瘋糖

睇完食评觉得唔错嚟试下，平日夜晚冇咩客人。铺头得老板+🐶+佢嘅朋友+老板娘系厨房忙紧。铺头长期一阵雪茄好臭🌚同埋只狗系度吠好嘈🌚入嚟到坐低都冇人招呼，餐牌都要隔离枱自己攞，坐左一阵老板娘先嚟问我地食咩，重要每人最少嗌一样甜品。野食系好食嘅，但系服务环境真系0️⃣分。个老板完全唔会帮手招呼，落单，埋单，系铺头呼吸，唔专重客人，难怪冇客，真系倒自己米。唔会再嚟😟强烈建议想食嘅你地谂清楚先好入去😟…查看更多

喺附近食完嘢，见附近呢间甜品仲有得外卖平台自取，就叫咗两碗糖水试吓❤️✨杨枝甘露芒果好足料，好香嘅芒果味，芒果好甜，一啲都唔酸，好快就令人食晒成碗🤤✨三式芋圆椰椰芋圆好烟韧，感觉似系人手搓，同坊间现成嘅芋圆有啲唔同，椰椰好重椰子味，整体唔错🤤🤤餐厅环境感觉唔错，但由于我系外卖，所以唔评价太多，呢个价钱嚟讲，餐厅算系高质，揸车经开嘅话都会嚟食下，唔想等嘅话可以外卖平台落定单先🤤🤤…查看更多

前日放假经过一间糖水舖 见门口装修十分美丽。就入左去。叫左个杨枝甘露 榴莲班戟。卖相十分吸引。食得出系自家制。 一问之下 原来师傅做左糖水已经有10几年。食得出真材实料。下次有机会会再黎…查看更多

夜麻麻口痕想食糖水，但又唔想落街买～今晚叫甜品外卖，咁就点中「疯糖」～价钱唔平㗎，最多唔好食咪冇下次lor~「🧉桃花椰椰」真心好食😋椰香味浓一打开亦都见到好足料！佢啲桃胶唔系比cheap野，粒粒都劲大粒～超靓嘅琥珀色明显冇乜杂质，口感好软弹👍🏻底层就有白色嘅椰汁奶冻同透明嘅椰青冻～都系好软滑，好清甜，值得再encore~「🥭招牌杨枝甘露」🫣年中叫外卖都唔知中左几多次伏⋯长沙湾深水埗明明好多甜品舖都有～但好多时唔系稀如水，就芒果唔好食～佢地呢间我觉得不过不失～个芒果酱底系杰嘅，都香芒果味～但就似芒果西米露多啲，柚味就冇乜喇～…查看更多

三色芋圆椰椰系成个椰皇上嘅 入面有好香嘅椰汁 芋圆芋圆烟烟韧韧够唒甜 几好食 份量都几多招牌芒果河粉几出色 芒果汁底好甜 带少少酸味 河粉好滑溜 再加埋啲西米增添口感 真系几好食㖞…查看更多