，唔會好油膩，薯條份量同味道還可以咁啦。嘢飲方面我都係叫返我最鍾意嘅紅豆冰，佢就叫咗個奶茶紅豆冰，紅豆冰味道都算還可以，奶茶紅豆冰飲落可能係自己唔習慣，特別得來都幾得意。…查看更多

星期日晚買外賣八點已經咩都冇晒，叫湯飯話冇，叫蟲草花雲耳蒸雞又冇之後先話俾我哋聽話所有湯飯蒸飯都冇晒🫤講吓講吓得返幾個選擇無奈之下，叫咗個基本嘅蔥花蝦仁炒滑蛋配白飯同粒粒金銀蛋浸時蔬配白飯明明堂食同外賣都唔算多人，但等咗大概半個鐘先有…呢啲效率點做茶餐廳▶️蔥花蝦仁炒滑蛋配白飯不過撇開服務，味道上唔錯嘅滑蛋炒得濕潤有牛油香味入邊唔少「蝦仁」，size唔迷你，咬落爽口唔似雪藏炒入蔥花帶有香氣成個菜式配白飯好正👍🏻▶️ 粒粒金銀蛋浸時蔬配白飯呢個就係健康選擇，入面唔少菜心仲有好多鹹蛋、皮蛋、冬菇、紅蘿蔔絲不過味道上可以濃味返少少🤏🏻純粹係想話下佢服務真係好差，食物唔錯都冇用本身諗住快快脆脆買個外賣返屋企，點知搞咗半個鐘，仲慢過我堂食冇咩事都應該唔會再去幫襯…查看更多

每星期都會黎食一次早餐每次都爆曬場今日呢個豬扒餐特別好味醃得好入味又煎到脆脆地蒜蓉包烘到岩岩好櫃裏面果包辣椒油又夠辣不過唔知係咪太多人或者外賣單太多今日個麵餐等左好耐先有…查看更多

之前一路都可以設定自取時間，突然之間冇咗呢個選項，而家一定要點餐後30分鐘內去取，但係最近發現在其他外賣平台是可以預設時間，方便好多。希望OpenRice 可以向商戶反映！…查看更多

今天7:04叫上早餐，等了12分鐘，茶還沒一杯過來，我是首來的，旁邊晚來的一對男女已經在吃。查詢服務員，回覆茶沒沖好；再過四分鐘，還是什麼都沒有，看我沒辦法了，一般客人就15分鐘用餐時間，像我這樣的還要趕路餬口，只好放棄取消走人。我看法是：1. 旁邊叫的是 麵或者是通粉兩款的早餐，5分鐘已經開始上桌2. 我叫的是雞扒蛋加熱檸檬茶，單上打上7:04分，我離開時是7:18分。本來我一直很喜歡，街坊嘛，常常幫親，這次我覺得服務員地我的態度，是見慣不怪，十分不痛不癢，走了也就是「xx台取消訂單」，安撫、對不起，全欠奉。…查看更多

今日第一次用這個app叫外賣，感覺好新鮮又好方便，平時多數拿黎訂台食飯，而家識用可以用來叫外賣，叫外賣的速度快好多，多得同事介意我用app黎叫外賣，我會繼續用這個app訂位食飯又或者叫外賣…查看更多

咖喱牛腩飯真係好好食嘅一道菜。牛腩肉好軟嫩，用筷子就可以輕鬆夾開，入口即化。咖喱汁嘅味道好香，令人垂涎欲滴。米飯煮得剛剛好，口感好軟綿，同咖喱汁配一齊，味道更加豐富。菜肴整體味道好好，牛腩肉同咖喱汁完美結合，令人口齒留香。而且，呢道菜肴仲配埋新薯，軟綿綿連皮薯仔同咖喱汁嘅香氣相得益彰，令整道菜肴更加美味。總括而言，呢道咖喱牛腩飯真係一道好好食嘅菜肴。牛腩肉好滋味，咖喱汁香濃可口，配料豐富，口感豐富，真係令人一試難忘。如果你仲未試過，真係要試試啦！…查看更多

今晚過嚟紅磡黃埔花園， 係十二期商場家居庭嘅百分百餐廳門口見到，做緊羊腩煲😋跟住同個friend入咗去叫咗個羊腩煲，配埋個菜心😊$118本來有啲擔心羊腩有騷味，但係食落一啲都唔騷，羊腩都幾諗！我哋冇加其他配料，餐廳有其他配料可以俾你選擇，😊可以來個邊爐到得😋第二個菜我叫了惹味中式牛柳$80，牛柳用番薯做配料，再加埋個酸酸甜甜醬汁非常之好食😋叫咗兩杯嘢飲一杯紅豆涼粉冰冰$6一杯檸檬可樂$8其實百分百餐廳係好抵食！…查看更多

今日去咗黃埔花園同個朋友相聚，我哋選擇左百分百餐廳吃下午茶，餐廳地點位於黃埔花園十二期家居庭一樓位置！下午茶唔多人等，去到已經有位。錯落我哋就揀咗一份公司三文治和花生醬厚多士😋😋另外加多四隻雞翼。飲品兩杯凍檸茶！公司三文治份量真係好多賣相都好睇$48，裏面有午餐肉火腿雞蛋芝士同埋菜，用料十足👍🏻花生醬厚多士價錢好抵$29，花生醬加煉奶真係好好味，麵包有脆脆地好鬼夾😝雞翼一般不過不失，凍檸茶都係有好濃味嘅檸檬味🍋正👍🏻…查看更多

今日叫左個下午茶外賣，等左大約半個鐘我先追一追有沒有漏左單，今日閒日餐廳無咩人，而且我等大約半個鐘先追都唔算過份，點知佢整到個飯鹹到苦，我杯凍奶茶走甜加到勁甜成杯野唔飲得掉左本身附近返工唔想行甘遠買外賣先叫e間，點知道竟然甘差我同事叫我拿杯野去換，講真我真係唔敢換羅，差唔多半個鐘先追一追，加到個飯勁鹹又加到杯野甜到唔飲得，唔驚佢加料咩講真e間野真係幫襯之前諗諗，店員甘既服務態度真係好差，野又難食，真是非常不好的體驗…查看更多

對住客人都講大話，話已經電話通知咗你你點個樣食物已經沒有！其實我－直在門口等都沒有收過電話。明明未攞食物，但見到個icon 突然轉左話已取餐，覺得奇怪，所以再話餐廳，先至話已經沒有我落單的食物。嬲到震。…查看更多

嗌個下午茶餐，想要個樣佢話賣曬，咁點另一樣又賣曬，問佢有啲咩係有，結果得個一兩樣嘢可以嗌，啲職員講嘢態度差，又串，仲要叫極都冇人應，叫完又話等陣先，跟住又唔理人，服務態度超級差…查看更多

尋日行過食個tea，叫咗個海南雞飯連碗仔翅，碗仔翅分量正常，點知佢個海南雞勁細條，雞皮多過雞肉，雞皮有毛髮(無食)，加埋肉量等同出面其他鋪頭半件雞度啦，問店員姐姐，佢幫我問反廚房，佢行反黎同我講係呀得三條哈哈，仲收我四十幾多謝曬…查看更多