瘋糖

睇完食評覺得唔錯嚟試下，平日夜晚冇咩客人。鋪頭得老闆+🐶+佢嘅朋友+老闆娘係廚房忙緊。鋪頭長期一陣雪茄好臭🌚同埋隻狗係度吠好嘈🌚入嚟到坐低都冇人招呼，餐牌都要隔離枱自己攞，坐左一陣老闆娘先嚟問我地食咩，重要每人最少嗌一樣甜品。野食係好食嘅，但係服務環境真係0️⃣分。個老闆完全唔會幫手招呼，落單，埋單，係鋪頭呼吸，唔專重客人，難怪冇客，真係倒自己米。唔會再嚟😟強烈建議想食嘅你地諗清楚先好入去😟…查看更多

喺附近食完嘢，見附近呢間甜品仲有得外賣平台自取，就叫咗兩碗糖水試吓❤️✨楊枝甘露芒果好足料，好香嘅芒果味，芒果好甜，一啲都唔酸，好快就令人食晒成碗🤤✨三式芋圓椰椰芋圓好煙韌，感覺似係人手搓，同坊間現成嘅芋圓有啲唔同，椰椰好重椰子味，整體唔錯🤤🤤餐廳環境感覺唔錯，但由於我係外賣，所以唔評價太多，呢個價錢嚟講，餐廳算係高質，揸車經開嘅話都會嚟食下，唔想等嘅話可以外賣平台落定單先🤤🤤…查看更多

前日放假經過一間糖水舖 見門口裝修十分美麗。就入左去。叫左個楊枝甘露 榴蓮班戟。賣相十分吸引。食得出係自家製。 一問之下 原來師傅做左糖水已經有10幾年。食得出真材實料。下次有機會會再黎…查看更多

夜麻麻口痕想食糖水，但又唔想落街買～今晚叫甜品外賣，咁就點中「瘋糖」～價錢唔平㗎，最多唔好食咪冇下次lor~「🧉桃花椰椰」真心好食😋椰香味濃一打開亦都見到好足料！佢啲桃膠唔係比cheap野，粒粒都勁大粒～超靚嘅琥珀色明顯冇乜雜質，口感好軟彈👍🏻底層就有白色嘅椰汁奶凍同透明嘅椰青凍～都係好軟滑，好清甜，值得再encore~「🥭招牌楊枝甘露」🫣年中叫外賣都唔知中左幾多次伏⋯長沙灣深水埗明明好多甜品舖都有～但好多時唔係稀如水，就芒果唔好食～佢地呢間我覺得不過不失～個芒果醬底係杰嘅，都香芒果味～但就似芒果西米露多啲，柚味就冇乜喇～…查看更多

三色芋圓椰椰係成個椰皇上嘅 入面有好香嘅椰汁 芋圓芋圓煙煙韌韌夠唒甜 幾好食 份量都幾多招牌芒果河粉幾出色 芒果汁底好甜 帶少少酸味 河粉好滑溜 再加埋啲西米增添口感 真係幾好食喎…查看更多

仲衰過自己開粉沖芝麻糊真係水到爆超級稀果種係用七成水沖三成粉救命點擺落口 一啖都唔想再食咁都叫糖水舖仲生存到佩服⋯⋯下次見無人食就知咩事希望大家唔好食 比錢買難受心情都差埋六十幾蚊買教訓裝修幾靚都無用伏到爆哂燈好後悔等咗佢5分鐘先問我食咩之前唔走呢個經驗實在太差唔夠膽再食基本嘢都咁難食其他嘢再貴啲我真係唔夠膽俾錢食我唔敢想像其他嘢可以有幾好味去令到我再食 同埋俾錢去食其他所謂特別啲嘅嘢食完全冇進步嘅空間🙂…查看更多

附近唔多糖水舖，屋企人想試呢間，咁就行入去試吓°門口有人食緊雪茄 ，舖頭入面客人同店員都唔多。冇人招呼可以坐邊，我哋就揀咗近門口嘅嗰台，但我哋揀得唔係幾好 ，全程都聞到嗰浸雪茄味。我哋睇餐牌係有啲慢嘅，坐低大約5至10分鐘左右，就有一個好似老闆娘嘅人問我哋：「你哋睇完未？落得單未？」可能佢就冇咩惡意嘅，但我坐喺度聽到呢兩句，觀感都幾差。屋企人揀咗原本個甜品係有雪糕嘅，但雪糕得一隻味，咁就睇多一睇揀第二隻。呢個時候老闆娘有同我哋介紹佢舖頭嘅甜品芒果同榴槤都係招牌，呢點覺得幾好，雖然語氣同態度依然普通。咁我哋等緊甜品嚟嘅時候，後邊有一台客人離開。佢哋應該係熟客或者同鄉，同老闆娘可以傾偈有講有笑，原來老闆娘識正常講嘢。甜品好快上到，份量就普通正常，食完飯食都可以食得晒。芒果河粉啲河粉都幾似椰青嘅肉，芒果普通唔甜唔酸，西米冇乜口感，湯底/果汁冇乜味。蝦餅炸得有啲過咗龍，但中間都唔係唔香脆。生果涼粉生果普通冇特別甜但都唔酸，涼粉唔多味道都幾普通，喺超級市場買一盒嗰啲差唔多，普通一個飯碗嘅份量。食食吓聽到有背景音樂但電視冇開，屋企人講咗下，個電視就開返，呢點幾貼心。（p.s.電視係播緊CCTV歌唱節目）建議大家諗清楚先入去…查看更多

自從COVID-19之後 都好耐冇食過糖水喇😐係花墟行完花市之後 就去咗依間試吓細細間 出面有個坐位 都幾chill不過咁夜又凍 都係坐返室內好d我哋叫咗signature嘅白馬王子,瘋糖芒果河粉,仲有芋圓椰椰…白馬王子：係榴連！my favourite🤣 好濃榴連味 事後覺得幾甜不過好極端…d人一係就好鐘意榴連🤣一係就勁討厭隻味瘋糖芒果河粉：個樣整得好似一碗河粉😬味道ok, D粉彈口 如果椰子味重d就更好芋圓椰椰：天氣凍 熱食正 燉奶好滑好滋潤…查看更多

第一次吃瘋糖的甜品，是幾個月前的凌晨一點幾，打開某外賣app, 見到這間在太子的甜品店，好多我至愛的榴蓮甜品，圖片看上來也很吸引，馬上點了榴蓮椰椰與炒腸粉。一食便愛上！榴蓮香滑，份量多，甜品與小食都好正。叫過幾次外賣之後，我有晚收工後，專程帶朋友到瘋糖食，原來環境都唔唔錯，仲要係開到凌晨兩點幾！出品一如既往咁yummy.榴蓮甜品種類多，榴蓮控首選甜品店😍😍😍。我係懶人，但都忍唔住寫個食評，五星推薦💕。…查看更多

本來見間嘢新新地，所以試下，非常後悔。本來一入去落單態度已經好差，糖水嚟左賣相差而且唔好食，難以接受所以朋友即刻開openrice睇下，個老闆娘見到竟然係問我地係咪寫緊負評（心諗其實點解你已經會覺得係負唔係正），更直當我地面接同同場嘅「朋友/同事」講，並指係我地食唔慣⋯⋯⋯⋯其實貴又唔好食無所謂，但態度差到俾錢受佢氣⋯⋯…查看更多

三五知己諗住食糖水！食完楊枝甘露想不到這裏有1664生啤同BBQ食！叫咗一桶生啤同BBQ！估唔到甜品屋嘅BBQ咁好味強烈推薦鹽燒牛脷同雜菜蝦卷一定會再次大朋友過嚟🍺🍺！…查看更多

經過太子糖水鋪多 但如果計環境舒服 內外裝修 我諗呢間瘋糖算係數一數二 入到去叫左個 榴槤可粉 好好味 食得出係新人手製作冇加任何添加劑 之後再叫咗個薑汁湯圓 個薑汁湯圓 好夠薑味 問老闆先知道原來湯圓係 純人手製作。 之後再叫咗杯白苦瓜汁 白苦瓜汁出面不是經常有 飲起來甜度適中十分健康 但由於本身唔係好鍾意影相所以好多甜品都冇影到 如果下次再嚟太子一定會再嚟試呢一間瘋糖 埋單都唔算貴 兩個人百幾蚊 同埋佢哋最好就係居然有啤酒串燒可以叫…查看更多

突然心血來潮經過一間糖水鋪 叫瘋糖 直接入去試 甜品生果十分新鮮 食得出係純人手制造 比出面既好食好多 環境舒服 最重要唔會好似其他糖水鋪咁冷氣開到大一大 趕你走咁 值得一試 價錢合理…查看更多

本來沒打算寫這篇食評 但這一幕真的太驚人 所以寫下本人親眼目睹老闆把掉到枱上的芒果🥭用手+湯匙回芒果冰沙中，非常慳儉！至於環境是合格的，坐位闊落服務普通，老闆娘態度算合格，老細則在旁邊大聲播片，有點騷擾問心部份食品OK桃花椰椰$72好食既，桃膠份量都幾多，但係就冇剪開變一大舊，椰汁奶凍都幾甜，口感軟滑都幾好芒果椰汁黑糯米$48芒果清甜都算還可以，黑糯米有點過稔，椰汁稀到好似水咁，其實一包椰漿都算平吧⋯⋯雜果涼粉$52生果跟涼粉的質素都算正常，入口爽脆也沒有死甜👌食到神聖芒果的一台客至於以桌子調味的芒果有無發生在我們的甜品上，我們就不知道了另外，店內有蚊，不過其實天氣熱所以很普遍…查看更多

經過好多次，成日被佢嘅門面吸引。終於有次同朋友去咗食，入到去無咩人，叫咗楊枝甘露，化學味，芒果唔新鮮。鋪頭氣氛好差，同事好似唔想做，好唔滿意咁，d歌唔好聽，好老土，同門面格格不入。…查看更多