發記海鮮酒家

营业中

休息中

即興想去食海鮮，朋友揸車入咗布袋澳，車位很少揸車人士要注意。海鮮非常新鮮，我哋叫咗龍蝦、膏蟹、賴尿蝦、扇貝、聖子。薑蔥炒膏蟹非常香，勁多膏！龍蝦上湯伊麵，龍蝦非常肥美！椒鹽賴尿蝦亦非常之好味！由於當日落雨，同埋係星期一，加上疫情全場得幾台客，所以食得好舒服。

⋆⁺₊⋆.發記海鮮酒家..白灼蝦 / 🥨🥨🥨 /呢個白灼蝦就不過不失～算係幾新鮮.椒鹽鮮魷 / 🥨🥨/粉唔會話好厚！咬落都脆～但鮮魷味道較鹹😿.其實仲有叫其他小菜～不過就一般啦同唔太推介(´•༝•`)但如果想去食個環境～看下海咁食海鮮都可以去體驗吓！因為個邊幾乎冇乜人ㅋ（都有可能因為我當日去係平日啦～..［滿分5個🥨］...⌫ 發記海鮮酒家 (西貢)西貢清水灣布袋澳碼頭7號A舖.#西貢咔嚓#海鮮咔嚓

食海鮮其實冇乜要求主要係新鮮同埋鑊氣個人認為發記係兩樣嘢都做到超鍾意佢嘅豉椒炒蟶子 非常鮮甜賴尿蝦亦都超級大隻發記炒飯亦都係我非常推薦的粒粒分明 非常好味去到咁遠食都係冇令我失望🤤🙌🏻

第一次到布袋澳食海鮮餐。聽聞布袋澳無咁割客同比較老實，突然想食海鮮咁就揸車入去試下。（自己揸車入去無得免費泊車，停車入去要比20蚊小費，不過叫做無限時間）入去坐低就揀左小小海鮮，揀左一隻細既針墨、一隻奄仔蟹、花甲一份、花螺一斤。價錢屬於可接受既範圍。我諗係街市既三倍價錢，但係自己買又要揀，又要清洗海鮮，仲要煮都係工序黎，所以呢d錢值得比人賺既。豉油皇炒針墨針墨肉質爽彈有咬口，不過就無乜味，全靠個豉油皇去調味，個底有韮黃，為成道菜增色不少。豉椒炒花甲夠鑊氣，料頭爆得夠香，花甲係大size果種（係花甲！唔係蕃薯蜆），新鮮又鮮甜，而且每一粒都無沙，調味各樣配合得岩岩好，呢個必食呀！（出街食飯已經好耐都無食過好味既炒花甲）每一碟其實份量都ok個人覺得比起長洲、西貢既海鮮餐廳黎講，布袋澳既海鮮上枱至少係熱辣辣同份量係ok。辣酒煮花螺聞得出有玫瑰露酒既香，少少辣，其實佢個辣酒既味道幾特別。不過我地都係鐘意食返原味既花螺多小小。鹽焗奄仔蟹其實佢個烹調方法係好得，可惜隻蟹啲糕唔夠香。而蟹肉方面，啖啖肉，無泥味無噏味，食得出蟹肉應該有既甜味。食完可以係附近行個圈，吹下海風都幾舒服————————————

公司晚飯坐船去食，小弟第一次去布袋澳食海鮮，所以有期待。龍蝦伊麵 龍蝦肉冇味，個麵冇味，個茨汁冇味，成碟野 冇味薑蔥炒蟹 蟹係走過油嘅，炒得好香蒜蓉扇貝 （食得出不是養貝）濕潤新鮮鮑魚 蒸時間啱啱好果皮汁 好食上菜超級快快快快 快過頭，3-4分鐘上一道菜，有陣時一次上兩道菜，應接不暇食唔切啲食物凍哂都唔想食亦不會好食叉燒蔥蛋炒飯 捧上枱已經唔熱因為我特登即刻試食，冇味，其餘嘅都唔講蒸魚 凍咗所以我冇食去發記食海鮮，食出面個環境可以，環境同出品都乾淨企理，一次就夠註：出品冇落味精

布袋澳是食海鮮的另外一個選擇地方，但交通就不太方便，只有一架16號專線小巴由將軍澳前往。而揸車就比較方便，但車位非常之少，假日中午開始都通常擺晒路邊，冒著抄牌的風險。布袋澳沒有什麼好行的地方，食飽飽就離開，不及流浮山、西貢熱鬧，可以周圍行下，影相，買點東西。這只有兩間食肆，發記是其中一間， 亦都是最多人幫襯你一間。哈哈……有好多明星幫襯沒有冷氣的位置沒有人坐👇，中午天氣太熱，無冷氣真的食得唔暢快😅。這款雞腳好好味，而且都幾大隻，鍾意吮腳趾的，必食扇貝比較細隻，而且太多蒜蓉及粉絲，味道偏咸海鮮湯很鮮甜，不過天氣太熱，加上冷氣不足，飲完不停流汗。 咸魚雞粒炒飯就普普通通，多些少咸魚就正。腐乳生菜就有點扣分，嚟到上枱時已經變黃，但味道算ok。 紅燒豆腐好滑條杉班好靚，蒸的時間剛剛好，肉質很滑很鮮美。第一次食豉油王琵琶蝦，肉質很鮮甜，但琵琶蝦的肉不太多，煮得唔會太鹹剛剛好。白灼蝦ok。椒鹽鮮魷是用新鮮鮮魷。 豉椒炒蜆無沙d肉都大粒鹽焗奄仔蟹超正必食，當然要睇番季節性，剛好嗰日d蟹好大隻，又多膏，之前喺第二度食過的都無咁靚。最後食甜品，糖水店舖個名是另外一間的，在發記裏面，是一齊埋單。 綠豆沙必

海鮮檔即場揀左隻2 斤的新鮮龍蝦，配芝士伊面底。但一上枱，第一，點解2斤甘的份量？食慣海鮮的我哋，一睇就知，心中有數；第二，未食一夾，即刻有疑問，點解d龍蝦肉散散地？吾結實？再食，肉淋的，而且淡而無味，而不是彈牙爽口。第三，芝士汁，極淡，吾掛面，水汪汪的。伊面，少得可憐，以為食緊餸頭餸尾。再重點，伊面要「餵」上湯先有味，但好明顯只係求企烚完個面就甘上，無用上湯「餵」，伊面水汪汪又淡而無味，仲要吾「掛汁」，無乜芝士味，非常失望。一開始揀龍蝦時，店內男人已經話2 個人吾洗甘大隻龍蝦，話食龍蝦伊面已經飽，但我們就是為左食龍蝦面先來，所以寧願比貴啲都想滿足一下。但換來的係滿肚疑問：點解好似甘少肉？點解d肉新鮮檔會淋？點解個面無味只係這道龍蝦伊面，承惠$800最後，整體味道偏淡，我們亦叫左椒鹽鮮魷、扇貝⋯⋯😓😓一樣失望

在激熱的天氣下走完釣魚翁🎣⛰，最好就是到布袋澳吃海鮮🐟🦐🦀。由於太肚餓的關係，我們一到步就立即到魚缸點海鮮，最後點了以下菜色！🦑椒鹽鮮魷熱辣辣的椒鹽鮮魷很惹味，外脆內熱，實在炸得恰到好處，跟白飯🍚一起吃就更開胃了😋。😋扇貝蒸粉絲扇貝配合蒜蓉、粉絲、蔥、鼓油去蒸，美味又鮮味，而粉絲亦吸盡了整味菜的精華所在，令到粉絲變得相當入味😋。😚果皮蒸鮑魚這味菜是最遲送來的，事關它蒸得比較久。店員很貼心的為我們準備了牙簽，事關怕鮑魚黏住個殼。鮑魚很鮮味，亦充斥着果皮的香氣，加上鼓油就更鮮味😚！不得不讚這店的上菜速度超快，由下單、上菜、吃完都不用半小時，相當有效率！👍

2021 重大事情開放18:00 晚餐， 即刻駕車入布袋澳吃海鮮， 閒日晚上幾枱人， 可自選窗口位。 出去叫左扇貝，瀨尿蝦，聖子， 椒鹽鮮魷，炒麵。 聖子最好味， 瀨尿蝦自己唔走油， 出去食海鮮必叫， 好好味。 但我覺扇貝蒸老咗， 椒鹽鮮魷可以不叫。 其實海鮮就唔飽既；直到炒麵1到就飽晒。 如果炒麵炒得好， 就好好味， 有次黎炒到窿左， 今次剛好。 所以整餐都好滿意。 是日好飽， 搞到冇叫雞脚外賣添， 大致上這間野都ok, 唔洗only去西貢同鯉魚門。看吓風景， 行完山黎都唔錯。 提提： 而家泊車職員揾食艱難， 之前攞飛出黎是free的， 而家要比$20. 附餐牌比大家update. 吓

星期六的下午，短暫告別煩惱的工作，決定好好慰勞自己。跟朋友跑到西貢的一個海邊一角，欣賞漁村秀麗的風景，品嘗最愛的海鮮餐。這裡漁村較細小，無論餐廳或賣東西的店也不多，反而有種寧靜放鬆的感覺。餐廳相連碼頭，格局十分開揚，我們安排坐於窗戶旁，無阻隔地望著靚海景，享受溫暖的冬日陽光，品嚐美味午餐。 餐廳地方寬闊，在偏遠的漁村土地問題沒那麼緊張吧。還有很多水缸飼養著海鮮，保持新鮮，有些是巨大型的。白灼海蝦原汁原味的鮮蝦直接放進清水裏煮食, 保持其鮮、甜、嫩的原味, 然後將蝦剝殼蘸醬汁，鮮甜又香滑，蝦頭的膏也很香濃，新鮮的味道就是這麼簡單。豉椒炒蟶子蟶子比我們想像的大，開邊起肉清內臟，完全沒有沙粒，啖啖肉滿滿的幸福，爽脆鮮甜。豆豉的香味加上燈籠椒的甜味，帶出蟶子的鮮甜味，惹味非常，有鑊氣。蒜蓉粉絲蒸扇貝粉絲入味軟身，蒜蓉十分香口惹味，底下的扇貝原來十分巨型，平常很少吃到，街市也少見，餐廳掌握時間蒸得剛好，鮮嫩彈牙，將扇貝鮮甜味道和口感發揮到最佳，沒有浪費這優質的食材。椒鹽鮮魷惹味的椒鹽沾上薄薄的炸槳配合爽口彈牙的鮮魷，酥化而不油膩，送酒佳品。鮮魷切件略嫌較細小，如果大件一點口感更佳。沙薑雞腳選用外

星期日的假期，去西貢遠足行吓山，呼吸吓新鮮空氣，需然都係要帶住個口罩😷，但郊外空氣清新大自然，比自己假期的一個寧靜舒適😊—————————行到三四點，有D攰，當然又去醫吓肚仔，係路口見到大大個招牌發記，咁就當然就行入去搵嘢食，睇似門口細細，原來入到去好大，而且仲好大自然fee，l真係背山面海既環境下，認真涼快的享受美味的海鮮😋😋————————-🟥果皮蒸鮑魚：我的至愛😍😍⋯⋯又大隻又新鮮、彈牙又鮮甜，果皮蒸得又夠香又不會影響其鮮甜的味道👍——————🟨椒鹽賴尿蝦：又香口又嫩滑的肉質，吃落肉甜彈口的好味道，就知幾咁新鮮😍——————-🟩豉椒炒花甲：肉甜又新鮮，炒得又夠香，時間又剛剛好，好甜的花甲😋———————🟫豆豉鯪魚油麥菜：好有配搭的豆豉鯪魚油麥菜，菜爽甜… (short short)脆的滋味——————🟪豉油王銀芽炒麵：味道適中，銀芽爽口，吃落麵質的帶煙靭彈牙，確實不錯👌幾百元就食到咁新鮮既海鮮➕飽飽=開心———————-開心🥳⋯⋯就係咁簡單

難得週末天氣好☀️，與家人出外走走，黎到布袋澳食海鮮，喺新都城樓下有小巴，不過30分鐘一班，真係等到傻🤓為左食......要俾d耐性😜海膽炒飯$250依個炒飯唔係成日有得食，而且係季節性，今次好好彩，最後一份有口福了🤤海膽份量足，炒飯底讚，金黃色，一d都唔多油，而且d飯粒好乾身一粒粒的，海膽加埋炒蛋同蔥花，好好味呀😋😋炒蟶子仔(例牌)$160老闆話蟶子皇無貨，今次轉食蟶子仔，鼓椒炒。例牌份量勁大碟，雖然係蟶子仔，但肥大脹卜卜，又無沙👍椒鹽賴尿蝦 $5xx點了3隻，一開二，椒鹽烹調真係無得輸，惹味又鮮味，正斗！蒜蓉粉絲蒸扇貝、貴妃蚌雖說兩款都係蒜蓉蒸，小妹一家都比較鍾意原汁原味，新鮮鮮甜。是次貴妃蚌較為肥大厚肉，海鮮既甜味加埋蒜蓉出既油，跟粉絲伴著起，真係會飽😂烚花螺叫了例牌，又係大大碟，花螺好新鮮，混合甜醬辣醬一齊食，特別好食鹽水雞半隻海鮮以外，試下小菜，雞唔算大隻，不過鹽水煮得好入味，雞肉又嫩滑，就咁食會覺得有d咸添今餐6個人，消費共$20xx，完全對辦👍

週末走到布袋澳逛逛，嚟到梗係要食海鮮啦，今次都係去發記海鮮酒家👍🏻今日舖頭人唔多，我哋揀咗靠窗嘅位置，之後走到餐廳門口嘅魚缸揀海鮮👀，🐟🦞🦐🦀🦑🐙好多海鲜款式👍🏻我哋叫咗芝士上湯焗龍蝦🦞伊麵底、蒜蓉粉絲蒸貴妃蚌、蒜蓉粉絲蒸扇貝、豉椒炒蜆、腐乳炒通菜同煲魚湯😋其實款款海鮮都好新鮮，煮得好味👍🏻。今次唯獨是個魚🐟湯比白菜嘅味道蓋過魚嘅鮮味😅，略嫌清淡咗d，有d失望😥不過喜歡食海鮮嘅我，真係大滿足😋👍🏻

今日大食妹同屋企人去咗布袋澳郊遊, 到左晏就時段當然要去附近食海鮮今次媽子帶咗大食妹嚟呢間發記, 聽佢每次去布袋澳都會嚟呢間食海鮮<椒鹽瀨尿蝦>媽子係counter揀咗幾隻生猛嘅瀨尿蝦瀨尿蝦鮮甜肥美, 蟹膏飽滿, 用椒鹽調味, 食落非常惹味<白灼基圍蝦>因為當日嘅蟹未至於上上等, 所以媽子就揀咗白灼基圍蝦蝦肉鮮甜彈牙, 係食得出嘅鮮味<紅燒豆腐>老豆就揀咗紅燒豆腐, 呢度嘅豆腐好水嫩, 口感好似玉子豆腐<椒鹽骨>因為大食妹對海鮮有少少敏感, 唔可以食多 屋企人就嗌咗份椒鹽骨畀大食妹送飯啦相對海鮮, 椒鹽骨反而冇咁好食, 但份量 幾大<蛋白炒飯>雖然去到布袋澳最主要嘅目的就係去食海鮮, 但係點樣都一定要食返啲主食大食妹就揀咗份蛋白炒飯炒飯好有鑊氣, 但係又唔會好油膩, 米飯粒粒分明, 蛋白同青蔥嘅量都好多<蜆湯>最後我哋再飲埋蜆湯, 湯底清甜, 同樣有好多嘅豆腐同埋蜆咁啱嗰日落雨, 天氣有啲涼, －碗落肚瞬間好暖和食咗咁多嘢, 埋單都唔洗千五蚊, 又有得食海鮮, 水準又唔錯, 推介大家過嚟試下

由於有個手足就黎結婚，所以一齊食左個晚餐慶祝暨傾準備婚禮事宜，所以去左間平日靜靜地嘅酒家食好西。個環境就係大牌檔黎嘅，但就係海邊，可以出去吹海風，雖然凍但好舒服。蒸扇貝，好身鮮，啲元貝肉好滑又好有彈性，完全無蒸過龍。不過蒜蓉就鹹左啲，粉絲太碎，唔多好。豉汁炒蜆，啲蜆無砂，處理得好好。蜆肉鮮甜，豉汁唔太鹹，好好食，送啤酒一流。豉汁炒蟶子，鮮甜彈口，炒得好好，無過老好易咬。都係送酒一流。墨魚兩食。個身就做刺身，啲腳就炸。其身刺身係無味，但啲墨魚有咬口，好爽彈，好食過好多日本餐廳，因為新鮮啊嘛。炸墨魚呢，因為食左幾輪正野佢先出場，唔評論，對佢唔公平。仲叫左啲油菜同炒飯，好普通。