百份百餐廳 (天平商場)

炎炎夏日，有時熱到唔想食野，好想飲番杯港式凍奶茶🥤去左百分百餐廳叫左個黑椒牛肉炒意粉。等左10分鐘左右，職員送上餐，賣相可以。牛肉唔會炒得岩時間，唔會太韌！牛肉份量算係甘，黑椒味濃！味道方面俾中上，屬於好味！如果唔太食得辣的人可能會覺得略辣🤣凍奶茶係港人情懷，叫左少冰依然好多冰🤣香港特色🤣整體上覺得食物質素都ok！由於香港真係地少人多的關係，進食過程都需要搭枱，可接受。幾時都要支持下留港消費😆…查看更多

午餐叫魚香茄子飯同蔥香雞扒飯兩款都偏咸、雞扒幾脆飯量好似比以前少左..飲品就真係落單已經備註少甜少冰但黎到杯野勁甜同個服務員哥哥講話佢地杯飲品冇幫我少甜本來佢話幫我換一杯、之後拎返同一杯比我仲拎張單比我睇話「你果杯係少甜黎架」冇錯、落單係少甜、但係沖左杯正常甜丫嘛最後杯野我冇飲今時今日咁既服務態度吾得架…查看更多

23-10-2023 (Mon)重陽節假期嘅晏晝,同老公行完北區公園後到lunch time,老公要搵嘢食,我話去天平邨啦,實有商場食肆,我哋行到嚟見到呢間,老公不加思索就話食呢間,因為係港式茶餐廳,實啱食,我就諗住飲杯紅豆冰算.我哋見到佢有位同冇人等位,就入去後想直入搵位,大部份茶餐廳都係咁做,但門口嘅收銀問我哋有冇位?我答冇.佢叫我哋攞張飛先,我哋撳咗飛後,佢就行入去睇,然後行返出嚟叫我哋入去坐邊張枱.點解要咁唔環保,迫我哋撳飛攞張唔可以回收嘅紙仔?坐低後覺得冷氣有啲凍,就迫我打消飲紅豆冰嘅念頭,咁就輕食叫個三文治啦,點知睇勻所有menu,發現係完全冇,只有飯麵,要食多士就要叫沙爹或五香牛肉麵嘅餐至有咁就焗食,最後我哋都要$52.00嘅嘢食,老公要鮮茄滑蛋豆腐鮮牛肉湯飯,加$6.00要熱檸水.我要沙爹牛肉即食麵,飲熱奶茶.好快,我星級麵餐裡面嘅牛乳炒滑蛋同蒜香牛油多士到嚟,然後係沙爹牛肉即食麵.之後就鮮茄滑蛋豆腐鮮牛肉湯飯, 熱檸水同熱奶茶.由於我嗅到蒜香牛油多士嘅香味,所以先快快食呢個,佢係厚多士嚟,味道啱啱好,唔錯.5分牛乳炒滑蛋呢?其實都係全熟嘅蛋,唔算得好滑.3分沙爹牛肉即食麵, 沙爹牛肉醃得夠味,而且都滑, 老公都話正;即食麵浸腍咗,我係特登嘅,因為我嘅腸胃唔係咁好,要食好腍嘅嘢,呢個正常冇問題;而個湯係唔辣,本身幾啱我,不過冇花生香.3.5分熱奶茶大大杯,可惜冇茶香,飲落都茶味都唔夠. 𠲖 o家睇menu至知,原來係立頓奶茶,自己冇技術唔奶茶?咁呢喥唔計分,但俾就只俾1分.老公嘅熱檸水呢,呢喥話係將鮮檸檬冷壓,而保留咗纖維同果肉,嚟到時就冇一片片嘅檸檬,飲落,其實係冇咩分別,只係飲得方便啲.3分老公嘅鮮茄滑蛋豆腐鮮牛肉湯飯呢?見到都有豆腐同白菜,白菜正常冇問題,豆腐同牛肉滑,飯就唔掂,硬嘅,連老公都食唔落.3.25分環境:頭先話一坐低就覺得凍,但叫完嘢食,未食前又覺得冇咁凍.抵食係 2.4分其他:食食吓,侍應放咗份下午茶menu,我睇睇,下午茶係2:00pm,亦見到有三文治同多士,lunch又會唔整呢喥嘅?…查看更多

28/8早上八點光顧天平邨分店，叫了一份雞扒米粉配火腿，平時是一塊火腿上，今天改了少量火腿絲便算，查詢侍應說是公司改了，但餐牌沒有注明改了配火腿絲，兩者食落口感都不同，我懷疑厨房執錯便推說是總公司更改！…查看更多

琴晚見佢轉咗餐牌就買咗個外賣，問佢幾耐拎得，佢話15-20分鐘，點知等咗46分鐘，一早知要等咁耐既我就唔叫呢間啦，叫隔離大快活都無咁嬲丫，趕時間既朋友千祈唔好係呢間叫外賣…查看更多

環境好，裏面座位不會太擁擠，坐起來舒服。價位還是比較便宜的，但是可能會有點不夠吃。奶茶很絲滑很好喝👌就是點的飯菜可能會有點淡。員工態度一般，上菜速度有點慢，但也可以證明是現做的…查看更多

侍應態度一般我今天去叫一個雪菜肉絲紋米，嗰待應話沒，話廚房沒開叫我食水吧整的嗰D焗飯和其他食物！之後叫咗碗又貴又少材料的米線，食完之後仲一D都唔飽，要去買其他野食！材料和份量甘少就唔好甘貴喇！譚仔兩間連鎖店都沒佢依間店甘貴啊！唔止又貴又食唔飽！最嬲係我懷疑嗰待應呃我，因為過左5-10分鐘之後有新客人入來叫同是廚房煮的星洲炒貴刁，嗰侍應就話有，我心諗明明個侍應話今天廚房沒開，沒得叫廚房煮的食物架！點解人地就叫到廚房的食物，而我就話廚房今天沒開沒得叫廚房的食物架！所以我就是臨走的時候問嗰個侍應點解其他人叫到廚房煮的食物架，你明明話今天廚房唔開架！跟住嗰侍應話廚房啱啱開番所以其他人就叫到！我懷疑嗰侍應呃我話廚房沒開！真係嬲嗰侍應呃我搞到我食唔到嗰雪菜肉絲紋米，變成食又貴份量又食又食唔飽的一碗米線！以後都唔會去啊，未試過食一間餐廳的食物剛剛食完就要立刻再去買野食架！依間是害到我食完一碗米線之後要再去浪費金錢買野繼續食的衰餐廳！😡…查看更多

如果唔使返工，會好懶淨係想留係屋企煲劇，所以食嘢都會間返屋企附近嘅餐廳，食厭咗麥當勞，今日就食百分百嘅海南雞飯，唔知係咪食慣咗好食嘅海南雞飯，覺得百分百嘅海南雞味道就好似白切雞咁，唔算難食，但未必會再嗌返lu~~~…查看更多

街坊，經常來，質素OK，態度亦很好，但今日有個阿姐可能心情唔好，發神經，事源我叫個下午茶加個細火腿米粉，之後阿姐行埋來同我講無米粉，叫我轉米線，之後我話好，心諗：反正係有火腿就得，點知來到係一個雪菜米線，咁我小朋友係唔食雪菜，我自己又另外叫左一份午餐，惟有同侍應講聲唔好意思，係咪落錯左，我叫既係火腿米線，我地唔食雪菜，點知佢拎返去後之前落單個阿姐就大大聲係水吧果邊罵足五六分鐘，好似係我專登玩佢咁，其實好少事，跟本係你同我講時無講清楚係轉雪菜米線，只係話無米粉叫我轉米線，咁我當然話好，咁最終錯左，都只係你表達上出問題同埋我理解上出左問題，純粹誤會，真係有必要不斷罵人嗎!？今餐飯簡直食到一肚氣…查看更多

事源5點去買個下午茶17：08已出單，17：32先有得攞我只係叫咗兩個三文治加一個雪菜米線，咁都要半個鐘！！！其間堂食仲要係咁出出，後嚟入嘅堂食客同樣叫下午茶嘅都食咗一半！！！！有無攪錯！！！！最後仲要一啲歉意都無，話換場！咁你做唔切咪唔好接囉！！！！…查看更多

掛著 9 號風球，邨民擁到唯一開門的快餐店，廚房霖晒檔，外賣要等 45 分或以上，立即暫停接單。我堂食都等上 15 分鐘先有野飲，30 分鐘先有野食，明白諒解的。大媽師拉阿嬸阿叔正在鼓燥催三催四，人家冒住風雨返工招呼您、煮野您食，都唔去感恩，趕時間就返屋企自己煮食自己，正福街！食食下突然掛 10 號，急急食完趕返屋企先得，條街好可怕啊，巨風巨雨行都非常困難呢！差點行不到回家。天煞不環保！用膠軟管還不夠，連茶匙都用即棄膠？快餐店放置幾部電風扇，頗有大陸風格！被大量婆叔嬸伯包圍，感覺係老人院一齊開飯。半年都未必有一次的快餐店用膳，不可以少飯？落單阿嬸完全無回應，最後食剩半碟飯好浪費。居然快餐店會有大大張夠十位開飯檯，難得一見。凍檸樂，近來晚晚飲酒晚晚斷片朝朝要回魂曲。火腿通粉，終於有款熱辣辣食物給我，雞湯香濃不會水汪汪。腿絲無特別，室溫無煮淋滾湯，不能掩蓋有少少雪藏味，通粉結實有少少粉口。焗豆火腿太陽蛋雞扒，茄汁太咸了！要用大大舊雞扒沾上同吃才可減輕少少咸度。雞皮滑溜似蒸雞，白肉嫩嫩不乾硬，帶著陣陣雞甜味有質素，比大家樂大快活更美味，最敝溫度跌到幾乎室溫不夠熱，太陽蛋焗豆香草牛油厚多士亦同一情況，而且餐牌寫明係半熟溫泉蛋架喎！面前只係普通太陽蛋。蔥花蝦仁炒蛋藜麥飯，簡單的驚喜 5 粒星色香味四溢！連我抗拒的蔥花都一粒不漏通通接收。蔥花炒得全熟芬芳，沒半點腥嗅氣味。鑊氣沖沖，熱熱的炒蛋鮮嫩不老，蛋味醇美，金黃微焦香噴噴！爽滑蝦仁大大隻，咸鮮不濁不過火。各食材落味拿捏準確，達至黃金比例可口無敵。多多的蔥花蝦仁炒蛋，搭著少少藜麥飯，飯粒嚥韌飽滿，飯香十足齊齊入口！滿足幸福不停輸送，好味好味好味！…查看更多

繼續無煮家飯食而外出dinner的日子。同家姐2個近近地去咗天平邨間百分百餐廳。蔬菜是必須的，所以叫咗最穩陣的粉絲蝦米雜菜煲，勝在種類夠多、營養夠balance。西蘭花我好怕唔夠熟太硬，好彩今餐煮得夠冧，好易咬開同消化。另外係菜心主要係菜梗，都幾新鮮，熟度恰到好處。粉絲就略碎。呢個餐有白飯送👍🏻另外叫咗個榖飼牛肉炒讚岐手打烏冬，牛肉好多、好入味，值得一讚。最後兩個人係食唔晒👍🏻街坊餐廳黎講係抵既…查看更多

去個friend屋企打機，買個外賣出去食，見個湯飯幾special同幾healthy，所以拎$46試試。杞子花雕醉雞，味濃，好飲，啲雞肉OK，有娃娃菜都幾好，飯就偏乾，但整體還可以，下次可以reorder平靚正…查看更多

平時落黎食關下午茶，貪佢夠平又幾好食。今次黎試下佢個早餐，原來都唔錯，而且有幾多選擇。價錢都只係$35包埋飲品。咁今次我點既係醒晨扒餐系列：）點左雞扒同炒蛋，咁就補充多啲蛋白質喇，雞扒嫩滑啦味道又岩岩好，炒蛋本身都夠味。食完個早餐覺得都幾有營養另外，百分百個奶茶真係好好飲，又香又滑。如果可以用埋黑白淡奶個啲杯就好喇…查看更多

這是什麼午餐，蒸雞，淡而無味，雞好似煲完湯的湯渣一樣，乾同柴。只有冬茹有一點點菇味。飯又凍又硬。蒸餸並不是高難度菜，但可以用這質量推出給客人吃，廚師的心態是什麼。…查看更多